البارت 29
#المشكله_والعنيد
منه محمد
جو التوتر كان مسيطر على الوضع..وكل واحده منهم منتظره الجاي ممكن يكون شكله ايه
شوق لسه مشعارفه رد فعل امها لما تعرف يا تري هيكون عامل ازاي؟؟..والبنات قاعدين بس علي اعصابهم ومستنين ريهام وفتون يرجعو لهم..
سجى الوحيده اللي مش فاهمه اي بدنجان واستغربت الوضع: شوق فيه ايه ؟؟
الا سمعوا من وراهم خطوات جايه كتيره وسريعه بنفس الوقت متجهه ناحيتهم ..
شوق وقفت ورجولها شاده..لانها شافت امها في قمة العصبيه والدموع ماليه وشها
سوسن ام شوق اول ما شافت وش بنتها لونه اصفر..حست بألم فظيع في قلبها ووقفت قدام بنتها وبصت في عيونها..
شوق حست في عيون امها كلام كتير..واغلبه تأنيب او عتاب..
وقطع النظرات الطويله صوت سوسن المخنوق: شوق بجد الكلام اللي قالوه ليا !! وبكلام هستيري ارجوك يا بنتي كذبيهم..قولي لهم أي حاجه وخليهم يطلعو ..انا عارفه..عارفه ان محصلكيش حاجه...شوق ردي علي..
شوق عمرها ما بكت..كفايه الدموع اللي خسرتها من لما كانت طفله..كفايه الألم والحزن والضعف اللي عاشتهم سنينها كلها..نزلت راسها مفيش كلام ممكن تقوله مفيش كلام حتي يعبر بأحساسها الميت
سوسن ما صدقتش عيونها ..شوق ما ردتش عليها ولا كذبت الحكايه ..قربت من بنتها اكتر ورفعت راسها بأيدها وهي تترعش..
سوسن : شوق بنتي ..جاوبيني..ربنا يخليك جاوبي..
شوق حاولت تجمع قواها..وقت الصمت والسكوت ولى وراح....دلوقتي خلاص كل شيء مكشوف ومينفعش تخبيه للابد..
واتكلمت بحزن عتيق: طول عمرك كنتي مالهيه عني..خليتي فهد الواطي كل حياتك ونسيتي ان عندك بنات...يمكن سجى قدرت تتكيف مع الوضع الجديد..راجل غريب في حياتنا وفي يوم وليله نقوله بابا..اعتبرتيه المنقذ الوحيد لينا..وان احنا ما نقدرش نعيش من غيره...لكن يا امي دمرني انا..انا خسرت كل حاجه بسببه..خسرت حياتي كلها..كلها..
سوسن صرخت : لا..شوق انا عملت كل ده عشان مصلحتكم..
شوق بصت لامها جامد: أي مصلحه..وانا خسرت عذريتي من لما كان عمري 8 سنين..
الكل وسجى وامها الصدمه قتلتهم..8 سنين !! لما كانت في السن الصغير ده وهي في صراع لوحدها..8 سنين ضعيف الايمان الحقير استغل طفولتها وبرائتها..من لما كان عمرها 8 سنين واعتبرت نفسها في عداد الاموات..!!
سجى قربت لامها: ماما..شوق بتقول ايه؟؟..شوق بليز اتكلمي زي الناس انتي بتخرفي تقولي ايه؟؟؟
شوق شافت صدمتهم ضحكت بسخريه: ماتستغربيش يا ماما..وحتى انتي يا سجى..انا لما كنت صغيره كنت بقوله ليكم بس محدش سمعني....ماما ماتنكريش اني في كل ليله بجيلك مرعوبه واقولك عمو فهد بيخوفني وبخاف منه..واقولك جوزك يا امي خليه يبعد عني..واقولك نظراته غريبه..بس كل اللي قدرتيه قسمتي البيت نصين..انا مش بالومك..ولا بالوم نفسي ولا بالوم أي حد..بس ألوم هو قدري اللي جمعني مع فهد جوزك..
سوسن وقعت على الارض منهاره...هتبرر تقول ايه ولا قادره ترد ع شوق..ولا حتى تواسيها..
