قبل البارت بقرء كل تعليقاتكم اقسم بالله وساعات مش برد عشان كل همي اكتب البارت الطويل او التكمله وطبعا بعدل تاني واضيف امسح كدا يعني معلش لكن تفاعلكم بيهمني جدا جدا يافتكات
نبدء الفيلم
البارت32
#المشكله_والعنيد
منه محمد
بالقصر..
لسه واصلين بعد الفرح والهيصه والكل ميت من التعب..
نسمه: أي رجولي أتكسرت من التعب..
هبه ماشيه جنبها: بجد اليوم هلكت..
ابتهال مريحه نفسها والكعب بأيدها: انا بقي الحمد لله بين فتره وفتره اخد لي راحه هههههه
سامح وراهم: والله يا بنات انتم برنامج ..يعني فيها ايه لو لبستوا شوز مريح؟؟
ابتهال: لزوم الشياكه ياموحه..
هبه بصتلو حلو كتير..مع انو شعره مظبطه بحركه عشوائيه..
سامح رفع عينه عليها الميك اب والتسريحه كانت واو
ضحك: يارب تكونو انبسطوا يا بنات عمي..
نسمه: ده فرح كرم ازاي بقي ما انبسطناش..والله لسه ما مصدقه انه واخيرا اتجوز...
هبه: ايوه انبسطنا الحمد لله..
ابتهال افتكرت: هنام لوحدي من غير فتون؟؟؟
نسمه: تعالي باتي معايا....!!!
سامح افتكر فتون: بجد فتون فقدتها وجودها من دلوقت."ومسك كتف ابتهال" خدوا اختي امانه عندكم..لحد ما نفسيتها تتعدل..
نسمه مسكت ايدها: يالا تعالي معاي..وبعدين يا قلبي ويا حياتي فتون مش هتطول كلها كام يوم وراجعه.."ومشوا مع بعض"
وبعدوا عن هبه وسامح..اللي كانوا ساكتين وكل واحد منهم من الحياء عامل نفسه انه متابع ابتهال ومهتم بيها..لحد ما دخلت ومفيش بقى لهم عذر..
هبه: احم..مسكينه ابتهال..طول الفرح ماسكه نفسها لا تبكي قدام فتون..وتبكيها معاها..
سامح: ايوه هي متعلقه بقتون كتير..مالهاش فالدنيا غيرها..
هبه وجعها قلبها على سامح..ما فكرتش في حياتهم الاول..ازاي عاشوا ..ولاتعرف حتى امتى اتوفت امه وازاي عاش اصلا..
سامح مشى كام خطوه بعد عنها: مش عاوز اشوف النظره دي في عيونك مره تانيه
هبه ارتبكت: أي نظره ؟؟
سامح وهو عطيها ظهره: نظرة الشفقه او الرحمه .."وعطاها نظره ومشي اختفي"
هبه حطت أيد على وسطها وايد على راسها: يا الله بجد انا غبيه ..اكيد سامح اخد على خاطره "ومشت بخطوات سريعه لجوه وهي بتلوم نفسها"
>>>>>>>>...>>>>>>>>>>>>>>>>
نسمه: خدي دي..
ابتهال: لا..انا حبيت دي اكتر..
نسمه: اوك..اصلا الحكايه كلها بيجامه وتنامي فيها ..بس شيك.
ابتهال: كيفي اتشيك وانا نايمه.."وجات لالو بحضنها وهي تتلزق فيها..ابتهال رفعتها بالهوا" قطتك دي شقيه ومدلعه..
نسمه: تصدقي انها عندي من لما كنت بالاعدادي..جاتلي هديه من اخويا.
ابتهال: ما شاء الله. بينكم.عمر وعشره انتي وهي"وحطتها بالارض" بس ملاحظه انها بتموت على سريرك..!!
نسمه:ساعات تنام جنبي..يعني متعودين على بعض..
ابتهال نامت: اه تفتكري فتون بتعمل ايه دلوقت
جات نسمه ومددت جنبها وفضلو يتأملو السقف : اعتقد انها جنب كرم كدا ..زي ما انا وانتي عاملين..
ابتهال احمرت خدودها: ههههههههههه تفتكري !!
نسمه ماتت ضحك: اه اكيد.امال بتعمل ايه يعني ؟
ابتهال قعدت : لالا مستحيل..فتون اختي تتكسف..
نسمه قامت وشدت ابتهال بالقوه تهزر معاها: ياحياتي اخويا مش متوحش هو حنين واكيد دابت فيه وفي حضنه.وغمزت
ابتهال اخدت البطانيه وغطت وشها: والله انا اللي اتكسفت ..
نسمه: ههههه ربنا يهنيهم.
سمعوا الباب خبط..واتفتح..
طلت من الباب: تسمحولي انام معاكم ؟؟
نسمه بعدت الغطا عنها وعن ابتهال مصدومه: هبه!!...ايوه اكيد تعالي..
ابتهال قربت جنب نسمه اكتر وسابت لها مكان: تعالي هنا يا قلبي..
هبه بسرعه دخلت وقفلت الباب واتمددت جنبهم..
هبه: بنات تفتكرو كرم بيتخانق مع فتون !!
نسمه وابتهال ماتوا من الضحك..
هبه: قلت حاجه غلط؟؟ مالكم !!
نسمه: بجد تفكيرك غبي..انا وابتهال رومنسيين تخيلنا ان فتون في حضن كرم..
هبه ماتت ضحك: اتحداكم.. مستحيل يكونو جنب بعض..!!
ابتهال: اوكي ناخدها تحدي..
نسمه وهبه: اوكي..
>>>>>>>>>>>............>>>>>>>>>>>
بغرفتها..
وتفكيرها الحزين بدء يسيطر عليها..جه في بالها اليوم فرحها وليلتها الوحيده مع سامي...
دمعت عينها غصب عنها ..راح وقت كتير من وفاه سامي..ومفضلش على حدادها غير وقت صغير..دعت له من كل قلبها..ونامت وصورته جنبها ودمعتها على خدها..
>>>>>>>>............>>>>>>>>>
المره دي هي اللي قررت تروحلو وتبدأ في اول خطوه نوت عليها من لما كانت فالفرح..عشان صديقتها مستعده تعمل لها أي حاجه ..
خبطت علي الباب ودخلت..لقته قاعد وفاتح موبيله..واول ما انتبه لها نزله..
: شهد.
شهد : ادخل ؟؟
عبد الله: ايوه اكيد اتفضلي..
شهد دخلت بخطوات متردده وئعدت على كرسي جنب سريره وسكتت شوي بتحاول ترتب الكلام اللي عاوزه تقوله..
عبد الله انتظرها تتكلم بس طولت: شهد فيك حاجه ؟
شهد: ايوه فيه...بس مشعارفه ازاي ابدء معاك..
عبد الله: الموضوع يخص مين ؟
شهد: يخص ابتهال..
عبد الله بصلها مستنيها تكمل..
شهد: بقولك انو..انو ابتهال مش هتكونش من نصيبك..لانها رفضتك..
عبد الله انصدم: رفضتني !!!!
شهد: ايوه..هي ما قالتليش حرفيا..بس بتعتبرك زي اخوها ..
عبد الله حس انه مش مستوعب وردد بكل غباء : اخوها !!! "حرك راسه وكأنه بيحاول يدخلها في عقله" انا زي اخوها ؟ ليه هي في حد في بالها "وبص لشهد شويه"
شهد ارتبكت وبان عليها: حد في حياتها !! لا...لا ..مافيش حد ...بس دي مشاعرها ..ربنا يعوضك باللي احسن منها ..ويعوضها باللي احسن منك...
