البارت السابع
منه محمد
#المشكله والعنيد
ريهام تدق الباب وتدخل..
ريهام :ممكن دقيقه يافندم؟؟
المدير العام: اكيد أتفضلي دكتوره ريهام..
ريهام دخلت وأأعدت على الكرسي اللي عند مكتبه..
ريهام:استاذ ...انا جيالك وعندي طلب..
المدير: اتفضلي دكتوره ..وانتي عارفه مكانتك عندنا..
ريهام ابتسمت للمدح: امممم...مشعارفه اقول ايه..بس انا في قسمي فيه مريض وما كانش مدرج من ضمن قائمتي..وضفته عندي بالاتفاق مع دكتورته المتابعه..بس مشرفي الفاضل.."قالتها بقهره"..رافض المتابعه..وبيقول اني ما عنديش مجال أضيف حد..بس انا راضيه بالضغط مهما كان...ومحتاجه من حضرتك تحل لي المشكله
المدير ابتسم: بس!!!...دكتور خالد انسان ذوق وادب واخلاق ولو شرحتي له الوضع استحاله يرفض.
ريهام في نفسها"عشانك مشعارف ليه..؟؟"
ريهام:استاذ انا ناقشته بس هو رافض رفض بات..
المدير: اوكي..انا هكلمه بنفسي.
ريهام وقفت: اشكرك...جدا..
وطلعت من مكتبه وهي حاسه نفسها طايره من الفرحه..وانها هتساعد انسان محتاج لها كتييير..
...........................
فـــي المـــول...بعد ما ضرب كرم اياد
كرم صرخ: مين ده ؟؟؟
هبه واللي بقي وشها من غير ملامح وما قدرتش تتكلم...ومش مستوعبه ان اللي قدامها اخوها كرم نهار غميق..
كرم عيونه بطلع نار و قلبه مولع من المنظر وحس انه ممكن يرتكب جريمه..
قربت ريماس بسرعه: كرم ده....ده واحد من بدري عمال يلحقنا من اول ما دخلنا المول"قالتها وصوتها مهزوز من شكل كرم"
بعدها مي كملت: ايوه ياكرم ده بيلحقنا من اول ما دخلنا ...
كرم بص ع الارض وشافه مرمي اياد عليها..غمض عيونه واخد نفس بعمق..
اياد بيحاول يوقف على حيله لما شاف الدم طالع من بؤه بعد الضربه اللي اكلها..
قرب كرم ومسكه من التيشرت بتاعه وخلاه يوقف على رجله وقرب وشه من وش اياد وقرب جدا
كرم بصوت فحيح:اسمع يا حشره انت...اذا اهلك ما عرفوش يربوك.. انا اللي هربيك وحاللا تطلع برا المول فــاهــــم..؟؟
اياد اللي كان راسم ابتسامه ولف وراه وبصلها بمعني: أمر معاليك.."وزاح ايد كرم عن كتفه وظبط لبسه ومشى"
كرم استغرب من تصرفاته..اللي دلت انه واحد ولا خايف او واحد غلطان..وكأنه واحد واثق من نفسه..
لف على البنات: يالا بسرعه انتي وهي..امشوا معايا للبيت..
هبه اللي حست ان لسانها انبلع لما تخيلت ان كرم ممكن يعرف ان اياد يعرفها من زمان..مسكت في مي بتحاول تساعدها انها تسند نفسها لا تقع من طولها من كتر الرعب .
كرم راح لزين صاحبه اللي كان واقف بعيـــد ومعاه لالو قطه نسمه.
وقف جنبه وصوت بكاد ينسمع: ربنا ياخد الاستهتار.
زين اللي تقريبا اول مره يشوف كرم منفعل للدرجه واخر مره كان بالوضع ده يمكن ايام الدراسه..
زين:يا راجل هدي نفسك ..وبعدين اظن بعد الضربه مستحيل يعدها مره تانيه..