سجى تحاول تجمع دموعها: وليه ما قلتيليش...ليه يا شوق.
شوق: لو قلت لك فيه ايه في ايدك تعمليه..بس هيزيدك هم وغم
نسمه وابتهال وفتون وريهام..كانوا واقفين على جنب وحاضرين الموقف ومأثر عليهم نفسيآ..ونسمه الوحيده اللي كانت دموعها شلال على خدها ..صعب عليها تشوف شوق بالموقف ده...
شوق نزلت عند امها على الارض وبعدت أيدها عن وشها: ماما..دلوقتي عرفتي كل حاجه..ناويه تعملي ايه مع لفهد !!
امها بصتلها شوي وعلى طول حضنتها بقوه ولا ردت عليها...وهي تبكي وتنوح حظ بنتها..تبكي نفسها وترثي حالهم الجديد...
شوق بعدت عنها: ماما..اسمحي لي...انا رايحه مع نسمه لحد ما تحددي قرارك..يا انا ..يا فهد جوزك في البيت ده ..."سابت امها وطلعت فوق"
سجى حاولت تحصلها: شوق لحظه...شوق اسمعيني..
ريهام قربت من سوسن ووقفتها وقعدتهاعلى الكنبه: ضروري تعاقبي فهد الحيوان ده واشد عقاب..."وسابتها"
وطلع الكل برى ينتظر شوق..
اللي نزلت وباست امها وطلعت لنسمه
.........
بالكافيه..
شاف نظراتها كلها خوف..وكأنها مش مصدقه بس ما اهتمش. الاهم عنده حاليا اللي ماسكه من هدومه: ابن عمها..عندك أي اعتراض...!!
اياد انصدم عاوز يصدق ومش عاوز..وحاول يبعد ايده عنه: أي ابن عم ..اصلا هي ما عندهاش عم...
سامح بص لهبه: اه شكلك محكتلهوش ان بقالك ابن عم..معرفش مكسوفه ولا لسه ما فضيتيش ولا فسدت عليك الجو..!!
هبه ما ردتش عليه الصدمه شلت لسانها..
سامح رجع شد مسكته على اياد..وحط ايده على خده: يا بابا...ان شفتك مع بنت عمي او مقرب ليها ..صدقني نهايتك حتبقي على ايدي فاهم .."ودفعه بعيد"
اياد وهو يظبط هدومه: روح انت وبنت عمك اللي فرحان بيها..وصدقني محدش هيدفع التمن غالي الا هي..
سامح: روح انت وفرجني عاوز أشوف شطارتك..واعمل كل اللي تقدر عليه ياشاطر
واخد ايد هبه وسحبها وراه وهو ماسك اعصابه بالعافيه..ازاي الحيوانه دي تئعد بمكان عام مع واحد غريب وكأنه شئ عادي بالنسبه لها..
هبه اللي حست بصغر حجمها وموقفها..وكرمتها اللي انداست ...باقيلها ايه تحافظ عليه..اتمنت الموت بالوقت ده وفورا..
سامح وقفها في الشارع ولف لها..مش قادر يسكت..: انا بس هسألك سؤال..انتي مابتخافيش من ربنا..مش بتتكسفي على دمك..ما فكرتيش فأهلك لو عرفوا عنك انك وسكت!!
هبه دموعها نزلت..وهي شايفه سامح في قمة عصبيته ونظرات الاحتقار موجهه ليها..
ردت: سامح...انت فاهم الموضوع غلط..
سامح صرخ: أي غلط !! وانا شايفك معاه بعيوني ..لا يكون ده فيري عادي عندكم وانا معنديش خبر..!!
هبه كرهت الموقف اللي خلاها ضعيفه ورفعت نبرة صوتها اكتر نفسها تدافع عن نفسها..
: لا مش عادي...انا غلطت اول الموضوع صح ومابنكرش..بس حاولت كذا مره ابعد عنه واسيبه بس ما قدرتش..
