ليالي البدر

الفصل الثالث عشر

رائد :بتقول ايه يا بدر
بدر :ايوه يا رائد حبيتها
رائد :ابعد عنها بقي يا بدر ليالي مكسوره ولازم تبعد عنها عشان تقدر تجمع نفسها وتكمل حياتها
بدر :حاضر يا رائد انا هبعد عنها وهبعد عنكم كلكم بس ارجوك تبقي تطمني عليها
رائد :حاضر يا بدر
مرت الايام وكانت حاله ليالي تسوء يوم بعد يوم
وكانت تجلس في غرفتها ولا تتحدث مع احد وتبكي طوال الوقت او ترسم لوحاتها
كان الجميع حزين بسبب حاله ليالي ولا يعرفون سبب الحاله التي وصلت إليها ليالي
صافيه :وبعدين يا زين ليالي حالتها بقت وحشه اوي وكل يوم بتزيد عن التاني
زين :انا مش عارف ايه اللي حصل لها وبدر فين و سايبها
صافيه :كلم رائد خليه ييجي يقول لنا بدر راح فين وليه مش بيسأل عليها
زين :ايوه انا هتصل بيه
التقت زين الهاتف وقام بالاتصال برائد
كان رائد يجلس مع بدر في إحدى المطاعم
رائد :وبعدين يا بدر هتفضل كده لحد امتي الشركه محتاجه لك
بدر :مش قادر يا بدر صورتها مش بتبعد عني مكنش علي بالي اني احبها انت كان عندك حق انا ندمت في الوقت اللي ما ينفعش فيه الرجوع
رائد بحزن :انا مش عارفه اساعدك ازاي بس انت لازم تقفل الصفحه دي
قطع حديثهم رنين هاتف رائد فالتقته رائد
رائد :ده عمي زين
أجاب رائد علي الهاتف
رائد :الو ازيك يا عمي
زين :بدر فين يا رائد
رائد بتلعثم :هه بدر اه هو لسه في مرسي مطروح خير ياعمي
رائد :ليالي تعبانه اوي انا عايز اعرف ايه اللي حصل ليالي من يوم ما رجعت وهي حالتها بتسوء يوم بعد يوم
رائد :انا مش عارف حاجه يا عمي هو بدر كلمني وقالي اقابل ليالي في اسكندريه وانا وصلتها عند حضرتك بس معرفش ايه اللي حصل يمكن تكون متأثره باللي حصل لساهر ولحضرتك
زين :لا يا رائد اللي حصل ده عدي خلاص ورائد طلع وانا بقيت كويس انا عايز افهم فيه ايه
وبدر تليفونه مقفول او مش بيرد
رائد :هو برده مش بيرد عليا بس تقريبا هو مشغول
زين :ممكن تيجي دلوقت يا رائد
رائد :اكيد طبعا يا عمي مسافه السكه وهكون عند حضرتك
أغلق رائد الهاتف
بدر :في ايه
رائد :ليالي تعبانه من يوم ما روحت وبيتصلوا بيك و مش عارفين يوصلوا لك
بدر بحزن :هتعمل ايه
رائد :انا هقوم اروح لهم واشوفها
بدر :طمني عليها يا رائد
رائد :ان شاء الله
انصرف رائد وترك بدر
بدر :سامحيني يا ليالي ياريت تقدري تسامحيني ثم نزلت الدموع من عيونه حزنا عليها وعلي فراقها
وصل رائد الي منزل زين
زين :تعالي يا رائد
رائد :خير يا عمي ليالي مالها
صافيه :ليالي تعبانه اوي مش دي ليالي اللي خرجت من هنا عروسه مع بدر علي طول بقت بتعيط وحابسه نفسها في اوضتها ومش بتكلم حد ومش عايزه حد يقرب منها حتي ساهر اللي كان روحها فيه
سهر :اكيد في حاجه حصلت بينها وبين بدر
زين :ايه اللي ممكن يكون حصل وصلها لكده
رائد :طيب يا ساهر انت ايه رايك
ساهر :انا بقول زي سهر اكيد فيه حاجه حصلت وحاجه مش بسيطه دخلتها في انهيار عصبي
رائد :طيب يا عمي ممكن اشوفها
زين :طبعا يا ابني ثم نظر لسهر :اطلعي يا سهر شوفيها صاحيه ولا نايمه
سهر :حاضر يا بابا
صعدت سهر الي غرفه ليالي وطرقت الباب :ليالي ليالي ولكنها كانت لا تستجيب
حاولت فتح الباب ولكنه كان مغلق من الداخل
نزلت سهر وهي تهتف :مامي بابي الحقوا ليالي قافله الباب ومش بترد عليا
فزع الجميع وركضوا الي الأعلي وحاولوا فتح الباب
ساهر :ليالي ليالي افتحي الباب
زين :افتحي الباب يا بنتي
رائد :يلا نكسر الباب
