حلا: ها سمعاك
قصي: انا عمري ما هكره البنت اللي حبيتها وبصراحة انا متضايق من اللي هي يتعمله واللي عملته جرحني وضايقني حاولت انساها معرفتش حاولت اكرهها معرفتش لقيت نفسي بدل ما اكرهها بحبها اكتر وبتوحشني اكتر وحشني صوتها ووحشني اني اشوف الضحكة مالية وشها انا عارف ان هي عملت كدة لسبب قوي بس ايه هو ده اللي عايز اعرفه لاني عارف انها عمرها ما تقدر تجرحني وهي عارفة ان التصرف ده هيجرحني وعارف انها بتحبني وهي عارفة اني بحبها ومقدرش استغنى عنها وعارف اني وحشها زي ما هي وحشاني واكتر وعارف انها بتخاف عليا وبتقلق بس معقولة هي مش حاسة بيا معقولة للدرجادي بتقسى عليا طب ليه هل ممكن اكون زعلتها اة جرحتها وانا مقصدش مش عارف هتجنن هموت واشوفها واكلمها واصارحها بمشاعري
حلا: طب لو هي كانت قصادك هتعمل ايه
قصي: هعمل حاجات كتير اولهم همسك فيها مش هخليها تبعد عني تاني حتى لو هتضطر اني اخطفها ومن ثم هعترف بحبي ومن ثم هجبرها تقولي ليه عملت كل ده
حلا: ولنفترض انها حبت حد تاتي او اتجوزت تصرفك هيبقى ايه
قصي: هيبقى شعور وحش اوي بس لو هتكون مبسوط اي نعم هتوجع بس يمكن ابتسامتها تخفف وجعي بس هنفضل اصدقاء
حلا بحزن: يااااه ده انت مستعد تعمل اي حاجة بقى على كدة للدرجادي بتحبها
قصي: مستعد اموت علشانها وكلمة بحبها ديه قليلة لاني مش بحبها انا بموت فيها وبعشقها
حلا: حاول تنساها يا قصي وتشوف حياتك
قصي: انساها انتي شايفة كدة
حلا: اه
قصي لفلها وبصلها وعينه في عينيها: لو انتي شايفة كدة يبقى لازم نعمل حاجة
حلا باستغراب: ايه هي
قصي بابتسامة: اتجوز
حلا بلعت ريقها بصعوبة وبصتله باستغراب وصدمة: تتجوز
قصي : اه اتجوز
حلا: طب يعني ايه المطلوب
قصي: ابدا تديني الموافقة
حلا بعدم فهم: الموافقة على ايه
قصي قام وقف قصادها وركع على احد ركبتيه وحلا اتصدمت من المنظر
قصي مد ايده وابتسم بخبث وحب: حلا تقبلي تتجوزيني
__________________________________
ببيت عائلة الدالي المنزل الذي يوجد به اخوان حلا الشباب الثلاثة واختها التوأم ومايا رفيقة عمرها
ادم: طب هي حلا ممكن تكون في المستشفى ما هو مش معقول مختفية بقالها يومين ومش عارفين عنها حاجة وتليفونها مغلق
اريان: معقولة تكون اتخطفت
جاسر: بس بس بس في اييييه راعي ان البنات موجودين ولو عرفوا ان حلا مختفية هيقلقوا عليها احنا نكلم فارس او عمي محمد اكيد هما هيكونوا عارفين عنها حاجة
ادم: انا هتصل بفارس هو دايما بيبقى مع حلا واكيد يعرف هي فين
ادم اتصل بفارس مرة واتنين التالتة رد عليه
ادم بعصبية: مبتردش ليه يا زفت
فارس: كان عندي شغل ومعرفتش ارد فيه ايه انتوا كويسبن
ادم بعصبية: حلا فين يا فارس وتليفونها مقفول ليه وبعدين المفروض تطمنا عليها انطق انا عارف انك تعرف مكانها هي فين
فارس بتذكر: يادي الفضيحة انا نسيت اقولكوا
اريان: في ايه يا زفت الطين
فارس: مفيش بس هو قصي اتعرض لمحاولة قتل وحكالهم اللي حصل
ادم واريان بقلق: طب هما كويسين
فارس: اه متقلقوش
ادم: فارس اديني رقم حلا
فارس: مش هينفع يا ادم هي منبهة عليا
ادم بغضب: هو ايه اللي مش هينفع اديني الرقم عايز اطمن عليها والا هروح اقلب عليها الدنيا وانت عارف انا ممكن اعمل ايه
فارس زفر بقوة: حاضر يا ادم هبعتهولك في مسدج سلا........
ادم قفل في وشه السكة
فارس بص للتليفون وبيحاول يستوعب الامر: هو انا ليه محدش بيعملي حساب كله بيخاف على الست الهانم حلا حتى امي طب مين يخاف عليا حتى البت اللي حبتها الزفتة رقية لا بتسأل ولا هي هنا
سكت شوية يستوعب اللي قاله
فارس باستغراب: ايه ده هو انا بجد بحبها معقولة فجأة نط وسقف ( شكلك اتجننت يا عروسةولا ايه )
فارس: يا حلاوتك يا ابو الفوارس
بعدين استوعب انه في الشارع وقف مستقيم وعدل نفسه وهدومه وركب عربيته وبعت لادم رقم حلا وراح عند لوئي
__________________________________
في بيت عائلة احمد الشناوي انجلي وفاطمة والشباب قاعدين يتكلموا ويهزروا
فهد فجأة افتكر حاجة وبقلق وخوف: هي مايا عرفت اللي حصل مع حلا ولا زمانها قاعدة قلقانة عليها
لوئي بقلق وخوف: وروما كمان
انجلي بصت لستها باستغراب وكذلك فاطمة
فاطمة باستغراب: ومالكم ملهوفين وقلقانين عليهم كدة ليه
فهد بعفاوية: ان مقلقناش عليهم هنقلق على مين يعني وبعدين اللي اعرفه ان لو حلا اختفت فجأة ومايا معرفتش بتتعب جامد وممكن يحصلها حاجة
فاطمة رفعت احد حاجبيها وبخبث: وانت بقى عايز تقولها بصفتك ايه وقلقان عليها كدة ليه كأنها حبيبتك وخايف لحسن يحصلها حاجة للدرجادي تفرق معاك
فهد بتوتر: ل......لا......متفرقش وبعدين حبيبتي ايه بس وزفت ايه المهم انجلي معاكي رقم مايا صح
لوئي بسرعة: وروما كمان
انجلي باستغراب شديد: اه هو...........
