في مستشفى الأمراض النفسية(بالهجة الجزائرية)

💟 الحلقة 46 💟

جيش القراء توحشتكم والله و جبتلكم بارت جديد و معقم 😂... وحقا لو كنت بخير لما تركت الشيء الوحيد الذي يسعدني  ❤ المهم نبدوا البارت و ماتنساوش تسمعوا الأغنية و تتمعنوا فيها 💟
.
.
دخلت أم جود لعندهم
أمو : رنيم بنتي وش صرالك
رنيم : ماكاين والو
جود : نوضي رنيم هيا نديك عند الطبيب
رنيم : لا ماشي لازم ... جود وصلني لفراشي برك
جود : رنيم بركا ماتخشني راسك هيا لازم تروحي عند الطبيب
هزها و خرج بيها ... وصلوا عند الطبيب
الطبيب : تقدر تستنى برا
جود : أنا راجلها
الطبيب : أبقى برا
رنيم : 😛😛 أحسن
جود : أوووف أوكي ... من بعد نتفاهموا 😁
خرج الطبيب بعد ما فحصها
جود : شبيها
الطبيب : والله ولدك متعلق بالحياة قليل النساء لي يوصلوا لهذه المرحلة بلا مايفقدوا الجنين
جود : تسما مرتي و ولدي ماصرالهم والو
الطبيب : وي أما وش لي خلاها توصل لهذي المرحلة تاع الغضب و الإنفعال
جود : ماعلاباليش 😞
الطبيب : المهم حاول تعرف السبب و تبعدها عليه و زيد على الأقل هذا الشهر ماتقربش ليها
(إيه كاين شخصية راح نرجعها ليوم إذا ماعرفتوهاش أرجعوا أقروا عليها في الشخصيات هي سندس أخت جود )
جود : أوكي نقدر نشوفها
الطبيب : إيه تقدر 😇 و أنا هكا شويا و نجي نشوفها باه نقرر إذا تخرج الليلة و إلا لا
دخل لعندها جود
جود : رنومتي الزينة
رنيم : وش تسحق 😑
جود : شبيك تحكي معايا هكا جاتك حالة فقدان ذاكرة 😁
رنيم : لا راني قالقة
جود : إيه درك فهميني وش قلقك
رنيم : شكون يعني تعرفها هذيك بنت خالتك
جود : سارة
رنيم : 😠 ااااه ماتقولش إسمها
جود : أوكي ... ماقلتش 😇
رنيم : مانيش مروحة نقعدوا هنا الليلة
جود : وعلاه بلاك حاسبة كاين عرس هنا
رنيم : مانحبش نشوف وجه هذيك السامطة
جود : لا ماتبقيش هنا
رنيم : 😭 😭
جود : شبييك
رنيم : يا إما نبقاو هنا ولا نروح لعند دارنا
جود : أوكي نروحوا لدارنا
رنيم : نحكي على دار بابا
جود : لا أنا نحكي على دارنا نحنا
رنيم : إيه صح 😁 أنا و أنت وحدنا
جود : وعلاه وش راح ديريلي عيب عليك أنا بريء و أنت تفسدي في أخلاقي 😂
رنيم : هيا شوف كيفاه مخك راح لبعيد
جا الطبيب شافها و خلاها تخرج
و في الطريق عيطت أم جود ... و قالولها بلي رايحين لدارهم و هي قلقت أما سكتت بعدما قالولها بلي راح يفوتوا أيام برك .... فاتوا على الحانوت شراو حاجات لدار و راحو قعدوا يتفرجوا حتى رقدوا ... طلع النهار و ناض جود على صوت الباب .... فتح و لقا قاسم و سندس و إبتهال و جواد .... سندس سوطات لعندو ... و هو مسكين ماشي مستوعب
سندس : جود خويا ماتوحشتينيش هذي شحال ماشفتكش 😧
جود : 😁 إيه توحشتك .... أما كنت راقد
سندس : إيه رحت خليتك عبد و رجعت سمعت بلي وليتوا 3 عباد
جود : شوف كيفاه وليتي تعرفي تهدري 😂
قاسم : 😂😂 شفتي أمك جابت مصيبة ما جبتش طفلة
إبتهال : هيا خلولي سلفتي ما تقلقوهاش 😁
جود : هيا درك هذي شكل عمة لزوج دراري
سندس : أبعد من قدامي موقفني في الباب و ديرلي في إستجواب 😛
دخلو لدار و رنيم سمعت الحس هبطت و شافت سندس
رنيم : شكون هذي الطفلة
سندس : أنتي هي مرت خويا 😁
رنيم : إييييه و أنتي سندس
سندس : 😁 وي
رنيم : هيا عندي
راحت سندس لعندها و رنيم عنقتها كأنوا تعرفها .... و بما أنو الذراري الصغار يستجيبوا للحنان ... سندس ضحكت
سندس : كانوا عندي 3 إخوة و درك ولاوا 4 ماشي ياسر 😁
رنيم : أنتي يا ستوتة شحال عمرك ولا على خاطر عندك ولد خوك لازم تحكي كيما لكبار 😁
