ليالي: فيه ايه يا عز
عز:بدر انضرب بالرصاص
ليالي: بصدمه بتقول إيه يا عز بدر مات
عز:لا رائد بيقول أنه في المستشفي
ليالي:يلا يلا نروح له بسرعه
عز: أنا خايف علي ماما يحصل لها حاجه لو عرفت
سهر:روحوا أنتم يا عز وأنا هفضل مع طنط هنا
ليالي:يلا يا عز
توجه عز وليالي إلي المستشفي ووجدوا زين الدين ورائد
ليالي: بدر بدر فين يا بابا
زين الدين: بدر في العمليات وساهر معاه جوه أدعي له يا ليالي
عز: إيه إللي حصل يا رائد
رائد: أنا وبدر كنا نازلين من الشركه عشان نروح وأنا روحت اركب عربيتي وبدر كان رايح يركب عربيته فجاءه سمعت ضرب نار ولقيت بدر واقع علي الأرض ومضروب بالرصاص كلمت ساهر يبعت الإسعاف وبعدين كلمتك
ليالي:زينه مفيش غيرها هي إللي عملت كده هي إللي من مصلحتها أن بدر يموت
رائد:مش معقول يا ليالي بدر مقدمش الشيكات للنيابه
قطع حديثهم اقتراب زينه منهم
زينه: أخبار بدر بيه ايه
اقتربت منها ليالي بحده:جايه ليه جايه تتأكدي أنه مات
زينه: أنا مش فاهمه أنت بتتكلمي عن إيه
ليالي:مفيش حد من مصلحته أن بدر يموت غيرك انت بدر كان عنده حق أنه ياخد حقه منك مهو إللي أبوها وأمها يقتلوا ويزورا مش غريب علي بنتهم أنها تقتل هي كمان بس بدر مش هيموت يا زينه ان شاء الله هيقوم وهياخد حقه منك
زينه:معقول انتم فاكرين إني أنا ورا الحادثه دي
زين:لا يا بنتي معلش هي بس ليالي أعصابها تعبانه من قلقها علي بدر
ليالي: لا يا بابا انا متاكده أنها هي إللي مدربه الحادثه
زينه:اقسم لك يا مدام ليالي أنا مليش يد في إللي حصل أنا عرفت أن بدر بيه أجل تقديم الشيكات للنيابه
ليالي: آمال عرفتي إزاي إللي حصل
زينه: أنا كنت مع دكتور ساهر لما أستاذ رائد أتصل بيه وقاله علي إللي حصل
زين: أهدي يا ليالي ما تظلميش زينه وادعي ربنا أن بدر ربنا ياخد بيده ويقوم بالسلامه
جلست ليالي علي الأرض وهي تبكي وتحدث نفسها:معقول بعد كل العذاب إللي شفته وبعد ما حبيته يسيبني ويروح مش معقول واغمضت عيونها وتذكرت عند ذهابها مع بدر إلي شقته
Flashback
ذهب بدر إلي منزل زين الدين لاصطحاب ليالي إلي شقته نزلت ليالي من أعلي وجلست أمام بدر
بدر:جاهزه
ليالي: أسمع يا بدر فيه شويه حاجات لازم نتفق عليها الأول
بدر: وأنا تحت أمرك
ليالي:تمام أنا هيكون ليا اوضه لوحدي
بدر:ليه مهي الاوضه بتاعتي واسعه وتكفينا
ليالي:لا أنا مش هدخل الاوضه دي أبدا أنا عايزه اوضه لوحدي
بدر: تحت أمرك يا ليالي
ليالي: إحنا هنعيش مع بعض بس
بدر: أنا فاهم قصدك يا ليالي اطمني أنا عمري ما هغلط الغلطه دي تاني وعمري ما هجرحك أو اسبب لك اي حزن تاني
ليالي: وأنا هصدقك يا بدر بس خليك فاكر أن دي اخر مره هصدقك فيها
بدر: وأنا اوعدك انك عمرك ما هتندمي أنك ادتيني فرصه تانيه واقترب منها بدر وأمسك يدها وقبلها
ليالي:يلا بينا
بدر:يلا
وتوجه بدر وليالي إلي السياره وانطلق بدر بها
ليالي: إيه ده أنت رايح فين ده مش طريق الشقه
توقف بدر بالسياره أمام منزل صغير من طابقين
بدر:هو ده بيتنا الجدبد مش معقول نبدأ مع بعض من جديد في مكان دايما هيفكرنا باللي احنا عايزين ننساه
نظرت ليالي لبدر وابتسمت
نزل بدر من السياره وتوجه الي اتجاه ليالي وفتح لها باب السياره وقام بحمل ليالي ودلف إلي المنزل
بدر: أنا عملت الديكورات علي زوقي بس لو تحبي نغيرها من بكره نغيرها