مكملتش كلامها فهد شد منها الموبايل واخد رقم مايا وروما واعطاها التليفون وطلع على اوضته ووراه لوئي
انجلي تحت لستها: اقطع دراعي ان ما كان الاتنين دول واقعين ومحدش مسمي عليهم
فاطمة بابتسامة: هو شكلنا هناخد بنات يحي كلهم يارب اجعلهم من نصيب بعض واجمع حلا بقصي يارب
انجلي بابتسامة: يارب يا تيتا ونتجمع ونبقى عيلة واحدة وحلول تبقى معايا على طول
فاطمة ضحكت: ده على اساس ان اخوكي قصي هيسبهالك ده اما هيصدق انها تكون مراته ده انا عندي شك انه هيخليها تخرج من الاوضة اساسا
انجلي وفاطمة ضحكوا وقعدوا يتكلموا ويخططوا ازاي يجمعوهم ببعض ويعرفوا لوئي وفهد انهم بيحبوا روما ومايا
دخل عليهم شاهر وفارس
شاهر وفارس: السلام عليكم ورحمة الله وبركاته
فاطمة وانجلي: وعليكم السلام ورحمة الله وبركاته
فارس بفرح: باركولي
انجلي بشوق ولهفة: ايه حلا اعترفت لقصي ولا ايه قول قول انطق يا فارس
فارس رفع احد حاجبيه وبحزن وحسرة: يادي خلا اللي طلعالي في البخت انا بقول بركولي انا مش بقولكوا الف مبروك تتربى في عزكوا
انجلي ضحكت: اولا يتربى في عزموا ديه تتقال لو حد خلف وجاب مولود جديد انا بتكلم عن الحب ايه علاقة ده بده عموما يا سيدي الف مبروك بس على ايه بقى
فارس بابتسامة: الله يبارك فيكي وعقبالك
فاطمة ضحكت: طب فهمنا في ايه
فارس: انا وقعت وبحب وعشق ومجنون ببنت الايه اللي اخدت عقلي وقلبي وانا مش حاسس ولسة مكتشف ده دلوقتي وقررت اني اتجوز بس يارب تكون بتحبني
انجلي وشاهر وفاطمة دخلوا في غيبوبة ضحك هيستيري لان فارس قالها بطريقة مضحكة
انجلي بضحك: ومالك بتقولها كدة ليه ومالك عامل زي الست المطلقة وايه طريقة الكلام ديه
شاهر: استني بس يا انجلي ومين بقى تعيسة الحظ قصدي سعيدة الحظ
انجلي وفاطمة ضحكوا
فارس: رقية بس بص انا لسة مش متأكد هستنى اما حلول تيجي واتشاور معاها في الموضوع ده
انجلي: هتخليها تتكلم تاني عن الحب ديه ممكن تنتحر
فارس: لا هكلمها على انفراد واحنا لوحدنا
شاهر ضحك فالكل استغرب
فارس بغيظ: بتضحك على ايه يا خفة ضحكنا معام
شاهر: ابدا بس تخيلت لو قصي كان موجود وسمعك وانت بتقول هكلمها على انفراد واحنا لوحدنا كنت بفكر وبقول يا ترى كان نصيبك هيبقى القبر ولا العناية المركزة
انجلي وفاطمة ضحكوا جامد وشاهر كمان وفارس سرح شوية: تصدق معاك حق انا بعد كدة مش هتكلم قصاده عن اي حاجة
__________________________________
في بيت الدالي كانت مايا قاعدة في غرفتها بتحاول تتصل بحلا فجأة روما دخلت عليها
روميساء بصوت عالي: مايااااااااا وحشتينيييييي كتييييرررر
مايا اتفزعت وصرخت: يخرب صوتك اللي يفزع ده حرام عليكي يا روما هتوقفيلي قلبي في يوم من الايام
روما: ما هو انا مبعرفش اخض حلا علشان عندها القلب فبخضك انتي بدالها
مايا بعصبية: ده على كدة حلا ليها حق متجيش تقعد معاكي
روما ضحكت: خلاص خلاص روحي اغسلي وشك بدل ما هو اصفر كدة وشكلك يخض
مايا دخلت الحمام تغسل وشها وهنا موبايل مايا رن برقم مجهول
روما بصوت عالي: مايا تليفونك بيرن برقم مجهول
مايا بصوت عالي من الحمام: طب ردي
بعدين التروكولر ظهر الاسم وكان فهد محمود الشناوي
روما: مين فهد محمود ده وبعدين افتكرت اااااااااه ردت روما
روما: السلام عليكم
فهد كان فاتح الاسبيكر فلوئي اخد منه التليفون
لوئي: وعليكم السلام
روما باستغراب: استاذ لوئي هو مش ده رقم استاذ فهد برضه ولا انا غلطانة
لوئي باستغراب: هي مايا مسجلة رقم فهد
روما: لا بس هي عندها برنامج تروكولر اللي بيحدد هوية المتصل لانها مبتردش على ارقام غريبة الا في اوقات معينة
لوئي: وايه هي الاوقات المعينة ديه
روما ضحكت: هو تحقيق معايا ولا ايه يا استاذ لوئي عموما هقولك ممكن مثلا لو حلا اختفت فجأة ترد في الحالة ديه بس على ارقام غريبة على اعتقاد انها ممكن تكون حلا
لوئي: اااه طيب وبعدين مش انا قولتلك مليون مرة متقوليش استاذ لوئي وتقولي لوئي بس مادام انا برة الشغل
روما: حاضر
هنا مايا خرجت وكانت هتقع بس روما جريت عليها وسندتها وقعدتها على السرير
ونسيت ان لوئي على التليفون
روما بعصبية: شكلك متغدتيش ووشك اصفر ويظهر ضغطك نازل ممكن افهم في ايه
مايا بدموع: حلا بتصل بيها تليفونها خارج الخدمة ومغلق ومش عارفة هي فين وبقالها يومين مكلمتنيش وهي دايما بتطمني عليها حتى في اوقات بتطمني انا وتقولي بلغي الشباب بس من امبارح لا حس ولا خبر انا خايفة لحسن يكون حصل معاها حاجة وقلبي مقبوض من امبارح ووجعني وانا مبحسش بده غير لما حلا يكون حصل معاها حاجة مش كويسة
روما قعدت جنبها: ولو قولتلك ان حلا كويسة
مايا مسحت دموعها وبصتلها: هي كلمتك
روما ابتسمت: لا بس انا من امبارح منمتش لان قلبي كان مقبوض زيك بس قومت صليت ركعتين لله وقولتله يطمني على اختي ونمت وانا بصلي ولما صحيت حسيت براحة غريبة ده معناه انها كويسة
مايا: طب انا ليه خايفة وقلبي مقبوض يا ربي
روما: ده علشان انتي خايفة عليها ومتعودة انها هي اللي تطمنك بنفسها بس افترضي انها مشغولة في السغل او حصل معاها حاجة فمعرفتش تكلمك او افترضي ان تليفونها ضاع او اتسرق منها
مايا ضحكت: حلا مبيتسرقش منها تليفونات ولا بيضيعوا
روما باستغراب: اومال من كام يوم كنتي بتقوليلها ده التليفون رقم١٣٥ ليه