كرم وعيونه ع البنات الي ماشين لعنده :والله كان نفسي اضربه اكتر حاسس ان ناري ما بردت ..بس خفت يحصل مشاكل وانا مش ناقصها.."وصرخ" يالا يا ابله انتي وهي ماشين على قشر بيض...
ريماس وهي خايفه: هبه قولي لاخوك يبطل زعيق والله انا هطب ساكته انا هركب معاه ازاي والله ركبي بتزيق من الخوف
اتصل كرم بنسمه واللي معاها يجوا لانهم هيطلعو كلهم..
نسمه: بنات شكل في مشكله حصلت..
الهام: مع مين؟؟
نسمه بدا الخوف يتسلل: معرفش...بس كرم متعصب وقال لازم نروح معاه..
ميسره: طيب يالا بسرعه..لا يتعصب علينا...
كرم بهزار: يالا يازين مع نفسك وارجع مع عربيات خط البلديه..
زين ضحك : هههههههه لا هركب الكارو مستنياني برا
كرم: ههه طب يالا سلاااام..
زين: سلام..
وفجاه القطه فضلت تسحب زين ناحيه شخص..لف شاف نسمه جايه..ساب لولا تروح لصاحبتها...وهو وقف شاف نسمه ازاي اخدت قطتها بحضنها وتلمسها بحنان..
وركبوا العربيه..
كرم وهوبيحاول يكون اهدأ: عاوزه اعرف ليه الزفت ده كان بيلاحقكم..
ريماس اللي بقت في موقف دفاع: معرفش شكله واحد متخلف..
كرم وهو ماسك نفسه: وكان بيقولك ايه المتخلف يا هبه؟؟؟
هبه عيونها اتملت بالدموع ومشعارفه تتكلم: ما...معرفش..
كرم اتنهد من قلبه وسكت...
نسمه اللي فهمت الحكايه وعرفت ان اختها مهببه مع حد من اللي تعرفهم..
وصل كرم البنات لبيوتهم بعدين راحوا هو واخواته لقصرهم..
...........................
في غرفة البنات..
نسمه: هبه ايه الي حصل......؟؟
هبه اللي انفجرت في العياط: معرفش يا نسمه معرفش ...
قربت منها نسمه: اهدي حبيتي اهدي خلاص الي حصل حصل وانتهى..
هبه رفعت راسها: ده أيـــاد.........
نسمه انصدمت: اياد؟؟؟؟....عاوز ايه؟؟؟؟
هبه قالت لها الموضوع ودموعها ما وقفت...
نسمه: حيواااااااااااااان...والله حقير كمان!!!!
هبه: انا بس تخيلت انه يقول لكرم انه يعرفني ..ايه وقتها هيكون مصيري..
نسمه جسمها اتلبش من الفكره: هبه ربنا يكرمك ابعدي بقي وكرم لو عرف نصيبه سوده كله ولا كرم يعرف انت عارفه ممكن يدبحك بدم بارد
هبه: والله انا مضايقه وقلبي وجعني..نسمه انا خلاص هموت من تعبي نفسي احط راسي وانام ارجوك كفايه كلام..
قامت نسمه سندت اختها ونيمتها على السرير وغطتها وباستها بحنان وطلعت..
هبه نامت لكن دماغها مشغوله والافكار اخدت تلعب بدماغها شمال ويمين...!!!..
...........................
دخلت على اخوها ولقته شارد بعالم تاني..جات من وراه
:بوووووووووووه...
نط من مكانه ولف عليها: يا بايخه ....
انفجرت من الضحك: هههههههههههههه وربنا شكلك حفله..
عمل نفسه متعصب يدراي فجعته: نعم عاوزه ايه؟؟
مرام: مالك كنت بتفكر في ايه؟؟
علاء: وانت مالك؟؟؟
مرام تتودد له: عليوه انا اختك وحبيبتك ما تقوليش معقول..
