في مستشفى الأمراض النفسية(بالهجة الجزائرية)

💟 الحلقة 14 💟

تحسنت حالة رنيم و قدرت تنسى لحكاية لي كانت مخبية في ذاكرتها الداخلية و الأطباء كانوا محتارين كيفاه نست حاجة في ذاكرتها الداخلية (هذا الحب قادر يشفي أي جرح ) و بما أنها بدات ترتاح و جود ثاني قررت المديرة أنو تخليهم شهر تحت المراقبة و إذا شافت حالتهم منتظمة راح تخرجهم

🕦 بعد مرور أسبوع 🕦
اليوم نتيجة الباك
ناض جود على 11 بدل قشوا و خرج وقف قدام بيت رنيم و بدا يدق
جود : رنيييم ...... رنيم
فتحت غالية الباب
غالية : ششش نقص في صوتك رنيم راقدة
جود : كيفاه هذي أول مرة ديرها
غالية : لبارح ما رقدتش كانت تخمم في النتيجة
جود (ضرب راسوا بيدو) : كيفاه نسيت
غالية : 😁 المهم أنا متأكدة صحبتي تجيب الباك و عينيها مغمضة
جود : 😅 وي ..... ممم أنا نروح و نرجع بعد ساعة تكون قربت تطلع النتيجة
غالية (شافت في رنيم لقاتها راقدة قفلت الباب و قالت لجود ) : جود أنا خايفة كان عايلتها ما تجيش اليوم
جود : دوك نعيط لأمها (بتيليفون تاعو على خاطر أمو جات زاراتو و جابتلوا تيليفون )
غالية : أوكي باي
راح جود و عيط لأمها لي قالتلوا ما تقدرش تحظر على خاطر راحت مع راجلها خارج لبلاد لإجتماع تاع خدمة
جود : معليش نقلك حاجة
أم رنيم : وي
جود : كامل كيف كيف و نحنا ما نحتاجكمش في حياتنا و درك صحا و قطع في وجها

فات الوقت و بقت 3 دقائق قبل ما يفتح الموقع تاع النتيجة نروحوا لغرفة الإستقبال وين كانت رنيم مع أكثر عباد تحبهم كانت مع عايلتها لكبيرة (أختها ، ولد أختها ، جود ، غالية ، أحلام ، المديرة ، و بعض الأطباء و المرضى )
رنيم : خلاص الموقع فتح
المديرة : هيا بنتي شوفي النتيجة ما تخافيش
جود حكم يدها و زير عليها
جود : هيا شوفي
رنيم تكتب و يدها ترعش ضغطت على الزر و بقات تستنى حتى شافت
🌼 ألف مبروك 🌼
ناجح بمعدل : 15،63 (وحدة ما تقلي وعلاه إخترت هذا المعدل 😂😂)
رنيم : يااااا نجحت نجحت
جود : والله صح هاتي نشوف ....... يااا مبروك حبيبتي و حضنها (و مانحكيلكمش على ردة فعل الأشخاص )
المهم إحتفلوا و أمها بعد مارجعت راحت ليها هي و باباها
رنيم : شقيتوا رواحكم وعلاه جيتوا
باباها : وي جينا على جال الكاداوات تاعك برك
رنيم : مانسحقش
أمها : كيفاه 😟
رنيم : كيما سمعتي من نهار جيت هنا و أنا كل يوم يجيني كادو جديد (شخص جديد)
باباها : شفتي بنتك خليت علاجالها خدمتي و مصالحي باه تقولي هك
رنيم : هيا درك باي و حبيت نقلكم مانيش راجعا لدار بعد ما نخرج رايحا عند جداتي 😒
أمها : أصبري
رنيم : قتلك راني بديت حياة جديدة و مانحبش حتى حاجة تأذيني
خرجت و طلعت تجري لبستها لقات غالية حضنتها و بقات تبكي حتى رقدت 
فاتوا ليام و كان جود و رنيم عايشين حياتهم bien إكتشفوا أنو غالية تعرف ترسم و رسمتهم مع بعض داروا ذكريات ما تتنساش