عبد الله نزل راسه: طيب ممكن تسبيني لوحدي
شهد طلعت من غرفته..وقفلت الباب عليه وقفت عنده لحظات " عبدالله بيبكي ؟؟"
عبد الله اول شعور وصله ان نفسه يصرخ لحد ما تتهدم الجدارن اللي حاصرته ..وبعدها حس ان دمعته غصب عنه بتنزل وبسرعه رفع راسه فوق محتاج يمنعها .. صعب شعور الرفض من شخص عاوزه بكل مافيك ..صح مش متعلق بيها من لما كانت صغيره..وحبه لسه وليد وقريب..بس قدرت تتمكن منه ..وحبها ..وحب عفويتها وطيبتها وحركاتها ..كل دول بتزيد حبه بقلبه..وتخاليه يتعلق بيها اكتر ..بس خلاص انكسر الحلم..وضاعت الامال الصغيره..اذا كانت ابتهال مش بتعتبره الا بس " اخ"
......
صباح يوم جديد..
فتحت عيونها ... وشافت عيون خضراء قدامها بصالها..وصرخت بصوت عالي..
نسمه وقعت على الارض من قوة الصرخه: اخ
هبه اتفزعت من نومتها ووقفت وصرخت: فيييييييييييك اييييه؟؟
ابتهال حطت ايدها على قلبها وهي مغمضه عيونها: سوري بنات..بس لولا فجعتني..
هبه شاطت أخدت لولا ورمتها برى الغرفه بنرفزه: انا كام مره قلت القرف دي ما تدخلش الاوضه
نسمه : هبه مالك بدلوعتي.."واستوعبت الحركه وماتت ضحك" بس والله انك هبله يا ابتهال كل ده عشان قطتي الحلوه يا خوافه..
ابتهال ضحكت معاها: ههههههههه بس والله خضتني..
هبه: وقع قلبي..ربنا ياخد المفتري..
نسمه قامت من على الارض: بنات خلونا اليوم نعمل حاجه مختلفه.
ابتهال: زي ايه؟؟
نسمه: خلينا نخرج.. والله البيت من غير ماما وفتون رخم محتاجين نغير جو.
هبه: فكره حلوه طيب نروح فين؟
نسمه: نطلع للبحر يوم واحد ونرجع..
ابتهال: ايوه البحر بصراحه حرام نفوته بالجو ده!!
هبه: خلاص يكون دادي فاضي ويوافق..وحاسه كدا انه من بعد فتون الكل كره المزرعه ..
ابتهال: الله لا يعيده يوم ...والله بكرها
نسمه: خلو كل حاجه على ريهام..هي تتصرف..
هبه: اوك يالا..
........
صحت من نومتها بدري واخدت لها شور وظبطت نفسها ولبست وخلصت ..
فتحت باب الغرفه وطلعت له بالصاله...لقته نايم ..شكله كان يضحك..على حجمه ده الكنبه ما تناسبهوش واضح انه متعذب بنومته..
بصت في ساعة ايدها..مشعارفه هو بدري ولا لسه على رحلتهم شويه..ومتردده تصحيه..
قربت منه وطلت بوشه..لقته نايم بعمق واترددت اكتر تصحيه..راحت للتلاجه تاخد لها ميه ولا عصير..
مع صوت الازعاج من فتون صحى كرم وبصلها.
لابسه بنطلون اسود ..وبلوزه حمره رسميه شوي ..وشعرها الاسود الطويل مفرود
عدل قعدته وهو جواه مبتسم..احلى لحظه يصحى ويلاقي فتون قصاده ..حمد ربه انه استعجل بالجواز...لان وشها البرئ مين ما يتمنى يتصبح بيه..ويبصله بكل وقت..
فتون قفلت التلاجه بقوه برجليها ..وفتحت العصير ..وشربته وهي بتلف وشافته صاحي وبيراقبها ..وشرقت..
: كح كح .."وعلى طول خطر في بالها امبارح وحاولت تتجاهل نظره عيونه" صحيت !!!
كرم خاف عليها: صحه ..اشربي بشويش .. الساعه كام؟؟
فتون بصت في ساعتها : الساعه 10 دلوقت..
كرم قام بسرعه: بجد !! ..رحلتنا 12 مانلحقش نودع اهلي ونئعد معاهم شوي..
فتون سكتت وهي بتشوفه بسرعه قام ودخل الغرفه ..وفي خلال ربع ساعه الا طالع لابس جينز وقميص اسود مع الساعه طالع واو..ما كانتش الاول بتدقق بلبسه ..ولا تنتبه له من اصله ..بس حاليا بقي في وشها وحست انها بقت تهتم تشوف قاعد يعمل ايه!!و ازاي طريقة حياته....
وقف قدام المرايه اللي فالصاله يظبط نفسه للمره الاخيره..
كرم: خدي شنطه صغيره ..يعني اهم الحاجات بس.. وكام لبس احتياطي ..وهبقي اشتريلك كل لوازمك من هناك..
فتون سكتت بدون ماتعلق وطلعت معاه بعربيته للقصر..
وهما فالطريق.. فتون تدور فكره في راسها وعاوزه تتأكد منها: مش هتودع امك..!!
كرم صدمه السؤال المفاجئ: ايه...؟؟
فتون: امك..مش هتسلم عليها..المشكله بين امك وابوك انت مالكش علاقه بيها..
كرم: انتي عاوزه تودعيها..؟
فتون طبعا جواها مش عايزه اكيد...شافت من سالي اللي يكفيها..
: اكيد هسلم عليها معاك..
كرم: سيبك مني..فرض قلت لك انزلي لوحدك سلمي تنزلي؟؟
فتون ارتبكت: انت ليه قلبت السؤال عليا ..انت ابنها..وانا معاك..
كرم: حتى انتي بتتهربي من الاجابه....وشعوري نفس شعورك "وقف العربيه جوه القصر ولف عليها" عذري نفس عذرك..يالا انزلي..
فتون قعدت شوي بالعربيه تفكر" ازاي عذره نفس عذري !! انا متأكده انه مجنون ولا بيخرف"
وصحاها ضربة كرم على شبكاها ويشاور لها تنزل..رجعت ملامحه للجمود فجأه..فتحت بابها وهي بتفكر فيه ..يتغير مزاجه بسرعه..ولا يمكن يثبت على حال..
نزلت ومشت وراه: انت روح جوه وانا رايحه للملحق..
كرم وقف: يا اجي معاك يا تيجي معايا..
فتون سابته ومشت: انت روح جوه..
كرم بدئت اعصابه تفلت من حركات فتون واتنهد بقوه: اعوذ بالله منك يا شيطان..."وراح دخل القصر "
دخلت فتون الملحق..لقت جانيت صاحيه سلمت عليها : اهلين وسهلين بالعروس ..كتير اشتقت لك..
فتون: وانا كمان..فين ابتهال..؟
جانيت : من ليلة امبارح وهي عند نسمه.
فتون : يا قلبي ..اكيد ما أتحملتش تفضل لوحدها..والله امبارح كله بفكر فيها..طب فين الرومانسي ؟
جانيت : سامح ..لسه نايم..
فتون سكتت شوي..ازاي ابتهال تسيب سامح وجانيت مع بعض !!
قالت: اوك داخله اصحيه..
دخلت عليه وزغزغت بطنه: يارومانسي.
سامح: ابتهال والله ماليا خلق ..لهزارك عايز انام
فتون: هههههههه قوم انا العروسه..
سامح فتح عيونه: فتون ...امتى جيتي !!
فتون: من شويات.. يالا اصحى وتعال جوه..
سامح: اوك ثواني وجيلكم ..
وراحت لاخواتها الصغيرين.
: تامر تمارا.. يا حلوين ..فتون جات.
تمارا بصعوبه تفتح عيونها : فتون !! "وبسرعه صحت" ليه امبارح ما نمتيش عندنا..
