Lumayo ako ng konti at hinarap sya.
“Alam mo, kung hindi mo ako mapatawad at kung galit ka pa rin sa'kin, pwedeng diretsuhin mo na ako. Hindi itong ang dami mong sinasabi—aray!!”
“Slow.” aniya
Hinimas ko ang noo kong pinitik nya. Kita mo na! Haistt!
“Hindi pa tayo nagsisimula, tinatapos mo kaagad. Umayos ka babae.”
“E sa akala ko ito na ang huli, ayaw mo na sakin..” bulong ko pa
“Huwag kang bubulong-bulong riyan at naiinis ako sayo.”
Umirap ako.
“Lumayo ako sayo para pagbigyan ka't makapag-isip at hindi dahil gusto mong lubayan kita o lumayo sayo. Alam kong babalik pa rin ako sayo. Gusto ko lang na bigyan ka ng time para ma-realize mo na iyang feelings mo. Naiinis ako sayo ngayon dahil ang tagal mong pinag-isipan lahat. Talaga?” sarcastic na talaga sya
Natigilan rin ako at inisip ng mabuti ang mga sinasabi nya ngayon. Nang maintindihan ay halos bayolente akong mabilis na lumapit sa kanya at pinulupot ang kanang braso sa leeg nya mula sa likuran. Atsaka ko sya paulit-ulit na kinaltukan sa ulo.
“Nakakainis ka! Nakakainis ka talaga kahit kelan! Andami ko pang drama noong nakaraan! Iyak iyak pa ako dahil lang sa wala! Bwesit ka!!”
“A-aray! Baba ka na nga! Aray naman!”
“At bakit nung sinubukan kong lumapit sayo para kausapin ka ay umiwas ka?! Ano? Ha?!”
“Effective ba?” aniya sabay kindat
Piniktusan ko pa ulit. Halos dambahin ko na sya sa ginagawa ko. Timawa na 'to! Umiyak pa ako para lang sa wala! Kainis talaga!
“Sasamain ka sa'kin kapag inulit mo pa 'tong kupal ka!” at batok ulit ang inabot nya
Sya naman ay panay harang ng kamay sa ulong nadadapuan ng kamay ko. Tsk. Tumigil na ako nang makuntento. Pinalis ko pa ang luha ko. Nakakainis.
“Ey, wag kang umiyak mas lalo kang pumapanget.”
Hindi ko sya pinansin at patuloy lang sa pagpupunas ng luha. Naramdaman ko syang lumapit sa'kin at niyakap ako.
“Sorry. Stop crying now please, baby. Hey..”
“Huwag mo akong ma-baby baby riyan kupal!”
Narinig ko pa ang mahinang tawa nya. Tumulong na rin sya sa pagpupunas ng luha ko. Nang kumalma ako ay binigyan ko ulit sya ng isa pang batok. Gago e. Tumawa lang ang timawa. -,- Niyakap nya ulit ako.
“Panget mo pag umiiyak.” tumatawa nyang sabi
Kinurot ko sya sa tagiliran.
“Aww, my girl is a freaking sadist.” inda nya
“Hindi mo ako babae.”
Ngumisi lang sya at hinalikan ako sa noo.