في مستشفى الأمراض النفسية(بالهجة الجزائرية)

💟 الحلقة 35 💟

(وحدث مالم يكن في الحسبان و لا كان في الحسبان والله ماعلابالي 😂😂 المهم فيها ذراري 😂)
طلع النهار تقريبا راهي ل 10 تاع الصباح
جود : رنيم نوضي
رنيم : ششش خليني نرقد
جود : هيا نوضي برك ا حبيبي وش نوم هذا كامل
رنيم : ااااا خليني برك
جود : رنيم اكي حابة تعاودي لماتش تاع البارح وقيل 😂😂
رنيم : جود خليني 5 دقايق و نوضني أوكي
راااح هزها بيها بالغطا
رنيم : اااا جود وش راك دير هبطني
جود : ماكانش 5 دقايق
داها للدوش و هبطها و هي بقات حاكمة لغطا
جود : راني هابط نجيبلك لفطور و نجي ا ڨلبي
رنيم : صحا روح
دوشت و خرجت ب sortie de bain قصير لقات لفطور فوق الطابلة و البالكون مفتوح ... كانت تعيط عليه و تجبد في قشها
رنيم : جووود حبوبي وينك
دخل جود و ماحستش بيه غير وقت دور يديه على خصرها و حط راسو في رقبتها ضربتها الرعشة من راسها لرجليها ( 😂😂 تريسيتي 1200v)
جود : ني جيييت .... وعلاه ماقفلتيش باب البالكون ا حبيبي زيد تمرضي
رنيم : نورمال
جود : لا مااشي نورمال نخاف عليك😘😘
رنيم (بصوت خفيف): ممم لبارح ماخفتيش عليا حتى المشية تلفتلي الله لاتربحك 😒
جود : ماسمعتش وش قلتي
رنيم : والو ... جعت برك 😝
و راحت تمشي بسييف 😂
جود : 😂😂 شبييك تلفتلك لمشية
رنيم : ماتضحكش 😝😝
جود : أنا ضحكتني 😂
كملوا فطروا
رنيم : أخرج عليا خلي نبدل قشي
جود : لاااا مانخرجش مانيش خارج ليوم نبقا غير معاك
رنيم : بلاك رااااك حاسب راح نخليك دير كيما لبااارح
جود : ههههه وعلاه لا
رنيم : لا غير أنسى تقول كنت في الحرب ماشي كنت راقدة
جود : هههه نن ياك أنتي قلتي نحب طفل
راحت تبدل في دوش و خلاتوا
جود : رنييييم
رنيم : وش كااين
جود : سمحيلي
رنيم : وعلاااه
جود : على خاطر وجعتك و زيد ضحكت على مشيتك
رنيم : وي أما راح نجيب غير طفل وااحد كي ولاااات كيما هكا 😀
جود : لااا أنا نحب 10 ذراري
رنيم : ناناك 😂
كملت رنيم بدلت و خرجت لقات جود مبدل و ريحتوا تضرب من بعيييد
رنيم : خييير يا طير لوين رايح
جود : رايح للخدمة وين يعني 😁
رنيم : إيه و الخدمة يلزمها لبسة شيك و 2 ليترات ريحة
جود : ههههه غيارة
رنيم : وي سميني وش تحب المهم مانيش قابلة تروح تخدم كيما هكا
جود : رنيم أنا مانيش كيما الباقي أنا مدير الشركة و عندي بيرو وحدي وحدة ماتشوفني غير بعد ماتحكي مع السكرتيرة
رنيم : و زيد سكرتيرة ..... مليحة هذي نقلك أنا اليوم نروح معاك
جود : وين تروحي
رنيم : لشركة
جود : لا ماكانش روحا حتى لبلاصة ياك الصباح برك كنتي تتوجعي و حتى المشية تالفتلك
رنيم : جووود خليني نجي معاك هيا ربي يخليك هيا ... هيا... هيا
جود : أوووف أوكي هيا
رنيم : أوكي نلبس قشات شابين و نجي
جود : وعلاه راكي رايحة لعرس
طفاتوا و راحت بدلت و هبطت لقتهم كامل لتحت يفكروا
رنيم : صباح الخير 😁
كامل : صباح النور
إبتهال : 😂😂 رنيم شبيك تمشي كي البطريق (علابالها بالحكاية)
رنيم : ممممم من بعد إبتهال من بعد
إبتهال : أوكي عمري 😘😁
رنيم : قاسم طلع شكون راه جايكم للشركة اليوم
قاسم : شكون هذا لي راح يخرج من راحة البال و يجي يقلق روحوا عندنا
رنيم : 😀 تسما علابالك و راك حاب تقنعني .... والو مافيهاش راني جاية
كملوا فطروا و خرجوا
إبتهال : رنيم وش رايك من بعد نفوت عليك أنا و جواد نخرجوا نفطروا و تحكيلي
رنيم : أوكي 😁 باااي ... طولي شويا😅😂
وصلوا لشركة (بابات جود مابقاش يروح لشركة ياسر ولادوا هما لي قايمين بالخدمة) ... راح جود للبيرو و كان يضحك مع رنيم و واحد ماعارف شكون الطفلة لي معاه
السكرتيرة : صباح الخير سيد جود
جود : صباح النور 😇
السكرتيرة : عندك موعد اليوم مع شركة سيد زاهر
جود : وي وقتاه
السكرتيرة : على ل 11
دخل جود و معاه رنيم لي راحت تجري قعدت في الكرسي تاعو
جود : 😂 وش ديري نوضي خلي نخدم
رنيم : أرواح حط كرسي جنبي و أخدم
جود : 😁 أوكي
راح قعد جنبها و بدا يخدم و هي غير تسقسي فيه
جود : واش الأسئلة هاذو كامل 😂
رنيم : إيه لازم ياك أنا كي نجيب طفل أنت تقعد في الدار و أنا نجي نخدم في بلاصتك
جود : 😂 صح أنتي قرايتك ما قريتيهاش و حابة تخدمي في بلاصتي
رنيم : جود قلي شبيييه عمر
جود : واش شبييه
رنيم : نضت صباح و لقيتوا باعث شحال من ميساج يطلب في السماح
جود : وأنتي وش قلتي
رنيم : سكتت ماقلت والو على خاطر ماعرفتش و علاه يطلب في السماح !!
جود حكا ليها لحكاية كاملة
رنيم : تحب تقول أنو أنا سكرت
.
.
.
يتبع 😂
كاين أحداث رائعة مستقبلا .... رنيم راح يجوها زوج إختيارات لأول من عند عمر و ثاني من عند جود وش رايكم وش هوما الإقتراحات و راح تقبل و لا لالا 😀😀😁
آرائكم تهمني و إنتقاداتكم تجعلني أفضل 💜💜