كان المكان ضلمه مفيهوش غير نور القمر وكانوا سبعه واقفين حواليه وكان هو في الوسط وبدا واحد بالمهااجمه عليه لكن ضربه فهد بقوه وشخص تاني منهم اتدخل وهو هيضربه العصايه الضخمه الي معاه لكن فهد مسكها وضربه بيها بقوه وكان بيضرب بكل قوته مش بس عشان يدافع عن نفسه لا وعشان حبيبته وغرامه الي بيعشقها وجواه لهفه انو يشوفها
السبعه كانو مستغربين قوته وانو بيحارب بكل ذره قوه جواه ولما استسلموا واحد من وراه ضربه بالعصايه في راسه بقوه ودي الي ضعفته وخلته يفقد توازنه وبداو يضربوا فيه بقوه وبالعصايات وطلع واحد سلاح ابيض وغرزه في بطنه وكملوا ضرب فيه لحد ماوقع ع الارض ومبقاش قادر يقاوم وبيغمض عينيه ويفتحها وقبل ما يفقد الوعي لمح واحد منهم بتشويش بصله وعينيه في عين فهد
الشخص:عشان بعد كدا متمدش ايدك ع اسيادك
وفقد فهد الوعي
عند ريان صحي ع رنين هاتفه مسكه بانعاس ورد من غير ما يبص ع المتصل
ريان بنوم:الو
غرام بلهفه وقلق :رياان. الحق فهد
ريان قام من ع السرير بقلق:ماله فهد
غرام كان الالم بيزيد ومش شايفه من كتر الدموع :معرفش كنت بكلمه وكان فيه شجره ع الطريق ولما نزل يشيلها فيه حاجه حصلت وقفل السكه
ريان :طب اهدي ي غرام انا هتصرف
غرام بصت ع الارض ولقت مايه وكمان دم وبدات تفقد الوعي تدريجياً :ريان
ريان بقلق :الو. غرام الو
فرح كانت صحيت ع صوته وبصتله بقلق :في اي ي ريان
لبس ريان هدومه في اقل من ثانيه :مش عارف ارتاحي انتي ي حبيبتي وانا مشوار سريع مش هتاخر
خرج ريان وركب عربيته واتحرك بسرعه جنونيه وكلم شريف وهو في الطريق وصحاه وبلغه يروح فيلا غرام
ريان وهو في الطريق لمح شخص واقع ع الارض خرج من العربيه وبيتمني الي في دماغه ميكونش صح قرب منه والشخص كان نايم ع بطنه حركه ريان واتصدم لما شافه
ريان وهو بيهزه بصدمه :فهد. فهد
اتصل ريان بالاسعاف وكان جنب فهد ودمعه نزلت منه وهو مش متخيل ان صاحب عمره مضروب بالعنف دا وبينزف من كل حته في جسمه
وصلت الاسعاف ونقلت فهد للمستشفي وكانت المستشفي كلها في حاله هرج ومرج ومن ناحيه اخري غرام في غرفه العمليات ودخل فهد غرفه العمليات
وكان واقف قدام غرفه العمليات ريان وهو قاعد ع الارض وساند بضهره ع الحيطه وهو خايف ع صاحبه وصديق عمره وبيفتكر كل الاوقات الي كانوا فيها مع بعض ومشاكستهم لبعض وهزارهم وضحكهم
ريان عصر قبضه ايديه بقوه :ااه لو اعرف مين الي عمل فيك كدا والله العظيم ما هرحمه وهخليه يتمني الموت الف مره قبل مااقتله
في اللحظه دي تذكر ريان. غرام واتصل ب شريف
عند غرفه العمليات في الدور التاني كان واقف شريف وقمر ومصطفي وهما هيموتوا من القلق ع غرام ورن هاتف شريف
شريف بحزن :ايوا ي ريان
ريان : غرام عامله اي
شريف :لسه في غرفه العمليات. الدكاتره بيقولوا انها لازم تولد عشان المايه الي حوالين الجنين نزلت بس هتولد قيصري عشان ولدت قبل معادها
ريان :ربنا يقومها بالسلامه
شريف :وانت طمني عرفت حاجه عن فهد
ريان بحزن :فهد في غرفه العمليات بردوا
لقيته واقع ع الارض وبينزف بلطجيه طلعوا عليه وضربوه والدكاتره بيقولوا حالته حرجه جدا
شريف بصدمه:معقوله طب انا جايلك حالا انت هنا في المستشفي صح
ريان :ايوا بس خليك جنب غرام مش هتستفيد حاجه لو جيت
شريف :طيب ابقاا طمني بالاخبار ع طول وانا اول ما غرام تقوم بالسلامه هجيلك
ريان :ماشي
البارت 10
Start from the beginning
