(Completed )The Transmigration Routine of Always Being Captured by ML

Arc(1.19)

အရင်တစ်ခေါက်ကရန်သူတွေရဲ့မြင်းတပ်တွေကိုအနှောင့်အယှက်ဖြစ်စေရန်ဆာလောင်နေသည့်မြင်းများကြားထဲသို့ပဲပုတ်ခြောက်များကိုပစ်ထုတ်ရင်အကြံပေးခဲ့သည်ကလီလျိုဖြစ်သော်လည်းချင်ယုကဒီလိုအချိန်မျိုးဆိုရင်တော့သူ့ကိုမနှောင့်ယှက်ပေ။သူအဲ့ဒီလိုကိစ္စမျိုးအတွက်ဦးနှောက်သုံးတိုင်းတော့ချင်ယုကသူ့သဘောအတိုင်းလိုက်လုပ်ပေးလေ့ရှိပြီးညခင်းအိပ်စက်ချိန်မှသာချင်ယုကသူတို့ရဲ့နောက်ထပ်အစီအစဉ်များကိုဖုံးကွယ်ထားခြင်းမရှိပဲသူ့အားပြောပြနေကြဖြစ်၏။တကယ်လို့သူ့မှာထင်မြင်ချက်တစ်ခုရှိရင်ချင်ယုကသူ့စကားကိုလေးလေးနက်နက်နားထောင်မှာဖြစ်ပြီးသူ့ရဲ့အဆိုပြုချက်ကဖြစ်နိုင်သမျှကာလပတ်လုံးချင်ယုကသူ့အကြံအစည်များကိုလိုက်နာမှာဖြစ်လေသည်။

လီလျိုကတော့ချင်ယုဘာဖြစ်လို့ဒီလောက်လုပ်ပေးနေလဲဆိုတာနားမလည်သော်လည်းသူကမျက်မှောက်ခေတ်မှာတောင်အပြင်ထွက်ခဲတဲ့otakuတစ်ယောက်ဖြစ်သည်လေ....တကယ်လို့သူထိုင်နေမယ်ဆိုရင်သူထမှာမဟုတ်သလိုသူလဲလျောင်းနေမယ်ဆိုရင်လည်းသူကထိုင်မှာမဟုတ်ပေ။သူလိုလူမျိုးကအပြင်ထွက်နေရတာထက်အထဲမှာတစ်နေ့လုံးနေရတာကိုပဲပိုပြီးနှစ်သက်သည်။သူအမုန်းဆုံးအရာကပြဿနာတက်မယ့်ကိစ္စတွေဖြစ်သည်။ထို့ကြောင့်သူကဦးနှောက်စားရမယ့်ကိစ္စမျိုးနဲ့တစ်ခြားသူတွေကိုကိစ္စတွေရှင်းပြပေးဖို့တောင်းဆိုရမယ့်ကိစ္စမျိုးကိုရှောင်ရှားတာကသူ့အတွက်ပိုကောင်းသည်။

နေရောင်ခြည်ခံနေသည့်ပျင်းရိနေသောကြောင်လေးတစ်ကောင်လိုပဲလီလျိုကသူ့ရဲ့မက်မွန်သီးသဏ္ဍာန်မျက်လုံးများကိုမှိတ်ထားရင်းသူ့ပါးစပ်ထဲကိုတော့အရသာရှိတဲ့အချိုမုန့်တွေကိုသွတ်သွင်းရင်းနဲ့အရသာခံနေလိုက်သည်။သူဘာမှမတတ်နိုင်ပဲနောက်ထပ်မုန့်တစ်ခုကိုသူ့ပါးစပ်ထဲထပ်ထည့်လိုက်ပြန်သည်။

သူနောက်ထပ်မုန့်တစ်ခုကိုကောက်တော့မယ့်အချိန်မှာပဲခရမ်းရောင်ဝတ်ရုံရှည်ကိုဝတ်ဆင်ထားသည့်ပါးလွှာသောသဏ္ဍာန်တစ်ခုကိုတွေ့လိုက်ရသည်။သူမကသူမရဲ့နောက်ကျောဘက်မှာလက်တစ်ဖက်ထားရင်းသူ့ဆီသို့ခုန်ပျံကျော်လွှားပြီးဆွဲဆောင်မှုရှိရှိရောက်ရှိလာသည်။ထိုလှပသည့်မျက်လုံးကြီးရွှဲကြီးများကသူ့ကိုမြင်လိုက်သည့်တစ်ခဏမှာပဲချက်ချင်းကိုမြင့်တက်သွားကာသူမရဲ့မူလကလှပသည့်မျက်နှာလေးကပိုလို့တောင်အံ့သြဖွယ်ကောင်းလှစွာခန်းနားထည်ဝါသွားသည်။