فتون راحت وضمتها بشوق: عشان انا اتجوزت..
تمارا: وامتى هترجعي ؟
فتون باستها: احسبي خمس ايام وراجعه لك..
صحى تامر: فتون... حتروحي فين ؟
فتون: انا رايحه مع كرم كام يوم وهرجع...تعال سلم عليا يا بطل ..
سلم عليها والدموع في عيونه: خدينا معاكي..
فتون زعلت عشانهم.ازاي تقدر تسيب اخواتها وتسيبهم وهما مالهمش بعد ربنا الا هي..
جه سامح من وراها: وانا مين يئعد معاي اذا روحتوا معاها..
تامر: انت عندك ابتهال..
سامح شاله على ظهره: انا ما تكفينيش ابتهال..ولا عاوزني اروح زي الاول ولا ارجع لكم..
تامر حط راسه على ظهر سامح: لالا لا متروحش
سامح : يبقي خلاص خليكم قاعدين معايا..
جانيت مسكت أيد تمارا: وانا بدي كون معاكم ماتخافوا..
تمارا بدون نفس: اصلا احنا مش عاوزينك.
فتون: عيب تمارا دي خالتو..
جانيت اتحرجت وحاولت تبتسم:يأ البي على هالصغار شو حلوين ..
سامح نفسه يفقع ضحكه على كسفتها بس مسك نفسه..
ودخلوا القصر..
شافت عمها وراحت تسلم عليه وباست خده..
سَيار: ربنا يسعدك ويوفقك يا فتون..
فتون: الله يخليك يا عمي..
ئعد سامح جنب كرم : صباحيه مباركه يا عريس...
كرم حط ايده على فخد سامح: الله يبارك فيك وعقبالك..
سامح: ربنا يسمع منك..
كرم : مستعجل !! والله نخطب لك..
سامح ضحك: لالالا بهزر لسه شويه خليني اعيش واستمتع بالعزوبيه..
نزلت ريهام وانصدمت من وجود فتون..
: فتون جيتي !! ليه ما قلتو ليش "وراحت تسلم عليها وتحضنها"..صباحيه مباركه يا احلى عروسه..
فتون بخجل: الله يبارك فيك..
ريهام قعدت جنبها: والله وحشتينا..وابتهال امبارح فضلت تعيط عشانك..
فتون: والله حتى انتم وحشتوني..
سامح وهو رافع صوته: والله شكلك يا ابن عمي ماحدش اتوحشك نوهائي!!!!!
كرم:اخص ياريهام..نسيتي اخوكي.. .
ريهام: هههههه والله اسفه يا كرمله..اتلهيت مع فتون .."وقامت تسلم عليه"...صباحيه مباركه يا عرسنا ..
كرم ابتسم: بعد ايه بقي
ريهام: هههه انت بس مش تدقق كتير..
ونزلوا الثلاثي مع بعض..
ابتهال: بنات كأني سامعه صوت فتون !!
نسمه: يمكن يكونو وصلوا..
وبسرعه نزلوا..
ابتهال ما صدقتش عيونها لما شافت فتون قدامها : فتون"ودمعت عينها وبسرعه راحت لها وضمتها " والله وحشتيني قوي..
فتون ضمتها بقوه ودمعت عينها ما قدرتش تبعد عن اهلها يوم واحد : وانا كمان والله..
ابتهال : والله احلى عروسه...بس كرم ده خدك مننا ..
همست لها فتون : ميقدرش يبعدني عنكم..ولا ياخدني منكم
ابتهال رجعت ضمتها من تاني وتحاول تبعد الدموع: واضح عليه..والله شكلك انتي اللي بتنسينا
نسمه وراها:خلينا نسلم عليها خلصينا"وبعدت ابتهال"
وسلمت هبه ونسمه
سامح عاوز يضحك : يا بنات اوعو تنسو العريس.والله اتحرج لحد ما قال بس.. وومكن يعبي منكم جامد
البنات افتكرو..
نسمه: هههه والله كنت بنسى..
كرم: فتون اخدت عقولكم..
ريهام: بس اخدت عقلك انت الاول..
كرم بص لريهام وابتسم..
فتون ماتت حيا ..وئعدو مع بعض..
ابتهال قربت من فتون : فتون بقولك ع حاجه بس والنبي ما تتعصبي
فتون : قولي ومش هتعصب..
ابتهال بصت لهبه ونسمه وهما يشجعوها ورجعت لها: امبارح انا والحلويات عملنا تحدي..عاوزين نعرف مين بيفوز..
فتون: اه ..وانا ايه دخلني..
ابتهال: ماهو التحدي عليكي يا قلبي...
فتون: وما لقيتوش فالدنيا الا انا تلعبو عليا ..
ابتهال: الله مش انتي اختي الكبيره والجميله وزياده على كدا العروسه..
فتون بشك: اه وع ايه أتحديتوا بعض !!
ابتهال: احم..بنات مش عاوزين تنضربو معايا..
نسمه: انا والله يا فتون اتحرج ولا كنت قلت وانضربت معاك يا ابتهال..
فتون زاد شكها: اخلصي ايه عندك ابتهالوه..
ابتهال: احم..امبارح واحنا كنا بنام خلاص وكابس علينا النوم فكرنا فيك..قلنا يا فتون يا ترى بتعملي ايه دلوقت .وكل واحده توقعت حاجه .. انتي الساعه 2 بالظبط ايه الي حصل معاكي..
فتون رفعت حاجب: ايوه..ومالكمش شغله الا انا ؟؟؟ وايه بقي توقعتكم ؟
ابتهال ابتسمت ابتسامه عريضه: نقول بدون اسماء..واحده قالت في حضن كرم.. واحده قالت نايمه جنبه واحده قالت لا بعيد عن بعض..فا انتي كنتي بأي وضع منهم..!!
فتون بعصبيه : يا ....يا قليلة الادب انتي وهي..بجد لازم اوريكم ..خليني اتفرغ لكم بس..
ابتهال استخبت في نسمه: هههههههه ماقلناش حاجه غلط..
هبه: انا بريئه...مقلتش حاجه غلط..يعني انا الخيار التالت..
فتون: عارفه اختي هي الوحيده اللي مش تتكسف بس هوريكي يا غوريلا.
نسمه: هههههههههه فتون وشك احمر.. شكله صح توقعي ..
ريهام تسمع كلامهم من بعيد: هههههههه طيب كنتو قلتو لي اتحدى معاكم ..
فتون بصتلها: انتي كمان ياريهام ؟؟
ريهام: ههههه بهزر معاكي..
وقف كرم: يالا يا بابا لازم نمشي..
فتون وجعها قلبها..وابتهال اختفت ضحكتها..
سَيار: تروحو وترجعو بالسلامه ..واظن مش محتاج اوصي كل واحد على التاني..انتي بنتي يا فتون وهو ابني..
كرم باس ابوه : الله يسلمك يابابا..تأمرني بحاجه
سَيار: سلامتك يا بني..
كرم سلم على سامح والبنات بسرعه: فتون مستنيك برى..
فتون راحت باست عمها : مع السلامه يا عمي..
سَيار: تروحي وترجعي بالسلامه وطمنونا عليكم ..
فتون: ان شا ءالله..."وراحت لسامح وضمته" سامح عينك ع نفسك وع وابتهال ولاخواتك هما امانه هنا " وضربت على رقبته "
سامح: هما جوه عيوني..خدي بالك انتي من نفسك..
راحت لعند ريهام وضمتها: حتوحشيني..وبقولك انتبهي لاخويا سامح...وجانيت لا تكون معاه بنفس الاوضه..
ريهام: اطمني.. تروحي وترجعي بالسلامه..ولا تقلقي على حاجه ..
فتون باستها: انتي اختي اللي ما جابتهاش امي..
