زين الدين :بتقولي ايه يا سهر قسم ايه
سهر :قسم........
زين الدين :طب اهدي اهدي يا حبيبتي انا جاي حالا
بدر الدين :خير يا عمي
زين الدين :دي سهر بتقول انها في القسم مع ليالي وليالي متهمه في قضيه آداب وسرقه انا هكلم المحامي يحصلني علي هناك
بدر الدين :انا هاجي معاك يا عمي
وركضوا الي خارج الشركه ودلفوا الي سياره زين الدين وانطلقوا الي القسم ثم دلفوا الي القسم حتي وصلوا الي مكتب ضابط القسم
زين الدين :انا زين الدين المنشاوي ولي أمر سهر زين الدين وليالي سراج الدين ممكن اعرف انتم قبضتوا عليهم ليه
الضابط :احنا مش قابضين علي سهر زين الدين انا اخليت سبيلها احنا قبضنا علي ليالي سراج الدين
بدر الدين بعصبيه :قابضين عليها ليه
الضابط :في بلاغ ضدها انها اتفقت مع واحد علي انها تروح معاه الشقه وخدت فلوس وراحت معاه وبعد ما قضوا الليله سرقت من شقته مبلغ 20 الف جنيه وبعض المشغولات الذهبيه
زين الدين :ايه الكلام ده اكيد مش صحيح
بدر الدين :اهدي يا عمي ثم نظر للضابط انا بدر الدين المنشاوى
الضابط :طبعا يا فندم فيه حد ما يعرفش حضرتك
بدر الدين :واللي بتقول عليها متهمه دي تبقي بنت عمي وخطيبتي
الضابط :انا اسف جدا يا بدر باشا بس لما ضابط الكمين وقفها وشاف الرخصه والبطاقه مكنش يعرف صله حضرتك بيها
بدر الدين :وانت اتاكدتوا انها هي المطلوبه
الضابط :حضرتك البلاغ ضد ليالي سراج
بدر الدين بعصبيه :وهي اي واحده اسمها ليالي سراج تبقي هي المتهمه
الضابط :حضرتك احنا عملنا استدعاء للي مقدم البلاغ عشان يتعرف عليها
بدى الدين :ولو مطلعتش هي
الضابط :ممكن حضرتك بس تهدي شويه واحنا هنعمل لمعاليك كل اللي انت عايزه
زين الدين :نرتاح ازاي وليالي في الحجز
الضابط :ثانيه واحده وهنطلعها من الحجز ثم استدعي الشرطي الواقف علي باب مكتبه
الضابط :يا عسكري عماد
عماد :تحت امرك يا باشا
الضابط :هات الانسه ليالي من الحجز
عماد :تمام يا فندم
الضابط :ثواني وهتكون هنا
دلفت ليالي الي المكتبه وعندما وجدت زين الدين ركضت عليه وارتمت في حضنه وهي منهاره
ليالي :الحقني يا بابا الحقني
زين الدين :اهدي يا حبيبتي اهدي
اقترب منها بدر الدين وامسكها من يدها واجلسها
علي الكرسي وجسي أمامها
بدر الدين :حد عاملك حاجه
هزت ليالي راسها بالنفي
نهض بدر الدين ونظر الي الضابط :وبعدين هنفضل كده كتير
دلف عماد الي المكتب :تمام يا فندم في واحد بره اسمه :حسن حميده يوسف عايز حضرتك
الضابط :خليه يدخل بسرعه
دلف شاب يبدو في أواخر العشرينات
حسن :خير يا باشا
الضابط :انت لو شفت البنت اللي سرقتك هتقدر تعرفها
حسن :طبعا يا باشا انا اطلعها من وسط الف
الضابط :طب بص علي الانسه دي كده
نظر الشاب الي ليالي الجالسه تبكي
حسن :هي دي يا باشا الفلوس فين يا بنت ال...........