قام رائد وساهر بفتح الباب ولكنهم صدموا عندما وجدوا ليالي ملقاه علي الارض
ركض عليها ساهر :ليالي ليالي ردي عليا وحاول افاقتها والجميع يقف وينظر في خوف
فجأه سمعوا صراخ سهر :ليالي انتحرت
صافيه :بتقولي ايه
نزلت سهر علي الارض والتقتت علبه دواء مهدء فارغه أخذها منها رائد
رائد :ليالي ليالي ووضع يده في مكان النبض علي رقبتها
صافيه :ايه يا ساهر
ساهر :يلا ننقلها المستشفي حالا
حملها ساهر وركض بها الي السياره وتوجه ووضعها في المقعد الخلفي وحضنها ساهر
وركبوا جميعا في السياره وتوجهوا الي المستشفي
ساهر :ليه يا ليالي ليه
زين :يارب نجيها يارب الطف بيها
وصلوا الي المستشفي و دلفوا الي غرفه العمليات وأراد ساهر الدخول معها ولكن الطبيب منعه
ساهر :انا لازم ادخل
الطبيب :انت أعصابك تعبانه وهتوترنا جوه ان شاء الله نخرج ونطمنك
جلس ساهر علي الارض يبكي وجلست بجواره سهر واقترب منها رائد لكي يطمئنها
نظر ساهر لرائد :ليالي لو جري لها حاجه انا مش هسيب بدر اكيد عمل فيها حاجه وصلتها لكده اقسم بالله يا رائد لو جري لها حاجه ما هيكفيني فيه عمره
زين :ايه الكلام اللي بتقوله ده يا ساهر
رائد :معلش يا عمي انا عازره هو من قلقه علي ليالي
ساهر :لا انا واعي وعارف انا بقول ايه بلغه بالكلام ده لو ليالي جري لها حاجه انا هقتله
زين :تعالي يا رائد يابني ابعد عنه دلوقت
ذهب رائد مع زين وبعدوا عن ساهر
زين :ما تزعلش من ساهر يا بني هو بس خايف عليها وانت عارف ان ليالي غاليه علينا قد ايه وخصوصا ساهر
رائد :انا عارف يا عمي ومقدر الموقف قاطعهم رنين هاتف رائد
رائد :بعد اذن حضرتك يا عمي دا تليفون مهم من الشركه هرد وارجع لحضرتك
زين :اتفضل يا بني
ذهب رائد بعيدا عن زين واجاب علي الهاتف
رائد :ليالي انتحرت تاني يا بدر
بدر بفزع :ايه بتقول ايه
رائد :ليالي بلعت علبه مهدء
بدر :ماتت ليالي ماتت
رائد :لا يابدر هي دلوقت في العمليات وان شاء الله ربنا هينجيها
بدر :انا السبب انا شيطان
رائد :خلاص يا بدر الكلام ده مش هيفيد ادعي لها ربنا ينجيها
بدر ببكاء :يارب يارب
رائد :انا هقفل دلوقت هي طالعه من العمليات
بدر :طمني عليها يا رائد
رائد :انا هسيب التليفون مفتوح عشان تطمن
ركض الجميع الي الطبيب
زين :خير يا ابني
الطبيب :الحمد لله احنا عملنا لها غسيل معده بس هي عندها انهيار عصبي وتقريبا محاوله الانتحار دي مش اول مره لان فيه جرح في ايدها
صافيه :هي قالت إنها وقعت على ايدها
الطبيب :لا ده جرح بآله حاده دي كانت محاوله انتحار وقطع شراين الايد
زين :يعني ايه يعني ليالي حاولت تنتحر قبل كده طب ليه
الطبيب :الحاله النفسيه السيئه اللي بتعاني منها هي اللي وصلتها لكده ياريت لما تقوم بالسلامه تعرضوها علي دكتور أمراض نفسيه بعد اذنكم
جلست صافيه علي الكرسي باهمال :معقول ليالي بنتي الورده المفتحه تحاول تموت نفسها مرتين
ساهر :يعني هي قطعت شراينها وانتحرت وهي مع بدر انا قلت انه عمل فيها حاجه وصلتها للحاله دي ثم نظر لرائد :برده مش عارف ايه اللي حصل
زين :ساهر اسكت احنا مانعرفش فيه ايه ولازم نستني لما بدر يظهر ونعرف منه الحقيقه
كل هذا وبدر يستمع في الهاتف لحديثهم
سهر :لو سمحت يا رائد عايزاك في كلمتين
ذهب رائد معها
سهر :لآخر مره بسألك يا رائد انت تعرف حاجه او تعرف مكان بدر
رائد :حتي انت كمان مش مصدقاني
سهر :انا هصدقك يا رائد بس لو ثبت العكس هيبقي ده اخر اللي بينا ومش هتشوف وشي تاني
