البارت التاسع عشر
#المشكله_والعنيد
منه محمد
في بيت مياده..
مياده بدموع: تخيل سالي قايله لي انه اخد حقه ومشي..
سيف زوج مياده: وليه قالت لك الكلام ده...
مياده: معرفش معرفش...انا امبارح طلعت ولا فهمت الموضوع كله..كرم قالي كلام غير الي اعرفه ..وسالي فهمتني حاجه تانيه خالص...
سيف : طب وسَيار قالك ايه ؟؟؟
مياده: سَيار عمره مافتح معاي الموضوع ده من اول ما أتوفى ابويا...
سيف: ربنا يهديه...عمري ما تخيلت اخوك كدا..
مياده: ولا انا عمري ما شكيت فيه..يا عمري يا فتحي ياااخويا..كلوا حقك وانت ساكت..واكيد سلطانه ماتت من القهر اللي شافته..
سيف بحزن: الله يرحمها...فين فتحي دلوقت؟؟؟
مياده خنقتها الدموع: على كلام كرم اختفى ومحدش لقيه ولا عارف هو فين؟؟؟!!!
سيف: اه من الزمن..مالوش امان..
مياده بغل:انا مش هسكت ...وهكلم كرم يقولي الحكايه..مفكرني واحده غبيه انا لازم افهم."وفعلا اخدت موبايلها واتصلت بيه.."
كرم شاف موبايله واستغرب: عمتي!!! خير ايه الي عندها.."ورد عليها"..ازيك ياعمتي..
مياده: اهلا بيك يابني...اخبارك..
كرم: تمام الحمد لله وانتي اخبارك؟؟
مياده: انا بخير...تعال يا حبيب عمتك عندي موضوع وكنت عاوزه اكلمك فيه
كرم كان في العربيه: طيب دقايق واكون عندك..."وقفل"....اكيد عاوزه تفهم اللي حاصل...بس بجد جات متأخره...
وغير طريقه وطلع علي بيت عمته...
نزلت ريماس وهي بتكلم هبه: خلاص اوكي.. بجيلك بدري...طيب يلا يا هبه ..فهمت..والله العظيم فهمت..باي..
وقعدت جنب امها: صباح الفل يا جميل...
مياده بعصبيه: صباح...
ريماس : ماله القمر متعصب ....؟؟
مياده: ريمو...انا مش رايقه لك
سمعو صوت الجرس والخدامه فتحت ودخل كرم :السلام عليكم...
ريماس وقفت بخضه: كرم !!!
مياده: وعليكم السلام...اهلا بقلب عمته.."وباسته"..أأعد..
كرم بص لريماس..وشافها متنحه...ضحك ع شكلها وقعد ...
ريماس قلبها بيقف ومش عارفه المفروض تقول ايه ..بصت لنفسها لبسها حلو..وشكلها معقول وده اهم شئ..
" عشان يعرف اني انيقه حتى فالبيت.."
وقالت بدلع وخجل مصطنع: اهلا ياكرم..
كرم من غير ما يبصلها: اهلا بيك.
وقعدت جنب امها تبصله..
سكتو شويه ...مياده عاوزه تتكلم بس مشعارفه قدام بنتها..
مياده: ريمو...قلبي...هنتكلم انا وابن خالك في كلمه..
ريماس انقهرت ووقفت: اوك..."ومشت"
كرم الصبر عنده خلص من حركات البنت المتخلفه دي....
كرم: ايوه يا عمتي...أأمري..
مياده: عاوزك تقولي حكايه فتحي اخوي من اول نقطه...
كرم توقع الشئ ده..وحكى لها كل حاجه بالتفصيل الا حكايه سامح اللي خفاها عن الكل..
ريماس راحت تجري لغرفة الهام..: هوما..هوما اصحي..
الهام قامت مفزوعه: ايه مالك؟؟؟
ريماس: قلبي هيقف...كرم عندنا تحت...
الهام قعدت : عندنا؟؟؟؟...ليه؟
ريماس: معرفش بس ماما عايزاه ..بس ياربي عليه عسسسل روووعه يجنن يهبل.. بقلم منه محمد
الهام: اكيد امك عايزاه بعد حكايه امبارح..
ريماس: انا فين وانتي فين...
الهام رجعت تنام: ربنا يكرمك بعقل طفي النور هنام...ما نمتش الا متأخر...
ريماس نفخت: انا اروح فين في ام البيت ده
....................................
مياده مصدومه: سَيار اخوي يطلع منه كل ده ؟؟؟
كرم : ما كانش نفسي اتكلم عن عمايل ابويا ياعمتي بس الي عملو مش شويه بس كل الي حصل من تخطيط سالي وتفكيرها الشيطاني
مياده: حتى سالي اتخدعت فيها ..
