في مستشفى الأمراض النفسية(بالهجة الجزائرية)

💟 الحلقة 20 💟

رنيم و جود بقاو يحكوا في السبيطار حتى قنعاتوا باه تعيط لعيلتها و لأحلام ثاني و عيلتوا و تجمعهم على لغدا
جود : خلاص أنتي إذا حطيتي حاجة في بالك لازم ديريها
رنيم : 😁 لازم 
جود هز رنيم و هبط بيها وصل وين الباب صونالوا تيليفون حط رنيم فوق كرسي و راح يحكي في تيليفون
جود : آلو وي
قاسم : جود قالولي بلي مرتك طاحت و ديتيها لسبيطار ..... ياك ما صرالها والو
جود : مازالها حية 😂
قاسم : 😁😁 أوكي .... ماكمش مروحين على خاطر جبت معايا ضياف و لازم يروحوا
جود : شكون ثاني
قاسم : كي تجي تعرف ..... إذا حبيتي نجي نوصلكم عادي
جود : لا أقعد أنت
قاسم : أوكي نستناك ماطولش
جود : صحا 😇
قطع جود و دار باه يرجع عند رنيم و كون غير مادارش شاف واحد الطفل يهبل واقف قدامها و يحكي و هي تضحك معاه راح جيهتهم و هو قالق
رنيم : جود جيتي ....رامي هذا جود راجلي
جود : إيه و ماقلتيليش هذا شكون 😕
رامي : أنا رامي صديقها من أيام الطفولة .... تصدق أنو تلاقيتها صدفة بعد 10 سنين 😁
جود : صديق طفولة ياك 😬
رنيم شدت في ذراع رامي وقفت و شافت في جود باه مايتغشش قدام رامي
رنيم : رامي أنا لازم نروح راك تشوف راني في حالة
رامي : أوووف ماتقوليش رايحا أنا ماصدقت لقيتك
جود : آي أنت شبيك طاح الليل أنا و مرتي لازم نروحوا خلاص (حكم جود يد رنيم باه يهزها و يخرجها حتى حسها زيرتلوا على يدوا )
رنيم : رامي غدوة دايرين غدا عائلي تقدر تجيب عمتي فتيحة و تجي و عطاتلوا العنوان
رامي : مرسي ماما راح نفرح ياسر يا روحي
جود (وهو مزير على سنانو) : وش قلت روحك هيا طير من قدامي قبل مانطيرلك روحك
رنيم : هههه جود يزي من التمسخير هيا ذرك باي رامي غدوة نشالله
رامي : باي
جود هز رنيم وصلها للوطو ركبها و راح ركب و مشا بلوطو بلا مايحكي معاها بقاو ساكتين حتى حكات رنيم
رنيم : جود شبيك ساكت
جود : رنيم خليني مانيش حاب نحكي
رنيم : وعلاه وش صرا كنتي لاباس وش صرالك
جود : سقسي روحك
رنيم : وعلاه أنا وش درت
جود : لا ما درتي والو غير لقيت تحكي معا واحد كان صديقك مين كنتي صغيرة و ماعلاباليش méme pas قلبو وش فيه من جيهتك
رنيم : وش تقصد
جود : شكون قالك بلي هذا الطفل مايحبكش
رنيم : لا قتلك هذا صديق برك
جود : حتى أنا كنت صديق قبل مانطيح فيك و نعشقك و ماعلاباليش أنتي قادرة تكوني حبيتيه من قبل
رنيم : جود حبس لوطو ...... جود قتلك حبس ........ حبس
جود حبس لوطو و حس بلي زودها و لغيرة خلاتوا يشك فيها أما رنيم كانت قالقة ياسر فتحت باب لوطو و كانت راح تهبط
جود : وين رايحة
رنيم : وش .... وش تسحق ياك الطريق فارغة زيد قولي بلي عشقت في طفل هنا و راني هابطة نحكي معاه
جود : خلاص ما قصدتش نقول بلي أنتي تحبيه
رنيم : أما قلتيها خلاص
جود : والله ماقصدتش أما هو كان يشوف فيك بطريقة غريبة
رنيم دارت باه تهبط أما جود جبدها و عنقها
جود : نحبك و مانقدرش نشوفوا يحكي معاك و يضحك و يحكملك يدك و نسكت
رنيم حضناتوا و بقاوا ساكتين جود كان يفوت في يدو على شعرها حتى حس بنبض قلبها إنتظم شاف فيها و لقاها راقدة قفل باب لوطو و ديمارا ...... وصل جود لدار هبط من لوطو هز رنيم و راح جيهت الباب و دق برجلوا ( 😂😅 فتحتلوا آسيا لباب
آسيا : أووه مسكينة تكسرت .... شبيها راقدة
جود : آسيا رنيم تعبانة أبعدي خلي نطلعها و نروح نشري الدواء
آسيا : إيه أسمحلي
دخل جود و كان طالع في دروج حتى سمع صوت وراه
قاسم : لحمد لله عشت و شفت جود خويا يحب طفلة
جود : ششش نقص في صوتك
قاسم : 😂😂 ياحنين أنت ماكش حابها تنوض
جود : أصبر نطلعها برك و نجيك 💦💦
قاسم : أوكي بب ني نستنا فيك 😘😂
جود : خامج😂
.
.
.وليتنا يوما لم نرتكب أخطاءا تجعلنا نتعرض للعنة الحب
.
.
يتبع 😅
إلى منتقدتي الرائعة إستمري في نقد قصتي لصناعة الأفضل 😘
Merci pour vous 😁💓💓