البارت الثامن عشر
#المشكله_والعنيد
منه محمد
سالي مولعه وفضلها تكه وتنجن: سَيار...تجوز بنتي كدا؟؟ الجوازه دي ...وبدون علمي..!!
كرم: امي وبعدين...بنتك هتسافر دلوقتي..خلي الحكايه تعدي على خير...
سالي بغضب اسود: ربنا ما يبارك لها فيها..جوازها تم بدون علمي وعاوزني اسكت..."بصت لريهام بحقد" تتهني بيه ياختي ..."وطلعت"
كرم وصل لاخره...مش عاوز ريهام تزعل وهي حتسافر...
ريهام بدئت الدموع تنزل..مافيش بنت بالعالم كله جوزهَا يتم بالسوء ده ..
كرم: سامي ريهام...تعالو اقعدوا خلو المصوره تاخد لكم كام صوره...
سامي اللي مخليه ساكت ومنزل راسه ان ريهام جنبه..
نسمه تبكي: ليه بابا وكرم جوزه ريهام كدا..
هبه بقرف: عشان تقدر تاخد اللي عاوزاه.
ريماس بأحتقار: وده بقي الي هي عاوزه..!! عاميه ولا عندها نظر..وواضح عليه حافي ومقشف..
الهام: يمكن بيحبو بعض!
هبه: لو سافرت وهو معاها بدون محد يعرف انها مراته مش كان احسن..
نسمه: حرام...شوفوا مكسور نفسها.
مياده مش قادره تتحمل اللي حصل...بس قعدت عشان خاطر سَيار..اللي باين عليه وكأنه مجبور هو كمان..
المصوره حاولت تخلي الصور اكتر فرحه مما عليه الواقع..بس مستحيل تطلع صوره حلوه وريهام في كل صورها واضحه دمعتها بعيونها..
سامي شاور لكرم: كرم طلعنا من هنا بسرعه...
ريهام لفت على سامي بخوف...شافت وشه بدء يتغير لونه...الحاله اكيد هتجيله وبصت لكرم بنفس نظرة الخوف...
فهم كرم نظرتها: يالا الي عاوز يسلم على ريهام يجي مفيش وقت على رحلتها ..
جات عمتها..وسلمت عليها..
: مبروك يا ريهام..ربنا يوفقك ولو اننا ماحبيناش تكون الامور كدا...بس يالا تروحي وترجعي بالسلامه..
ريهام والغصه وكأنها خنجر بحلقها..مع كل كلمه بيطعن فيها اكتر..
وطلعت عمتها من المكان..
قربت الهام وضمت ريهام: مبروك يا قلبي..ربنا يسعدك..الا ايه اسم جوزك؟؟
ريهام تحاول تبتسم: سامي..
الهام: مبروك سامي...تروحو وترجعو بالسلامه..
سامي حاول يتمالك نفسه: الله يبارك فيك "ويدور علي سالم بعيونه"
جات بعدها نسمه ودموعها رافضه تقف وضمت ريهام بقوه..
: ليه..كان نفسنا نفرح بيكي..ريهام ما اقدرش الا اقولك مبروك...بس تروحي وترجعي بالسلامه" ومشت"
بكت ريهام..محتاجه حد يرحم حالها..محتاجه حد من اهلها ينصفها..
جات بعدها هبه وجنبها ريماس..
هبه: انا قلت لك ما تفكريش في نفسك وبس..شوفتي دي النتيجه..
ريماس بألش رخم: ده شكله تحفه
كرم صرخ فيهم: ريماس هبه..خير,,,!!
اتخضو الاتنين واختفو بسرعه..
ريهام النفس بقي شبه معدوم من..دموعها الي حاصرتها..ومش قادره توقف عياط..
جه ابوها وضمها..ضمه حنونه عسى تريح قلبها بعد اللي شافته من الكل..
: ولا يهمك كلامهم يا بنتي..ربنا يسعدك ويوفقك انشاء الله..وحتوحشيني ..وحفقد حسك في البيت !ما تطوليش علينا..
ريهام طلع منها صوت شهقتها في حضن ابوها.. ولا اتكلمت بحرف..دموعها تحكي كل طنعه وكل جرح..والم أتسببوه فيه ليها..
سامي وقف مبقاش قادر يتحمل اكتر: سالم تعال..
جه سالم بسرعه وسند سامي..
ريهام بعدت عن حضن ابوها عاوزه تطلع بسرعه عشان سامي يقدر ياخد علاجه ومستحيل تدهوله قدام ابوها...
لف سَيار على سامي: فيك ايه!!
سامي ضاق النفس عنده: لا سلامتك.."وسلم عليه بسرعه" اشوفك على خير يا عمي.يالا نمشي يا سالم
سَيار بص لـ سامي وهو طالع قبل ريهام وسالم سانده..
