_ عنفوان أمرأة _
( بقلم بسمة البياتي)
_البارت الرابع عشر _
تآذيت منه ردت اصرخ خلة شفايفة على شفايفي من حلات روحي عضيتة من شفتة السفلية
.. ااااخ خرب عشششيرتج بنت السكط
...ضربني راشدي بكل قوتة حسيت رأسي افتر ودخت.
عافني وكام وهو صاير بركان من الغصب يسب ويلعن راح وكف كدام المرآيا يباوع على حلكة
اني بعدني جامدة بمكاني الدوخة لأزمتني اريد ابجي اريد اصرخ اريد اطلع كل قهر گلبي بس مجاي اكدر مستحيل اضعف كدامة واخلي يشوف ضعفي
احمد... ششششلون راح انزل هسه اذا شافوني شيكولون عليه ما اخذ جلببببة مو مرة
... تحركت من الفراش رجعت لبست السيت وتلفلفت بالروب مابية حيل اكوم اطلعلي دشداشة
ختلت جوة الفرشة وغطيت راسي انفجرت بالبجي خليت ايدي على حلكي اكتم صوت شهكاتي
ظليت هواي جوة الفرشة من البجي عيوني ثكلت احتريت واختنكت بس مكدرت اكشف راسي
احمد اسمع خطواتة يروح ويجي ريحة دخان جكايرة لعبت نفسي
بقينا على هذا الوضع اكثر من ساعة ونص
اندكت الباب
احمد... منوو
زهراء.. اني جبتلكم العشى
... نزلي وياج منريد
دانية.. عمة سكتت الظاهر نزلت احمد بس يتافأف فوك ماضربني وغلط عليه هو الضايج
هم اندكت الباب وهالمرة صوت خالة وفاء
احمد نتر بعصبيه يوووووم الخاطر الله منريد زقنبوت ليش تلحون
وفاء... احمد افتح الباب شصاير جوا وين دانية
... لج ارتاحيتي هسه شلون افتحلهم بهذا شكلي
حليمة... لك احمد افتح
... احمد فتح الباب اسمع صوتهم يكولوله وين رايح اوكف
زهراء... ياااا شوفوا هاي شلون متلفلفة اكص ايدي اذا مصاير شي بينهم
حليمة... دانية كوووومي كعدي فهمينا شكو
... ظليت مغطية راسي ومغمضة مجاوبتهم
بيبي كاعدة قريب مني رفعت الغطة من رأسي
سحبتني من ايدي كعدتني كبالها
. حلبمة... فتحي عينج دانية
... بالكوة فتحت عيني
وفاء.. دانية ليش عيونج مورمة هاي شصاير بشكلج
... متحملت خليت ايدي على وجهي وغصيت بالبجي
... يااااا الوكحة جاي تبجي لج احجي شبيج
