طلع جود رنيم لبيتها حطها في السرير و غطاها شاف فيها لقاها نايضة شافت فيه و عطاتوا بظهرها
جود : رنيم
رنيم : مممم
جود : مادوريليش بظهرك ..... شوفي فيا
رنيم : مانحبش
جود : هيا يزي من التصرفات تاع ذراري الصغار
رنيم : أوووف وش تسحق
وبينما هي ماشي حابة دور ليه عصافير بطنها بدات تزقزق و هي بدات تلعن في حياتها
جود : 😂😂 يظهرلي كاين واحد جيعان
رنيم : أخرج عليا 😛 مانيش جيعانة
جود : تسما راكي حابة تموتي من الجوع
رنيم : صحيتي تعجبني كي تفهم
جود : أوكي .... على كيفك أنا قولت كان جوعتي نروح نشريلك سندويتش شورما أما أنتي ماكش جيعانة
راح جود وصل عند الباب حتى سمع صوتها
رنيم : أووف .... أصبر
جود بقا داير بظهرو و حاكم الضحكة بسييف 😂
جود : وي وش تسحقي 😁
رنيم : خلاص ماشي بمزيتك تعطيني نوكل
جود (دار ليها ) : تسما تستعرفي بلي جعتي
رنيم : أووف خلاص جعت برك
جود : مممم أما لازم حاجة أخرى باه نشريلك سندويتش
رنيم : وش ثاني
جود : لا حاجة ساهلة ياسر
رنيم : ساهلة .... باينة هيا قول
جود : بوسة برك
رنيم : وش ..... لا والله مانبوسك ديجا متعاركة معاك
جود : قتلك على كيفك
و كان راح يخرج حتى عاودت حكات
رنيم : خلاص أرواح
راح ليها يجري و هبط على ركبتوا
جود : هيا بوسيني 😘
رنيم : آي بوسة على خدك برك ماديرش في بالك حاجة أخرى
جود : لا موش على خدي
رنيم : أصلا أنت قلتي بوسة و ماقلتي والو و أنا خايرت بوسة في خدك
جود : أوكي خلاص خير من ماكانش
و عطاليها خدو اول ما حطت فمها على خدو دور وجهو و جا فمها على فمو حط يدو وراء رقبتها و باسها بوسة طويلة حتى قرب نفسهم يتقطع وقتها بعد عليها
جود : أوووه هذي البوسة تستاهلي عليها بيتزيريا كاملة ماشي غير سندويتش
رنيم (عينيها تملات بدموع) : سامط .... أخرج عليا مانحب منك والو
جود : 😁 ماكش متعشيا على جال بوسة ..... مالا كان قتلك حاجة أخرى وش ديري
رنيم : 😭 غدرتيني
جود : 😂 وش الجو تاع المسلسلات التركية هذا
رنيم (ضرباتوا بالمخدة ) : أخرج عليا
جود : أصبري نسقسيك برك
رنيم : مممم
جود : 😁😁 يعني كان مابستكش بالغدرة كنتي قادرة تعطيني بوسة
رنيم (ضرباتوا بالمخدة لخرى ) : غير ما تحلم
جود : مممم مالا ماتلومي غير روحك ..... إذا ماعطيتينيش البوسة برضاك راح نديها بسيف .... و ذرك نروح نجيبلك لعشا 😘😘
رنيم : جووود
جود : ياك قلتي متعاركين وعلاه تعيطيلي
رنيم : إيه عيطلك باه تعطيني مخدتي برك
راح هز لمخاد و حطهم ورا ظهرها و باسلها راسها
جود : ماتتغشيش علابالك البوسة هذيك حلال 😂😛
رنيم : 😛😛 ماتضحكش
هبط جود و راح للكوزينة باه يشرب حتى سمع صوت
قاسم : بس بس الزين طولتي علينا
جود (رقق صوتوا ) : أوووف ياك قتلك مخطوبة روح أخطاني
قاسم : 😂😂 هيا هيا أرواح شوف شكون جا
راحو وصلوا للصالة و جود شاف أمو و باباه قاعدين
جود : ياااا شكون جا لداري ..... خير يا طير
أمو : 😁 جينا نشوفوا هذي لكنة لي خلاتك تديها بين ليل و نهار و بلا ما نديروا حتى حفلة صغيرة
جود : لا أنتي عارف قلبك حارقك على رنيم 😂 أما رجل الأعمال لكبير السيد بابا كيفاه حتى جيتي
باباه (وقف من بلاصتوا ) : تسما تسحت (تطرد) فيا
جود : مممم بديتي دير في حجج باه تروح .... باينة عندك خدمة
باباه راح يمشي جيهتوا وصل قدامو شاف في عينيه حط يديه على كتاف جود و جبدوا ليه و حضنوا
باباه : سامحني يا ولدي ماكانش لازم أي حاجة تخليني نتلها عليكم و هذي آخرتها ديتي وحدة مانعرفوا عليها والو بسببي أنا و قلت إهتمامي
وقتها جود تبسم و حضنوا هو ثاني
جود : صدقني أنت عملت زوج حاجات ملاح ياسر في حياتك .... لولة أنو ماكنتيش قريب ليا ياسر و هكا أنا لقيت رنيم و حبيتها .....