مايا ضحكت: يا بنتي الطبيعي واللي بيحصل مع كل الناس ان التليفونات تضيع او تتسرق اختك بقى تختلف عن الاخرون لانها مجنونة وطقة منها حبتين لما بتتعصب بتكسر التليفون فسيادتك اختك في ١٠ سنين كسرة حوالي ١٣٥ تليفون لسة بقى الباقي
روما ضحكت: مكنتش اعرف ان حلا صعبة اوي كدة
مايا: مين ديه اللي صعبة ديه مستحيلة انا مش عارفة قصي بيحبها ازاي ولا بيتعامل معاها ازاي الله يكون في عونه
روما: حبيبتي اختي مزة وبعدين من حقها تتقل
مايا: حرررااام عليكي ده الواد استوى من اختك بقاله عشر سنين هيتجنن هي فين وهيموت ويسمع صوتها بس مش يسوفها يسمع صوتها بس
روما: والله معاكي خق مش عارفة ايه اللي هي بتعمله ده ابه مبتحنلوش ولا بيوحشها ايه الحب ده ياختي
مايا بحزن ووجع: روما حلا مرت بظروف صعبة اوي متخطرش على بال حد علشان كدة حلا بالءات محدش يعاتبها او يتكلم في حقها ربع حرف
روما: مع اني هموت واعرف ايه اللي حصل بس لا انتي ولا هي راضيين تتكلموا عموما هتعملي ايه علشان تطمني على حلا لاني عرفاكي مش هتاكلي الا اما تطمني على حلا وهي اللي تطمنك بنفسها
مايا: اه مش عارفة اعمل ايه
روما بتفكير: طب متتصلي بمريم وحازم اكيد هما يعرفوا مكانها
مايا: اتصلت بكل اصدقائنا محدش يعرف عنها حاجة
روما: خلاص اتصلي بقصي
مايا: اولا انا معيس رقمه ثانيا مش عايزة اقلقه لان ده مجنون هو كمان لو عرف ان حلا مختفية مش بعيد ينزل يقلب عليها الدنيا وحلا لو عرفت ان انا السبب هتسود عيشتي
روما: يبقى تتنيلي على خبتك وخيبت اهلك وتطفحي لانك لو فضلتي كدة هتتعبي
مايا: طب انا عايزة اعرف هي فين واذا كانت كويسة ولا لا بس اه صح مين اللي كان بيتصل واحد بيعاكس ولا ايه لو كدة روحي ادي التليفون لاريان او جاسر
روما: ومديهوش لادم ليه
مايا: لا ده مجنون والله ممكن يدور على الواد ويروح يرتكب جناية مش عارفة هو ازاي اخوكوا عصبي بطريقة لا تتخيليها
روما بتذكر : يادي النسيان لوئي على الخط جريت وجابت التليفون طبعا فهد ولوئي سمعوا كل حاجة
روما بإحراج: الو لوئي انا ايفة نسيت انك على التليفون وانشغلت مع مايا
لوئي بابتسامة: لا ولا يهمك المهم هي مايا كويسة صح
روما: اه كويسة
مايا: هو مش انتي قولتي ان فهد اللي اتصل وبعدين انتي قاعدة ترغي مع لوئي وسيباني هموت من القلق على اختك طب متكلميه من على تليفونك
روما بعصبية: دايما دماغك شمال اولا الرقم رقم فهد بس لما رديت كان لوئي هو اللي على الخط مش ذنبي خدي تليفونك اهو انا استاهل ضرب الجزمة القديمة
مايا: ما بلاش انا بدل ما انزل اقول لاخوكي عن الشباب اللي بيتعرضولك في الجامعة قولتلك روحي قوليلهم قولتيلي خايفة عليهم قولتلك روحي قولي لحلا قولتيلي لا خايفة عليها بس مش هسكت كتير هيجي يوم وهروح اقول لادم وهو يتصرف
روما بعصبية: ماشي يا واطية من يوم يومك
كانت هتمشي
مايا: طب هنعمل ايه بخصوص موضوع حلا
روما لفتلها: هنزل اجيب رقم فارس من ادم اكيد هو اللي هيكون عارف حلا فين
مايا: طب اوعي تقوليله على حاجة او ان حلا مختفية ده مجنون والله ينزل يقلب عليها البلد ده اتخانق معاها يوم اما تعبت وباتت عند قصي غصب عنها وجرحها بالكلام ويوميها هي تعبت جامد ده مجنون
روما ضحكت: هو ايه اللي حصل للعيلة ديه هو انا اسيبكوا عشر سنين ارجع الاقي الكل دماغهم مضروبة والله انا حاسة اني قاعدة في مستشفى العباسية ايه كمية المجانين اللي انا عايشة معاهم دول
مايا اخذت التليفون: السلام عليكم
فهد: وعليكم السلام عاملة ايه يا مايا
مايا: الحمد لله خير يا فهد في حاجة
فهد: ابدا بس حبيت اطمنك على حلا هي كوبسة متقلقيش بس هي هتفضل مختفية كام يوم هي وقصي علشان حياته معرضة للخطر بس متقلقيش عليها هي كويسة
مايا: هي كلمتكوا يعني ولا انت بتقول كدة علشان تطمني
فهد ابتسم: الاتنين بقولك علشان اطمنك ولانها كمان كلمتنا من حوالي اربع اوخمس ساعات
مايا: طب هي فين
فهد: مش عارف بس هي قالت لفارس انه يقولكوا
مايا بعصبية: يعني هي كان عندها وقت تقول لفارس وتكلمكوا ومتعبرش اهلي ماشي يا حلا الكلب
فهد ضحك: اولا متظلمهاش هي كلمت فارس علشان ينقلنا لمكان آمن وكلمتنا علشان الشغل مش اكتر وبعدين يمكن هي فاكرة ان فارس قال لادم او للشباب والشباب هيخبروكم
مايا: ماشي طالاما الموضوع بخصوص قصي مش هتكلم
فهد رفع احد حاجبيه: قصدك ايه إشمعنا يعني قصي
مايا ضحكت: ابدا ولا حاجة متشغلش بالك
فهد: لا بجد إشمعنا وبعدين يا ستي انا عايز اشغل بالي
مايا: علشان هما الاتنين بيحبوا بعض وبعدين انا اساسا مقدرش افتح بوقي مع حلا وبالاخص لو حاجة زي كدة لاني بصراحة مش مستغنية عن روحي لسة ملقيتش تعيس الحظ ولا سعيد الحظ اللي ياخد قلبي ولا هو حلال للهانم حلا وليا انا حرام
فهد ضحك: لا يا ستي ربنا يرزقك بابن الحلال اللي يستهلك
مايا بطريقة كوميدية: يارب يتحققلك اللي بتتمناه
روما دخلت بعصبية: هووووف ادم مرضاش يدهوني قالي ايه السبب قولتله هطمن على فارس قالي انا لسة قافل معاه وهو كويس ومروح البيت اطمني
مايا: عموما خلاص حلا كويسة
روما باستغراب: هي كلمتك
مايا: لا بس كلمت فهد ولوئي وفارس
روما: امممممم طيب انا عايزة افهم ازاي مش معاكي رقم فارس او عمي محمد