كرم: لا توقعي كل حاجه فالزمن ده ..
مياده: يا قلبي علي البنات..والله وجعه قلبي..
كرم: والله حالتهم قطعت قلبي..عاشوا حياة مفروض مش حياتهم...
مياده: يعني البنات دول بنات فتحي اخويا ...يا ريتك جبتهم عندي...
كرم: مش عاوز حد فيكم يمن عليهم..ده بيت جدهم وليهم حق فيه..
مياده: ربنا يكفئك بالجنه يا كرم...انت راجل وافعاالك تسبق اقوالك..
كرم: ربنا يسلمك يا عمتي..تأمريني بحاجه تانيه...
مياده: لا سلامتك..والبنات في رقبتك انتبه لهم..
كرم: مش محتاجه توصيني..يالا سلام...
اول ما طلع كرم نزلت ريماس: مامي...فين كرم؟؟؟
مياده: مشي ربنا يفتحها عليه ويحفظه من كل شر...
ريماس دبت الارض برجليها: بالسرعه دي؟؟؟؟؟؟؟
..........................
من داخل المستشفى والدكاتره ماسكينه تحليل ورى تحليل واشاعات وفحوصات..
وريهام تنتظره طول الوقت...وسالم الممرض كان مرافق لهم..
واخيرا استقر في غرفته..وواضح انه تعب خلاص مبقاش فيه حيل ولا جهد لاي حاجه..
ريهام بصاله بحب: سلامة روحك..يالا ربنا ما يضيع تعبنا..
سامي ابتسم لها: امين..
ريهام قعدت جنبه على السرير امنيتها من لما كانوا بالقاهره..وجابت القران تقراء عليه بصوت خاشع وتمسح عليه...وهو من غير ما يحس بنفسه راح في سابعه نومه ,, نومه تريح جسمه بعد التعب اللي شافه..
ريهام: صدق الله العظيم...
شافته نايم بسلام ..دعت ربها ان نتايج التحليل تكون كويسه ويبقي له امل في العلاج...باسته على راسه وبدون ما تنتبه نزلت دمعتها على عين سامي...
.........
.....................
القصر مقلوب من فوق لتحت..الخدم كلهم مشغولين في الترتيب والتنظيم ومع سالي مش هتقدر تغمض عنيك كل الوضاع هتكون صعب...
سَيار طلع من مكتبه وشاف الدنيا زي خلية النحل...
هو مش بيحب الاجواء دي ابدا وقرر يطلع برى بالجنينه...
اخد معاه جريدة اليوم..وقال للخدامه تلحقه بفنجان قهوه..اعد على الكراسي اللي تحت الضليله..القريبه من النافوره..
يقرء الجريده وياخد له رشفه بين كل صفحه وصفحه..
وفجأه سمع صوت على شماله بنت بتضحك وفتحت باب ملحق الضيوف..عليها ايشارب بسيط ولبسها طويل...
صغر عيونه محتاج يميز مين دي ..حاول بس معرفش..
وقفت قصاده تقريبا ...وهي مصدومه..راجل كبيرفي السن مين يكون....؟؟
سَيار خلع نظاره القرايه وقرب منها: انتي بنت فتحي...؟
ابتهال : ايوه...انا ابتهال...
سَيار بص شويه في ملامحها...فيها من ابوها كتير ..افتكر اخوه فتحي...وخطر على باله ايام الطفوله وش االبنت بريئ لدرجه غريبه..
وسمعوا صوت وراهم: ابتهال ارجعي...خلاص مش هتحداكي تاني..ووقفت فجأه..
فتون عكس ابتهال قدرت تتوقع مين يكون اللي واقف قصاد اختها...وقربت جنب ابتهال وملامحها جامده وجاده
فتون: اكيد انت عمي...
سَيار بص لفتون ..عكس اختها فكرته بأيامه الاليمه مع اخوه..وعلى قد جمالها الا واضح القوه فيها...
اتكلم: ايوه انا عمك..
فتون كتفت ايديها: انت عمي...اللي اخدت حق ابويا...!@@
سَيار صدمته الكلمه بس كان متوقع ردة فعل اقوى من مجرد كلام...
ابتهال بصت لفتون: فتون....عيب...
فتون مدت له ايدها: هحاول اتقبلك..
سَيار مامدش ايده..مش لانه مش عاوز...لانه حس انه حجمه صغير قدامهم...
فتون سحبت ايدها: مش مشكله..نتقبل بعض بعدين...
"ومشت وسحبت ابتهال معاها ..ودخلوا ملحق الضيوف.."
سَيار وقف شوي بيحاول يرجع شي من قوته ...دلوقت بس حس ان غلطه اكبر مما تصور بكتييير..