وهم ان يضربها فامسك يده بدر الدين وضربه لكمه اوقعته أرضا
الضابط وهو يحاول ان يحول بينهم :بدر باشا ارجوك تمالك أعصابك
نهض حسن من علي الارض وصرخ :ايه انتم هتطبخوها مع بعض البت دي اللي سرقتني
الضابط :أخرس يلا يا عسكري خد الواد ده وخليه يستنى بره
خرج الشرطي مع حسن
الضابط :لازم تهدي يا بدر باشا عشان نقدر نحل الموضوع ممكن نوصل مع الواد ده لاتفاق ودي عشان يتنازل او يغير كلامه انها مش هي البنت اللي سرقته وهو شكله عايز ياخد قرشين
بدر الدين :لو سمحت يا حضرت الظابط اتصرف انا مش عايز نستنى هنا اكتر من كده
خرج الضابط الي الخارج لكي يتفاهم مع حسن
بدر الدين :ما تقلقش يا عمي ان شاء الله الموضوع ده هيخلص دلوقت ثم قطع حديثه صوت سهر
سهر :ليالي اهدي يا حبيبتي ليالي ليالي
نظر لها بدر الدين وزين الدين ثم اقترب منها
بدر الدين :دي نوبه خوف
زين الدين :ليالي حبيبتي اهدي ان شاء الله هنخرج من هنا دلوقت
ليالي بصوت متقطع :با با ا نا ا انا مخ نو قه
اقترب منها بدر الدين :اهدي حاولي تنظمي نفسك بالراحه اهدي ثم نظر لسهر :لو سمحت يا انسه سهر اقعدي جنبها وخديها في حضنك
جلست سهر بجوارها وحضنتها وظلت تهدئها
ثم دلف المحامي :السلام عليكم ورحمة الله
زين الدين :اتاخرت ليه يا متر
المحامي :خلاص يا زين باشا الموضوع اتحل والولد هيتنازل عن المحضر ويقول انه ما اتسرقش
زين الدين :طيب نقدر نمشي
المحامي :لا لسه شويه إجراءات
بدر الدين بحده :إجراءات ايه الإجراءات دي خلصها انت يا متر انت مش شايف ليالي عامله ازاي دي لازم تروح المستشفى حالا
المحامي :بس الولد طالب مبلغ عشان يتنازل
قام بدر الدين بإخراج دفتر شيكات الخاص به
بدر الدين :عايز كام
المحامي :200 الف جنيه
زين الدين ايه كام
بدر الدين :اتفضل ادي شيك ب200 الف جنيه لحامله ممكن نمشي بقي
المحامي طبعا اتفضلوا وانا هكمل الإجراءات
بدر الدين :يلا يا عمي لازم ننقل ليالي علي المستشفي
زين الدين :لا يا بدر احنا هنروح البيت
بدر الدين :ازاي يا عمي دي عندها نوبه خوف ولازم
زين الدين :انا عارف يلا بس من هنا وانا هفهمك
قام زين الدين وسهر باسناد ليالي للخروج من القسم
بدر الدين :بعد اذن حضرتك يا عمي وحملها بدر الدين حتي وصلوا الي السياره ودلفوا إليها
بدر الدين :ليه مش عايزنا نروح المستشفى يا عمي
زين الدين :انا هكلم ساهر اخليه يحصلنا علي البيت وهو هيتصرف
قام زين الدين بالاتصال بساهر
ساهر :الو
زين الدين :تعالي البيت دلوقت حالا يا ساهر ليالي جالها نوبه الخوف
ساهر :ليه ايه اللي حصل
زين الدين :تعالي بس يا ساهر
ساهر :هكون عندكم حالا
وصلوا بالسياره الي المنزل وكانت حاله ليالي تسوء اكثر فكانت تنتفض من الخوف وتهذي بكلام غير مفهوم ونفسها متقطع
قام بدر الدين بحملها وادخلها الي المنزل
صافيه بفزع :ليالي بنتي ايه اللي حصل لها يا زين
زين الدين :اهدي يا صافيه ان شاء الله هتبقى كويسه اتفضل يا بدر يا ابني نطلعها علي اوضتها
قام بدر الدين بالصعود الي غرفه ليالي ووضعها علي الفراش ثم وصل ساهر واقترب منها
ساهر :في ايه يا بابا ايه اللي حصل
زين الدين :شفها الأول يا ساهر وبعدين هحكي لك
قام ساهر بإعطاء ليالي حقنه مهدئ فغفت في ثبات عميق
ثم نظر الي سهر المنهاره في البكاء
ساهر :وانت كمان يا سهر مالك في ايه يا جماعه ما تحكوا ايه اللي حصل
