_ عنفوان أمرأة _
( بقلم بسمة البياتي)
_البارت السادس _
اشكد جنت مقهورة من ماما بس من شفت البطاقة وقريت الكلام نسيت همي وزعلي وبدال الدموع انرسمت ابتسامة على شفتي
ضميت البطاقة والوردة بين اغراضي واخذت جيس الحلويات ورحت الغرفة بتول
بتول.. همزين اجيتي كلت بس لا تبقة معاندة ومتطلع من الغرفة
... وين اكدر ابقة وحدي حتى اموت من الخوف
ديما... شنو بالجيس؟
... حلويات هنودي جابهم
بتول... والله هذا مهند وردة اكيد عرف بيج ضايجة راد يطلعج من جو الكأبة الأنتي بي
... كلهم حبابين بس احمد غثيث ومكروه
... اهمداج هو وين اكو مثل احمد وبطيبة والله ماكو اخ حنين على خواتة مثلة من هو صغير يخاف علينا من الهوا
... اي طيب وياكم مو وياي من يوم يومة وهو شاد وياي
... اكولج اشو كلبتي على احمد شبيج
... غير جاي احجي الحق كافي لغوة زايدة خلي نتفرج على الفلم
ثاني يوم داومنا اني وديما من رجعنا عناد بامي رحت نمت منزلت غبر المغرب
نزلت جوة لكيت خالتي ام عذراء وعذراء يمنا بوستهن ورحت للمطبخ
سالت ديما اكولج دتلاحظين جيات عذراء، وخالتي كثرانة هلأيام
... اي ولج ومن يكعدن ماكو سالفة عدهن غير احمد
رحنا اني وديما كعدنة يمهم ماما من شافتني عبست واني هم درت راسي منها وطنشتها
ام عذراء... والله يا وفاء لوتشوفين عذراء شلون شايلة البيت شيل بالنظافة والترتيب حتى متخلي نسوان اخوتها يشتغلن خو طبخها مينشبع منه
وفاء.. فدوة العينها نادرة على امها ربي يحفظها الكم
... خالتي ظلت تصبغ بعذراء بيبي وبتول عاوجات حلكهن ههههههه
راحت خالتي ماما حجت
وفاء لويش مترجعين عذراء الأحمد دشوفيها شلون محلوة وصايرة ام بيت
بيبي.... عوذة منها بالعباس اعوف البيت واطلع اذا يرجعها
وفاء... لا شيرجع منها تورطنا واخذناها اله شلعت گلبنا وگلبه
بعدين انتوا تصدكون هاي تتغير اصلا مشوفة نسوان اخونها الويل كل يوم والثاني زعلانات يم اهلهن بسببها
بتول... اي والله زوجة اخوها المسكينة كلما تشوفني تشكيلي منها
... عفناهم يحجون وصعدنا اني وديما ندرس اني عناد بماما صرت ما اشيل كلاص المي من الكاع
بعدها بيومين تمارا حللت وطلعت حامل الكل فرح بهذا الخبر ما عدا ماما واضحة الغيرة عليها مرات احسها متخبلة عقلها طاير من راسها