بقا ساكت بعد عليه باباه شويا و سألو
باباه : و الثانية وش
جود : و الثانية أنو قررتي تصلح كلشي و تحضني في الوقت المناسب
و رجعوا حضنوا بعضهم
(و لا شيء يضاهي حضنا إنتظرناه طويلا في وقت عانينا فيه كثيرا 💪💔)
و بعد راحوا قعدوا و بقاوا غير يحكوا على رنيم و حكالهم بلي تكسرت و قالهم بلي راهي راقدة (كذاب 😂 ) حتى صونا تيليفونو
جود : آلو
رنيم : جود قلبي طاح في رجليا من الجوع
جود : 😂 و الله نسيتك
رنيم : ياااا مالا وش دير هذا كامل
جود : راني لتحت قاعد معا لافامي
رنيم : آي وش من فامي علابالي ماما قلت لها تجي غدوة ماشي ذرك
جود : 😂 ماما و بابا راهم هنا
رنيم : أحلف
جود : 😁 والله
رنيم : أرواح ذرك هبطني نتعرف عليهم
جود : أوك حبيبي
قطع و طلع ليها
رنيم : حرام عليك مجوعني و مخليني وحدي
جود : 😂 أسمحيلي آ قلبي
رنيم : خلاص يزي من لحنانة
جود : 😂 وعلاه
رنيم : إيه ماشي مليحة في الليل ..... دير القلقة 😛
هبطها لتحت قعدها في فوتاي و قال ليهم يتهلاو فيها و هما غير ساكتين أول ما سمعوا صوت الباب تقفل وقفت إبتهال شافت جيهت الباب لقاتوا خرج خلاص (بدات فقرت الإستجواب و المخابرة 😂😂 )
إبتهال : خرج خلاص
رنيم ( مافهمت والو ) : ماتقولوليش أنتم عصابة و راح تقتلوني و تدفنوني و لي يسقسيكم تقولوا هربت
أمو : 😁 مهبولة هذا شكل وحدة تخدم في عصابة
رنيم : الصراحة لا 😅
باباه : صحا أحكيلنا كلش عليك
إبتهال : إيه أحكيلنا على عيلتك
أمو : إيه و أمك
قاسم : كلشي صرا معاك من أول نهار في حياتك حتى لليوم و ماتنسيش ليلة لي تزوجتو
رنيم : واااش 😨
قاسم : 😂 نڨسر برك
رنيم : 😁😁 أوكي صحا أنا إسمي رنيم ******
باباه : كيفاه ماتقوليليش أنتي بنت زاهر ******
رنيم : إيه تعرف بابا
باباه : إيه باباك صاحبي و شريكي و أمك ثاني كانت صديقة أمال (أم جود ) عيلتك عائلة طيبة
رنيم : مرسي ربي يخليك
أمو : أنتي بنت زاهر مشاء الله تشبهي لأمك ياسر
رنيم : 😁
قاسم : أووو ذرك كي لعيلة طلعت تعرف بعضها وش رايكم في عشا صغير للعيلة كاملة نتعرفوا أكثر و نسهروا مع بعض
رنيم : 😀 سبقتك في هذا غدوة من يجي لغدا لعيلة كاملة راح تكون هنا و راح نباتوا كامل مع بعض نحب نحس روحي بين الناس لي يحبوني كاملين
أمو : نشاالله ..... نحنا طولنا نروحوا نروحوا
رنيم : لا لا من المستحيل ..... عمتي تأخر الوقت أقعدوا باتوا
باباه : أوووو ماتقوليش ليها عمتي نحنا أمك و باباك الثانيين يا بنتي
رنيم : ربي يخليكم ليا
و بقاو يحكوا حتى جا جود و جاب ليها لعشا و لحلوة و شوكولا و شيبس و .....
جود : أوووف كان جاو عندي ذراري صغار راني ماشريتش ليهم هذا كل
رنيم : خسارة فيا تسما
جود : نڨسر برك .... وش ماما بيتين
أمو : وي
جود : أنا تعبت ..... حاب نرقد .... هيا رنيم
رنيم : وين ..... راهم مازالو ساهرين
جود : هيا من بعد هم يروحوا يرقدوا و أنتي تبقاي هنا ما تلقاي حتى واحد يهزك لبيتك
إبتهال : خليها ذرك بعد يطلعها قاسم
جود : هذاك برك لا 😂 .... هيا
رنيم (هزت الصاشي في يدها و مدتلوا يديها في زوج كيما لولاد الصغار باه يروح يهزها ) : هيا .تصبحو بخير يا جماعة
.
.
.
.
.
يتبع
وش رايكم 😍😘
YOU ARE READING
في مستشفى الأمراض النفسية(بالهجة الجزائرية)
Romance💟جود & رنيم 💟 لقاء في مستشفى الأمراض النفسية بين مريض إكتئاب و فتاة حاولت الإنتحار ليقرر القدر إعطائهما الحب ذات يوم سمعت .... أحدهم يقول من الصعب💔 أن تصل♥ لكن ليس🚫 من المستحيل 💪 ممنوع نقل القصة
