Unicode
baekhyun ဝေဝေဝါးဝါးအသိစိတ်ထဲ တစ်စုံတစ်ယောက်က သူ့အားပွေ့ချီသွားသည်ကို သိ၏။ ထို့နောက် အိစက်စက်အခင်းတစ်ခုအပေါ် အသာအယာ ချပေးလိုက်သည်ကို ခံစားမိသည်။ မသိစိတ်က အကုန်သိနေသော်ငြား baekhyun အလွန်တရာမှ အိပ်ကောင်းသည့်အချိန်ဖြစ်နေသောကြောင့် မျက်လုံးပင်မဖွင့်မိ။
နွေးထွေးလွန်းသည်။
ထို့နောက် ပြန်လည်အိပ်မောကျသွားပြီး ခဏအကြာမှ ပြန်နိုးလာခဲ့သည်။ မျက်လုံးပင်မဖွင့်ရသေးခင်တွင် အရင်ဆုံး မိမိခေါင်းအောက်မှ ခေါင်းအုံးအား ဆွဲဖက်ကာ အားရပါးရ နမ်းရှုံ့လိုက်သည်။ ထို့နောက် မျက်လုံးခပ်ဖြေးဖြေးဖွင့်ကြည့်မိတော့ ပုံမှန်မြင်နေကျ ပြတင်းပေါက်မှ နေရောင်နွေးနွေးမရှိသည်ကို သတိပြုမိလိုက်သည်။
မျက်နှာကြက်မတူသည်ကို ခံစားမိသည်နှင့် ညကအဖြစ်အပျက်များကို မှတ်မိသွားပြီး မျက်လုံးပွတ်ကာ ချက်ချင်းပင် ဘေးပတ်ပတ်လည်ကို ကြည့်မိသည်။ baekhyun ၏ အိပ်ရာခင်း အဝါရောင်နှင့်ကွဲလွဲစွာပင် ယခုအိပ်ရာခင်းသည် ဆင်စွယ်ရောင်ဖြစ်နေပြီး.. ခေါင်းအုံးတို့သည်လည်း ဆင်စွယ်ရောင်ကိုယ်စီနှင့် သေသပ်စွာပင်။ ပိုပြီးကွာခြားစေသည်က baekhyun လို ကုတင်သေးသေးလေးမဟုတ်ဘဲ နှစ်ယောက်အိပ် ကုတင်အကြီးကြီးဖြစ်သည်။
ညကသူ ဆိုဖာပေါ်မှာ အိပ်နေတာမဟုတ်ဘူးလား..။
အဘယ်ကြောင့် chanyeol ကုတင်ပေါ် ရောက်နေရသနည်း။ ကုတင်ပိုင်ရှင် chanyeol ကရော ဘယ်ပျောက်သွားသနည်း။ ကြာကြာမတွေးလိုက်ရ။ အခန်းတံခါးဖွင့်သံနှင့်အတူ ဝင်လာသော chanyeol ကြောင့် baekhyun အတွေးတို့အကုန်ရပ်သွားသည်။ မနေ့ညက baekhyun ကိုယ်တိုင် လဲပေးခဲ့သည့် ဝက်ဝံရုပ်သိုးမွှေးအင်္ကျီအစိမ်းနှင့်ဖြစ်သည်။ baekhyun နိုးနေသည်ကို မြင်သည်နှင့် တစ်ချက်ပြုံးပြကာ လျှောက်လာ၏။baekhyun အိပ်နေရာမှ ဖြေးဖြေးချင်းထထိုင်လိုက်သည်။ ပုခုံးလျှောကျနေသော အင်္ကျီစကို ပြီးစလွယ်တင်ကာ baekhyun သံသယဖြစ်စွာ စမေးလိုက်သည်။
"အမူး... ပြေသွားပြီလား..."
baekhyun သတိထားသည့်အနေအထားဖြင့် အနောက်ကိုထပ်ဆုတ်လိုက်သောကြောင့် အင်္ကျီက ထပ်မံလျှောကျသည်။ ထိုအမေး နှင့် အပြုအမူတို့ကြောင့် chanyeol က တစ်ချက်ခပ်ဖွဖွရယ်ကာ မျက်ခုံးစပ်နားကို ကုပ်၏။
YOU ARE READING
H Y U N G
Fanfictionငယ္ငယ္ကတည္းက hyung လို႔ေခၚကာ အျမဲေနာက္ကတေကာက္ေကာက္ လိုက္ေနခဲ့တဲ့ ေကာင္ေလးက ႀကီးတဲ့ထိ မေျပာင္းလဲခဲ့~ ငယ်ငယ်ကတည်းက hyung လို့ခေါ်ကာ အမြဲနောက်ကတကောက်ကောက် လိုက်နေခဲ့တဲ့ ကောင်လေးက ကြီးတဲ့ထိ မပြောင်းလဲခဲ့~ Written by aHMUE. [Zawgyi + Unicode] This cove...