.............>>>>>>>>>>>>>>>............
بالمستشفى ..
وتحديدا بالاسعاف وحالات الطوارئ..
دخلها عند الدكتور ومنتظر يطلع من عندها...ساند نفسه على الجدار ومريح راسه عليه..محتاج يئعد بس قلبه رافض يطاوعه ..وعينه تروح وتيجي على طارق اللي قطع الممر من كتر مارايح جاي عليه.. وجواه مقهور اكتر من قهره وتعبه..بس عاوز يعرف سر وجود طارق معاه في الوقت ده ؟؟ وسبب خوفه ولهفته عليها؟؟
طارق القلق واضح بعيونه: ليه اتأخر الدكتور ليه ؟؟؟
كرم دور وشه عنه وما ردش عليه..
طارق اتحرق من الخووف عليها: انت ايه اخي انت ما بتحسش..ورح اسأل عنها..
كرم لف وبصله: وانت مالك انت؟؟؟ وبأيه يهمك امرها !! هي مراتي ..بس انت مالك بيها..؟
طارق صدمه السؤال ..انتبه لنفسه ..بالعاده خفي مشاعره بس اليوم من خوفه عليها فضح نفسه رد: انا ابن عمها ..ولا ده مش كفايه
كرم رفع حاجب: ومن امتى وانت ابن عمها ..قبل كام يوم ؟؟ لحقت تتعلق بيها..
طارق سكته رد كرم..فعلا لسه مافاتش وقت عليهم عشان يتعلق ويهتم الاهتمام ده كله ..بس انقذه من الموقف دخلة الدكتور..
كرم اول ما لمحه جري عليه: طمني يا دكتور؟؟
وطارق وقف بعيد يسمعه..
الدكتور: انت جوزها..؟
كرم: ايوه..
طارق هنا نزل عينه..الكلمه صحته فيه امور كتير جواه.
الدكتور: لا الحمد لله هي بخير..بس شوية ارهاق واجهاد..خليها تكمل المحلول حاليا..وترتاح فالبيت...بعد ساعه من دلوقت تقدر تاخدها..
كرم مد ايده للدكتور: الف شكر..
الدكتور بأبتسامه على خوف كرم..مش دايما يشوف قلق وخوف زوج ع زوجته.
: العفو انا عملت الواجب..."سابه ومشي"
دخل كرم عندها بالغرفه..شافها نايمه بسلام..بس فعلا وشها كان تعبان ومرهق..
ئعد جنبها على السرير..وبصلها بحنيه..بحب..بشوق تعدا كل مراحله..
مد ايده على خدها يلمسه بحنان..
وبنفسه " ايه اللي وصلك للحاله دي ؟؟ايه الي بيحصل معاكي ؟؟ انتي مش فتون ..ياتري ايه الي بيبعدك عني انا متأكد.. انتي بتحبيني ....شفت الحب في عيونك واحنا مع بعض ..ارجوك ما تكذبيني..."
وطبع بوسه على جبينها..وغطاها بأحكام..ومسك ايدها وباسها وهيفضل ماسكها لحد ما تصحى وتشوفه جنبها ...
......منه محمد....
ايده بترعش جامد وهو حاططها على قبضة الباب..فعلا بأي حق يدخل وهو حتى ما يقدرش يئعد جنبها وأكتفي بأنه بس يبصلها حتى النظره مش مسموحه بيها..بعكس اللي قدام عيونه...عمل كل ما اتمني يعمله..
قفل الباب بهدوء عليهم وسند نفسه على الجدار..
واتنهد: اه..مالي ..حاسس اني تعبان..
ئعد على الارض ..جنب الباب..على الاقل ما يفرقش عنها الا جدار..
حس ان الدموع خنقته ابتسم بأستهزاء على نفسه: والله ما عرفت اني هضعف قدام بنت !! من امتى وانا بحس ان نفسي ابكي على واحده..وياريتها أي واحده ..مرات كرم..وبنت عمي !!!!