: فيه ايه...؟؟
كرم بص لريهام مشعارف يقوله ايه؟؟..
ريهام: هو كدا يا بابا بتجيله حالات من الزحمه والخنقه..
سَيار حاول يبلعها:كمان مريض!!..رثى نصيب بنته الميت..اللي خلاها تاخد واحد مريض وهي الكل يتمناها..
كرم مسك ريهام: خليك يا بابا وانا هروح اوصلهم..
سَيار سكت ولا علق بس عيونه بتابع ريهام وهي تختفي من قدام عينه..
*****************
داخل القصر..
سالي فالصاله عيونها ع سامي سانده ممرض ورايحين ناحية العربيه...
: يا حسرة يا بنتي...كمان واخده واحد معرفش ايه حكايته ..منك لله يا كرم دي جوازه؟؟...دي جوازه!!!.."ولفت عليهم" انا ماليش عتاب ع كرم ..الكلام على سَيار اللي وافق..
مياده: معرفش ازاي اخويا وافق...!
هبه بغل: اكيد كرم اقنعه..
سالي بحده: ربنا ياخدك يا كرم يا بن البر...."وسكتت بعد ما نغزتها مياده"
هبه ونسمه بصو لـ امهم..
سالي ارتبكت: بس ماشي يا كرم ده اخرة دلعي ليك...ودلوقتي تمشي كلامك علي!
حاولت تتوه ذله لسانها...بس كلامها وكأنه واضح بعيون هبه ونسمه..
******
فالعربيه.
سامي: ريهام مش هاخد علاجي الا فالطياره..
ريهام خايفه عليه: تقدر تتحمل!!
سامي: ربنا يعيني..
كرم سايق وهو ساكت..بجد حالة سامي اتدهورت كتير...
وصلوا للمطار..وما كان باقي على رحلتهم كتير..خلصوا امورهم واعلنوا رحلتهم.
كرم: سامي حط عينك على اختي مش هوصيك...واي شي تحتاجوه اتصلوا بيا فورا..
سامي اللي قعد على كرسي متحرك: انشاء الله...
كرم بحنان:مش جوازك ده ياريهام لما ترجعي نعملك فرح تحكي عنه الدنيا..
ريهام ضمت كرم بقوه: ربنا يخليك لي يا اخويا..وعمري ما هنسي وقفتك معايا..
كرم اللي دايما مش بيعرف يتصرف اذا ضمه حد..ضحك وبعد عنها: انا اخوك يا ريهام.تروحي وترجعي بالسلامه يا غاليه..
ريهام باسته على خده: ربنا يعينك على الجاي...وهرجع اشوف بنات عمي وأتأكد ان مافيش واحده فيهم خدت قلبك..
كرم يتظاهر بالبرود: هتسافري وترجعي تلاقي محدش اخد قلبي
ريهام ابتسمت: نبقي نشوف..
كرم: ما عندكش موضوع....روحي لألمانيا يله...
سالم اللي كان يدفع كرسي سامي قربو من ريهام الي كل شويه تلف على سامي عاوزه تثبت صورته وهي محروجه لاول مره في تاريخه..
كرم ما ارتاحش الا لما اختفوا عن نظره..اتنهد وقرر يرجع للقصر يشوف الاوضاع ويبدء في شغله الخاص..
في القصر..
اول ما دخل سَيار عليهم..سالي وقفت في وشه بعيد عنهم: انت مستوعب الي حصل..؟؟
سَيار: سالي اظن قلت لك...ده نصيبها والبنت بتحبه..
سالي بحده: وانت عارف من الاول.؟؟
سَيار: لا..كل حاجه حصلت فجأه..
سالي: يعني كرم ابنك هو اللي خطط لكل حاجه..ومشى كلامه علينا..
سَيار بنرفزه:متوجعيش دماغي..انا اللي وافقت عليه مش كرم.
سالي: ومين اللي اقنعك..وانت اللي كنت رافضه اكتر مني..
سَيار: بنتك عاوزه وكرم مالوش دخل..
سالي زعقت: عشان انت مالكش شخصيه ابنك بيمشيك على كيفه..
ما حستش الا بكف على وشها: اللي مالوش شخصيه هو اللي بيمشى ورى كلامك..
سالي رفعت عينها عليه بحقد: انت بتمد ايدك علي وانا في السن ده!!!
سَيار وهو تعبان: احترمي نفسك ووانا احترمك ..اقسم بالله صوتك ترفعيه عليا تاني لايجيلك الاكبر من الضرب ..
مشى وساب لها المكان..راح يأخد ابرة السكر..
سالي بتوعد: ماشي..والله لا اعرفك انت وابنك.