مايا: يا بنتي البركة في اختك اخدت مرة تليفوني تتكلم منه قامت اتعصبت وكسرته ذنبي انا ايه لأ وقال ايه جاية بعديها بكل برود هجبلك واحد غيره
روما: وجابتلك
مايا: اه
روما: ده على كدة المرة اللي جاية هخليها تتكلم من تليفوني علشان يتكسر علشان تجبلي واحد جديد
مايا ضحكت: مفترية بس لو قولتلها هتجبهولك على فكرة من غير كسر او اي حاجة
روما: بجد
مايا: اه والله
روما: هو لوئي لسة على الخط
مايا غمستلها: ليه بتسألي
روما ضربتها على كتفها: مش اللي في راسك يا حيوانة عايزة كلم انجلي وتيتا فاطمة وحشوني اوي
مايا: هقفل مع فهد ونكلمهم
روما بإستغراب: هو مش كان لوئي اللي على الخط برضه
مايا ضحكت: والله معرف انا اخدت التليفون لقيته فهد
فهد: إحنا الاتنين كنا بنكلمكم ولوئي جنبي اهو
مايا فتحت الاسبيكر: يعني بتسلمونا تسليم اهالي لبعض
لوئي: ليه بتقولي كدة
روما: ما هو مش معقول انا لما افتح الاقيك انت وهي لما تاخد التليفون تلاقيه استاذ فهد
فهد: ضحك لا عادي بس لانك بتعرفي تتكلمي مع لوئي وبتاخدي راحتك في الكلام نوعا ما فخليته هو اللي يكلمك مش اكتر
روما خجلت ووشها احمر ومايا ضحكت
مايا: طب من الاخر الرقم رقم مين
فهد: رقمي انا
مايا: اممم وجبت رقمي منين
فهد ابتسم: ليه يفرق معاكي جبته منين
مايا: لا عادي بس سؤال مش اكتر
فهد ابتسم: وانا هريحك جبته من انجلي
مايا: تمام
روما: استاذ فهد هو انتوا معاكوا رقم حلا الجديد
فهد: لا مع فارس
لوئي لفهد: ايه ده بجد مع فارس
فهد: اه لانها اول حد كلمته هو فارس وقالتله انه ينقلنا هنا
لوئي: اه يا فارس الكلب
فهد: ليه في ايه
لوئي: لاني دايخ على رقم حلا عايزها
روما: وعايزها في ايه
لوئي ابتسم: في الشغل هيكون في ايه يعني
فهد: هو انت فهمت حاجة من اللي قالته
لوئي باستغراب: فهمت كل حاجة بس ليه
فهد: ايه بقى موضوع انك تشتغل على بنت وهي تشتغل على راجل لان بصراحة الفضول مموتني
مايا باستغراب: راحل ايه وست ايه
لوئي: مفيش حلا كلمتنا انهاردة و................... حكلها اللي حصل
مايا: اااااه
فهد: ايه بقى
لوئي: وانت مالك ده شغلنا بتدخل فيه ليه
فهد: الفضول هيموتني يا راجل
لوئي: وانا مال اهلي بفضولك وبعدين انت امتى مكنش عندك فضول والله انت ماليك غير حلا اللي تديك فوق دماغك
روما ومايا ضحكوا وفهد ضرب لوئي في كتفه
فهد بعصبية: غور يالا من هنا
مايا: عايز تفهم يا فهد
فهد: ياريت لو انتي فهمتي فهميني
روما: وانا كمان
مايا: بصوا في اوقات علشان حلا تعرف معلومات كاملة بخصوص اي مهمة تتنكر وتدخل جوا العصابة وتلعب على الراس الكبيرة بمعنى توهمه انها بتحبه وتوقعه في حبها وده شئ سهل جدا بالنسبة لحلا لان مفبش راجل شافها موقعش في حبها وبعدين تخليه يثق فيها ثقة عمياء فبالتالي بيديها كل حاجة تخصه اوراق السغل وبحكلها عن كل حاجة هو عملها ويديها كمان الأدلة يعني تقدر تقول بيسلم نفيه بنفسه وبيروح لجهنم برجليه يوم التنفيذ حلا بتنفخهم وطلع عليهم القديم والجديد بس هي كل القصة انها طلبت من لوئي يتنكر ويحاول يوقع البنت اللي اسمها سناء في حبه علشان تقوله اللي هيحصل وفي نفس الوقت هي تفتح سكة لجورج لو هو داعاها هي هتقبل دعوته بمعنى يعني لو حاول يتقرب منها لانه شكله معجب بيها هي هتطاوع وتمشي معاه وبعدين هتوديه البحر وترجعه عطشان اظن انها مفهومة
فهد: اممممم ده على كدة حلا مش سهلة خالص
لوئي: لا مش سهلة مفيش راجل يقدر عليها ومفيش راجل يقدر يقاوم جمالها وميقعش في حبها
فهد: شكلك حبتها
لوئي: لا بس هي بجد تتحب وبعدين انا بحبها زي اختي وحلا عودتني على ده قبل اي حاجة ان التعامل تعامل اخوات يعني مفيش فرص انك تحبها حب لانها مش هتديك فرصة
فهد: اومال بتتكلم ان مفيش راجل يقدر يقاوم جمالها وميقعش في حبها
لوئي: طب اقولك على حاجة بس متقولش لقصي
فهد: قول
لوئي: في واحد اسمه عادل معانا في الشغل معجب بحلا بس عايزها سكة لازم حلا تمسح بكرامته الارض كل اما تشوفه هي مش بتطيقه وهو مش بيطقها لانها مش مدياله فرصة وهو مش لاقيلها داخلة
مايا: قصدك الشاب الاسمراني شوية وطويل ده
لوئي باستغراب: اه انتي تعرفيه شوفتيه امتى
مايا: ابدا بس في مرة روحت لحلا الشغل مش فاكرة كنت رايحلها ليه بس المهم لاقيته بيصلي نظرات غريبة بصتله بقرف ودخلت لحلا بس حلا متعرفش اللي حصل
لوئي: اه طيب احظري منه بقى
مايا: لا ياخويا لا احظر ولا ماحظراش انا اساسا مبروحش المركز لان حلا هي اللي طلبت مني ده
روما: لأ معلش انا عندي فضول اشوفه واعرفه هبقى اروح لحلا المركز
مايا بصوت عالي: لأ حلا محدش يعرف هي بنت مين ولا حد يعرف انها عندها اخوات انتي بالذات مينفعش تروحي هناك لان في اعداء ليها هناك
روما: تمام
فهد: طيب يا بنات عايزين حاجة
مايا: لا شكرا يا فهد انك طمنتني على حلا
فهد: العفو على ايه يلا سلام
مايا: سلام
__________________________________
في بيت حلا قصي ركع على رجليه
قصي بحب: تقبلي تتجوزيني
حلا صعقت من اللي هي قاله وعمله
حلا عقدت يديها امام صدرها: وهتقدر تنسى حبيبتك
قصي: لو عاوزة انا مستعد لان بالنسبة ليا انتي حلا
حلا اتصدمت: انا حلا ازاي مش فاهمة قصدك ايه
قصي بخبث: قصدي ان هي انتي وانتي هي ده اللي قلبي بيقوله وبعدين مش انتي قولتيلي اسأل قلبك وهو دلني
