လူစားထိုး

Ch 7

၄င်းတို့က မည်သူပဲဖြစ်ပါစေ ကိစ္စမရှိ ...Qiu Han ကို နာကျင်ထိခိုက်စေပြီးမှတော့ ထွက်ပြေးလွတ်မြောက်ဖို့ လမ်းကြောင်း မြင်ရမည်မဟုတ်။

ပြီးလျှင် Jing Qiu Hanကို နောက်ထပ် နာကျင်ထိခိုက်အောင် လုပ်ရန် အခွင့်အရေးမျိုးလည်း မည်သူ့ကိုမျှ ပေးမည်မဟုတ်။

အဲဒီလူစာထိုး....သူကတော့ ထိုလူတွေအာရုံကို ခဏတဖြုတ် ဆွဲထားနိုင်ကောင်းရဲ့... ထိုအချိန်အတောအတွင်း သူ့အားနည်းချက်ကို ဘယ်သူတွေပစ်မှတ်ထားနေလဲဆိုတာ ရှာဖွေနိုင်လိမ့်မည်။

လေထုပေါက်ကွဲသံနှင်အတူ အနောက်ရောင် Jaguarကားသည် ကားပါကင်မှ ဝူးခနဲမောင်းထွက်သွားသည်။ အေးစက်ပြီး လူတွေချဥ်းကပ်ရမှာကြောက်သည့် သူ၏ သခင်အတိုင်းပင်။

♦️

ပုံမှန်မဟုတ်သော အစားအသောက်တို့က မမြင်ရသောအန္တရာယ်အချို့ကို ချန်ထားခဲ့လေ့ရှိသည်။

ဂွမ်းကပ်အောက်တွင် ဗိုက်ကိုနှိပ်ရင်း Ran Feng Ge တိုးတိတ်စွာ ဆဲရေးလိုက်သည်။ သူ၏ မျက်ခုံးနှစ်ဖက် အနည်းငယ်ကျုံ့သွား၏။ သုံးရက်လောက် ငတ်မွတ်ခဲ့ရပြီးနောက် သူ မဆင်မခြင်စားသောက်ခဲ့သည်။ ရက်ရှည်နှိပ်စက်ခံခဲ့ရသည့်အစာအိမ်က အခုတော့ သူ့ကို တော်လှန်နေပြီ။

ရစ်ရစ်ပြီး နာကျင်မှုက နာ့ဗ်ကြောများအထိ ။ ခဲခဲယဥ်းယဥ်းအသက်ရှူနေရသည်။ နံဘေးဝဲယာစောင်းချင်သော်လည်း သူ့ကိုယ်တွင်တပ်ဆင်ထားသော ဆေးပိုက်အမျိုးမျိုးက ခွင့်မပြု။ သူတို့အကုန်လုံးကို ဖြုတ်ဖို့ရန် အများကြီးအားစိုက်ထုတ်ရဦးမည်။ ဆိုတော့ သူတစ်ခုမှ ဖြုတ်မနေတော့။ ဒါ့အပြင် စောင်းနေလိုက်သည်နှင့် နာကျင်မှုက အရှင်းပျောက်သွားမှာလည်းမဟုတ်​သောကြောင့်ပေ။ သူကိုယ်ပေါ်တွင် ဆေးအမြဲဆောင်ထားလေ့ရှိသော်လည်း ဆေးရုံအဝတ်အစားတို့လဲလှယ်စဥ်က ဆေးပုလင်းကို ပစ်ထုတ်လိုက်ပြီဖြစ်သည်။ သေမင်းချောက်ကမ်းပါးပေါ်က အပြင်းအထန်အနာရနေသူဟု သတ်မှတ်ခံထားရသူက လမ်းထလျှောက်ကာ ဆေးရှာနေ၍လည်း လုံးဝမဖြစ်နိုင်ပေ။

သေချာသည်က သူ့လို ငွေမက်သူတစ်ယောက်​အနေနဲ့ ကိုယ့်သေတွင်းကိုယ် တူးဖို့ လုပ်မည်မဟုတ်ပါ။ ဘယ်လိုအစားအသောက်မျိုးမို့လို့  စိတ်ပိုင်းဆိုင်ရာ ဒဏ်ရာဒဏ်ချက်အတွက် နစ်နာကြေး တစ်သန်းနဲ့ ညီမျှရတာလဲကွာ...။တအားစျေးကြီးတာပဲ... စျေးကြီးလွန်းလို့ သူ့မှာ အ​စာတောင်မချေနိုင်တော့ဘူး။