_ عنفوان أمرأة _
( بقلم بسمة البياتي)
_البارت الثالث والعشرون _
كال بصوت نعسان انتي دانية لو بعدني حلمان
.. قربت وجهي منه وهمست لأزم جنت تحلم بيه
كعد لحيلة يباوعلي مستغرب كال هاي انتي صدك
اقتربت منه آكثر مبقة اي فاصل بينا خليت ايدي على خده تلمست بشرتة وشواربة
هو صافن حتى ميرمش كل لمسه مني جنت احس بتأثيرها عليه
كال بصوت تعبان شنو الفلم ترى دخت واحتاريت بامرج
علكت ايدي بركبتة وخليت كصتي على كصتة كتلة اني ما احب الف وادور انت كدامك خيارين
فتح عينة رفع حاجبة كال صار بيها خيارات عرفت وراج سالفة
بستة بين حنكة وشفتة ههههه حميد انتهى رجعت همست
هسه اسمعني وانت اختار رفل وخواتها وبنات خالتها جوا محظريلك حفلة بمناسبة ميلادك
وجايبلك كيكة بيها صورتك وصورتها وهي بين احضانك
ابتسم كال اي وبعدين
.. اختار تنزل يمها لو تبقة اهنا يمي
... هههههه همس هاي اعتبرها غيره لو شنو
.. لا مو غيرة تكدر اتكول خباثة هي وشلتها حركوا دمي واني حبيت اردها الهم بطريقتي
... اشو ممصدكج
... كيفك لاتصدك يلا اختار
كال اكو مخبل ينزل علمود الكيك الصناعي ويعوف الكيك الرباني
.. طوقني بحضنة اخذ شايفي بين شفايفة بوسة طويلة
جان عطشان ويريد يرتوي بالكوة بعدت منه
كتلة اقفل فونك
رجع باسني جان منتهي حتى ميسمعني شكول
دفعتة من صدره على كيف حمود اسمع الكلام واقفل الفون
.كال خرب غيرتج من تلحين على شي سحبه قفلة ورجع حضني
اتقرب مني بالهفة وشوق ويا كل لمسة يهمس أحبج مشتاقلج
احمد العنيد المتعجرف الي ميتحاجة صار مثل الطفل بين ايدي
دك فوني كال بغضب خبصتيني حتى اقفل التلفون وانتي عايفتة مفتوح عوفي لاتجاوبين
... هههههه بستة من يم اذنة لا تتعصب مراح اجاوب
رجع رن مرة ثانية كال قفلييييييي
... خلي اجاوب اكيد هاي وحدة من البنات شافني مموجوده عبالهن انهزمت هههههههه
اخذت الفون جاوبت ديما
.عاطت هاي وينج گلبت البيت عليج وانتي ماكو
كتلها لميت هدومي وهجيت
.. عاااااا صدوك تحجين بس لا انقهرتي من هذن الدايحات لج ويننننج احجي
....ههههههه الثولة صدكت كتلها لج اشاقة موجودة بالبيت وبعد لاتتصلين
