في مستشفى الأمراض النفسية(بالهجة الجزائرية)

💟 الحلقة 47 💟

جيش القراء راني جيييت المهم أسمحولي طولت عليكم البارت كنت راح نهبطوا قبل نهارين أما تعرفوا رمضان كيفاه 😁😁 .... صحا رمضانكم
.
.
لحق جود على رنيم و شافها قاعدة في الدروج قعد جنبها
جود : شبيها حبيبتي الزوينة
رنيم : والو 😞
جود : أووف أووف والله حزينة صح هيا أحكي
رنيم : جود قولي مانقدرش نخلي الطفل في كرشي 😞
جود : 😂😂 وعلاه
رنيم : ماتضحكش 😑 هذيك زهرة و إبتهال قالو بلي لولادة توجع
جود : ماتخافيش حاجة ماتوجعك و أنا معاك
رنيم : مممم
جود : هيا أضحكي
رنيم : 😇
جود : صحيتي ... ما جعتيش !؟!
رنيم : متت من الجوع 😁
وقفوا و خرجوا راحو لمطعم و رنيم بدات تطلب محسوب طلبت كلشي 😂
جود : راح توكلي هذا كامل واقيل
رنيم : وعلاه لا ... حسدتيني حتى في الماكلة 😒
جود : خلاص ما قلت والو 😁
كانوا ياكلوا حتى صونا تيليفون
رنيم: هذي غالية .... آلو حبيبتي
غالية : وي لعمر لباس
رنيم : الحمدلله إيه زهرة أختي ولدت
غالية : يااا ... مبروك عليكم وش جابت
رنيم : جابت طفل يهبل 😁
غالية : إيه بصح ماشي مزال شهرين على ولادتها
رنيم : وي وي
غالية : المهم رانا خارجين لعشية نسهروا إذا تجي أنتي و جود
رنيم : نسقسي جود و نقلك .... جود راح يسهروا لعشية نخرجوا معاهم 😘
جود : لا ماكانش خرجة الليلة
رنيم : وعلاه 😞
جود : خلاص خلاص أما مانيش رايح معاك
رنيم : أوكي 😁
كملوا الماكلة خلصوا و راحوا لدار ... لقاو إبتهال روحت و معاها قاسم
قاسم : أهلا وين كنتوا
رنيم : غير هنا كنا نتغدوا
إبتهال : رنيم جهزي روحك 😁
رنيم : وعلاه !!
إبتهال : رايحين للريف 😁
جود : شكون رايح ... و وقتاه ... و وعلاه
إبتهال : أنا و ماما و رنيم و أنت
جود : ااا لا أنا مانقدرش عندي خدمة و رنيم ماتحملش سخانة لي هنا غير زيد تديها للريف ... أصلا و علاه مايروحش معاكم قاسم
قاسم : لا أنا غدوة نلحق مع بابا
جود : وعلاه هذا كامل
قاسم : عرس بنت عمتك زيد قول ماشي لازم نروحوا
رنيم : 😁😁 أنا نروح
جود : أنتي ماتصدقي يقولوا رايحين
رنيم : 😒 راني رايحة لبيتي
طلعت رنيم و قاسم و إبتهال شافوا مع جود
إبتهال : مهبول أنت وعلاه قلتيلها هكا
جود : كنت نڨسر برك تعرفني مانقدر نقولها والو على حتى حاجة
قاسم : كان قلتي لا و ما حكيتيش معاها هكاك
جود : و أنا وش قلت
إبتهال : إيه ماعرفتيش روحك وش قلتي ماكش تشوف فيها عندها تقلبات مزاجية
جود : و أنا وين علابالي
قاسم : خلاص روح أطلب السماح منها و نظموا حوايجكم بعد ساعة لازم تروحوا
طلع جود لعندها و شافها قاعدة في الأرض و تبكي .... راح لعندها
جود : ششش ماتبكيش
رنيم : أبعدني نحي يدك عليا 😭
جود : هيا ا حبيبتي ماتقلقيش مني والله غير كنت نڨسر
رنيم : خليني وحدي مانحبش نحكي 😭
بقات تحكي و تبكي
جود : صحا خلاص مانقدرش نشوفك تبكي .... ندير لي تحبيها المهم أضحكي
رنيم : حتى هذي صعيبة عليك غير عنقني 😭
جود عنقها وبقا يسكت فيها
جود : نوعدك كامل مانزيدش نحكي معاك هكاك
رنيم : نقلك ماعلاباليش أصلا وعلاه كنت نبكي😁 هكا جاتني في بالي نبكي 😅
جود : 😂😂 هيا نوضي جهزي روحك باه تروحي تتحرقي عند عمتي
رنيم : 😁 أوكي 😘😘⁦
فاتت الساعة و راحوا بعد ما رنيم هزت نص قشها و قش جود تحسب راح يبدلوا السكنة 😂😂 .... وصلوا لدار عمتوا كانت دار كبيرة تهبل .... و لقاو رجال برا يديروا في تجهيزات تاع لعرس هبطت إبتهال و جواد و أم جود و جود راح يعاون الرجال أما رنيم قعدت في لوطو تتبرد و تتفرج عليهم كيفاه يجهزوا حتى طبطبت عليها مرا كبيرة