ريهام ابتسمت لها...وراحت لعند نسمه : حطي بالك على ابتهال والمذاكرة انتبهوا لها "وضمت هبه" وانتي يا هبه الي حصل بينا في الاول انا نسيته وعجبني تغيرك الجديد..
هبه اتحرجت لان الكل لاحظ عليها التغير..ودموعها هي ونسمه بدئت تنزل..
سلمت على جانيت : الاطفال بعيونك مش محتاجه اوصيك..
جانيت/ اكيد يا ألبي ..ماتخافي..وتروحي وترجعي سالمه يارب..
ولفت على ابتهال اللي دموعها بتنزل بدون مقدمات : ابتهال حبيبتي متعيطيش .والله مااسافر ..
ابتهال مسحت دموعها بطريقه طفوليه: لا خلاص مش بعيط ."وضمت فتون بقوه" ارجعي لنا بالسلامه..
فتون: ان شاء الله .. خدي بالك من نفسك ولاخواتك اوكي..
ابتهال شاورت على عيونها بس ما قدرتش تتكلم
فتون حطت ايدها على خدها بحنان ومسحت دموعها: متعيطيش فاهمه..
ابتهال هزت راسها ..
فتون باست خدها: هاشتاق لكم ..
ابتهال ما قدرتش تكتم شهقتها ..وعلى طول لفت على نسمه وضمتها تخفي وشها من فتون
فتون حاولت تبتسم وتمسح دموعها ..واخدت نفس عميق ...ونزلت على الارض لمستوى تامر وتمارا: وانتوا يا عيوني انا مش هطول عليكم بس بشرط تكونوا احلى حلويات ومؤدبين..
وحضنتهم الاتنين وباستهم ...وقفت بسرعه ومشت بسرعه.: مع السلامه كلكم..
وبسرعة البرق اختفت عن عيونهم وسيباه وراها اصوات عياط اطفال وابتهال ..والكل بيحاول يهديها..
>>>>>>>>>>>.......>>>>>>
ركبت العربيه وهي ساكته..طلع كرم بعربيته من القصر..
وعيونه عليها...وفجأه وهما فالطريق فتون انهارت في العياط
كرم خاف عليها: فتون مالك ؟؟
فتون ما قدرتش ترد عليه..
كرم وقف العربيه على جنب: مالك خضتيني عليك !!
فتون حاولت تاخد نفس عشان تتكلم : عمري في حياتي ما سبت اهلي ..مش هقدر أتحمل ابعد عن ابتهال واخواتي...وحتى سامح في غيابه وعشانه رجعته عملت المستحيل..
كرم فهم قصدها بالمستحيل..يعني اتجوزتك عشان يرجع ..جات الكلمه زي السهم على قلبه..
: كلها كام يوم وترجعي ...مش هنطول..
وحرك العربيه من جديد..وهو بيفكر بفتون..معقول كل الخلافات الي حصلت بينهم قبل كدا ما بتغبش عن بالها..بكدا مستحيل يقدرو يتقدمو خطوه جديده لقدام..
>>>>>>>.......>>>>>>
في بيت مياده.
: سافروا ربنا يوفقهم ويسعدهم..ريهام سلمي لي على ابوك وعيال فتحي ..واذا حابين تغيرو جو جيبيهم عندي..يالا يا قلبي مع السلامه..
سيف: خلاص سافر كرم..
مياده: اه ربنا يسعده مع فتون ..يستاهلو بعض..انا ماكنتش هأأمن على فتون غير مع كرم ..و كرم كمان مطمنه ع فتون معاه وعمري مالقي واحده بعقل وتقل والتزام فتون لابن اخويا..
ريماس بصت لـ امها بحقد: فيه اللي احسن منها..بس عيونكم رافضه تشوف غيرها..
الهام: لا والله فتون مافيش احسن منها..انا عن نفسي ما شفتش..
مياده: كفايه انها بنت سلطانه الله يرحمها..يعني مااقدرش اقول كلمه على تربيتها..
ريماس بعصبيه وقفت: عن اذنكم "ومشت وفي نفسها تدعي ان فتون تروح وما ترجعش "
سيف: شوفي بنتك ايه حكايتها.
مياده: الهام مالها اختك ملاحظه فيها حاجات كتير متغيره..
الهام :معرفش مالها.
مياده سكتت تفكر في امرها..اي نعم عطيتها الحريه والثقه..بس حست ان ريماس بدئت تخونها..لان طلعاتها من البيت كترت وتصرفاتها بقت غريبه..
الهام: عن اذنكم ..."وراحت لغرفة ريماس"
خبط الباب ودخلت شافت الغرفه فاضيه ..ووقفت جنب باب الحمام.
الهام: ريماس ...انتي هنا ..
ريماس اللي ارتبكت وبأيدها السيجاره ولا عارفه فين توديها وبسرعه طفتها ورمتها فالزباله..
وفتحت الباب وطلعت لها..
ريماس بأنزحه: خير فيه ايه ؟؟
الهام عقدت حواجبها: ايه الريحه دي ؟؟
ريماس وهي تقفل باب الحمام: جايه ليه؟
الهام ميزت الريحه بس استبعدت الفكره: ريماس..اكيد الريحه مش من عندك صح؟
ريماس لفت لها وبكل غرور: مني ولا مش مني انتي مالك؟
الهام: ريمو.. لو طلعت منك صدقيني لحد هنا ويستحيل اسكت ..
ريماس أأعدت على السرير وحطت رجل على رجل: يعني مثلا بتروحي تقولي لامي ؟
الهام: ايوه بقول ومتفكريش اني بهزر..يا تعدلي طريقتك الغبيه اللي بتعمليها..يا حتصرف انا! وانتي اللي بتتحملي النتيجه..
ريماس بقهر: يعني عشان هبه اتغيرت عاوزني اتغير واكون زيها
الهام: انا ماليش دعوه بهبه...هبه ربنا يثبتها انها اتغيرت...بس انتي تماديتي بالغلط كتير .."وطلعت وسابتها "
ريماس بعصبيه: كمان انتي جايه تكمليها عليا..يعني محدش حاسس بيا وبالقهر اللي بقلبي ..
.........
بعد ساعه..
قاعدين بالطياره جنب بعض..بس السكوت كان سيد المكان..
فتون مالهاش خلق تتكلم بعد وداع اهلها حست كل شئ انتهى..
كرم مش عارف ايه الي ممكن يكلمها فيه..مع ان نفسه ياخد ويدي معاها..
لف عليها شافها سانده نفسها على الكرسي وتفكيرها بعيد..
قال: وصلتي لحد فين ؟؟
فتون بدون ما يتحرك فيها ساكن : لسه عند اهلي..
كرم: طيب انتي مش بتهاجري عنهم..كلها كام يوم تنبسطي وترجعي ..
فتون وكأن كل المشاعر الكرهه اللي كانت تكنها لكرم رجعت تاني لفت وبصتله وملامحها جامده: معاك !!
كرم اتنهد وبينه وبين نفسه " رجعنا للعناد والمشاكل "
: لا مش معايا اكيد طبعا بتنبسطي... مثلا لو كان ياسر بتكوني اسعد ؟
فتون اتغيرت ملامح وشها..لسه لحد اللحظه ظنه انها بتحب ياسر
: تفكيرك للاسف ما زال متخلف ورجعي..
كرم مثل البرود : رجعي ومتخلف عشان ما خليتكيش تاخديه.
فتون: رجعي لاني مش حابه اقول عنك مريض وشكاك..
كرم بأستهزاء: وبدليل انه مشي من الشركه ما تحملهاش بوجودي بعد ما رفضته..