سندس : لا أما عمتي قالتلي لازم نتصرف كيما لكبار
رنيم (في وذنها ) : مالا نقلك ماتسمعيش لكلامها عيشي طفولتك أنا لدرك مزلت نلعب 😁 ماتكبريش روحك
سندس : أوكي ... واش إسمك
رنيم : أنا رنيم 😇
سندس : إسمك شباب
رنيم : أنتي الشابة 😘
......خلونا نفوتوا بالوقت يعني تقريبا شهرين
رامي خطب غالية في رمضان و قرروا يديروا عرس رامي مع عرس سامي ..... غالية مطعمها أصبح مشهور و الناس تجيله من كل مكان .... رامي تعلم الخدمة و قريب يبدا الخدمة في شركة باباه و سامي يخدم مع جود في نفس الوقت عرف أنو عمر باباه كتب أملاكو لي دارها بلحلال بإسموا  .... أما رنيم راهي في الشهر الخامس كرشها كبرت و حاجة ماولات تجي قدها 😂 .... أما زهرة راهي في الشهر السابع .... إبتهال تتوحم 😁 .... جود غير مع الخدمة و مين يروح لازم يبقا حاط يدو على كرش رنيم باه يحس بولدو وقت يتحرك ... (وش عندو طفلة و لا طفل !؟! ) والله علمي علمكم داروا الراديو أكثر من مرة أما ماعرفوش الجنس تاع الجنين
المهم هذي أهم التطورات ...😁
نروحوا لشط لبحر (جا الصيف ) وين كانت قاعدة زهرة و معاها إبتهال و رنيم ... كانوا يحكوا و ياكلوا في الأيسكريم .... حتى بدات زهرة تعيط
زهرة : رنييييم كرشي ااااه مانيش قادرة اااا وجيعة قاوية
رنيم : 😨😨 شبيك
إبتهال : زهرة راح تولدي 😦
زهرة : ماعلاباليش 😭 ... عيطي لفهد
إبتهال : أنا راح نعيط للإسعاف
عيطوا عليهم و زيد عيطوا لفهد و جود و قاسم و صلوا لسبيطار
جود : رنيم شبيك
رنيم : 😭 زهرة راح تولد
فهد : شكون قال هكا راهي في الشهر السابع
إبتهال : إيه الطبيب قال بلي راح تولد
فهد : مانقدرش نخليها وحدها
دخل لعندها بعد ما لبس لبسة الأطباء ... الباقي بقاو يسمعوا فيها تعيط لداخل .... رنيم كانت حاكمة في يد جود و خايفة
جود : رنيم حبيبتي ماتخافيش 😘
رنيم : وي وي
بقاو ساكتين حتى سمعوا صوت طفل يبكي
رنيم : ولدت 😁 ولدت
خرج فهد و معاه الطفل
فهد : هيا رنيم جيبي طفلة و درك نجي نخطبها 😁
جود :  يهبل الطفل الله يبارك أما لا مانزوجش بنتي 😂
رنيم : أعطيني نشوفوا هزاتوا الشويا و جات فرملية
الفرملية : مدام أعطيني الطفل لازم نلبسلوا قشوا
رنيم : صح فهد جبتي القش
فهد : 😁 إيه جبت كلشي
عطات ليها الطفل و راحو لعند زهرة
رنيم : زهرة جبتي طفل يهبل الله يبارك
زهرة : يبارك فيك 😁 صحا قوليلي لشكون يشبه
جود : باينة يهبل كيما خالتو 😂
إبتهال : 😁😁 وي وي
خرجوا الرجال قعدوا برا و رنيم و إبتهال قعدوا مع زهرة بعد ماقالو لفهد يعيط للعايلة و يقلهم
رنيم : زهرة لولادة توجع
زهرة : صوتي راح و أنا نعيط و أنتي تقوليلي توجع
إبتهال : لا ماتخلعيهاش
رنيم : إيه إبتهال قولي أنتي
إبتهال : أتخيلي معايا تقريبا 120 سيف يضربوك في نفس اللحظة 😁
رنيم : راني رايحة أنا و نقلكم حاجة مانيش راح نولد الطفل راح نخليه في كرشي 😛
و خرجت لعند جود
رنيم : جود هيا نروحوا
جود : وعلاه شبيك 😁
رنيم : والو تعبانة ... فهد مبروك عليك و مرتك هذيك قلها ماتزيدش تحكي معايا و إبتهال حتى هي
و راحت ...
جود : أمسحوها فيا راهي ولات كيما المجنونة هذي ليامات
لحق عليها و لقاها قاعدة في الدروج
.
.
.
يتبع 😁😁
و في كل مرة أشعر أكثر أنني أنتمي إليكم و أنتم تنتمون لي أشعر أننا عائلة ... و أكثر من ذلك نحن جيش أنتم كل شيء و معكم أنا أصبح كل شيء ... أنتم من صنعتموني أنا و أظنني أفضل قصة 😘😘❤ لاتستسلموا أبدا 
رأيكم و دعمكم هو سبب سعادتي 😁😁
Peace 💪