سامح كمل سماع وقاحتها وحس انه بيغلي مولع نار: ما قدرتيش !! للدرجه بتحبيه ؟؟وبتقوليها في وشي خبط لزق كدا؟؟
هبه برتباك: لا..والله ما بحبه...بس هو بيهددني " وبدئت تبكي بصوت عالي " وكرم لو عرف والله هيموتني !!سامح انا تبت بس هو مش راضي يسبني في حالي..
سامح شاط: الحقير ...الواطي..."وبعد عن هبه كام خطوه ياخد نفس"دلوقت عرفت ليه الحيوان مستقوي..بس متخافيش حسابه عندي.."ولف عليها" هو ايه الي معاه بالظبط؟؟
هبه بتردد ومنزله راسها: ص...صور..
سامح شد على سنانه: حسابه معايا الندل..حسابه معايا..وانتي متفكريش انك طلعتي من الموضوع ..حتى انتي حسابك معايا..!!
هبه سكتت...وركبت معاه العربيه.ورجعوا للقصر..
.....................
بالملحق الخارجي..
الكل متجمع هناك..وقاعدين يحاولو يغيرو الجو على شوق..اللي كانت حاطه راسها على كتف نسمه..
ابتهال:عاوزين حاجه كدا اكشن... انا مليت وزهقت...
شوق بمراره وغصه: اكتر من الاكشن اللي شفتيه النهارده في بيتنا!!
ابتهال اتحرجت: لا...اقصد نغير جو..
جانيت اللي حست ان الوضع متأزم: صبايا معاي فيلم ع الدي في دي خلينا نحضره ..كتير حلو..
ريهام: اوكي..انا ما عنديش مانع..
فتون: اهم حاجه انه رومنسي..
ابتهال تمثل نفسها مصدومه: لالا...ايه التغير ده..فين اللي كانت بتحب الرعب والاكشن ولا عشان كتب كتابك الاسبوع الجاي..
فتون اتغير لون وشها من سيره الجواز..هي ما كانتش نسيت ..وسابت الامور تمشي زي ما هما عاوزين وساكته..
ريهام ضحكت: شكلك احرجتيها..
نسمه بهمس: امير...دلوقت ارتحت مش كدا!!
شوق: ايوه.. لما قلت لامي كل اللي في قلبي ارتحت..
>>>>>>>>>>>......>>>>>>>>>>>
دخل سامح القصر..وكانت هبه ماشيه وراه وهي على قد ما هي حزينه ومتألمه للموقف اللي حصل لها ..على قد ما اتمنت ان سامح بالذات ما يشافهاش بالموقف ده
سامح فتح باب الملحق وشاف الانوار مطفيه الا نور التلفزيون وعرف ان فيه حد مع اخواته ..
حمحم: احم ...احم..
ابتهال بسرعه لفت : سموح فيه بنات هنا..
سامح قفل الباب ورجع لهبه: الحكايه دي مين يعرف عنها؟؟
هبه مش قادره تبص لعيونه: اختي نسمه...وابتهال..
سامح بصدمه: ابتهال؟؟؟؟؟؟
هبه : ايوه..
سامح سكت شوي...وبعدها رد عليها: ما تطلعش لاي حد تاني سامعه..
هبه هزت راسها "وراحت دخلت جوه القصر"
سامح اخد نفس عميق..وحس انه مخنوق وكأن خنقة السجن رجعتلو من تاني...ورجع يبص للعربيه اللي اشتراها له كرم.
............................
على اخر الليل..
راحت نسمه وامير جوه القصر..وريهام اللي كانت سابقتهم..
دخل سامح على اخواته وقعد شوي..وكان طول الوقت ساكت..
فتون: سامح خد بالك فيه هنا صاحبه نسمه مش تطلع وتدخل براحتك
سامح متوتر وواضح عليه: طيب..
ابتهال: سامح...عاوزه اروح لشهد من زمان لا شفتها ولا كلمتها..
سامح بص لـ ابتهال ووقف: تعالي معاي برى..عاوزك شوي..
ابتهال اتفجعت ووقفت: ليه فيه ايه !!
سامح: لا مفيش بس عاوزك تتمشي معاي بالجنينه شوي..
فتون بصتلهم الاتنين والخوف ملاه قلبها..وهي متأكده ان فيه حاجه..
