._ عنفوان أمرأة _
( بقلم بسمة البياتي)
_البارت السابع والعشرون _اختنكت المي ترس صدري كلت هاهيه هاي نهايتي
هواي مرات تمنيت بيها الموت
لكن من تحس نهايتك قربت الروح تصير عزيزةقل تركيزي يمكن باقيلي ثواني واسلم روحي للخلقها بس رحمة الله واسعة
حسيت انشاليت من المي عيني ما اكدر افتحها بعدني مختنكة ما اكدر اتنفس اصوات يمي ما اميز منو
الصوت الوحيد الاخترق مسامعي هو صوت علي أخوية يهز بيه ويحاول يصحيني
ضربات قوية على بطني وصدرياردد بداخلي يارب رحمتك اريد انتفس بعد ما اكدر
واخيراً كدرت اكح وطلع من حلكي مي ورغوة تشبه رغوة الصابون
بعدني واعية واسمعهم بس مجاي اكدر افتح عيني ولا احجي
رجعوا شالوني ويمشون بخطوات سريعة
يمكن صعدوني سيارة شي تخلى على حلكي وخشمي ارتاحيت وتنفسي صار احسن لهناك وبعد محسيت بشي
بتول.. اني وديما كاعدات نحظر لفات
علي اخذ غسوقة يلعبها بالمي مهند كاعد بعيد عنهسمعت صراخ ماهر شمرت اللفة من ايدي كمت مثل المخبلة عبالي ماهر غرك اركض بدون وعي ديما تركض وراي علي من شافنة اجه يركض بتجاهنة
وصلت يم ماهر يصرخ ويأشر على المي
علي انطة غسق الديما نحجي ويا ماهر بس نريد نفهم شبي
علي بخوف وين دانية ماهر وهو يناشغ
وكعت بالمي بعد ماتطلع
ماهر يمكن يذكر كلامي قبل لانطلع وصيتة كتله ديربالك تروح على المي ترى توكع وبعد متكدر تطلع
علي ومهند ركضوا يدوروها علي شالها من المي سودة عليه الشال على وجهة لاتحرك ايد ولا رجل
اني وديما بدون كمنا نصرخ من شفنها كلنا هاهيه دانية ماتت
الناس القريبين منا التموا علينا
علي مددها بالكاع يهز بيها ويصرخ دانييييية فتحي عينج بروح ابوج لاتفجعيني بيج
الظاهر اكو فرق انقاذ موجودين بهيجي اماكن اجوي سوالها اسعفات اوليه
وأخيراً كامت تكح وذبت المي من حلكها
جانوا يحجون بالتركي كولشي منفهم منهم اخير شي مهند حجة وياهم بالانكليزي كالوا اكو سيارة اسعاف اخذوها
اخذناها السيارة الاسعاف وهي الحد الان مفاتحة عينها ولا حاجية كلمة
جهالي ما اعرف عنهم شي غسق يم ديما باوعت ماهر بعده مفرفح من البجي اخذتها الحضني لبستة ملابسة ورحنا وراهم للمستشفى