Hold Me Close (Azucarera Series #3)

Kabanata 24

"Ikaw, Yohan?"

"Ah... sasama na ako sa kanila. Wala kasi akong sasakyan, e. Hindi ako nagdala."

Namilog ang mga mata ni Soren sa gulat. "Ano? Ang KJ naman. Ihahatid kita! Halika na!"

"Soren, delikado. Katatapos lang noong insidente ah."

"Bago ang sasakyan ko Aria. At isa pa, nasa kanto lang ang inyo. Malapit lang at may checkpoint pa. Ayos lang naman siguro."

"Naku! Hindi na!" giit ni Aria.

Kinagat ko ang labi ko.

"Aria, magpadala na lang tayo ng driver para kay Yohan," si Romulo. "Para naman makipagkatuwaan pa siya rito."

Nilingon ako ni Aria at sinimangutan.

"Ayos lang din naman sa aking magpaiwan muna. Hindi pa ako inaantok."

"Pero hindi ka magpapahatid dito kay Soren?"

"Aria naman. Nahuli na naman 'yon! At malapit lang ang inyo, oh. May check point pa. At maraming tao rito sa mga del Real kaya hindi 'yan..."

Hindi ako nagsalita. Nagkatinginan kami ni Aria.

"Magpapadala ako ng susundo sa'yo," aniya bago ako b-in-eso.

"Tara! Sumali tayo sa kanila?" si Soren na itinuro ang kabilang lamesa.

Tumango ako dahil naroon nga naman ang iilan naming kaibigan. Sabay-sabay na kaming tumayo.

Kinuhanan ako ng upuan ni Soren. May upuan sa tabi ni Juan at agad na hnilahad ng grupo sa akin. Naroon na rin ang ibang babaeng kakilala nakikipagkatuwaan kaya tahimik lang ako.

"Oh, aalis na kayo?" si Aria na tinawag ni Daniel.

Naupo si Soren sa tabi ko, sa harap namin si Alvaro na katabi si Leandro at dating babaeng lower batch nila.

"Oo. Diyan na muna 'yang pinsan ko. Wala 'yang sasakyan, padalhan ko na lang."

Tumawa si Leandro. "Ipapahatid na lang namin, Aria."

"We have drivers. Malapit lang ang inyo," si Chayo nang narinig iyon kahit nasa kabilang lamesa siya.

"Ako na ang maghahatid," si Soren naman.

"Nag-aalala ako kasi katatapos lang noong insidente."

"Ako na ang bahala," si Soren ulit.

Magsasalita pa sana si Aria pero may ibang kumausap na sa kanya. And then the group recalled what happened to me a week ago.

Kinuwento ni Soren iyon. Nabigyan din kami ng inumin. Tahimik na lang akong uminom habang tinatanaw si Aria na paalis na sa mga del Real.

"We just had dinner sa office niya nang lumabas kami..." patuloy ni Soren.

Alvaro looked at him with his brow furrowed. Then his eyes drifted on me. Inabala ko na lang ang sarili sa pag-iinom ng inumin.

"Nahuli n'yo na pala ang gumawa noon, Alvaro?" pagkatapos ng kuwento ni Soren ay siya naman ang tinanong.

"Oo. Nahuli na. Iyong namaril na lang ang tinutugis."

"So that bullet was actually for you, Soren?" tanong ni Chayo.

"Oo. Hiyang-hiya nga ako kay Yohan. Nadamay pa siya."

"Titigil na siguro 'yan dahil nagdeklara ka nang hindi ka tatakbo," si Daniel.

"Kaya dapat hindi ikaw ang naghahatid kay Yohan, Soren," si Juan.

Everytime I catch Alvaro looking at me, napapainom ako ng shot. Si Soren naman, pulang-pula na sa tuloy-tuloy na pag-iinom at pakikipagkatuwaan.