اخد سامح ابتهال وئعدها على الكراسي بالجنينه.
وئعد ساكت وهو كل شوي يحاول يبدء بالكلام ويرجع يسكت..
ابتهال بخوف: سامح..والله قلبي هيقف اتكلم بسرعه..
سامح: ايه تعرفيه عن هبه ؟؟؟.
ابتهال بلعت ريقها: هبه!!! مالها؟؟
سامح جز سنانه: انا بسألك عنها..تعرفي عنها حاجه ولا ايه؟؟
ابتهال تتوه: لا..مااعرفش عنها اي حاجه ...هي بعيده عني ولا حاولت تقرب مني لانها....
سامح قاطعها: انا عارف كل حاجه ..بس عاوزك تقولي كل اللي عندك..
ابتهال الصدمه ملت وشها: عارف عنها !!!...سامح انا اللي اعرفه مش كتير..
سامح: ابتهال !!! مالك ليه مش فهماني البنت في ورطه وعاوز اساعدها قولي اللي عندك..
ابتهال اخدت نفس: الموضوع انو...انو في واحد قاعد يهددها وهي بتحاول تتخلص منه..بس كان مُصر عليها...وهي على كلامها والله..عاوزه تخلص منه..
سامح ضرب التربيزه بقهر : ده حكايته بقت عندي... بقلم منه محمد
.....................................
نسمه دخلت شوق بغرفتها وطلعت لاختها هبه..ماشافتهاش بقالها كام يوم غير لمحات وحالها متغير..
دخلت عليها الغرفه ولقتها قاعده وبالها بعيد..ووشها يدل ان على راسها هموم بحمل جبال..
ئعدت جنبها: هبه..!!
هبه اتفزعت: امتى دخلتي ؟؟
نسمه مسكت ايدها: حصلت حاجه جديدة!!
هبه نزلت راسها : وحاجه كبيره كمان.
نسمه خافت وبصت لـ اختها بنظرات ترقب..عاوز تعرف ايه الي حصل معاها بس خايفه تسأل ..
هبه حست بخوفها: سامح......عرف كل حاجه عني..
نسمه حطت ايدها على بؤها من الصدمه: سامح !!! ازاي؟؟؟ ومين حكى له؟؟...ابتهال ؟؟
هبه: لالا...مش ابتهال..هو شافني بالكافيه..وشكله كان ماشي ورايا ..
نسمه: يا نهار اسود...ايه موقفنا قدام سامح..وانتي قلتي له ايه..؟
هبه اتنهدت: قلت له كل حاجه..قال هيتصرف معاه "وسكتت شوي" ومعايا..
نسمه بتفكير: ازاي هيتصرف معاه..واياد الحقير معاه الصور..
هبه بحياء: والله ما عارفه بقي..بس هو قال هيتصرف معاه ومتخافيش على الصور..
نسمه: يارب..يارب يقدر يحل الحكايه ونخلص من الكابوس ده....بس تفتكري ممكن يقول حاجه لكرم ..؟؟
هبه: لا...لانه هو قالي متقوليش لحد حاجه.
نسمه سكتت..وهي جواها تحمد ربنا ان عندها ولاد عم زي فتون وابتهال وسامج جدعان.
...............................
اليوم التاني...
ئعدت عند السرير على ركبها وحطت ايدها على خدها ..تتأمل ملامح وشها...وهي مبسوطه...قدرت تحقق كل اللي في بالها واهم حاجه قدرت تريح حبيبتها شوق..
شوق فتحت عيونها بشويش لانها حست ان حد جنبها..
نسمه تشوفها تغمض وتفتح عيونها والنور زعجها: بنجور..
شوق ابتسمت: صباح النور..
نسمه: تحبي نروح المدرسه ؟؟
شوق قعدت على حيلها وشعرها البوي اتحول سبايكي منكوش بس روعه: انتي ايه رايك؟
نسمه: انا بقول نطلع انا وانتي وابتهال وهبه نفطر برى..خلينا ندي نفسنا اجازه..
شوق اتحركت من السرير: وخصوصا بعد مغامرات امبارح اعتقد و ضروري نغير جو...