فتون انصدمت: مشي !!! وسيبته يمشي؟؟
كرم لف بقوه و اتعصب : للدرجه دي خايفه عليه؟؟
فتون ماتت قهر: انت فيك ايه ليه مش قادر تفهم !! الراجل مالوش دعوه بيا ..ولا يعرف عني حاجه و انا معرفش عنه اي حاجه.. انا بجد مشعارفه انت ازاي متحمل نفسك مع تفكيرك ده..
كرم: احترمي نفسك..مفكراني غبي وممكن اصدقك..
فتون: تصدق ولا ما تصدقش انا ما يهمنيش..لاني عارفه نفسي ازاي متربيه ..
كرم انفعل : ايوه صح هو جه كدا فجأه وخطبك !!
فتون تلتفت حواليها: اولا احنا في مكان عام مش في بيتكم ..ثانيا ما عنديش استعداد ابرر لك حاجه.. اذا كنت اصلا واثق اني ما بحبكش ليه اخدتني وتعبت نفسك..ولا عشان تكسر دماغي وتقهرني ؟؟
كرم وقف : انا مش عاوز فضايح فالطياره .."وسابها وراح قعد بعيد "
فتون : جبان..هرب..
كرم راح بعيد وغمض عيونه واخد نفس عميق..شاف كرسي فاضي رمى نفسه عليه..يريح اعصابه..فتون كتله ترفع الضغط..تحب تجيب الامور اللي تخليه ينفجر..اعتقد ان امورهم بعد الجواز ممكن تتعدل تدريجا للاحسن..بس شكلها كدا من اولها باظت خالص!!!!!..
اخد له عشر دقايق ورجع لها..لقاها فاتحه كتاب ومندمجه فيه..ارتاح انها لخمت نفسها.
فتون ولاحاولت تفتح أي موضوع معاه..
......
قاعدين التلاته جنب بعض وساكتين وريهام بصلهم..وسامح وعمه قاعدين يتكلمو عن الشركه..
ريهام : وبعدين !!لحد امتي هتفضلو ساكتين كدا ؟؟
كل واحده بصت للتانيه
ريهام: محتاجين نغير جومش كدا؟؟
هبه: كنا ناوين نروح البحر.
ريهام : فكره حلوه..وانا معاكم..
نسمه اتحمست شوي: نقول لدادي؟
ريهام: انا اكلمه .."ورفعت صوتها" بابا
سَيار ضحك: عيون ابوها..
ريهام قربت منه: تسلم عيونك..ليه ما ناخدش البنات للشاليه نغير جو..شوف اشكالهم تحزن والله
سَيار بصلهم: لا بجد محتاجين حاجه تغير جوهم ..انا ما عنديش مانع..
ريهام: ربنا يخليك يا احلى اب في الدنيا..يالا يا حلوين للشاليه
سامح لف على عمه: عندك يا عمي شاليه.
سَيار: اه واكيد هيعجبك في الساحل الشمالي
سامح ابتسم له..من اول ما جه لهنا وهو محسسه انه ابنه اكتر من ابن اخوه..وفعلا حس بحنان الاب اللي فقده في حياته..
البنات قاموا يستعدو وريهام اشرفت على التجهيزات..واخدت منهم ساعتين الا وهما ماسكين خط الساحل
التلاته مع سامح.
وريهام وجانيت والاطفال مع سَيار..والخدم وراهم بعربيه.
@@@@
في عربيه سامح.
ابتهال: سامح تفتكر ايام الفقر مع اهل شهد قد ايه كانت فله..
سامح ابتسم ابتسامه عريضه للذكرى: وانا اقدر انسى..ايام بجد كانت ممتعه..وعبد الله كان صديقي وقريب مني..
ابتهال: هههه بس لما كنت تفوز عليه فالكوره يتحول
سامح: ههه الله يكسفك بس متقوليش لحد ان السبب شهد..!!!
هبه بغيره: شكل فسحكم مع بعض كانت كتيره
ابتهال: والله كانت كتيره..انا وشهد اكتر من الاهل..
نسمه: والله حاجه حلوه جدا..شهد جميله وتنحب
هبه : سامح ممكن تشغل اغنيه نسمعها..
سامح شغل السي دي اللي كان موجود وكانت اغنية " عمري معاك" لسرين عبد النور..
ورفع الصوت شوي..والكل سكت ودخل الجو..
هبه جات الاغنيه فى وقتها ..وعينها طول الوقت على سامح.
سامح حس بخجل وهو يسمعها وجاهل السبب..
ღღ انا عمري معاك ღღ
انا عمري معاك وكفايه
ان انت هنا ويايه
يا شاغلني سنين من نظرة عين
انا بعشق فيك دنيايا
وصلوا للساحل.
نزل الكل وبدء يرتب الشنط والالتزمات.
سامح كان مبهور بالشاليه.
: والله الشاليه حلو ما شاء الله.. اللي مهتم بيه ومنسقه فنان..
هبه قربت منه: دادي وكرم بصراحه تعبوا فيه لحد ما بقي كدا ..
جات ابتهال جنبه: فيه هنا حاجه مش هتصدقوه يا سموح..
سامح اتحمس: بجد !!..شوقتوني..ايه هو؟
جات نسمه: سامح انا الي هوريك "وبصت لهبه بخبث"
هبه بصتلها بتهديد..
نسمه تستهبل: اأقصد روح مع هبه هي اول واحده قالت لك عنها ..يعني من باب الذوق مني..ومن ابتهال ...
وضحكوا الاتنين.
سامح اللي ما فهمش اي حاجه: المهم اني اشوف ايه اللي متحمسين عليه..
هبه بعصبيه: تعال معاي انت بس..
ومشوا كلهم مع بعض وسامح طول الطريق يحكي لهم عن مغامراته طفولته شقاوته..مدرسته ..حياته..حكايته كانت ممتعه ومتنوعه..
هبه طول الطريق بصاله بأعجاب.. ومبهوره بيه..لما يحكي يطلع جذاب..اسلوبه مشوق..ضحكته ساحره..ابتسامته لطيفه..وخفه دمه ممتعه..كل حاجه فيه جننتها..
واخيرا ووصلوا للمكان..سامح اتامل الموتسكلات بأنبهار: لا ما تقولوش موتسكلات وعجل !!
ابتهال: هههه لا حلفت اني اقولك..
سامح قرب اكتر: بجد والله....والله حلمي اركب موتسكل يالهوي ده انا طياره عليه.
هبه: واتحقق حلمك معانا ..
سامح مش مصدق وبسرعه دخل وسحب واحد ..وطلع فوقه..
نسمه: بقولك يا ابن عمي انتبه لنفسك..
سامح: سيبك ابن عمك فنان..ابتهال تيجي تطيري معايا؟؟
ابتهال:لالا اخاف..
هبه: انا اجي........
سامح تنح فيها شوي ..
هبه حطت ايدها على بؤها ..الكلمه طلعت غصب عنها ..
نسمه قربت وهمست لها: ما تتكسفي ع دمك..
ابتهال: هبه بتهزرصح !!
هبه: انا كنت اقصد....بكون لوحدي اكيد..مالكم كدا قلبتو عليا
نسمه: ايوه وانا بحسب حاجه تانيه..
دخلت هبه واخدت موتسكل
سامح حس انه فهمها غلط..وابتسم لها ..كانه يعتذر لها عن تفكيره..
هبه ما زال قلبها نازل دق خوف..من كلمتها ..مشعارفه ازاي قالتها .وكويس انها عرفت تدريها !!
وركبت هبه وطارت جنبه وشغتله وهو مبسوط معاها..
نسمه وابتهال ئعدو مع بعض ودخلوا جو الكلام ..
سامح بطئ: هبه..نفسي اقولك حاجه ..
هبه بطئت و بصتله..
سامح: اعتبريه طلب او رجاء..
هبه استغربت : آآمرني..
سامح: عاوزك تلبسي حجاب اذا كنتي في مكان مكشوف..