في منزل آثار والده بدر يدخل عز الدين
عز :ماما ماما
آثار :ايوه يا عز يا حبيبي انا هنا في اوضتي
دلف إليها عز :اخيرا يا ماما
آثار :مش معقول عرفت مكان اخوك
عز :ايوه وعرفت مكان ليالي
آثار :هو فين وعرفت مكانه ازاي
عز :الضابط صاحبي قدر يوصل لعمي زين الدين وليالي عايشه معاه ومش هتصدقي
آثار :ايه
عز :بدر متجوز ليالي وشريك عمي زين في الشركه وهو اللي انقذه من الإفلاس
آثار :ايه معقول بدر اتجوز ليالي
عز :ايوه يا ماما انا مش مصدق اني لقيتهم مع بعض واكيد بدر نسي الماضي وان شاء الله نتجمع مع بعض علي خير ونعيش مع بعض
آثار :يارب
عند حازم
كان يجلس مع صديقه
حازم :انت متأكد من الكلام ده
صديقه :ايوه وهي دلوقت في المستشفى
حازم :كنت متأكد انه غصبها علي الجواز
صديقه :بس هو مش باين من يوم ما رجعت
حازم :ودي فرصتي اني ارجع تاني
صديقه :وانت يعني تفتكر انها هترجع لك تاني
حازم :طبعا هترجع انت ماتعرفش هي كانت بتحبني ازاي وبعدين هي اتأكدت اني بعدت عنها غصب عني وبدر هو السبب
صديقه :طب مهو ممكن بدر يعاند ومايرضاش يطلقها
حازم :لا بدر ده بقي ليه عندي تكتيك تاني خالص
في المستشفي كان رائد يتحدث خارج غرفه ليالي مع بدر في الهاتف
بدر :ايه الاخبار
رائد :كلهم مشيوا وساهر هو اللي قاعد جنبها
بدر :انا عايز اشوفها
رائد :ازاي بس يا بدر ده ساهر مش بيغيب عنها لحظه
بدر :اتصرف يا رائد خده وانزل بيه الكافتيريا اعمل اي حاجه
رائد :هحاول يابدر
بدر :انا هاجي أقف قدام المستشفي ولما تعرف تخرجه من الاوضه قولي وانا اطلع لك
رائد :أمري لله حاضر
ذهب رائد الي غرفه ليالي
رائد :ايه يا ساهر عامله ايه
ساهر :زي ما هي في دنيا تانيه
رائد :هي هتفوق امتي
ساهر :ان شاء الله بكره الصبح
رائد :طب ما تيجي ننزل تحت نشرب قهوه ونتكلم شويه
ساهر :انا مش هسيبها
رائد :احنا مش هنتأخر نشرب قهوه ونتكلم وانت بتقول انها مش هتفوق الا الصبح يلا عشان تقدر تكمل طول الليل
اقتنع ساهر بفكره رائد
ساهر :تمام يلا بينا
خرج ساهر ورائد من الغرفه وقام رائد بكتابه رساله لبدر
صعد بدر الي غرفه ليالي ودلف اليها
اقترب بدر من ليالي وامسك يدها
بدر :وحشتيني اوي يا ليالي مكنتش أتصور اني ممكن اكون بحبك الحب ده كله نفسي يرجع بيا الزمن تاني واقابلك من تاني ونعيش في دنيا تانيه سامحيني يا ليالي انا عارف اني لو فضلت اطلب منك السماح طول عمري مش هيكفي رائد بيقولي ابعد عنك واطلقك بس انا مش قادر انا بحس كل يوم ان روحي بتطلع مني وانت بعيده عني مكنتش اعرف ان نار الانتقام بتحرق صاحبها قبل ما يحرق بيها غيره انا بعترف يا ليالي قدامك اني ندمان واني نفسي تكون صاحيه دلوقت وسمعاني واي حكم هتحكميه عليا انا راضي بيه حتي لو كان الحكم ده بموتي
سامحني خلاص سامحني ياريت انا غلطان وتهت وجيت
رجعت بأسفي وندمي وشوقي ولهفة قلبي عليك
غلطت وبعت في بعدك ضعت سامحني الله يخليك
خد وردي وهات الشوك وعيوني اللي بيحبوك
أنا راجع وكلي حنين وطلبت السماح أرجوك
أهون عليك وانا بين يديك تبعد وتظلمني
لازمن انا وازاي بقى من روحي تحرمني
ازاي تقولي اختار بين البعاد والنار ازاي تقولي اختار بين البعاد والنار
هوة الزمان قساك ولا انت مني خدوك
بعد الغياب حلو العتاب اسمع وتسمعني حيهزنا صوت حبنا واكيد حترجعلي
بعد الغياب حلو العتاب اسمع وتسمعني حيهزنا صوت حبنا واكيد حترجعلي
دأنا قلبي زي ما كان بيفكرك بزمان
لو تديني الأمان وكفاية خوف وشكوك