زين الدين :صافيه خدي سهر اوضتها ترتاح
بدر الدين :انا شايف ان الانسه سهر هي كمان محتاجه مهدئ لأن اعصابها منهاره من إللي حصل
ساهر :انا كنت هقول كده برده انا هديها حبايه تهديها وتخليها تنام
خرجوا جميعا من غرفه ليالي وهبط زين الدين وبدر الدين الي الأسفل
بدر الدين :واضح يا عمي ان الحاله دي بتيجي لليالي كتير
زين الدين :ليالي دي مسكينه والدتها اتوفت وهي صغيره وفضلت معانا في الفتره اللي سراج كان عنده مشاكل وسافر فيها وبعد ما رجع بفتره كانت مسافره معاه وعملوا حادثه وهو مات قدامها وهي خرجت من المستشفى وكانت بتتعالج نفسيا والحمد لله بقت كويسه مفيش غير نوبه الخوف دي اللي بتيجي لها من وقت للتاني
قطع كلامهم رنين هاتف بدر الدين
بدر الدين :بعد اذن حضرتك يا عمي هرد علي التليفون
زين الدين :اتفضل يا حبيبي انا هقوم اطمن علي سهر
بدر الدين :الو
شخص :ايه رايك يا باشا
بدر الدين :تمام يا حسن وحلال عليك الشيك
شخص :تسلم يا باشا واي خدمه
أغلق بدر الدين الهاتف :حلو اوي لحد كده وشويه شويه هيحصل المطلوب
نزل زين الدين وساهر وصافيه
بدر الدين :ايه الاخبار يا عمي
زين الدين :الحمد لله يابني نايمين الاثنين سهر ان شاء الله هتبقى كويسه المشكله في ليالي انا مش عارف مين الواد ده وعرفها منين
بدر الدين :ممكن يكون عرفها من النت أو من الجامعه وعرف انها غنيه وعندها فلوس فحب يبتزها بالفلوس انا مش عايزك تقلق يا عمي انا هوصله واعرف هو عمل كده ليه
زين الدين :انا مش عارف اشكرك ازاي يا بدر يا ابني انا ان شاء الله بكره اول ما اوصل الشركه هبعت لك شيك بالمبلغ اللي دفعته
بدر الدين :معقول الكلام ده يا عمي هو انا مش زي ساهر
زين الدين :لا طبعا وكفايه واقفتك معانا ولولاك مكانش الضابط خلي الولد يتنازل
بدر الدين :ماتقولش كده يا عمي انا تحت امرك في اي وقت وياريت لو احتجتوا اي حاجه تكلموني وبعد اذن حضرتك هبقي اجي اطمن علي ليالي
زين الدين :طبعا يا ابني تنور في اي وقت
وانصرف بدر الدين
ساهر :انا هطلع اشوف ليالي
زين الدين :معلش يا ساهر انت عارف انها هتبقي ليله صعبه علي ليالي
ساهر :ليالي دي روحي يا بابا هتوصيني عليها انا هفضل جنبها الليله دي وانت وماما ارتاحوا
في منزل عز الدين ووالدته آثار
آثار :مفيش اخبار برده يا عز
عز الدين :احنا لحقنا يا ماما احنا لسه واصلين
آثار :انا مش قادره اصبر مش قادره استحمل اني ابقي موجوده في مصر ومش قادره اوصله
عز :انا مش ساكت والله يا ماما وان شاء الله قريب هنوصله وربنا هيجمعك بيه
في الكافيه
رائد :حرام عليك يا بدر ليه عملت كده
بدر :عشان أقرب منهم اكتر وابقي برده شاهد ان ليها محضر سرقه وعشان ابقي انا اللي خلصتهم من المصيبه دي
رائد :البنت طلعت مسكينه زي ما عمك قالك وانت في كل مره بتشوفها وهي تعبانه حرام عليك دي ممكن تموت
بدر :مش مشكله حتي لو ماتت هكون برده اخدت بتاري منها ومن ابوها
رائد :انا خايف عليك من نفسك اوي يا بدر
بدر :ما تخافش عليا انا عارف انا بعمل ايه بس انا عايزك تيجي معايا المره الجايه
رائد :ليه بقي ان شاء الله
بدر :عشان بنت عمها
رائد :وانت عايز ايه من بنت عمها اللي هي بنت عمك في الأصل
بدر :مهي كمان من ضمن الخطه وبصراحه هي زي القمر فقلت انت اولي من الغريب
رائد :انا موافق وهاجي معاك ثم قال لنفسه يمكن اقدر انقذ البنت دي منك