هبه شدت على الفرامل ووقف الموتسكل ونزلت ...ونزل معاها سامح ووقفت قدامه..
: يعني قصدك اتحجب ؟؟
سامح وهو مرتبك: ايوه ...وتغيري شوي من لبسك..انا مش قصدي اقيد حريتك بس انا عاوزلك الافضل يا هبه .بلاش تفهميني غلط انا مش عجبني طريقتك و كله والله خوف عليك وان.....
هبه قاطعته: فهمت قصدك "وسكتت شوي"
صعب عليها تغير عادات وتقاليد هي اتربت عليها ..لفت يمينها شافت ابتهال لابسه حجابها وعايشه حياتها..ولبسها ساتر بالنسبه للبسها.. يعني اكيد ما حستش بصعوبه..ممكن تكون زيها ..ليه لا ..
سامح حس ان صمتها طال: اذا مش عاوزه براحتك..
هبه: بالعكس..انت تامرني أأمر..من بكره تشوفني بحجابي.."ونزلت عينها من الحيا"
سامح ابتسم بفرح: اشهد انك احسن بنت عم في العالم..
هبه ابتسمت بخجل..
سامح: يالا خلينا نطير و نروح عند عمي..
هبه وهي ماشيه جنبه: طيب يا سامح ممكن اسألك سؤال خاص شوي..
سامح بصلها ورجع يبص في طريقه: اسألي وانا اجاوبك
هبه: شهد بنت جيرانكم.. تعني لك ايه؟؟؟؟
سامح صدمه السؤال..ايه تقصد منه هبه؟؟ هو غيره منها ..ولا سؤال فضولي..!!
رد: ليه؟
هبه مثلت البرود: لا بس مجرد سؤال..يعني كلامك انت وابتهال نصه عن شهد واخوها ..قلت اكيد تعني لك حاجه !!
سامح : علاقتنا بيهم مش زي أي علاقة جار بجاره احنا اكتر من الاهل ..دايما مع بعض..وشهد غلاوتها من غلاوه اختي ابتهال ..
هبه ما وصلتش لسه لغرضها : طيب وانا؟؟
سامح وقف شوي ونزل نظارته الشمسيه من على شعره ولبسها: الشمس قويه صح..!! خلينا نسرع..
وتعداها بكام خطوه..
هبه ماتت قهررر..ليه يهرب منها !!
ولحقته..اسرع
عدوا على نسمه وابتهال واخدوهم..وراحوا عند ريهام وسَيار
سَيار: ها يا سامح.. ان شا ءالله يكون عجبك الشاليه..
سامح : والله يا عمي لو بتكلم فيه هكون مقصر...بجد ابدعتوا فيه ..
سَيار: الشاليه شاليهك انت واخواتك..منين ما تحب تيجي من غير تفكير تعال..
سامح: تسلم يا عمي تسلم.
ريهام: نفسكم نعمل اكشن..
نسمه وهبه وابتهال مستغربين حماس ريهام..
: ايوه اكيد..
ريهام: نعمل جيم كرة قدم..والفريق اللي يخسر يساعد في تحضير العشي..
البنات اتحمسو: يالا موافقين..
وانقسموا فريقين..نسمه وابتهال مع بعض..وهبه وريهام مع بعض..والحارس مع سامح.. والحكم سَيار..وجانيت والاطفال فريق تشجيع..
وبدءاللعب ومعاه كل انواع الفشل في الكوره..كل واحده اخيب من التانيه ..سامح اتمدد على الارض من الضحك: والله لو ما كنت حارس مرمي احسن لي..واتحدي يجي هدف,,واقسم بالله كل واحده احول من التانيه
ريهام وقفت بتعب وبسرعه تتنفس: لو سمحت بلاش تستهين بقدرات حد..لسه بنحمي..
سَيار: هههه خلص الشوطين وانتم لسه بتحمو ..
نسمه ئعدت على الارض بتعب: اوه خلاص بجد مش قادره
ابتهال ئعدت جنبها: بس على فكره احنا اقوى من هبه وريهام
هبه ربطت شعرها القصير من الحر والتعب: لا والله انتم بتكسرو ولا بتعرفو تلعبو ..
سامح: هههه انا غلطتي لعبت مع بنات..شلفطو مشواري الفني ..
جانيت: شو هاد بنات ولا واحده منكون جابت "gool"
ريهام: جانيت كنتي لعبتي معانا وشفنا مهاراتك
سَيار: المهم العشي كلكم بتعملوه..
صرخ التلاته : لا
سَيار: يالا خلو الخدم يجهزو كل حاجه وانتوا روحو خدلكم شور.
سامح فضل يتريق عليهم بهدله
وفعلا البنات ابدعوا بالعشي مع شوي اصابات طفيفه..
......
على الساعه 2 بالليل..
وفي مطار المانيا بالتحديد..
فتون وكرم وصلوا بالسلامه..وطلعوا من المطارواتجهوا للفندق..
فتون قضت نص الرحله نايمه..وكرم قضاها على اللاب توب يكمل شغله..
المانيا مدينه أأقل ما ينقال عنها جذابه وخلابه..وساحره بكل مافيها..(())
على قد التعب اللي فتون بس ما قدرتش تفوت على نفسها المناظر اللي فالطريق وهما متجهين للفندق..
بعكس كرم اللي متعود عليها..فا كان عاوز يوصل عشان يرتاح وبس..
وبالفندق..
حطوا الشنط بالسويت ..
وفتون عيونها منبهره بيها..كان المكان فوق الخيال قمه في الفخامه والتميز..
كرم اخد شنطته وحطها بغرفة النوم وبدل هدومه ورمى نفسه على السرير وبدون ما يحس نام..
فتون بعد ما اخدت جوله..دخلت الغرفه وشافت كرم نايم بدون حتى من غير ما يتغطي..وبلعت ريقها..
: الاخ نام هنا !! وانا انا فين ؟؟
اخدت هدومها ودخلت الحمام واخدت لها شور وغيرت وطلعت وهي لسه محتاره في الكائن المتمدد على السرير..ورايح في سابع نومه..
وقفت قدام المرايه تمشط شعرها وتنشفه..وتكلم نفسها"اقسم بالله سخيف..انا العروسه المفروض انام هنا ..مش انا انام برى ..اعمل ايه دلوقت "
بصت لكرم بقهر..وفالنهايه اضطرت تاخد مخده وتطلع تنام برى..وحطت المخده على الكنبه واتمددت...بس جسمها اترعش من البرد..ازاي بس تقدر تنام !! رجعت دخلت الغرفه وفتحت الدولاب في بطانيه زياده اخدتها وطلعت من تاني..بس البروده ما خفتش بس غصب عنها غفت..
وبعد ثلاث ساعات..
صحى كرم وهو حاسس كل عظمه في ضلوعه مكسره...بص حواليه وافتكر انه بالمانيا ولف على شماله مالقش فتون..قام من على السرير بسرعه وطلع للصاله يتطمن عليها..
لقاها ضامه نفسها من البرد ونايمه بعمق..صعبت عليه وأنب نفسه ازاي سابها كدا !!
فكر كتير يعمل ايه معاها..يصحيها ..ولا يخليها ويغطيها؟؟
بعدين قرر قراره..
اخد نفس عميق..مدد ايديه يعملها تمرين خفيف.. بعدها قرب من فتون بهدووووء وشالها بين ايديه برقه..كانت زي اللعبه صغيره ..وخفيفه..وبخطوات هاديه مشى بيها للغرفه وعينه عليها عمره ما قرب من وشها بالقرب ده ..وخايف لتفتح عيونها وتشوف نفسها متخده جوه حضنه ممكن تعمل ايه !!
