ليالي البدر

الفصل العاشر

مرت الليله واستيقظ بدر وذهب الي المطبخ وجد ليالي لا تزال نائمه فاخضر كأس كبير من الماء وسكبه فوق راسها فشهقت ليالي وقامت مفزوعه
بدر :انت لسه نايمه قومي يلا حضري لي الفطار
حاولت ليالي الوقوف ولكنها كانت تشعر بالدوار فامسكها بدر من زراعها واوقفها
بدر :بقولك ايه بلاش الحركات دي مش هتدخل عليا عارفه لو موتي قدامي مش هيتهز مني شعره واحده فاهمه ثم دفعها الي الحائط
اصطدمت ليالي بالحائط فشعرت بالالم في زراعها ولكنها تحاملت علي نفسها حيث انها عاهدت نفسها ان لا تضعف أمامه او تبكي علي ما يفعله معاه
بدر :عشر دقايق لو ملقتش الفطار علي السفره محدش هيحرمك من ايدي ثم انصرف
ليالي :يارب انت العالم قويني
سمعت ليالي صوت رنين هاتف بدر فخرجت من المطبخ لكي تستمع الي المكالمه
بدر :اهلا يا عمي الحمد لله بخير
بدر :اه الحمد لله كويسه بس هي نايمه
بدر :لا تمام مفيش حاجه هي تمام
بدر :اه تليفونها وقع امبارح اتكسر وانا أن شاء الله هجيب لها تليفون تاني
بدر :الله يسلمك وسلم لي على طنط وسهر وساهر
بدر :حاضر اول ما تصحي هخليها تكلمكم سلام
علمت ليالي مما سمعته ان عمها هو المتصل
ثم سمعت جرس الباب يرن وخرجت لترى من القادم
ليالي :يا تري مين اللي جاي هو مين يعرف اننا هنا ماسفرناش
صدمت ليالي عند وجدته رائد
ليالي :رائد عارف اللي هو بيعمله ومعاه طب وسهر هيعمل فيها ايه اكيد هيعذبها زي بدر انا لازم احذرها بس ازاي وهو مهددني سمعت صوت بدر يقترب منها فركضت الي المطبخ
بدر :ده كله بتحضري الفطار
نظرت له ليالي ولكنها لم ترد عليه
بدر :اه نسيت انك هانم وملكيش في المطبخ بس الكلام ده خلاص خلص
تنهدت ليالي ولم تنظر له أو ترد عليه
امسكها بدر من زراعها وصرخ فيه :لما اكلمك تبصي لي وتردي عليا
نزعت ليالي يدها من يده وتركته واتجهت الي اتجاه اخر
ذهب خلفها بدر وامسكها من يدها :اظاهر انك محرمتيش من امبارح وعايزه تتربي من جديد وصفعها علي وجهها فصرخت فسقطت علي الارض من قوه الصفعه
اتي رائد علي صوت ليالي
رائد :فيه ايه يا بدر
بدر :البت دي ناقصه ربايه وانا هربيها واقترب منها بدر مره اخري وأراد صفعها ولكن وقف أمامه رائد
بدر :ابعد من قدامي رائد
رائد :عشان خاطري يا بدر كفايه وتعالي معايا بره
أخذه رائد الي الخارج وآجلسه علي الاريكه
رائد :ايه يا بدر اللي عملته ده
بدر :رائد اخرج بره الموضوع ده
رائد :حرام عليك يا بدر انت ممكن تموتها
بدر :تموت ولا تغور في داهيه
رائد :انا هدخل لها
بدر :هتدخل لها ليه
رائد :عشان خاطري يا بدر سيبني ادخل لها اكلمها وانا هخليها تسمع كلامك
دلف رائد الي المطبخ وجد ليالي جالسه علي الارض وعيونها تبكي في صمت وعندما وجدت رائد وقفت ونظرت له
ليالي :عايز ايه
رائد :انا اسف يا ليالي
ليالي :كان لازم اتوقع انك زيه بس اوعي تفتكر انك هتقدر تأذي سهر او تعمل فيها حاجه انا اللي هقف لك يا رائد وهبعدها عنك
رائد :ارجوكي يا ليالي صدقيني انا كنت ضد كل اللي بدر بيعمله وحاولت امنعه كتير بس الانتقام عاميه ومخليه مش قادر يشوف الحقيقه
ليالي :وانا متيهمنيش اي حاجه من دي غير اني احمي عيلتي منكم انت وهو زي بعض ما تفرقوش عن بعض حاجه
رائد :انا عازرك وعارف انك عندك حق بس انا مش هسيبك ومش هسيب بدر لنار الغل تحرقه
دلف بدر الي المطبخ
بدر :رائد تعالي ننزل تحت انا مش طايق اقعد هنا
