"ကျွန်တော်ညက တစ်ခုခု ဆိုးရွားတာ လုပ်ခဲ့မိသေးလို့လား..."
တစ်ခုမကဘူး မင်းအများကြီးကိုလုပ်တာ!!!
အတွေးများကို တံတွေးနှင့်အတူ ပြန်မြိုချရင်း baekhyun ခေါင်းခါပြလိုက်လိုက်သည်။ ညကကိစ္စများ မမှတ်မိသည်မို့ သက်ပြင်းမသိမသာချမိလိုက်သေးသည်။ အကယ်၍ chanyeol သာ မှတ်မိနေခဲ့မည်ဆိုလျှင် baekhyun မျက်နှာဘယ်နားထားရမှန်းမသိ ဖြစ်နေလိမ့်မည်။ ကံကောင်းသည်ဟု သက်ပြင်းချလိုက်မိသော်ငြား ရင်ထဲတွင် တစ်ဆို့ဆို့ကြီးကျန်ခဲ့သည်က ဘာကြောင့်မှန်းမသိ။ သူကသာ တစ်ညလုံး အိပ်ရေးပျက်သည်အထိ ခံစားခဲ့ရသော်ငြား ထိုအမူးသမားကတော့ ဆိုဂျူကောင်းမှုနှင့် ညကကိစ္စတွေအကုန်ပါ ရောထွေးအန်ချပစ်လိုက်လားမသိ။ အတွေးတွေကို ခေါင်းတစ်ချက်ခါထုတ်ပစ်လိုက်သည်။ ဘာပဲဖြစ်ဖြစ် ဤအတိုင်းထားလိုက်သည်ကသာ ကောင်းမည်။
chanyeol မျက်နှာသည် အိပ်ရေးဝသည့်အလား ကြည်လင်နေပြီး မနက်စောစောကတည်းက ရေချိုးထားပုံရသည်။ ဆံပင်စများတွင် ရေစက်တစ်ချို့ တွဲလဲခိုနေပြီး မျက်လုံးအရောင်တို့ ပိုတောက်ပနေသယောင်။
"အခုဘယ်နှ နာရီလဲ.."
chanyeol ပြန်ဖြေ၏။
"မနက် ၁၀နာရီ.."
baekhyun မျက်လုံးပြူးသွားသည်။ အံ့ဩမှုနှင့်အတူ အလျင်လိုမှုကြောင့် ခါးကပါ အလိုအလျောက်မတ်သွား၏။
"၁၀နာရီ!!! ဘာလို့ငါ့ကိုမနှိုးတာလဲ chanyeol ရာ.!"
စောင်ကြိဖယ်ချကာ ချက်ချင်းထရန်ပြင်လိုက်သည်။ chanyeol ပြာပြာသလဲလဲ ရှင်းပြ၏။
"hyung မနေ့ညက ကျွန်တော့်ကြောင့် အိပ်ရေးပျက်ထားတာမလား.. ပြီးရင် hyung ခုတလော အိပ်ရေးမဝတာကြောင့်ဘဲ သွေးအားနည်းနေတယ်လေ.."
ခုတင်အောက် ခြေထောက်ချပြီးသည်နှင့် တွေးမိလိုက်သော အတွေးကြောင့် သက်ပြင်းချမိသည်။ ညကတည်းက အလုပ်ပျက်မိထင်ခဲ့မိသည်မှာ အမှန်ပင်။ လက်လျှော့လိုက်ပြီးနောက် ချက်ချင်းပင် ဂျာကြီးကိုဖုန်းဆက်ခွင့်တိုင်ရတော့မည်ကို တွေးလိုက်မိ၍ မျက်နှာက မှုန်သုန်သွားသည်။ သေချာပေါက်တော့ baekhyun စောစောစီးစီး နားသွေးယိုဦးမည်။
YOU ARE READING
H Y U N G
Fanfictionငယ္ငယ္ကတည္းက hyung လို႔ေခၚကာ အျမဲေနာက္ကတေကာက္ေကာက္ လိုက္ေနခဲ့တဲ့ ေကာင္ေလးက ႀကီးတဲ့ထိ မေျပာင္းလဲခဲ့~ ငယ်ငယ်ကတည်းက hyung လို့ခေါ်ကာ အမြဲနောက်ကတကောက်ကောက် လိုက်နေခဲ့တဲ့ ကောင်လေးက ကြီးတဲ့ထိ မပြောင်းလဲခဲ့~ Written by aHMUE. [Zawgyi + Unicode] This cove...
Part 38.2
Start from the beginning