وصل الغرفه وبنفس الهدوء حطها على السرير وغطاها..جه بيبعد عنها بس في شئ جذبه..خصله من شعرها على وشها.وشكلها ساحر .قرب صوابعه بتردد لوشها.على قد ما هو خايف انها تنتبه لحركته..على قد ما هو مُصر انه يعمل الي في دماغه..وبنعومه رجعها لورى ..وفي لحظه تهور وبدون مقدمات طبع بوسه على شفايفها وبسرعه بعد عنها..
: كرم انت قلت هتمسك نفسك..
وطلع بسرعه من الغرفه..
فتون اللي ولا حاسه باي حاجه اتقلبت ع الناحيه التانيه ..تكمل نومها ..
......قصص منه محمد كاتب.....
في بيت مياده..
صحت بدري وفطرت مع جوزها وبناتها وطلع سيف لشغله والبنات للمدرسه
وقعدت بالصاله تتفرج ع التلفزيون اوتشغل نفسها باي حاجه..
جات الخدامه عندها ووقفت على راسها : مدام..
مياده: نعم..
الخدامه مدت ايدها وفيها منديل : انا لقيت دي في غرفة ريماس ..
مياده عقدت حواجبها واخدت المنديل وفتحته وظهرت علامات الصدمه القووويه على وشها: فين لقيتي دي ؟؟؟؟
الخدامه: بغرفة ريماس مدام..
مياده جري في جسمها رعشه قويه ...معقوله بنتها تعملها ؟؟؟؟؟؟
..............................
قررت تزور امها..حياتهم بقت مشتته...امها بجهه..وابوها بجهه تانيه ..وكل واحد رضاه اصعب من التاني..
دخلت غرفتها..وفتحت دولابها تدور لها ع لبس..وسمعت رنة مسج على موبيلها..راحت وفتحتها..
"انا لسه راجع من المانيا..منتظر رجوعك للمستشفى...........خالد.."
ريهام قرت المسج كام مره.. هو بأيه يهمها عشان ينتظرها..او حتى يقولها عن اخباره..رمت الموبيل مطنشه رسالته ومتجهه لامها..
>>>>>>>>>>>>.......>>>>>>>>>>>>>
في بيت محمد .
سالي منهاره: خلاص ..مش قادره تتحمل البيت ده ..احلام مرات خالك هتطلع قرون في دماغي.
ريهام :خلاص بلاش تعاندي وارجعي للبيت..
سالي: وارجع كدا !! من غير ما يترجاني ابوكي انسي ارجعلو ..
ريهام :انا بحلها بس ارضي ان كرم يكون معانا..
سالي فكرت لثواني وبعدها عندت: لا...مستحيل اغير رايي وارضخ..خليه..وخلي ابوك يعاني من بعدي..
ريهام انقهرت: ماما..من شوي كنتي بتوافقي ..ليه غيرتي رايك..!!
سالي: ما غيرتش رايي..ده راي من الاول انا ما طلعتش من بيت ابوك..الا عشان كرم ومراته ما يعيشوش معاي..
جات احلام ومعاها العصير: يا سالي..انا قلت لك الست مالهاش الا بيت جوزها..والله انا خايفه عليك من كلام الناس..يقولو سالي متخانقه مع جوزها وسيباها بيتها وعيالها
سالي طنشت احلام لانها لو اتكلمت وردت عليها هتخليها ما تسوى تعريفه..فاسكتت احسن لها..
ريهام عاوزه تنقذ الموقف لان امها واضح عليها انها ولعت وشاطت
واتكلمت: لا ماما وبابا محتاجين فتره يبعدو عن بعض شوي..هي كلها فتره وتعدي ان شاء الله..
احلام حطت رجل على رجل:ربنا يهديهم .
سالي بصتلها بحتقار وهي الود ودها تقوم وتخنقها وتخلص منها ...
...........................
رجعت من المدرسه..
وفتحت الباب الرئيسي للبيت..
ريماس: هاي مامي طالعه اغير .هدومي بسرعه وانزل..استنوني على الغدا..
ومشت تطلع السلم..بس وقفتها صرخه امها..
مياده: ريماس..اقفي عندك..
ريماس دق قلبها خوف..ووقفت ...لفت على امها..وشافت العصبيه مرسومه على ملامحها..
قالت: يس مامي..
مياده ..مشت ووقفت قدامها ومدت ايدها..
: ممكن تفسري لي ايه ده ؟؟
ريماس نزلت عيونها على ايد امه تشوف ايه ممكن يكون فيها..وانصدمت ولونها اتخطف وما عرفتش ترد تقول ايه ؟؟..
مياده: بسرعه..عاوزه اعرف ازاي وصل لاوضتك..
ريماس حست انها لازم تدافع عن نفسها بس مش عارفه الطريقه: مين عطاك ده؟؟
مياده صرخت: انا سألتك جاوبي بسرعه..ايه الي جاب السيجاره دي اوضتك !!
ريماس: دي...مش مني..انا معرفش ازاي جات..شوفي مين اللي عاوز يتبلي عليا.
مياده مدت ايدها على ريماس وعطتها كف: بس ولا كلمه..ياخسارة التربيه والتعب فيك..حرام تكوني انتي بنتي..حتي بنت شوارع ماتعملش الي عملتيه ..انا ربيتك كدا..انا كدا علمتك..دي ثمرة تعبي فيك..دي نتيجة ثقتي فيك!!
ريماس اتملت عيونها دموع: ماما..والله دي مش مني
مياده بحتقار: ما تحلفيش..ما تحلفيش بالله كذب..انا ياريماس لما عطيتك الحريه..متفكرنيش غبيه ولا مش بفهم ..انا سبتهالك..لاني فكرت عرفت اربي..واكيد ما فكرتش انه يجي يوم وبنتي تصدمني.. بس يا خساره..خاب ظني فيك يا ريماس يا بنتي..
خاب ظني في بنتي الكبيره..اللي قلت لنفسي مسيري افتخر بيها..ونعمه الاخلاق ياريماس..تدخني !!
ريماس ما عندهاش دفاع تقوله...بس نفسها تبرر موقفها..في اللحظه دي اتمنت الارض تنشق وتبلعها..امها بجد كانت غير كل الامهات..ام مهتمه وحنونه وفاهمه وواعيه...فاتحه مجال تتنفس بس حطلها الحدود..ومع ذلك خيبت رجاها..
ريماس برجاء: ماما ارجوك سامحيني..
مياده غمضت عيونها ودمعتها سالت على خدها: اطلعي اوضتك.. ومش عايزه اشوف وشك مره تانيه..
ريماس: ماما ارجوك اسمعيني بس..
مياده صرخت بصوت عالي: ريماس..قلت لك مش عاوزه اشوفك مره تانيه..وصدقيتي لو فكرتي تنزلي مش هيحصلك خير مني...اظن سكت لك بما فيه الكفايه..بسرعه غوري من وشي.
ريماس طلعت بسرعه على السلم..ودخلت غرفتها وقفلت الباب على نفسها..
وهي تبكي حسره وندم..وقهر نزلت من عين امها الي كانت تشوفها بعيونها كبيره..عينها بتفضل مكسوره كل ما فكرت ترفعها..مستحيل تجدد الثقه اللي انجرحت بينها وبين امها حتى لو فكرت تتغير..هتفضل ولا حاجه بعين امها..اللي كانت رافعها ورافعه شئنها.
دخلت الهام البيت لسه وصله من المدرسه...شافت امها واقفه عند السلم
الهام: هاي مامي..انا جيت..
استغربت ان امها ولا لفت ولا ردت عليها...قربت منها
الهام: ماما !!
مياده الحسره والقهر والالم كلها اكلت قلبها.. مفكره نفسها في حلم ونفسها تصحى منه بأسرع وقت ..دي ثمرة تربيتها !! معقول ما عرفتش تربي ..ده اخر التعب ..بنت بتدخن !! واتمنت ان الحكايه تكون متوقفه على دخان وبس..ونزلت دموعها ونزل راسها بالارض..