علاء ضحك: اما حبيبتي واثقه قوي
مرام حطت ايدها على وسطها: ليه مش انا ليه مكانه عندك؟؟
علاء رفع أيده بأستسلام: لالا ابدا انتي ليك كل المكانات يبشا
مرام: طيب قولي كنت ايه الي بتفكر فيه..يمكن اقدر اساعدك.. وغمزته
علاء متردد: آآآ.... هقولك يا مرام....ولا اقولك خلاص..خلاص..
مرام انقهرت: لالا مش هسيبك..هتقول يعني هتقول..
علاء :والله منا قايلك ارتحتي...يالا اطلعي برا وخدي الباب معاكي..
مرام ضربته خفيف على راسه: يا سخيف..
علاء وقف يخوفها: انا ظابط تضربيني؟؟؟
هربت مرام خايفه منه...
علاء: هههه اقسم بالله البنات برنامج...
........بقلم منه محمد..........
بين الحارات والسكون والضلمه والحركه مغيبه...كانت في حركات خفيه متلصصه تقوم بشغلها المعتاد..
نزلوا الاربعه كلهم من عربيتهم قريب من عربيه ماركه غاليه..
وكل واحد ماشي على حسب المخطط المتفق عليه
مهنــد: اسمع سامح..بسرعه فك الكفر..
سامح اللي يبص بس لمهند وكانه بيقوله انت متأكد انك بتكلمني..
قرب منهم محسن: سامح واقف متنح ليه يالا بسرعه اتحرك.."وهو يودي الكفر الي قام بسرقته ."
سامر حاطينه يراقب الوضع..
اخد سامح مفك العجله وقرب من عند العربيه الضحيه..وبصلها ورجع يبص تاني لـ مهند..
مهند يشجعه: يالا انت قدها سامح اثبت نفسك الليله.
ورجع سامح للعربيه ..وقدر يفكها بسرعه قياسيه ويرجع الشي لوري الي فكه بقوه جسمه..وبسرعه شال الكفر الي سرقه وحطه في عربيتهم وركب العربيه وهوحاسس ان قلبه بيطلع من مكانه..والتنفس بدء يضيق عنده..والضمير كان يأنبه قلبه وعقله اكله الاحساس بالذنب وانه دخل عالم الجريمه..
في مقرهـم..
مهند مبسوط: اليوم يا اسود تصدقو قدرنا نفك العربيه باسرع وقت..
رائد حط ايده على كتف سامح: وكل ده بفضل سامح..
محسن: كفائه والله..
مهند: صدقوني لو نشتغل كل يوم كدا هنكسب دهب..
سامح ساكت ...
سامر: اقدر امشي..
مهند اللي ما عجبهوش لا وضع سامح ولا سامر..
مهند:تقدر....وتعالوا بكره يمكن اكون بعتها وكل واحد ياخد نصيبه..
قام سامر: يالا سلام..
وقف سامح: خدني معاك..
سامر انصدم مش حابب يواجه سامح......
ومشوا مع بعض..
ركبوا عربيه سامر وهما ساكتين
سامر حاسس ان حرارته مرتفعه ووصلت للمليون..مكسوف من نفسه ومن سامح..
سامح بهدوء قاتل: ايه الي ضيقك ياسامر؟؟؟
سامر اتنهد: نفس اللي ضيقك..
سامح لف عليه: سامر..انت مرتاح؟؟
سامر بلع مراره بحلقه: لا..
سامح نفسه يبكي: ليه....ليه نزلنا نفسنا ..ليه وصلنا للوضع الدنيئ ده..؟
سامر حس بحرقة سامح: سامح والله لو لاقين شغله ما كناش قلنا لا..
سامح: كل كوم ولا مهند الملعون..
سامر بنبره حذره: انتبه يا سامح منه ده داهيه...((بقلم منه محمد))
سامح: عارف ...بس انا عن نفسي مش هطول معاهم اجمع بس قرشين اعمل بيهم اي مشروع واطلع منهم .
سامر اتشجع: اوكي انا معاك...نجمع فلوس نعمل مشروع مشترك..
سامح بندم: وحلالنا يكون حرام في حرام..
سامر سكت ..وتبعه بالسكوت سامح
دخل بيتهم..استقبله تامر وتمارا..