حلا: دلك غلط وقامت وكانت هتمشي هو مسكها من معصمها ووقف
قصي: بس انتي اللي قولتي انه مستحيل قلبي يغلط ولا انا غلطان
حلا وهي مازالت تعطيه ظهرها وهو مازال يمسك ايديها : بس ده مش معناه انك تعتبرني انا هي
قصي لفها لتقابل وجهه وجذبها من ايديها والمسافة بينهم تكاد تنعدم
قصي بحب: يعني عايزة تفهميني انك مش حلا اللي بحبها
حلا بتوتر: لا
حلا كانت هتمشي بس هو مدهاش فرصة وسبتها على الحائط وسند ايديه على الحائط من الناحيتين حصرها وعينه في عينيها مباشرةً وحلا كانت متوترة
قصي: طيب انا حالياً مش مصدقك ومصدق قلبي
حلا لم تنطق ولكن كانت بتحاول تتهرب من عينيه قصي مسك وجهها وهنا عينيها جائت في عينيه ولم تستطع ان تتهرب من نظرته المليئة بالحب والشوق تاهت في عينيه وغرقت بهما كأنها تتأمل في سماء ليل مليئة بالنجوم حلا حاولت تتهرب وتقاوم ولكنها لم تستطع وبالاخص ان رائحة عطره تغلغلت لقلبها الذي يعشق هذا العطر كثيرا وبالنسبة له هو الاكسجين ضربات قلبها كانت عالية وكذلك ضربات قلبه قصي كان سرحان في عيونها التي تشبه منبع العسل وسرح فيها وبدأ ينظر لكل انش في وجهها وبدون وعي بدأ يقرب منها وكانت عينيه مركزة على شفايفها وفجأة تليفون حلا رن لايقاظهم من غفلتهم قصي فاق وبعد فورا عن حلا وحلا تكاد ان تموت من الخجل ولكي قصي لا يلاحظ ده جريت لتجيب على التليفون ولكن قصي رأي وجهها اصطبغ باللون الاحمر ولكنه حاول يبعد عنها واستغفر ربه في سره
قصي وهو يحدث نفسه: على رأي فارس شوشو بيدخلي من اي ناحية وبالذات لما اكون قاعد مع حلا يا ربي استغفر الله وبعدين رجع قعد على الكنبة
حلا مردتش لانها لاقيته رقم غريب بس الرقم اتصل تاني فردت وكانت قاعدة جنب قصي كأن لم يحدث شئ لانها لا تريد ان تضعف
حلا: الو مين معايا
ادم بعصبية: ايييييه يومك بسنة علشان تردي يا زفتة
حلا ضحكت: طب اهدى شوية بس في ايه وايه اللي معصبك كدة
اريان بغضب: يعني ينفع متقوليش ولا حتى مسدج انتي فين وتليفونك مقفول واحنا قلقانين عليكي
حلا: اممممم حقك عليا يا سيدي انا اسفة يا حبيبي بس انا قولت لفارس وقولتله يقول للكل
ادم: لا حبيبي ولا خرا إحنا عرفنا انك مبتحبناش واننا ملناش مكان في قلبك
حلا: متقولش كدة ده انت اللي معشش في قلبي وبعدين ديه غلطة صغنونة عموما اسفة يا عمري خلاص بقى فك قولي عاملين ايه
طبعا قصي قاعد هيموت من الغيرة لانه هيموت ويعرف مين اللي بتكلمه وبتقوله حبيبي وعمري وكلام حب فاضله شوية ويرتكب جناية ويروح فيها في داهية
ادم: الحمد لله انتوا عاملين ايه وبعدين اخدتي دواكي
حلا: الحمد لله اه اخدته ايه اخبار ال...........
معرفتش تكمل لان هنا قصي سحب منها التليفون من غير استئذان
قصي ببعض العصبية: الو
ادم فهم ان قصي غار على حلا وده كان واضح من نبرة صوته
ادم ابتسم: طب تغير عليها من واحد غريب ماشي ابن عمها وهنقول برضه ماشي إنما تغير عليها من أخوها اهو ده اللي مش منطقي
قصي بارتياح: عامل ايه يا ادم واحشني والله
ادم: وحش اما يلهفك قال واحشني قال وهو لو انا وحشك كنت هتاخد التليفون من حلا كدة وتغير عليها مني
حلا قامت تعمل قهوة وتمشي من قدامه بدل متتخانق معاه
قصي: وانا ايش عرف اهلي يعني عموما اللي حصل حصل وبعدين هي عمالة تكلمك بحب يعني لو انت مكاني هتعمل ايه
ادم ضحك اريان: طب يعني المفروض انها تكلمنا ازاي ما هي بتتكلم مع اخوها لازم يكون في حب ماهو اخوها برضه
قصي: ماشي معترضناش بس مش حبيبي وعمري وقلبي اومال سيبتولي انا ايه
ادم: لااااااا مع حلا هتلاقي اسامي كتير وبالذات معاك يعني ممكن فارس الاحلام او اميري الساحر او زجي العزيز الحبيب او حب عمري متقلقش يعني هتدلع هتدلع وهتفرح لحد اما تقول خلاص
قصي بحزن: انا لا شايف دلع ولا فرح ولا حتى عزا ولا حزن
ادم واريان ضحكوا: طب خلي بالك من شوشو
ادم: بدل ما إحنا نشوشك ونشويك ونشوكك كمان
قصي ضحك: والله معارف اعمل ايه مع اختك اللي تعباني معاها وتعبى قلبي معاها
ادم: انا عارف انك لو عليك تخطفها دلوقتي حالاً وتطلع على المأذون وتكتب الكتاب ومن غير فرح على البيت
قصي: يااااااه امتى اليوم ده يجي
اريان ضحك: طب خف شوية بدل ما نيجي نقعد معاكوا ومش هنخليك تطولها إحنا كدة هنديك فرصة يمكن تعترف مأعترفتش هنتضطر نستخدم القسوة
ادم: طب متخلوها بعد المهمة هو انتوا هتحاربوها وكمان العصابة هتحاربها الضغط هيبقى كبير عليها
اريان: وده هيكون لصلحنا لانها لو فاقت ونبي لو شنق نفسه قدامها ماهتتهز
ادم: لالالا حلا بتحب قصي ديه مستعدة تموت علشانه ولا إيه يا قصي متقول حاجة
قصي: أشك اني لو حاولت اقتل نفسي قدامها مش هتتهز ديه مش بعيد تعترف بكل حاجة بس انا مش عايز اوجع قلبها علشان تعترف مش عابز ارعبها عليا كفايا الرعب اللي شافته في عمي يحي مش معقولة علشان اخليها تنطق كلمة من اربع حروف اعذبها واشربها كاس المر لأ لأ وقال ايه استاذ فارس عايز يوهمها اني عملت حادث زي حادث عمي يحي علشان تعترف
اريان وادم: تصدق والله فكرة
قصي بعصبية: هو ايه اللي فكرة انتوا اتجننتوا انا مستحيل اوافق على ده ومستحيل اعمل كدة هتهزر يا ادم
ادم: اسمع بس ومين قالك انك انت اللي هتعمل إحنا اللي هنعمل ده انت مش هتعمل حاجة
