البارت ٢٣
#المشكله_والعنيد
منه محمد
وفجأه كأنها بدئت تسمع اصوات كلاب.
وقفت: ده..ده...صوت كلب ولا يتهيألي؟؟!!!!!
........................
نسمه وابتهال وميسره بيلفو بكل مكان وينادو عليها...وقفوا شوي يرتاحو..
ابتهال فكره توديها وفكره تجيبها: نسمه.....اخر المزرعه فيها ايه؟
نسمه سكتت..
وميسره لفت وشها بعيد عنها..
ابتهال خافت اكتر: نسمه..نسمه ربنا يخليك تقوليلي فيها ايه؟
نسمه: ابتهال...اخر المزرعه فيها...احم..فيها كلاب ..وهي مفتوحه على مزراع تانيه مشتركين مع بعض..يعني بالليل صعبه تعرفي الطريق الصح! الا اذا كنتي تعرفيها كويس جدا.
ابتهال: ايه؟؟ "وصرخت بأعلى صوتها " فتون لالالا اوعي تموتي فتووون...
.................
هبه: اوف والله انا تعبت..
ريماس : وانا كمان.
جانيت: صبايا لازم ندور ع فتون..البنت تايهه.
هبه كشرت: تايهه مش تايهه هنعمل لها ايه يعني؟؟؟
ريماس بعدم اهتمام: انا اهم حاجه رجولي ميحصلهاش حاجه..
جانيت: بنات ما بيصير هيك..هيدي بنت عمكون..
هبه عوجت بؤها: بنت عمنا..بنت خالنا..هي مش طفله عشان تتوه دي شاحطه كبيره..
ريماس: ايوه معاها حق..جانيت سيبك وارتاحي حترجع..بس تلاقيه مقلب ولا اي حاجه...
جانيت أأعدت معاهم: انتوا مش بتحبوها..؟
هبه ضحكت: هههههه حبتها القرود..دي ينحب فيها ايه يا قلبي..!
ريماس بقهر: دي في يوم وليله اخدت مني كرم..شفتي يا هبه..كانت قاعده مع كرم ثلاث ساعات ولوحدهم..
هبه: قديمه حركات بنت الفقر...بس لو تطير مش هطول كرم...
جانيت اللي وكأنها بدئت تنحاز في صف هبه وريماس..
>>>>>>>>>>>>>>>>>>>>>>>>>>>>
فتون ..وكل شوي يقرب منها الصوت اكتر..وتدعي ربها اكتر واكتر ..مشت عند شجره كبيره..محتاجه اي حاجه حواليها ..تتمسك فيها...حتي لو كان جماد بس يكون جنبها وعلى الاقل يديها احساس بالامان..
قربت الاصوات منها جدا...بس هي مش شايفه حاجه..بس الاصوات قريبه جدا قدرت تخمن انهم اكتر من خمسه كلاب تقريبا...
دقايق بسيطه من الخوف والرهبه..لدرجه انها حست ان روحها بتطلع من كتر ما تترعش..
بدئت تلمح عيونهم تلمع ...هنا كل قوتها الباقيه طلعت في صرخه فزعت منها الطيور اللي على الشجر...
كرم اللي قريب منها...وعلى حصانه ووراه عامل الاسطبل بخيل تاني...لانه مافيش وقت يلف على رجليه.. سمع صوت الصرخه ..بسرعه وجهه الحصان لناحيه الصوت..وهو بيسرع ..وطلق البندقيه للسماء...لانه عرف سبب صرختها..
فتون اللي سمعت صوت النار وحطت ايديها على ودانها..وفجأه اختفت الكلاب من حواليها...هي من خوفها طلعت تجري بسرعه..وشافت نور الكشاف من بعيد..وفرحت بيه..ومشت بتجاه وفعلا قربت له جدا تمشي شويه وتقع شويه وتقوم تقف..
: انا هنا..."وتمسح دموعها"....انا هنا..
كرم ميز صوتها...وانطلق بسرعه اكبر..لحد ما قدر يشوفها قدامه ..فتون قدامه سليمه الحمد لله..
فتون وقفت قدامهم متعرفش ده مين لان النور عاكس على عيونها بس واقفه وكأنها ما صدقت ان في حد ممكن يلاقيها في العتمه دي..
كرم نزل لها بسرعه: فتون فتون..
فتون مشت له من غير تفكير وفضلت تقوله كلام مش مفهوم
: كرم ليه سبتني ليييه سبتني لوحدي ليييه؟؟؟
كرم عاوز يمسكها او حتي يهديها بكلمه...بس كل اللي يتمناه بالحظه دي ....يحضنها يضمها....يلم خوفها.
ساعات تتحق الاماني...فتون في حضنه من نفسها بس من غير وعيها وقعت عليه...
كرم ضمها ومسح على شعرها: فتون..خلاص انتي بخير دلوقتي...
وكأنه ما صدق انه لاقها..
فتون تصحى شوي تتوه شوي: كرم.
كرم حط ايده على راسها : اوف حرارتها نار..."بعدها عنه وضرب خدها بلطف" فتون لازم تفوقي فتون...
فتحت عيونها شوي وقفلتها مره تانيه..
شالها كرم بين ايديه واحتار فيها..يركبها الخيل لوحدها..ولا يركب معاها..
العامل الهندي الجنسيه: هادا تعبان لازم ما يروح لحاله..
كرم انشل التفكير اقتنع بكلامه وحطها قدامه..وقبل ما ينطلق اتصل على ابتهال..
ابتهال ما صدقت تشوف اسم كرم:طمني لقتها؟
كرم: ايوه لقتها وهي معاي دلوقتي..انتوا ارجعوا..
ابتهال: طيب اخبارها...ان شاء الله مفهاش مكروه؟
كرم: لا الحمد لله بخير مفهاش بس اغمى عليها هطلع بيها ع المستشفى جهزي هدومها..
ابتهال بكت: طيب..وقفلت
نسمه: طمنيني..
ابتهال: لقاها...بس اغمى عليها..
نسمه: طيب يالا نرجع؟
ابتهال: اه يالا...ولنفسها" الحمد ليك يارب...الحمد لله.."
واتصلوا بهبه وريماس ورجعوا..
عند مياده.
مياده بخضه: لقتوها؟
ابتهال: كرم لقاها..
مياده: ازاي تسبوها لوحدها..؟
ابتهال: انا معرفش ازاي راحت هناك..
مياده: يا قلبي عليك يا بنت اخوي..دي امانه عندي ازاي انا ما انتبهتلها.
سالي بزهق : هدي نفسك يا مياده والاهم لقوها.
مياده: ثلاث ساعات يا سالي لوحدها...متعرفش كانت حاسه بأيه؟؟
احلام: خلاص يا مياده الحمد لله اللي لقوها وده المهم دلوقتي .
مياده وقفت: فينه كرم؟
ابتهال: جاي لنا...هيوديها للمستشفى اغمى عليها..
ووصل كرم طلعت له ابتهال ومياده ونسمه بسرعه...
شافوا كرم شايلها: فين هدومها يا ابتهال؟
مياده قربت لها: حصل لها ايه يا كرم؟
كرم بسرعه: مفهاش حاجه يا عمتي..بس اغمى عليها هروح اوديها للمستشفى..
مياده: جايه معاك..
كرم: لالا...مش محتاج...بس محدش يقول لبابا..
جات ابتهال وحاولت تغطيها لو بشال بسيط وراح كرم حطها فالعربيه وانطلق للمستشفى..
........................