ضحك لهم وشالهم الاتنين: اهلا بحبايب اخوهم..
تمارا: جبت لي معاك ايه؟؟؟
تامر: وانا كمان؟؟
نزلهم سامح: اصبروا خلوني اشوف الجيب السحري..
دخل ايده في جيبه وطلع حلاوتين..
سامح:دي للاحلى بنوته...ودي للاحلى ولد..
تمارا باسته: ثكرا ثكرا سامح انا بحبك اد الدنيا
وراحت تجري ع جواه..
تامر وهو متردد يبوس سامح ولا يلحق تمارا.
سامح ضحك على شكله: هههههه روح ورا اختك بسرعه انت لسه هتفكر!!!!
تامر ما صدق وجري ولحق تمارا اللي وصلت لعند امها عشان تفك لها الحلاوه..
دخل سامح: السلام عليكم..
فتون سلطانه: وعليكم السلام..
فتون : فينك يا سامح النهارده اتأخرت..؟
سامح اختفى الدم من وشه احساسه انهم عارفين كان فين :آآآآآ كنت مع جماعه صحابي.
سلطانه: قلقنا عليك اصلها مش من عادتك..
فتون تبص لـ اخوها حاسه انه فيه شي مش طبيعي..
سامح: اسف اني ما قلتلكمش اني هتأخر..يالا انا رايح انام تعبان..تصبحو على خير..
فتون وامها: وانت من اهله.."وراح وهو بصعوبه بيحاول يثبت خطواته"
فتون بقلق: الولد فيه حاجه...
سلطانه خافت: والله بدءت اخاف عليه..قعده البيت مش كويسه للولد..
فتون بشك: بس شكله بيقول مهدود حيله..
سلطانه: فتون ليه يمه تخوفيني وانا قلبي لوحده بيوجعني عليه.
لفت فتون على امها: اتطمني يمه سامح عقله كبير ويوزن بلد ولا يعمل العيب ولا ينزل راسنا لتحت
سلطانه بثقه: انا واثقه في ابني ....ربنا يثبته..
فتون: آمين...
...................................
صبــــــاح يوم جديد.
في العيــــــاده..
منار: ريهام..ايه الي حصل بينك وبين دكتور خالد..؟
ريهام اللي كرهت سيرته: حصل ايه كمان!!
منار : بيقولو انكم متخانقين..
ريهام اتعصبت جدا: انا عايزه اعرف مين الشخص اللي بيراقبني وبيطلع اخبار عني..
منار: أهدي حبيبتي..بس انتي في مكان عام وكلنا بنشتغل مع بعض ومافيش امر بيستخبي...
ريهام اخدت نفس: بس انا شايفه مفيش سيره الا سيرتي..
منار وهي خايفه على ريهام: ريهام عادي كل يوم بيطلع عليك اشاعه..
ريهام: وايه كمان مطلعين علي المره دي؟؟..
منار بتردد: عن مريض عندك...
ريهام وقفت عن المشي: لا يكون عن سامي..؟
منار تأكد كلامها: ايوه..
ريهام حطت ايدها على راسها: يارب ما الناس تشوف لهم شغله غيري ..ده مريض وانا متابعه حالته !!!!
منار: انا عارفه يا ريهام ..بس الناس ما لهمش الا الظاهر..
ريهام بملل: خليهم يتكلموا لما يشبعوا..
منار: وخالد؟؟
ريهام بزهق: اوف اقفلي سيرته..."وراحت وسابتها"
.......
خالد: خير استاذ طلبتني...؟
المدير:اتفضل دكتور خالد..
خالد قعد عند مكتب المدير..
المدير: خالد انت عارف اني بحترام قرارتك..
خالد: تسلم حضرتك..
المدير: بس في شغل محتاج منك تعديه عشاني..
خالد عقد حواجبه: وايه هو؟؟
المدير: ريهام...خليها على راحتها...هي راضيه بشغلها والضغط اللي عليها..
خالد وقف بحده: وانا رفضت..