خرج بدر ورائد خارج الشقه ولكنه أغلق الشقه من الخارج وعندما سمعت ليالي صوت السياره في الخارج وتأكدت من خروجه خرجت من المطبخ وتحولت داخل الشقه ووجدت حقيبتها مازالت بجوار الباب فاخذتها واخرجت منها ملابس وقامت باخذ حمام دافئ وابدلت ملابسها بملابس مريحه حيث انها كانت لا زالت ترتدي الفستان الأسود ولكنها تعمدت ان ترتدي ملابس مقفوله حيث انها تعتبر ان بدر شخص غريب عنها دخلت الي المطبخ وحاولت ان تصنع اي شيء لتاكله ولكنها لم تستطيع عمل اي شيء وفجأه شعرت بالدوار حيث انها لم تتناول اي شيء من الأمس حاولت مقاومه الدوار ولكنها استسلمت للدوار وسقطت فاقده الوعي
في إحدى المطاعم يجلس رائد وبدر يتناولوا طعام الغداء
رائد :عشان خاطري يا بدر راجع نفسك منظر ليالي صعب وشها كله كدمات انت عملت فيها ايه ده سواد الليل بس اللي سيبتك معاها
بدر :بص يا رائد مفيش اي حاجه هتخليني ارجع عن اللي انا فيه ومش بعد ما وصلت لنص الطريق تقولي ارجع وبعدين دي شويه كدمات انت ناسي ايام الملجأ لما كنا بننضرب طول اليوم عشان غلطه صغيره وسعات مكناش بنغلط
رائد :ليالي ملهاش ذنب في اللي كان بيحصل لينا يا بدر
بدر :بقولك ايه قفل بقي علي السيره دي خلينا ناكل بنفس
رائد :طب احنا اكلنا هنا في بقي اكل في البيت عشان هي تاكل
بدر :ان شالله عنها ما اكلت انا هشغل بالي باكلها ليه
رائد :قوم معايا يا بدر ناخد لها اكل
بدر :لا مش هقوم ومش هاخد لها اكل
رائد :انت كده هتموتها
بدر :خلاص يا ابو قلب حنين قوم هات لها اكل وخلينا نروح لها
اشتري رائد طعام ليالي وذهبوا الي المنزل
فتح بدر باب الشقه ودلف رائد خلفه
بدر :ادخل اديها الاكل وقول لها مش عايز اشوف وشها النهارده خالص
رائد :حاضر
دلف رائد الي المطبخ ولكنه وجد ليالي تفترش بجسدها الأرض وتنزف من راسها فزع رائد وركض عليها وحاول افاقتها
رائد :ليالي ليالي ردي عليا ليالي ليالي
ثم هتف :بدر يا بدر تعالي بسرعه
دلف بدر الي المطبخ :ايه في ايه
رائد :ليالي مغمي عليها ودماغها مفتوحه
رائد :انت بتصدق يا عم رائد دي تمثيليه عملاها الهانم حتي شوف
واقترب منها بدر وهتف :انت يا بت هتقومي ولا اقومك بطريقتي
رائد :حرام عليك دي رايحه خالص ودماغها مفتوحه
اقترب بدر منها وامسك يدها يقيس لها النبض ففزع بدر ونظر لرائد
رائد :ايه
بدر :النبض ضعيف اوي
رائد :وبعدين هنعمل ايه
حملها بدر وادخلها غرفته ووضعها علي الفراش
بدر :انا هكتب لك علي حاجات تجيبها من الصيدليه اللي تحت بسرعه وانا هطهر لها الجرح واربطه
رائد :حاضر حاضر
كتب بدر لرائد علي الأشياء المطلوبه ونزل رائد واحضر بدر شنطه الاسعافات وقام بتطهير جرح ليالي وربطه ووصل رائد
قام بدر بتوصيل المحاليل لها
رائد :ايه يا بدر عامله ايه
بدر :ما تخافش هتبقي كويسه هو هبوط بس عشان ماكلتش حاجه من امبارح مايبقاش قلبك خفيف كده يلا اتكل على الله وروح نام
رائد :ارجوك يا بدر خلي بالك منها وماتعملهاش حاجه
بدر :ما تخافش يا حنين مش هلمسها اهي نايمه هعملها ايه يعني وهي نايمه
انصرف رائد وظل بدر علي الكرسي بجوار ليالي ولكنه شعر بالتعب وغفي بجوارها علي الفراش وكانت ليالي في عالم آخر

مخادع وبايع وقلبك حجر ولاشفت زيك مابين البشر
بتهوا الخيانه وجرح القلوب وحبي لقلبك قضاء وقدر
مشاعري البريئه وحلم الزمان قالوا لي ان قلبك وحبك امان
ماشكيتشي لحظه بانك تكون بتجرح وتخدع وتكذب كمان
ضحايا غرامك عددهم كثير لانك مخادع وغدرك خطير
يعيشوا في اماني وجنه ووعوود ونفس النهايه ونفس المصير
صحيح قلبي حبك واخلصتي ليك وشفت الخيانه معاك وبديك
لكن قلبي حالف مايعرف دموع دموع الخساره ماكانها غير