ضم ركبته لصدره وحط راسه بين ايديه ..وهو متأكد انه بقي مجنون فتون غصب عنه..ومافيش شيء بالكون يقدر يوقف المشاعر اللي سيطرت عليه وسلبت عقله وقلبه...
..............>>>>>>>>>>>>>>.................
في القصر..
الكل عرف عن تعب فتون ..وقلق عليها وانتظروها كلهم في القصر.
دخل سَيار عليهم من برى..مع ان الوقت متأخر...
شاف سالي قاعده معاهم..
: السلام عليكم..
الكل رد السلام..وسالي دق قلبها..واعترفت لنفسها انها اشتاقت له وكتير كمان.
ئعد معاهم وبدون مابيصلها: بيتك نور
سالي: منور بوجود اهله..
رفع راسه على البنات: ما جاتش فتون !!!
ريهام: لا لسه..
وشاف ابتهال بتحاول تمسك نفسها وما تعيطش قدامه..
سَيار بحنان: تعالي يا قلب ابوكي..تعالي جنبي.
ابتهال ما صدقت وراحت جنبه ,,ودموعها جريت على خدها..
سَيار حط ايده على كتفها وضمها : اختك بخير ومفهاش حاجه ...شوية تعب بس..
ابتهال ما تحملتش النبره الحنونه دي وبكت وبصوت عالي: خايفه عليها..مش عاوزه يحصلها حاجه.
سَيار: من هنا وطالع اهتمي بيها كتير...أجبريها تاكل ده واجبك ناحيتها يا ماما.
ابتهال هزت راسها: مستحيل اسيبها مره تانيه..
سالي ماتت قهر..ولا واحده من بناتها جات بحضنه بالشكل ده وبالنهايه تيجي بنت فتحي تاخدها مقشره كدا..!!
البنات اتأثروا بالموقف..ودمعت عين نسمه
سمعوا موبايل ريهام..وبسرعه ردت عليه..
: اهلا طارق.
طارق: اهلا ريهام قولي لهم انها بخير وخلاص شويه وترجع..
ريهام: ربنا يطمنك زي ما طمنتنا..وانت مش راجع !!
طارق سكت شوي ...وبعدها رد : لا ...راجع معاهم..
ريهام: اوكي ..سوق ع مهلك باي..
طارق: باي..
ولفت عليهم..: بيقول شوي ويرجعو ..
سَيار ابتسم ومسح على راس ابتهال بحنيه: شفتي..فتون اختك قويه ربنا يحفظها..
ابتهال باست راس عمها ...حنان عمرها ما شافته من ابوها ولا مره ..اتمنت من كل قلبها لو ان ابوها كان كدا وشبع حرمانها لو يوم واحد..
..................>>>>>>>>>>>>................
بالمستشفى...
صحاه صوتها..فتح عينه بسرعه ..شافها لسه ما صحيتش بس تقول كلام مش مفهوم .
قام من على الكرسي ورجع يئعد جنبها
: فتون...فتون.. صحيتي !!
كانت تتكلم بس ما فهمش..قرب اكتر من عند بؤها..سمعها تنادي امها ..سامح..و...........وطارق !!!!!!!
بعد عنها مش مستوعب حاول قد ما يقدر يكذب نفسه..
كرم: لا قالت سامح..وانا سمعتها طارق
رجع يصحيها: فتون ..فتون ..
فتون بدئت تفتح عيونها بشويش والنور كان مضيقها وجسمها يألمها..وهي مشعارفه فين..
حاولت تركز اكتر....شافت كرم يكلمها بس مش فاهمه كلامه ولا هو بيقول ايه ..وعايزه تعرف بس هي فين..لفت يمين شافت السيروم شابك بأيدها وادوات طبيه ..عرفت انها بمستشفى بس ليه ؟؟؟
بصوت واهن: عاوزه اشرب.
كرم بسرعه قام واخد ميه: كدا وقعتي قلبي عليك..
فتون بصتله وحست وكأنها ما تعرفهوش: انا مش قلت لك متقربش مني !!!!..