ليالي:لا ملوش داعي زوقك مش بطال
بدر:دي شهاده أعتز بيها من فنانه زيك ثم أنزلها بدر
بدر:بس ينفع تبقي حبيبتي فنانه وماترسمش ليا ولا صوره
نظرت له ليالي: حبيبتك
اقتربت منها بدر وأمسك يدها وقبلها: أيوه حبيبتي وعمري كله واللي من غيرها ما يبقاش فيه بدر في الدنيا واقترب منها أكثر وكاد أن يقبلها حتي فاقت وابتعدت عنه وتنحنحت:احم إيه ومين بقي إللي قالك إني ما رسمتش ليك ولا صوره
بدر:معقول أنت رسمتيني
ليالي: أنا مكنتش برسم غيرك
بدر:بجد ده حب بقي
ليالي:لو شفت الصور مش هتقول كده
بدر:ليه
ليالي:هيبجي الوقت إللي تشوف فيه الصور دي
بدر: إحنا سرقنا الوقت وزمانك جعتي أنت والبيبي
ليالي: بدر
بدر:عيون بدر
ليالي:هو أنا لو مكنتش حامل كنت هتتمسك بيا برده ولا كنت هتوافق تطلقني
بدر:هتصدقيني لو قلت لك إني كنت هطلقك بس عشان كرهك ليا وعشان احساسي بالذنب حتي يوم ما جيتي ليا الحبس حسيت أن روحي ردت ليا لما لقيتك قادره تقفي علي رجلك تاني وتبقي قويه كده
ليالي: أنت مش كنت بتقول إني جعانه والبيبي جعان
بدر:ثواني والأكل يكون جاهز
مرت الأيام واقتربت ليالي أكثر من بدر فقد أحست بحنيته وحبه لها وخصوصاً أيام تعبها
في ليله دلفت ليالي إلي غرفه بدر وكان بدر نائم
ليالي: بدر بدر اصحي يا بدر
فزع بدر: إيه مالك يا حبيبتي أنت تعبانه
ليالي: لا أنا جعانه ونفسي في البيتزا بالجمبري
بدر:بيتزا بالجمبري الساعه ٤الفجر
ليالي: وأنا مالي بقي إبنك إللي عايز كده
بدر:طب اقولك اقوم أعمل لك أي أكل وأن شاء الله الصبح اجيب لك البيتزا إللي أنت عايزاها
ليالي:لا مش عايزه أنا عايزه بيتزا
بدر: أمري لله حاضر ونهض بدر وارتدي ملابسه وذهب يبحث عن مطعم للبيتزا وعاد بعد ساعه ونصف ودلف إلي المنزل يبحث عن ليالي
بدر:ليالي ليالي
دلف إلي غرفتها ولكنه لم يجدها ثم دلف إلي غرفته وجدها نائمه علي فراشه
ابتسم بدر وقام بايقاظها
بدر:ليالي ليالي
ليالي:بس بقي يا بدر عايزه انام
بدر:قومي يا حبيبتي جبت لك البيتزا إللي بالجمبري إللي أنت عايزاها
فتحت ليالي عيونها: إيه ده
بدر:البيتزا إللي أنت عايزاها
ليالي:لا لا أبعدها عني أنا مش طايقه ريحتها
بدر: يعني ايه مش هتاكليها
ليالي:لا لا أبعدها عني وبعدين أنا مش جعانه أنا هنام
ثم وضعت رأسها علي الفراش واغمضت عيونها
بدر:طب قومي نامي مكانك
ليالي:بس بقي يا بدر أنت بقيت رغاي أوي أنا عايزه انام واغمضت ليالي عيونها وذهبت في ثبات عميق
تبسم بدر وأمسك قطعه من البيتزا وأكلها:يلا اهو طلعت ببيتزا احسن من مفيش
Black
تبسمت ليالي وسط بكائها عندما تذكرت ذلك ولياليها مع بدر عندما تكون مريضه ويجلس بجوارها طوال الليل
قطع تفكيرها خروج ساهر من غرفه العمليات
نهضت ليالي واقتربت منه
ليالي: إيه الأخبار يا ساهر طمني
ساهر: للاسف بدر انضرب طلقتين إللي في كتفه طلعت بس فيه واحده استقرت في الكلي اليمين ولازم ننقل له كليه في أسرع وقت
ليالي: أنا أنا خد كليتي أنا
ساهر:,ما ينفعش يا ليالي أنت حامل
مرت الأيام ووجدوا المتبرع ودخل هو وبدر إلي العمليات
ليالي:مش عايز تقول لي مين المتبرع ليه يا ساهر
ساهر:هتعرفي لما يخرجوا
بعد إنتهاء العمليه خرج المتبرع أولا
ليالي:معقول زينه
ESTÀS LLEGINT
ليالي البدر
Literatura romànticaعاد لينتقم من عدوه وعدو والده ولكن غمره العشق وانقلب الانتقام عليه