المدير بهدوء: اتفضل اقعد يا دكتور خالد..
خالد قعد وهو يهز رجله..
المدير: شوف يا دكتور خالد..في كل الحالات انت ما تملكش الحق تمنعها الا اذا كانت مقصره..وانا متأكد ان ريهام مستحيل تقصر بشغلها..
خالد: عارف انها مش بتقصر بشغلها..بس المريض مالناش علاقه بيه مش في قسمي اصلا..
المدير: دكتور خالد...انا قلت لك بحترم قرارك..بس ريهام القانون معاها..وانا عاوزك ترضى عشان ما يكونش بينكم مشاكل..
خالد وقف: اوك...خلاص براحتها تعمل اللي تعملو..تأأمرني بشئ تاني..؟
المدير: لا سلامتك..
وطلع خالد والدنيا ضلمه قدامه من الغضب..
صادف ريهام طالعه من عند مريض..
خالد بستهزاء:صباح الخير دكتوره ريهام النشيطه..
ريهام شافت وشه مرسوم لوحه من الغضب بس ردت بكل وقار: اهلا دكتور خالد..صباح النور..
خالد بحده: مشيتي رايك ..وانا هبلعها واهضمها..بس بمزاجي!!!!
ريهام خافت منه اول مره يكلمها بعصبيه: ثانكس دكتور خالد..
خالد غمض عيونه بيحب اسمه على لسانها: يالا روحي شوفي شغلك..
راحت ريهام وهي ما توقعتش ردة فعله كدا..توقعته بيزعق يتخانق ويقوم الدنيا ويقعدها على راسها..
خالد في نفسه" سامي ده شكله مش مطول هنا.."
..........
فــي الشركـــه.
فتون ملهيه بشغلها..
هويدا: ياحلوووه..
فتون ولا حست..
علياء ضحكت: ههههه ياعيني على الحماس
فتون لفت عليهم: خير انتي وهي...في حاجه؟؟
هويدا ضحكت: انتي ماكنه..للدرجه متعمقه بالشغل...احنا وقت البريك..
فتون وتمد ايدها لقدام عشان تريح كتافها: بجد؟؟؟ والله ما حسيت بالوقت..
علياء: هههههه انا قلت ان فتون والشغل جزء لا يتجزء ما شاء الله.
هويدا: انا كل شوي عيوني هتطلع ع الساعه نفسي الوقت يخلص..
فتون بهزار: اه انا دلوقت عرفت العين جيالي منين..
هويدا: قلنا ما شاءالله يا خوافه..
فتون بغرور: عندي حق ..
علياء: بلاش غرور انتي وهي..لاني ميته من الجوووع..
ونزلوا للكافتيريا ...وقعدو ع تربيزه .
جالهم ياسر السكرتير..وسحب كرسي وأعد معاهم..
ياسر ابتسم:اخبار الحلوين؟؟
فتون انصدمت من الحركه ما توقعتهاش..لفت على هويدا وعلياء وكان الوضع عندهم عادي..يعني شكلهم متعودين..
علياء: طالما انت بعيد احنا بخير..
ياسر ملامحه جذابه لكن مش وسيم عادي.
ياسر: ليه يا ست علياء؟ حرام عليكي..
هويدا ضحكت: مسبب لها عقده..
ياسر مفهمش المعني..
علياء: صوتك وانت بتقولي المدير عاوزك ضروري وشكله متعصب..سبب لي عقده وكرهتك انت وصوتك..
ياسر: هههه طب انتي هبله بتصدقي ..
هويدا: بس بجد المدير وهو متعصب يخوف.
علياء: انا الحمد لله بس هي مره
هويدا: انا بقي ياحبيبتي يمكن 5 مرات..
ياسر: لانك مهمله.. انسه فتون شاركينا الحديث..
فتون بصتله: اقول ايه؟؟؟
ياسر: اتعلموا الادب مش انتوا...
علياء: لا بقولك ايه قوم قوم عن تربيزتنا بقي..
ياسر: بقوم لان شكل فتون انحرجت مني..يالا باي..