نسمه راحت وراها: انا مبسوطه انك معايا..
شوق وقفت عند باب الحمام وهي فيها الضحكه بس خفتها: ايه رايك تدخلي معاي كمان !!
نسمه خافت ورجعت كام خطوه ورى: لالالا..ادخل لوحدك..
شوق ضحكت ودخلت الحمام..ووقفت قدام المرايه وتشوف شكلها من اليوم وطالع الحمل اللي شاله قلبها سنين انزاح..وحست انها بقت خفيفه بعكس الاول اللي كانت حتى حياتها وايامها متقله عليها عيشتها..
>>>>>>>>>...........>>>>>>>>>>>
سالي: وليه ما قلتيلش انها عندك من امبارح..
نسمه: ماما...وامتى هقولك.؟؟ اصلا انتي امتى رجعتي للبيت.؟
سالي: مهما كان على الاقل اكون عندي خبر..
نسمه نغزت امها: خلاص مامي البنت جات..
شوق: صباح الخير يا طنط..
سالي نبره تجامل: صباح النور...منوره والبيت بيتك يا قلبي..
شوق.: ربنا يخليكي..
نسمه وقفت: اوكي مامي..احنا خارجين...باي .."وطلعوا برى"
وفي الملحق الخارجي.
ابتهال وهي بتلبس: رايحه معاهم اوك..
فتون : خالي بالك ع نفسك..
ابتهال بصتلها: متخافيش عليا....يالا باي..
وطلعت لقت شوق ونسمه واقفين.
قالت: صباحو...
الاتنين: صباحو..
ابتهال:امال فين هبه؟؟
نسمه نفخت: معرفش..قلت لها تجهز بسرعه بس كالعاده بتحب تتأخر..
ابتهال بصت لنسمه ونفسها تعرف هي عرفت ان سامح عرف بحكايه هبه ولا لأ؟؟
ونسمه نفس الشئ ..نفسها تسأل..بس لسه ما سمحتلهاش الفرصه..
وشافوا هبه مقربه عليهم.
وقالت: صباح الخير..
الكل رد عليها: صباح النور..
هبه بصت ل ابتهال وهي مكسوفه منها..ولفت على نسمه: نسمه مش حابه اخرج..خلوني فالبيت..
نسمه: لا مستحيل نسيبك وخصوصا بعد ما استنناك كل الوقت ده..
شوق: تعالي معانا..نغير جو عن المدرسه والكأبه..
هبه متردده: لا...ماليش مزاج
وسمعت صوت سامح: احم..
سامح بصلهم بطرف عين ولا واحده حركت ساكن..
ابتهال الود ودها تضحك على اخوها اللي مستني يمشو ويتحرجه منه.
: سامح ..خد راحتك..مافيش حد غريب..خخخخخ
شوق: ده سامح اخوكي!!..اهلا وسهلا..والله ابتهال صدعت راسي بيك.
سامح برق عيونه ..اول حاجه شكلها وطريقة كلامها وقصة شعرها ماتوحيش انها بنت..
: اهلا بيكي...بقولكم كأني شايفكم ناوين تطلعو ..ولا شفت لبس المدرسه.؟؟
ابتهال قربت منه: يا اخويا اليوم مناسبه سعيده..قررنا نغيب ونطلع نفطر وننبسط شويه...
سامح بص لـ اخته..وهو مستغرب غيرت عاداتها كتير..بقت تخرج وتدخل ولا تحسب لحد حساب..
رد: ومين رايح معاكم؟؟
نسمه بعفويه: وليه يروح معانا حد؟؟ احنا كفايه..
سامح بص لهبه وهو رافع حاجب: لا..ما يصحش البنات يخرجو لوحدهم لان بعدين ممكن يحصل امور محدش حسب لها حساب..
هبه نزلت راسها وحست ان الدموع خنقتها..
نسمه فهمت قصده وحاولت تتوه: خلاص طالما الموضوع كدا من وجهة نظرك تعال معانا..
سامح بصلهم : اصلا ده اللي بعمله.."وطلع موبايله وهو ماشي وكلم كرم يبلغه انه هيتأخر شوي"
