في مستشفى الأمراض النفسية(بالهجة الجزائرية)

💟 الحلقة 19 💟

خرجت رنيم تجري و كانت هابطة في الدروج حتى ضربت في آسيا لي كانت طالعة و طاحت من الدروج و تغاشات
آسيا : رنيم ..... أجريولي (هبطت لعند رنيم ) رنيم نوضي .... رنيم
جود كان في بيتو يعارك في روحوا على الشئ لي داروا حتى سمع صوت آسيا خرج من بيتو وصل لدروج و شاف رنيم طايحة هبط يجري هزها و طار بيها لسبيطار وصل دخل وهو هازها وصل بيها للغرفة لي فيها الطبيبة حطها فوق السرير و وقف جنبها حتى شاف طبيبة جاية و معاها طبيب خلا الطبيبة فاتت و وقت وصل الطبيب و جود وقف قداموا و ماخلاشو يقرب لرنيم
الطبيب : معليش نفوت
جود : أوووف ياربي روح داوي مريض أخر ولا كاين غير رنيم هنا
الطبيب : لازم نشوفها
جود : هيا طير من هنا قبل ما تشوف النجوم و لا يشوفوك في برنامج ما وراء الجدران
الطبيب : خلاص هدي روحك
جود : هيه أخرج
دار و شاف رنيم كانت تفتح في عينيها حكم ليها يدها و زير عليها
جود :ماتزيديش تخليني
رنيم : جود رجلي توجع و راسي و إيدي ثاني😭
جود : 😁 ششش يزي من لبكا درك الطبيبة تضحك عليك
رنيم حضنت جود و غطات وجها
الطبيبة : أحم .... معليش تخرج خلي نديرلها فحص
جود : أوكي 😅
رنيم : جود ماتخلينيش
جود : مانخليكش راني عند الباب

فاتت نص ساعة فتحت الطبيبة الباب
جود : وعلاه طولتي هكا .... نقدروا نروحوا درك
الطبيبة : إيه زيدوا شويا خلي لجبس ينشف شويا
جود : كيفاه وش من جبس
الطبيبة : لمريضة عندها كسر خفيف في رجلها و زيد يدها دارت و جاتها ضربة خفيفة في راسها و درتلها شاش في يدها و راسها

جود دخل عندها يجري كانت قاعدة فوق السرير
جود : سمحيلي آ قلبي والله ما حبيت يصرالك هكا
رنيم : 😁 عادي ياك أنت مرة جرحتي يديك على جالي
جود (تفكر هذاك النهار و تفكر نهار إعترفوا في السبيطار بلي يحبوا بعضاهم بلا مايحس قال ): رنيم نحبك
رنيم : أوووف وش قصة لحنانة لي تجيك كل ما نكونوا في السبيطار على هكا لازم نسكنوا هنا
جود : 😁😁 صح أما نوعدك نولي حنين ديما
رنيم : صحا نقولك حاجة
جود : قولي
رنيم : أنا نحبك و مانقدرش نعيش بلا بيك و عارفت أنو إذا ماكنتيش تحبني صح ماكنتيش تمحن روحك و تتزوجني
جود (بصوت عالي) : 😍 تحبيني ..... تحبيني ..... ياناس والله تحبني
و قتها رنيم جبداتوا من تيشرت تاعوا و حطت فمها على فمو و بساتوا بوسة خفيفة خلاتوا فاتح عينيه و حابس في مكانوا 😀
رنيم : 😅 هذي البوسة باه تسكت
جود : 😀😀 نبقى نحكي طول حياتي باه تبقاي غير تبوسيني
رنيم : 😛😛 ..... صحا عيطلي على بابا و ماما
جود : لا لا .... مانقدرش
رنيم : وعلاه
جود : هكا
رنيم : كيفاه هذي ماتقدرش
جود : ....... مانقدرش مانقدرش نعيط بيهم وش راح نقول أسمحولي أما أنا طلعت مانيش قد المسؤولية و خليت بنتكم طيح من الدروج و تتكسر عظامها كل و قريب ما ماتت و ذرك راهي في سبيطار تقدرو تجيو تشوفوها
رنيم : والو أنت ماعندك حتى دخل أنا طحت وحدي
جود : لالا أنا السبب و ذرك راح نعيط لباباك و نقولوا وش درت
.
.
.
.
.
.
.
يتبع 😅
بارت قصير في خاطر الناس لي عجبتهم لحكاية
Merci pour vous 😁💓😘