_ عنفوان أمرأة _
( بقلم بسمة البياتي)
_البارت السادس عشر _
هذا هو مصار شي اني غلطت مجان لأزم اكوله بهاي الطريقة وهسه تصبح على خير
رجعت غطيت رأسي احمد سكت مجاوبني عافني براحتي
ظليت افكر بكلام أحمد فعلاً علي كاعد ومتونس مجان لأزم ابلغة بهاي الطريقة امداك يالساني
اخذتني النومة كعدت نص الليل ميتة عطش دورت مي ماكو
نسيت اصعد وياي
حاولت ارجع انام مكدرت عطشانة اندريت على حميد
تقربت منه وندهتة أحمد
هزيتة من كتفة فتح تك عين بالكوة حجة من النعاس هااا
.. عفيه عطشانة اريد مي
... ومتشربين شكو مكعدتني
... منين اشرب ماكو مي بالغرفة كوم جيبلي
... باباتي رجعي نامي
.. خرب انطاني ظهرة
احمد كوووم جيبلي داكولك ما أكدر انام عطشانة
حجة وهو مندار روحي على ديما تنزل وياج شربي وتعالي
... ديما صارلها كم يوم تنام يم خالة جوا يلا كوووم ماكلة جبس مالح والعطش كتلني
وبسببك نسيت اصعد اليوم
... اي اي عود الصبح شربي
... خرررب اكوووولة عطششششانة اذا انام اظل احلم بالمي من العطش
... من نعلعلة الفكر يزوجج زعطوطة خوما زعطوطة كل شوية عطشانة
... قابل بس الجاهل يعطش باليل
كام من الفراش بغضب كال والله وكت انزل نص الليل اجيب مي للخاتون
راد يطلع كتلة شغل الضوا ولا تتاخر
بقبضة ايدة ضرب سويج الكهرباء
هههههههه هم زين مفلش النقطة
راح جابلي واجة شمر البطل عليه ورجع تمدد
شربت المي واني اضحك على شكله ههههههه
كمت طفيت الضوا ورجعت لفراشي
اريد اغمض اجة حضني كتلة ترى نعسانة أريد ارجع انام
.. أحمد انتي الجنيتي على روحج وكعدتيني تحملي نتيجة افعالج
.. يااا يعني يتورط على عمره اليكعدك انت تريدها من الله
الصبح سألت بتول اكولج علي شخباره خوما ضايج
.. لا محجة شي بس ادري بي ضايج بس يضم بگلبه
كاعدين على الغدا مثنى كال الماما ام سيف اكلي زين اريد سيوفي يتغذى ويطلع قوي وسبع مثلي
صادق.. ام علي مو ام سيف لاظل تلوص بالحجي
حلمية... عوفه اني شلون ما اشوف راح تجي بنية جلحة ملحة تشبها