🕦أسبوع قبل مايخرجوا من المستشفى 🕦

اليوم كاين زيارة كانت 3 تاع لعشية وقت جات ممرضة لجود و قالتلوا جات وحدة تزورك
رنيم : شكون هاذي ؟!؟ (كي شغل غيرة 😂)
جود : شبيك بلاك وحدة تقربلي
رنيم : أوك روح و ما طولش
جود : أوك حبيبي 😘

راح جود و هو متأكد أنو لي جات ماشي أمو على خاطر عيطتلوا و قالت بلي تجيه غدوة وصل لغرفة الإستقبال فتح الباب و شاف إنسانة ما توقعش تكون هي لي جات
جود : وش ديري هنا
....... : جيت علاجالك
جود : وش تسحقي فيا أحكي شروق
شروق (حبيبتو لقديمة ) : حبيت تسامحني 😖
جود : هههه .... هه...هه هذا وين حسيتي بلي غلطتي
شروق : علابالي تأخرت أما نتمنى لوكان تسمحلي
جود : نسمحلك 😅 من المستحيل وش إذا نسيتي وش درتي أنا مازالني متفكر خنتيني و قلت معليش كنتي دايرتني حاجة زايدة في حياتك و قلت معليش أما نهار رحتي لدارنا و تعاركتي معا ماما هذاك الوقت نسيتك
كان خارج حتى سمعها
شروق : جود راني مريضة مابقاش ياسر و نموت قلت نموت و انت مسامحني 😭
جود (تخلع) : كيفاه !؟!
شروق : وي (طاحت في الأرض تبكي )
جود وقت شافها كيما هكاك شفاتو رجع قعد جنبها في الأرض و بقا يسكت فيها
-_-_-_-_-_-_-_-_عند رنيم -_-_-_-_-_-_-_-_-
جود طول هبطت تشوف وينو وصلت للغرفة وقفت قدام الباب لي كان فيه زجاج شافت فيه و تمنت لوكان بقات تستنى فيه و ما هبطتش قلبها تكسر كانت حابة تروح أما عقلها قال واجهيه فتحت الباب و دخلت جود دار شاف فيها و وقف أما شروق تخلعت
شروق : شكون نتي
رنيم : أنا حبيبتو أنتي شكون
شروق : مممم أنا حبيبتو لقديمة و كيما شفتي جود درك باسني (تكذب) يعني خانك معايا
جود : شروق وش لهدرة هاذي ياك قلتي راكي مريضة
شروق : هيا برك حبيبي لوقتاه تبقى مخبي عليها بلي رجعتلي
رنيم تشوكات و قت سمعتها وش قالت يعني حتى جود خاين دارت و راحت تمشي بشوية تحاول تقنع روحها بلي سمعاتوا
جود : حسابك من بعد يا لكذابة .......... رنيم ...رنيم

راح يجري وراها حكمها من يدها حبسها
جود : تكذب عليك أنا والله نحبك
رنيم (بصوت ثقيل و مخنوق ) : جود خليني نروح أوكي ما بقاش ياسر حاول ماتخلينيش نشوفك
دارت مشت شويا قبل ما تتغاشى و طيح
جود : رنيييم
راح عندها هزها و داها للبيت تاعها بقا معاها هو و غالية حتى فطنت
رنيم : وش دير هنا ..... برا أخرج
غالية : وعلاه وش كاين
رنيم(بصوت عالي) : غالية خرجيه
غالية : أوكي ...... سمحلي جود هيا أخرج
جود (بصوت منخفض) : غالية نتلقاو من بعد لازم نحكيلك لحكاية
غالية هزت براسها بمعنى وي
.
.
.
.
يتبع 😅
جزء طويل كيما حبيتوا