البنات: باي..
وقام ياسر وقابل المدير ..
بصوت رخيم:ايه الي مقعدك ع تربيزه البنات...
ياسر انصدم : آآآ.. كنت بسألهم عن...عن...
كرم:عن ايه؟؟؟
ياسر بيفكر ف اي اختراع: عن الموظفه الجديده...
ياسر ظن ان كدا نهي الورطه ميعرفش انه ولعها .
كرم وهو بيحاول يخفض صوته لا تسمعه الشركه كلها
كرم بصوت واطي بحده :ياسر...اذا شفتك قاعد على تربيزه البنات هخليك تندم..وانا مش حابب اخسرك..
ياسر اللي استغرب انفعاله مش اول مره يئعد معاهم:حاضر يا فندم..
كرم: اسمع اذا خلصوا البنات بريكهم..روح للانسه فتون وخليها تيجي مكتبي..
ياسر: امر معاليك..
وراح كرم ماشي قاصد تربيزه البنات وفات من جنبهم..
فتون اللي حست برجفه في كل جسمها وهي بتتخيل انه فعلا ابن عمها..
علياء: قلبي يا بنات..قلبي..معرفش بحس فيه تلميح عندي..
هويدا انفجرت ضحك: هههههههه لا كفايه يا علياء خفي عليه شوي..
علياء: اكتر من كدا اخاف يتعذب هههههههه..
هويدا لفت على فتون: فتون مالك فيك حاجه..؟؟ النهارده مش طبيعيه..؟
فتون: لالا عادي بس استغربت ئعده ياسر معانا..
علياء: عادي يا قلبي ياسر اعتبريه اختنا مش اخونا..يعني سهليها واضمنك انه اخلااااااق..
فتون بهدوء: لا مش مشكله..اصلا مفيش بيني وبينه أي احتكاك..
بعد خمس دقايق جالهم ياسر..
ياسر : سلام...انسه فتون اذا خلصتي كرم بيه عاوزك .
فتون وقفت من الخضه: انا؟؟
ياسر: هههه شكلكم سببتوا لها الرهبه منه..ايوه عادي عاوزك في امور الشغل بس..
فتون وهي بتحاول تظبط دقات قلبها: اوك..
ياسر: الله لا يوريكم اكلت تهزيئه محترمه بسببكم يا متوحشين..
علياء: ليه..؟؟
ياسر: المدير بيقول ماتئعدش مع البنات..
هويدا استغربت: غريبه ليه المره دي متشدد..
ياسر: معرفش بقي..يالا انا هروح لا يجي ويشوفني وبعدين يرفسني برا الشركه..وفتون ياريت متتأخريش اوك..
فتون: اوك...بنات عاوز مني ايه؟؟
هويدا: عادي ياقلبي لازم المدير كل يوم والتاني ينادي واحده مننا..
فتون تدعي بقلبها ان اللقاء يعدي على خير..
راحت فتون لمكتب كرم
وقفت عند ياسر: ادخل دلوقت..
ياسر: ايوه..اتفضلي على طول..
وخبطت الباب ودخلت..
كرم عرفها من دقتها الناعمه للباب..وعدل قعدته وكأن الوضع رايق..
فتون : السلام عليكم..
كرم: وعليكم السلام ..اتفضلي..
فتون مشت بخطوات شبه ثابته..خايفه منه ومن اللي عايزه منها.
كرم: اقعدي انسه فتون..
أأعدت فتون.
كرم وهو بيلعب بالقلم معاه من غير ما يبصلها..
كرم: انا محتاجلك في خدمه...
فتون استغربت: مني انا...؟؟
كرم: ايوه منك..تقدري تقولي انها من ضمن الشغل او خارجُه انتي حره...
فتون: وايه هي؟؟
كرم :بس في الأول عاوز اعرف حاجه..ايه عرفتي من زيارتي ليكم..؟
فتون صعقها السؤال: معرفش.