رنيم : وي تفضلي
عليا : أنا عليا عمة جود
فتحت رنيم الباب و هبطت سلمت عليها
رنيم : و أنا رنيم مرتوا
عليا : إيه ماشاء الله راكي حامل
رنيم : وي الشهر الخامس
عليا : هيا بنتي أدخلي معايا أرتاحي شويا ولا ماعجبتكش الدار
رنيم : لا وعلاه دارك تهبل أما كنت نتفرج على التجهيزات
شافهم جود يحكوا و راح لعندهم .... سلم على عمتوا و وقف ورا رنيم
جود : وش تعرفتوا خلاص 😁
عليا : إيه تعرفنا أما مرتك ماحبتش تدخل لدار 😑
جود : ياااا وعلاه
رنيم : كنت نستنى فيك 😘
عليا : صحا خلاص أدخل حتى أنت
جود : أوكي
هز جود حوايجهم من الطونوبيل و قفلها و دخلوا ... وصلتهم عليا للبيت
عليا : بنتي رنيم هذي بيتك أنتي و إبتهال
جود : عمتي ماتڨسريش و أنا وين نرقد الدار واسعة الله يبارك ماقدرتيش تخليني نرقد مع مرتي
رنيم : جود عيب خلاص أحشم 😓
عليا : جود أنت عزيز عندي صح أما مهما تحاول ما راحش ترقد هنا
جود : و وين نرقد
عليا : كيما الدراري كامل ترقد في الخيمة لكبيرة
رنيم : 😝😝😁
جود : أوكي أصبري برك 😉
دخل جود للبيت بدل قشوا و خرج باه يعاونهم و رنيم راحت لبست غوب قصيرة و خفيفة و كانت راح ترقد حتى دخلت إبتهال و في يدها جواد 
إبتهال : رنيم أختي معليش ترقدي جواد معاك
رنيم : باينة هذي ... هيا عندي حبيبي 😘
رقدت رنيم و ناضت غير على الخمسة على صوت إبتهال
إبتهال : رنيم ... رنيم
رنيم : وي وش كاين
إبتهال : نوضي واش راح تفوتي الوقت كامل نوم
رنيم : 😁 راني نايضة وش كاين
إبتهال : هيا بدلي قشك و أرواحي نخرجوا نشموا شوية هوا
رنيم : أوكي .... Mais وش نلبس
إبتهال : ألبسي جبة و خلاص
رنيم : أوكي
لبست رنيم جبة حمرة تحت الركبة و صدرها باين شويا ... خرجت مع إبتهال و معاهم جواد و راحو يمشو في لحشيش
رنيم : وش رايك جاتني باهية
إبتهال : خموس عليك لي تلبسي يخرج عليك
رنيم : يا عمري 😁😍
شافوا حجرة راحو قعدوا فيها و بقاو يحكوا و يتفرجوا على جواد و هو يلعب .... فات الوقت و راحوا لدار وقت وصلوا كان جود واقف مع دراري يقربو ليه
طفل : شكون لبنات هذوك
جود : وين
طفل : هذوك لي جايين جيهة الدار
شافهم جود و شاف لبسة رنيم ماعجبوش الحال .... راح لعندها و حكمها من يدها
جود : رنيم أرواحي معايا
جرها بعيد على الناس
جود : شبيك أنتي هبلتي وقيل
رنيم : وعلاه وش عملت أنا
جود : لا ما عملتي والو برك لابسة جبة حمرة و قصيرة و ضيقة و صدرك كامل يتبان
رنيم : 😧 شبيك تحكي معايا هكا
جود : على خاطر زودتيها ماشي مين خليتك على راحتك تخرجي بلبسة كيما هذي
رنيم : 😭
جود : إيه و أنتي في وش شاطرة بخلاف لبكا ديري رايك و إذا عليت صوتي عليك تبداي تبكي و أنا نسكت المرة الجاية نلقاك مع راجل ماشي خير
رنيم(ضرباتوا بكف) : خلاص هنا و تقدر تسكت ماتحكيش معايا هكا و إذا راك شاك فيا غير خليني نروح في حالي 😭
جود (عنقها): أوووف خلاص ماقصدتش والو 😞
و رنيم كانت غير تبعد فيه عليها أما هو ماطلقهاش حتى هدات
.
.
.
يتبع 😂😂
وش رايكم هيا شويا دعم ماتقروش و تخرجوا عندي حلم و حبيت نحققوا و نشالله ننجح و نوصل و شكرا ليكم على كل حاجة شكرا لناس لي دعمتني و شكر أكبر لناس لي قالت ماعندي وين نوصل ليوم وصلت ندير جيش يوقف ورايا و هذي حاجة ماقدروش هوما يديروها ❤❤
المهم لي عندها قصة و تحب ندعمها راني هنا أبعثي قصتك في الخاص
Peace 💪💪