الهام وقفت قدام امها وشافت دمعتها..ودق قلبها..
وبخوف:ماما ....انتي بتعيطي !!
مياده بصت لـ الهام وتسأل نفسها ممكن الهام تكون زي اختها ؟؟
الهام دمعت عيونها:ماما ردي علي..مالك حصل ايه..؟؟
مياده: مافيش ...بسرعه روحي غيري وانزلي ابوكي زمانه جاي.."ومسحت دموعها وسابتها"
الهام قلبها ما ارتاحش ..حاسه ان حصلت مصيبه وكبير كمان..امها تبكي !!
بسرعه طلعت فوق وراحت لغرفة ريماس ..حاولت تفتح الباب بس كان مقفول..خبطت..
: ريمو...ريمو افتحي بسرعه..
ريماس سمعت صوت الهام زاد صوت بكاها..
الهام ضربت الباب بقوه: ريمو افتحي بسرعه..امي تحت بتعيط ليه ؟؟
ريماس فتحت الباب وبسرعه رمت نفسها بحضن الهام..وتبكي بصوت يقطع القلب..
الهام ..زاد خوفها واختفى الدم من وشها.. حاولت تبعد عن ريماس
: ريماس..ايه فيكم اتكلمي ؟؟
ريماس: امي ...امي عرفت اني بدخن..
الهام كأن ضربه جات على راسها ..و تردد الكلام..
: امي انا ؟؟؟ عرفت انك بتدخني..
ريماس ما تكلمتش بس دموعها تكفي انها تثبت كل حاجه
الهام نزلت دموعها وبحتقار بصت لـ اختها: كله منك.. انتي اللي جبتي البلا لنفسك..نصحتك كتير..وفهمتك..بس كنتي مُصره تمشي رايك وافكارك الغبيه..وادي النهايه.."رفعت صوباعها بتهديد بوش ريماس" لو حصل لامي حاجه..انتي المسؤوله..وبتدفعي تمن كل دمعه نزلت منها ..امي يا ريماس عملت المستحيل عشانا .مستعده تضحي بروحها عشان بناتها.مالهاش في الدنيا دي الا انا وانتي..وانتي خيبتي ظنها..ونزلتي راسها..وكسرتي نفسها امور مستحيل تتصلح...للاسف انك بنت مياده .."وطلعت وسابتها "
سابت ريماس تعاني من الحسره ..والندم..وتأنيب الضمير..تتمنى لو الدقايق والساعات ترجع وتعدل كل حاجه ...هي كل اللي فيه وعملته عشان كرم..بس السبب مش كرم...السبب فتون..لو فتون ما ظهرتش في حياتها ما كانش أي حاجات من الاومر حصلت...بس لازم فتون تدفع التمن معاها..مستحيل تخليها تتهنى بحياتها..وهي تعاني لوحدها لازم حد يشاركها معاناتها..
.........................................
صحت من نومتها ..وهي حاسه بكسل فظيييع ..وجسمها كله مكسر ..فتحت عيونها وبصت في السقف: انا فين ..؟؟
قعدت على حيلها : دي الاوضه اللي في المانيا !!..بس انا كنت ...
وبسررررعه قامت من على السرير: انا ما نمتش هنا ؟؟؟ ايه الي جابني هنا ؟؟
وبسرعه طلعت برى في الصاله ..شافت كرم صاحي وبيشرب قهوه وفاتح جهازه..
رجعت للغرفه وكلها خوووف : امبارح؟؟ ازاي انا جيت هنا ؟؟؟ حصل..يكون حاط لي منوم ؟؟
كل الافكار دي اكلت عقلها ..شوي لمحت كرم داخل الغرفه : فتون صحيتي ..كويس ..
فتون ما تكلمتش معاه ولون وشها مخطوف..
كرم انتبه لها : فيكي ايه ؟؟
فتون لفت ع السرير ..وجواها بجد محتاجه اجابه سريعه منه
كرم نفسه يضحك بس خفاها ومثل البرود: انتي الي جيتي عندي ..
فتون بعلت ريقها: انا ؟؟؟ امتى مش فاكره..
كرم: يعني انا هفتكر عنك... انتي جيتي هنا ونمتي جنبي ..
فتون : نمت وبس ..!!
كرم حاول يفتكر: امممم اعتقد كدا..
فتون حست نفسها تبكي من الموقف والكسفه واكتر الي قاهرها انها مش فاكره اي حاجه
كرم: يالا بسرعه غيري عشان ننزل نفطر سوا..
فتون شافته طلع من الغرفه راحت بسرعه وقفلت الباب عليها..
وحطت راسها على الباب: ياتري ايه الي حصلي امبارح؟؟؟؟؟؟؟؟
ودخلت تاخد شور ولبست هدومها وظبطت نفسها وكانت في قمه الاناقه وطلعت له..
وهي وشها احمر ..بس لو تفتكر ليله امبارح !!
كرم نزل معاها وهو منتبه انها كل شوي تسرح ويروح بالها بعيد..نفسه يضحك عليها ..ويقول لها على الحقيقه ويريحها..بس سابها شويه في حيرتها ..
نزلوا تحت وقعدو ع التربيزه
كرم : رايح اطلب وارجع لك ..
فتون ولا علقت ..وشافته وهو رايح..
ئعدت تبص حواليها..محتاجه تنسى موقفها..تتفرج على الناس اللي بالفندق جنسيات متنوعه..فيها العربي والاجنبي ..بس الغالب اجنبي ..والعربي مش معظمه مصريين ..
وقعت عينها على التربيزه اللي قدامها ..واحد عمره بالعشرينات..وواضح عليه مصري..بس انيييييييق وجذاب ..ستايله عجب فتون ..شعره كان نفس تسريحه كرم ونفس حلاقه الدقن..
قاعد ياكل بكل ذوق ..ولا يبيص لحد..بس رفع عينه في لحظه عليها..واخد باله انها بصاله..
فتون اتحرجت وبسرعه بعدت عينها..ولامت نفسها ليه تنحت فيه..يمكن عشان المصري الوحيد هنا..ولا عشان شكله عجبها..
هو من بعد ما شافها بصاله ما شالش عينه من عليها..فضل ياكل ويبصلها وبأبتسامه جانبيه ..
فتون خافت من نظراته ..حست انها اتحرجت جدا ..وخصوصا لو جه كرم وشاف ده ما رفعش عينه عنها ابدا..فكرت تتصرف معاه
شاورت له بمعني "خير"
هو رفع لها ايده وعمل نفسه يحرك العلم " يعني انا وانتي من مصر" وهو مبتسم وابتسامته كانت حلوه والغمزات واضحه فيها ..
فتون حاولت تصد عنه ..
هو رجع يشاور لها ويتكلم معاها : انتي هنا لوحدك ؟؟
فتون كشرت في وشه..ولفت تتاكد ان كرم مطول ..بس الصدمه ..لقت كرم جاي ومعاه الفطار..
وانقلب لون وشها بخوف .. ودقات قلبها بدءت تضرب بسرعه..اقصى الي تخيلته ان كرم يتخانق خناقه كبيره قدام الي يسوى والي ما يسواش..
وبصت للشاب برجاء ..تقصد خلاص حلي عني..بس اتفاجأت ان الشاب برق عيونه في كرم.. ولما قرب كرم عند التربيزه..الشاب بسرعه اخد كوبايه العصير بتاعته ولبس نضاراته وطلع من المكان!!!!..
فتون استغربت حركته ...يكون عارف كرم ؟؟؟؟
####
رايكم يا تري مين الشاب ؟؟؟؟
وريماس هتنتقم من فتون ونوع الانتقام
