Dark Obsession / Dark Plans - tagalog (on-going)

Kabanata 30

Agad akong napabalikwas ng bangon. Pawisan at takot. That dream, nakakabahala ang panaginip na 'yon pero imposible naman yata iyong mangyari. In my dream, Fionna hates me, sinigaw-sigawan niya raw ako at umiiyak siya then  kanina sa ospital, hinahanap ko si Fionna dahil sabi nandito pa raw siya sa Pinas. I thought pagising ko ay nandiyan siya at bigla akong kukumostahin dahil nag-aalala siya, pero hindi. Wala siya doon, kung hindi dahil sa napanaginipan ko ay hindi ko mapapansin na wala siya.

“Okay ka na ba? Kumosta, wala bang masakit sa'yo?”kanina pa sunod-sunod ang tanong ni Dad. Kahit pa alam kong may tampuhan sila ni Mom ay sumulpot pa rin siya para malaman ang kalagayan ko.

Kanina lang ay nandito si mommy pero dahil yata sa hindi makayang tensyon ay umalis muna. Nagpaalam siyang bababa upang hingin ang reseta ng doktor kahit halata naman na iniiwasan niya ang ama ko.

I understand mom, alam kong hindi madaling makalimut. But soon I know, maghihilom din ang sugat hindi man nila iyon makalimutan, sana balang araw.

“Sampahan mo ng kaso ang dalawa, malaki ang  naging damage nila sa shop mo, malaki ang naging trauma na dala nila sa‘yo.”

Hindi na ako umimik sa naging suhestiyon ni Dad. Wala na rin kasi akong plano na ungkatin pa ang nangyari. Mas lalo lang lalaki kung bubuksan ko na naman ang topic tungkol doon.

“I think I need a new interior designer, what do you think, Dad? Mas gawin kong light ang painting at iyong malapit sa porch papalitan ko na ng kulay.” Pag-iiba ko ng topic.

Naningkit ang mata ni Dad at saglit akong tinitigan na tila na-gets ang pag-iiba ko sa usapan.

“Siguro mas kailangan ko unahin iyon. Malakas pa naman ang holiday sayang. Kaya dapat mapabilis ang renovation.”

“I know someone. I will give you her contact.” May pagdududa pa rin sa mata niya nang sabihin ito.

Doon yata sa topic na iyon sila ni Mom nagkasundo. Nanumbalik na naman ang galit niya sa magkapatid na Harvoc dahil doon. Just like Dad, gusto niya rin sampahan ng kaso ang dalawa pero pinigilan ko.

“He’s still Damian's father, Mom. Tapos na, huwag na tayo bumalik doon,” I said at pilit pinaintindi sa kanya ang sitwasyon ko.

“I am expecting that may pagbabago na after giving him a chance hindi mo 'ko masisisi kung mag-fe-freak out ako after nang nalaman ko. It’s up to you now and you’re right. I know you can decide better, ikaw na ang bahala.”aniya.

Ang issue niya na lang ngayon ay ang tungkol sa kanila ni Dad. I know na binibigyan niya na ako ngayon ng authority for my family, siguro na-realize niya na marami na akong napagdaanan na ako lang ang mamakakaresulba.

Bumuntong-hininga ako matapos makapag-dial ng apat na beses. Still, Fionna didn’t pick-up the phone. Busy na ba siya? Or okay lang ba siya? Ngayon lang siya nagkakaganito, even though marami siyang problema ay hindi naman siya ganito, tepong hindi na magpapakita sa 'kin, kahit magparamdam man lang.

Ipinagpatuloy ko ang pagbabantay sa babaeng na-contact ko para sa renovations. Marami siyang binigay sa 'kin na sample, even the tables kailangan na rin ayosin. Kaninang umaga pa siya nandito, at ngayon lang ako nakarating.

May i-che-check din ako sa mall mamaya after this. Titingin ako ng mga furnitures na babagay sa bagong design ng shop.

Biglang tumunog ang phone ko. Then I saw Fionna's name on it. Agad ko itong sinagot.

“Hello?”

No'ng una hindi agad siya nagsalita pero kalaunan ay narinig ko rin ang boses niya. Malalim ang paghinga niya.