كرم وقفت ايده وهو يمد لها كوبايه الميه : نعم !!!
فتون حست نفسها صحصت شوي وسندت راسها على السرير وعيونها اتملت دموع: ابعد عني يا كرم ...ابعد ما اقدرش اتحمل قربك ...حس بيا ارجوك.
كرم وكأن حد جه وضربه كف على وشه: فتون انتي صاحيه ولا لسه نايمه ؟؟
فتون اخدت كوبايه الميه منه ورمتها بعيد: اطلع برا ...كرم ابعد عني ...افهمني..
كرم ضحك ضحكه باهته وكأنه بيضحك على قدره ولا حظه ولا حاله وحالة فتون
: هه!!! فتون انتي اللي افهميني ..
فتون قلبها ..عقلها..جواها ..كل خليه فيها تألمها ..نفسها انكتم..الدنيا من حواليها ضاقت عليها.
وحست لا شعوري انها محتاجه تبعد عنه بالقوه..غصب عنه وعنها ..ضغطت على جرس الطوارئ..شوي دخلت عليهم النيرس بسرعه...
فتون غمضت عيونها: خليه يطلع..
النيرس بعصبيه: لو سمحت اطلع بسرعه . شوف المدام تعبانه !!
كرم وقف وهو حاسس ان عقله فصل خلاص: انتي مالك انتي!!!!
النيرس: مستر..انا ممكن اطلب السكيوريتي.. لو سمحت اطلع ...المدام تعبانه..
كرم بص لفتون اللي غمضت عينها ..ورجع يبص لـ النيرس لا عارف يرد ولا يصد ...اقرب رد فعل خطر في باله يعمله يصرخ ويهز الكون وياخد فتون معاه ولو بالقوه..
بس مسك نفسه وطلع ...شاف طارق قاعد جنب الغرفه وقاعد على الارض وراسه بين رجوله ومغمض عيونه..بصله كتييييييييييير..
وفجأه مسكه من كتافها ووقفه بغل..وضربه ضربه قوووويه على وشه لدرجه ان راسه ضربت في الجدار..
طارق حس بالضربه اللي جات على وشه والالم وصل لحده منها..
فتح عينه بس عاوز يعرف مين ..وانصدم لما شاف كرم ...وهو يصارع الالم: انت يا متخلف ليه بتضربني..
كرم اتنفس بسرعه..وغضب الدنيا اتلم عليه : انت السبب...كله منك..
طارق اتعصب: انت واعي ولا مجنون..بأي حق تضربني ولا استحليتها ؟؟؟
"ولمح دمعه في عيونه بس كذب نفسه"
كرم نزل راسه وهو مش قادر يلاحق انفاسه : روح ادخلها وخدها معاك..
كرم باللحظه دي حس انه كاره نفسه...ضعيف مكسور..لدرجه ان يطلب من غيره يكون مع حبيبة قلبه ومراته..واصعب شعور يحسه الراجل انه ما يكونش في ايديه شيء ممكن يقدمه لقلبه ويطلب من غيره يقدمه عنه ..
طارق بيستوعب كلمه كرم: ايه؟؟؟؟؟
كرم لف: مستنيكم برى ..."ومشي يمد.."
طارق ما قدرش يتحرك...لحد ما شاف كرم اختفى من قدام عيونه...
ودخل الغرفه بسرعه يتأكد ان فتون بخير
شافها بتلم شعرها وبتعدل نفسها..
ولفت عليه بصدمه : طارق؟؟؟
طارق انحرج منها : معليش ما خبطش ع الباب بس فكرت ان فيك ...
وقطع كلامه فتون : فين كرم؟
طارق زاد استغربه ..لما هي خايفه عليه وهو خايف عليها ليه ما اخدهاش معاه !!
رد: برى !!
فتون: طيب يالا نمشي.
طارق قرب منها يمسكها..
(البارت له تكمله)
البارت٣٥
Comenzar desde el principio