كرم سند ضهره على الكرسي وبص جامد في عيونها: لا قولي.ايه الي حصل بعد ما طلعت من عندكم..؟
فتون حابه توصل لأي نقطه حابب يعرفها:من أي ناحيه؟؟
كرم مط شفايفه : من ناحيه امك وابوكي..؟
فتون: استاذ انا مش عارفه انت عاوز توصل لايه ؟؟؟
كرم: طيب جاوبي...
فتون: يمكن الجو اتوتر شوي..
كرم بشك: شوي بس ولا كتير!!!
فتون بقلة صبر: معرفش..
كرم حس انها بتعاند معاه: اوك..اوك مالهاش داعي العصبيه..
فتون نفخت: بس انا متعصبتش...
كرم بأصرار: لا بقي اتعصبتي..
فتون بتأكيد على كلامها: قلت ما اتعصبتش...
كرم وبلا مبالاة: اوك اصلا مش ده موضوعنا..
فتون اللي ظنت انه هيكلمها في موضوع القرابه بس .اكتشفت انها ولا بتهمه ...يعني احتمال انه ما يطلعش ابن عمها ولا كان اهتم اكتر او سأل اكتر...
كرم: انا لما زرتكم وشفت الحارات ازاي حالها والناس عندكم شبه معدومه..قررت اعمل اتفاقيه او مشروع..
فتون ولا فاهمه : وايه نوع المشروع..؟
كرم: عاوز اساعدهم ...واعيد تأهيل حارتكم..
فتون وجعها قلبها: ازاي؟؟؟ بدون مقابل مثلا...
كرم ضحك ضحكه سخريه تنرفز:وفي حاجه بدون مقابل مثلا..؟
فتون انقهرت منه وكأنه بيضحك عليها..:طيب ازاي..؟؟
كرم: انا مستعد اني اوظفهم كلهم في وظايف محترمه..مقابل اني اشتري اراضيهم كلهم..احنا قربنا ننتهي من بناء مصنع وفيه نقص كبير بالايد العامله..فا قلت بدال ما اجيب من برا ..ليه ما استفيد من اللي عندنا..
فتون: وقصاد كدا تطلعهم من بيوتهم.؟؟
كرم: اكيد..اومال هشتري بيوتهم وهما فيها؟؟؟
فتون: مش هيوافقو...
كرم بثقه: انا هخليهم يوافقو..
فتون: ايه بتجبرهم؟؟؟
كرم: بطريقتي..وانتي هاتساعديني..
فتون ما عجبهاش انه يستغل ضعف اهل حارتها..
فتون :وبأيه اساعدك..؟؟
كرم بهدوء: هتكوني مساعدتي في ده لانك واحده من نفس المكان...
فتون ممكن تنفجر في وشه من اسلوبه: ده طلب ولا أأمر..
كرم ابتسم في وشها ببرود: الاتنين...
فتون: وانا مش موافقه..
كرم ما استغربش رفضها لانه عارف انها من النوع الصعب..
كرم :بس اهل حارتك ممكن وقتها يزعلو لو عرفوا انك انتي اللي حتوقفي المشروع والشئ ده لصالحهم..
فتون ضغطت على ايدها: انا ماليش دعوه..
كرم: بس انا مش هشتغل الا وانتي معايا..على العموم انتي فكري..ساعه كامله وبرجع اناديك واخد رايك النهائي..بس فكري في حارتك واهلها...
فتون قامت و طلعت بدون ما تتكلم ولا بحرف..مشت فتون في الممر وهي بتكلم نفسها بعصبيه"ده شايف نفسه على ايه؟؟..اخ لو كان بأيدي قسمن بالله لا اضربه كف محترم يعلمه التواضع..عاوزني قال ايه اقنع اهل حارتي بكلامه..يعني معقوله عاوزه يهجرهم من بيوتهم ..آآآآآآآه طيب يا كرم سَيار بتحطني في وش المدفع ..الا ليه مُصرّ علي اني اكون معاك..بجد متخلف"
وراحت مكتبها وهي مقرره قرارها النهائي!!!!
#####