قصي بغضب: شكلكوا ناسيين ان حلا معاها القلب وخبر او موقف زي ده مش بعيد تروح فيخا انا مستحيل اخليكوا تعملوا كدة فيها ملعون ابو الحب يا اخي اللي يجي بالشكل ده
اريان وادم ضحكوا اريان: ياااااه للدرجادي بتحبها وبتخاف عليها
قصي: اومال لو محبتهاش ولا خوفت عليها هي اخاف على مين عليك
اريان ضحك وادم غمز لاريان: خلاص يا سيدي مكنش هزار ده ومين اللي قالك اننا هنعمل كدة في حلا
قصي: عموما إياكوا تفكروا تعملوا كدة
حلا دخلت: قصي خلصت مع ادم ولا لسة
قصي باستفزاز: ليه عايزاه ليه هتحبي فيه ولا هتحضنيه ولا هتبوسيه
ادم واريان فطسوا من الضحك مقدروش يمسكوا نفسهم
حلا ببرود: اظن اني لو نمت في حضنهم شئ ميخصكش اخواتي وهما اولى بيا من اي حد
شدت منه التليفون ودخلت المكتب وسابته بيضرب اخماس في اسداس وشايط وعلى اخره
حلا: ايه قولولي الشغل عامل معاكوا ايه
ادم: تمام الحمد لله
اريان: انتي شغلك بقى عامل معاكي ايه
حلا: ١٠٠ فلة وعشرة يعني اخر روَقان
اريان ضحك: ان شاء الله المهمة تعدي كويسة وقصي ميتئذيش
حلا: أمين يسمع من بوقك ربنا
ادم: طب هنسيبك بقى تقعدي مع حبيب القلب
حلا: لا حبيب قلب ولا خرا ده انا فاضلي شوية وهقوم اروح فيه في داهية بجد بقى مستفز ودايما يكلمني عن حلا خلااااص
اريان: انتي متضايقة انه بيتكلم عنك ولا لانك انتي هي البنت بس مش عايزة تقوليله بس لما هو يتكلم انتي بتضعفي
حلا بتهرب: طب يلا بقى علشان انا ورايا شغل ومش فاضية
ادم بابتسامة: لا إله إلا الله
حلا: محمد رسول الله
قفلت معاهم واتصلت بلوئي فيديو
حلا: ايه الاخبار
لوئي: ١٠٠ فل وعشرة انتوا اخباركوا ايه
حلا: شوية وهروح في اخوك في داهية انا مش عارفة ايه اللي خلاني امسك المهمة الزفت ديه عموما اخبار الشغل ايه يا فارس
فارس: تمام
لوئي: حلا بخصوص البنت اللي اسمها سناء ايه النظام والمعلومات اللي عندك
حلا: بص يا سيدي هي الايد اليمنى لجورج على الاكيد تعرف عنه كل كبيرة وصغيرة ووصلي انها احتمال تكون حبيبته و............
قعدوا يتكلموا في الشغل
قصي قعد يتفرج على افلام وبيحاول ينسى ان حلا معاه في البيت او بمعنى اصح بيحاول يبعد بدل ميعمل تصرف يجرحها وخصوصا انها مش من حقه لانها مش مراته ولا حتى خطيبته وده حرام فضل ساعتين قاعد بيتفرج ونام وهو قاعد حلا خلصت مع لوئي وفارس وخرجت لاقيته نام وهو قاعد بيتفرج على الفيلم جابت الادوية وعلبة الاسعافات الاولية صحيته علشان تغيرله على الجرح
حلا لمست خدوده برفق ونعومة: قصي اصحى
قصي فتح عينيه وبخوف وقلق: في ايه في حاجة في حد........ لم يكمل لان حلا حطت ايديها على فمه لتسكته
حلا ضحكت: اهدى مفيش حاجة انا صحيتك علشان اغيرلك على الجرح وتاخد المسكن وتنام في اوضتك
قصي قلبه كان هيخرج من مكانه من خوفه على حلا كان نفسه يعانقها ويحس ويطمن انها جنبه بس هيعمل ده ازاي اتعدل
حلا: اقلع التيشيرت
قصي استغرب: اقلعه ازاي
حلا ضحكت: قصي انت شارب حاجة قبل اما تنام وتأثيرها هيطلع عليا دلوقتي اخلع التيشرت علشان اغيرلك على الجرح اللي في كتفك اكيد مش هغير عليه وانت لابس التيشيرت
قصي قلع التيشيرت وحلا بدأت تغيرله على الجرح
قصي بوجع وصريخ: ااااااااه
حلا اتفزعت من صوته وخوف وقلق: ايه في ايه انا لسة معملتش حاجة لسة
قصي بوجع: الجرح واجعني اوي
حلا بخوف: طب هعمل براحة
بدأت تعقم الجرح وتنفخ في الجرح وهي بتعقمه وقصي ابتسم فقرر يكرر الموضوع تاني
قصي بوجع: اااااه
حلا اتفزعت ووشها اصفر لانها اتخضت
حلا والدموع في عنيها: انا مالي مش بأيدي انك بتتوجع
قصي هنا مقدرش يمسك نفسه وانفجر من الضحك الى ان عينيه دمعت حلا فضلت مستغرباه لحد اما استوعبت انه كان بيمثل
حلا بعصبية وغضب حدفته بمخدة الكنبة
حلا بغضب: تصدق انا غلطانة اني صحيتك علشان اغيرلك على الجرح كنت سيبتك نايم كدة تقوم تاني يوم رقبتك وجعاك
قصي بضحك: ما هو انا حبيت العب بأعصابك شوية
حلا بعصبية: قصي لو كررتها تاني مش هيحصلك كويس
قصي ابتسم: خلاص اسف
حلا كملت على تغيير الجرح بس وهي بتقفل الجرح قصي اتوجع فعلا فكتم صوته علشان حلا بس حلا حست بيه
حلا: يعني انت لما مكنتش موجوع اتظاهرت وكنت بتصرخ من الوجع ودلوقتي لما اتوجعت بجد كتمت الوجع هو انت ماشي مع الدنيا بالعكس ليه
قصي بوجع: انا قُلت كفايا انك اتخضيتي مرتين هخضك تاني
حلا ابتسمت: لا عادي لما تبقى موجوع ابقى قول ومتكتمش جواك اتفقنا
قصي هز راسه بالموفقة
حلا كملت: بس ده مش معناه انك تستغل طيبتي وتتظاهر بالوجع اربعة وعشرين ساعة وإلا هقلب عليك
قصي: اكتر من كدة يبقى اموت نفسي احسن
حلا حطت ايديها على بوقه
حلا بحب وخوف: بعد الشر عليك متقولش الكلام ده تاني سامع ولا
قصي مسك ايديها ونزلها
قصي بحب: ليه يفرق معاكي
حلا معرفتش تجاوبه وصارت قشعريرة بجسدها اثر لمسته ليها
حلا بتوتر: اكيد لاني مسئولة عن حمايتك
حلا سحبت ايديها ومدت ايديها هو هنا اتظاهر ان كتفه وَجعه فحلا قربت ايديها بالدوا مت فمه علشان ميمدش ايده وايده توجعه هو هنا اتعمد يمسك ايديها وهو بياخد الدوا ولاحظ توترها بعد اما اخد الدوا طلع على غرفته علشان يرتاح وينام حلا ذهبت للمرسم اللي بجانب المنزل دخلت وبدأت ترسم وهي رابطة عنيها خلصت بعد نص ساعة وفكت الربطة وكانت الصورة اللي رسماها كانت لقصي فضلت قاعدة تتأمل في الصورة لحد ما نامت وهي قاعدة
__________________________________
اشرقت شمس يوم جديد مليئ بالاحداث
تغلغلت اشعة الشمس الذهبية لتزعج قصي وتوقظه من نومه استيقظ قصي وقام دخل يأخذ شاور
في المرسم حلا فاقت على صوت التليفون
حلا بصوت ناعس: الو
فارس: صباح الجمال
حلا ابتسمت: صباح الرخامة خير متصل بيا على الصبح ليه ايه المصيبة اللي جيبهالي
فارس: اخص عليكي ابدا والله اصلا كنت عايزك في موضوع شخصي
حلا: طب بص هتصل بيك بعد ساعتين طالاما شخصي لانه شكله موضوع مهم ولازم اكون فايقة
فارس: تمام بس خلا اوعي لما اقفل معاكي تنامي
حلا: لا مش هنام كويس انك صحتني علشان اعمل فطار لقصي
فارس: طيب يلا سلام
حلا: سلام قفلت معاه ودخلت البيت طلعت على غرفتها اخدت شاور سريع ولبست شميز كحلي وقريب من لون الجينز وجيبة مخططة بالعرض ابيض في اسود افزت اكمام الشميز وسرحت شعرها سمبولة وجابته على جنب ولبست حذاء بكعب عالي لونه اسود والسلسلة اللي دايما بتلبسها لونها فضي وساعة فضي ووضعت من البرفيوم الهادي دروت على ادويتها في غرفتها ملقيتهاش افتكرت انها سابتهم مع ادوية قصي بغرفته
حلا بإحراج: يا ربي هدخل ازاي الغرفة وهو موجود فيها ده من غير حاجة وبقاومه بالعافية وهو بيستغل اي ظرف وكل وقت يدخلي من اي ناحية سكتت شوية
حلا بتفكير: طب انا هخبط لو هو موجود هدخل وخلاص يارب ميكون موجود
حلا ذهبت لغرفة قصي خبطت فلم تتلقى رد فخبطت مرة اخرى فلم تتلقى رد فدخلت براحة ملقيتهوش موجود في الاوضة
حلا في سرها: الحمد لله انه مش موجود
بدأت تدور على الادوية في الادراج قصي هنا خرج من الحمام بمنشفة على وسطه ومنشفة يجفف شعره بها حلا مأخدتش بالها منه ولا هو وقف قدام المراية يجفف شعره وبدأ يدندن
قصي: قمر قمر وعشقته يا ناس..........
حلا هنا سمعته وقصي حس ان فيه حد في الغرفة لف لقى حلا بس كانت مدياله ظهرها
قصي باستغراب: حلا
حلا لفتله ولم تلاحظ منظره
حلا بتوتر: انا خبطت بس مسمعتش ان حد رد فافتكرت انك مش بالغرفة وجيت علشان اخد ادويتي
قصي ابتسم: لا عادي ولا يهمك
هنا حلا خجلت وبتخفض نظرها لاحظت انه لا يرتدي شئ بالجزء العلوي وانه لافف منشفة على وسطه شهقت وحطت ايديها على وشها والتفتت واعطته ظهرها
فقصي استغرب: حلا مالك في ايه في عفريت في الاوضة
حلا بخجل: ممكن تروح تلبس حاجة
قصي لاحظ منظره فجري على غرفة الملابس حلا حست انه دخل غرفة الملابس فجريت بسرعة نزلت على المطبخ جري وكانت هتموت من الخجل والاحراج بدأت في إعداد الفطار ولما خلصت حطته على طاولة الطعام قصي نزل وكان يرتدي بنطلون اسود وشميز احمر وافز اكمامه وكان مرتدي ساعته واكيد وضع من البرفيوم المفضل لحلا وكان يرتدي كوتشي اسود
نزل وكان محرج من اللي حصل فوق نزل قعد على طاولة الطعام ولم يتكلم بحرف حلا فهمت انه محرج من اللي حصل حلا صبتله الاكل وقعدت تفطر واثناء ما هما بيفطروا وساكتين قطع رنين موبايل حلا الصمت حلا ارتدت سماعة البلوتوث وردت
حلا: السلام عليكم
فارس: وعليكم السلام ايه معبرتنيش يعني
حلا ضحكت: يابني انا لسة قاعدة بفطر بلاش افطر وفيه ادوية لازم اخدها مأخدهاش علشان سيادتك ترضى وبعدين مين ده اللي معبرتكش ده انا الوحيدة اللي بعبرك
فارس ضحك: خلاص خلاص ايه بلاعة واتفتحت
حلا: بلاعة مبلاش انت بقى على اخر الزمن عروسة هي اللي تقولي بلاعة
قصي ضحك جامد وحلا وفارس ضحك
فارس: هو قصي جنبك وقولتي كدة قدامه يا فضحيتك يا ابو الفوارس
حلا ضحكت: ايوة اقعد عدت زي الست المطلقة وبعدين ابو فوارس ايه انا مشفتش طول حياتي غير ابو جوارح تجبلي المصايب تفتعل معايا مشكلة علشان اخوك حبيبك ( قصدها قصي ) تحرق دمي وترفع ضغطي وتجبلي جلطة امتى بقى كنت ابو الفوارس
فارس: طب ده انا حتى بتخانق معاكي علشان حبيب القلب
حلا: بلا حبيب قلب بلا حبيب عقل كتك نيلة قولي كنت متصل ليه الصبح وصحتني ايه هو الموضوع الشخصي اشجيني
فارس: طيب قبل ده هو انا اعرف منين اني بحب او اني حبيت
حلا هنا كانت بتشرب ماية شرقت وقعدت تكح قصي اتخض عليها
حلا باستغراب وصدمة: لحظة قصدك انك شاكك انك بتحب بس عايز تتأكد مني
فارس: اه ابوس ايديكي الحقني لحسن انا تايه ومش عارف حاجة
حلا ضحكت جامد وقصي استغرب: بقى....... ابو الفوارس..... يقع...... ومحدش يسمي...... عليه
طبعا كانت بتضحك في وسط الكلام
فارس بغيظ: يعني هتفديني ولا اشوف غيرك
حلا: خلاص خلاص متئفش قولي عايز تعرف ايه
فارس: ايه الدليل اللي يثبت اني بحب الشخص ده
حلا: بص فيه مليون حاجة ومليون طريقة تثبت بس الذكي واللي بيفهم هو اللي هيعرف انه بيحب
فارس: بمعنى
حلا: بمعنى ان ممكن يكون الدليل ظهر بس انت غبي ومفهمتش
فارس: شكراً ليكي اشرحي بالتفصيل بقى
حلا تنهدت: ازاي تعرف انك بتحب الشخص ده؟ بص اولا هتحس انك عايز تشوفه وتقابله دايما تختلق مليون عذر وتعمل مليون خطة علشان تشوفه ثانيا لما تقابله بيكون عندك رغبة وبتتمنى ان القعدة تطول وان الشخص ده ميمشيش بتكون عايزه يفضل قصادك اربعة وعشرين ساعة هتقولي انا كدة هزهق هقولك لا ثالثاً وده الاهم وده الدليل الاكبر والاول لو غاب عنك كام يوم مشفتوش او مسمعتش صوته بتحس ان فيه حاجة ناقصة في يومك وبتبقى مخنوق متعصب انت ذات نفسك بتحس ان فيه حاجة مش طبيعية رابعا وده تاني دليل لو جيه على بالك مجرد تفكير انك ممكن تخسره في يوم من الايام او انه يضيع منك قلبك بيوجعك خامسا وده تالت دليل الغيرة لو الشخص ده اتكلم مع حد او قال لحد كلام حب يعني لو انت بتحب بنت لو البنت ديه قالت كلام حب مثلا لاخوها زي واحشني بحبك كدة ممكن تغير ومش بعيد تتعصب سادسا وده رابع دليل واعتقد انه الاخير لو شوفت الشخص ده متضايق او حزين او موجوع بتبقى زيه الضعف بتحس بيه اوي يمكن محدش هيحس بيه ادك بتكون عايز تكسر الدنيا بس علشان ترجع الفرحة تاني لقلبه والابتسامة على وشه بتكون مستعد تعمل اي حاجة بس المهم ابتسامته متفارقش وشه بتكون مستعد تضحي بحياتك علشانه لو حد اتعرضله بتكون عايز تقتله متستحملش اي حد يتكلم عليها كلمة واحدة سواء مدح او حتى ذم بيمتلكك شعور لا إرادي اللي هو ازاي يتكلموا عليها كدة هي من حقي انا بس انا بس اللي اتكلم عنها او امدحها او اوصفها بس ده اللي انا فكراه لحد دلوقتي لو افتكرت حاجة تاني يا فارس هبقى اقولك
فارس سرح في كلام حلا لقاه فعلا ده بيحصل معاه
حلا: فارس لم يرد عليها
حلا بصراخ: فاااارس
فارس فاق من شروده: نعم
حلا ابتسمت: لأ ده انت واقع واقع يعني
فارس وهو بيفكر وسرحان: مش عارف يا حلا حاسس اني متلغبط مش عارف
حلا ابتسمت: هو ده الحب بس كل القصة انك عايز تقعد مع نفسك ترتب افكارك عموما اول مهرجع هخلي اللوا محمد يديك اجازة اسبوع تقعد تشوف دنيتك تمام
فارس: تمام شكرا يا حلول
حلا: بس يالا شكرا على ايه ده انت اخويا يا فارس ولو عوزت اي حاجة كلمني تمام
فارس ابتسم: ربنا يخليكي ليا وميحرمنيش منك ابدا ويارب يسعد قلبك يا شيخة
حلا ابتسمت: كل ده علشان قولتلك تعرف تحب ازاي عموما شكرا على الدعوة الجميلة ديه وان شاء الله رقية تكون من نصيبك
فارس بتلقائية: أمين يارب
بعدين فارس لاحظ اللي حلا قالته
فارس لحظة: انتي عرفتي منين اني بحب رقية
حلا ابتسمت: هتشكك في قدراتي ولا ايه يا فارس احلام رقية وبعدين عيب عليك انك بن عمي واخويا وتقولي عرفتي منين
فارس بأستغراب: لا بجد عرفتي منين
حلا: بص فيه نظرات وتصرفات ونبرة كلام بتتغير تعرف ان ده معجب او بيحب او واقع واقع يعني وبعدين نظراتك وغيرتك كانت بينالي جدا يا فارس
فارس: تفتكري هي بتحبني يا حلا
حلا: الله واعلم ممكن تكون حاسة بسعور تجاهك بس مش عارفة تفسره زيك انا مستنية ارجع وهقعد معاها واشوف الدنيا فيها ايه فاكر يا فارس اليوم اللي جمعتكوا فيه واتكلمت عن الحب
فارس: اه فاكر
حلا: يوميها انا جمعتكوا علشان انت وادم واريان وفهد ولوئي وآسيا وجميلة ورقية وروما ومايا تفهموا انكوا بتحبوا بس المشكلة ان الغباء ركبكم انت ابتديت تفوق وآسيا وجميلة برضه ورقية ابتدوا يفوقوا اما بقى اللي قلبي هيوجعني معاهم روما ومايا وفهد ولوئي واخواتي حبايبي ادم واريان لو فهد ولوئي ومايا وروما فاقوا وعرفوا اقطع دراعي ان كان ادم او اريان هيفوقوا او هيعترفوا بحبهم
فارس: هنبقى نظبط انا وانتي نشتغل عليهم
حلا: انا بدأت من زمان
فارس: ازاي مش فاهمة
حلا: ابدا فهمتهم ان آسيا وجميلة متقدملهم عريس ومن قرايبهم
فارس: يا بنت الإيه ده انتي مش سهلة يا حلا
حلا ضحكت: يابني انا على وضعي وبعدين اخواتي حبايبي برضه لازم لازم افوقهم
فارس: يا الله منك
حلا: سيبك وقولي بتعمل ايه
فارس: ابدا انا حاليا خارج من البيت هركب عربيتي وهطير على المركز
حلا: اشطا اشوفك هناك
فارس: مش انتي قةلتي انكوا مطولين في القاعدة
حلا: لو الوضع هادي وظفيش حاجة هنرجع بكرة لو الوضع لسة فيه قلق ممكن نفضل لمدة ٣ ايام وممكن ازور خبر موته علشان اخليهم يخفوا شوية
فارس: طب اتأكدتي اذا كان عمرو هو السبب ولا لا
حلا: لما اجي هناقش الموضوع ده معاك
فارس: تمام يلا انا هقفل علشان اسوق
حلا: تمام سلام
فارس: سلام
حلا قفلت مع فارس وخلصت فطار هي وقصي اعطت لقصي الادوية
حلا: انا هروح المركز هشوف حاجة واجي ممنوع تخرج من البيت مفهوم
قصي: طب هتتأخري
حلا: يعني ساعتين تلاتة كدة بالكتير
قصي: هفضل قاعد ٣ ساعات لوحدي
حلا ابتسمت: ممكن تتفرج على التليفزيون او تخرج تركب خيل او لو عاوز في عندك في اخر الطرقة غرفة بها جميع الاجهزة الرياضية او لو عاوز تمارس نوع من انواع فنون القتال يعني عندك مليون حاجة تسلي نفسك بيها لحد اما اجي تمام وانا بإذن الله مش هتأخر تمام يلا سلام
قصي: سلام
حلا خرجت وراحت المركز خلصت شغل وبعدين طلعت هي وفارس بعدوا في كافيه
فارس: ها عملتي ايه في موضوع عمرو
حلا: لسة معملتش ومش عارفة هعرف منين ومستحيييل اروح اتكلم مع البني أدم ده لاني مش طايقااااه
فارس بتفكير: خلاص سيبي الموضوع عليا انا هروح اتكلم معاه وهو غبي اوي اساسا
قعدوا يتكلموا في الشغل وبعدين حلا رجعت البيت حضرت الغدا واتغدت هي وقصي وكالعادة حاول يوقعها ويعرف اسم باباها ولكن هي برضه اتهربت منه ورجعوا تاني يوم كل واحد على بيته
__________________________________
يا ترى هل فعلا عمرو وراء حادث قصي ام العصابة؟!
وهل قصي سينجح في جعل حلا تضعف امامه وتعترف بحبها ليه؟!
