ليالي البدر

الفصل الواحد والعشرون

زينه :انا موافقه اني اتجوز محمد عشان نخلص من شره
مجدي :لا يا زينه مش هيحصل ومحمد ده انا مش هخليه يتحكم فينا انا هشوف لي صرفه معاه
كوثر :هتعمل ايه يا مجدي
نظر مجدي لكوثر نظره بمعنى انه سيتحدث معها بعد خروج زينه
فهمت كوثر ما يقصد
مجدي :سبوني افكره وهوصل لحل
كوثر :يلا يا بنتي روحي انت دلوقت وانا وبابا هنقعد نفكر مع بعض
زينه :اوعدني انكم مش هتفكروا في قتل تاني
مجدي :لا قتل ايه احنا مش عارفين نخلص من قضيه واحده هندخل نفسنا في مصيبه تانيه احنا هنحاول نتفاهم معاه حتى لو نديله فلوس زياده عشان يصرف نظر عن موضوع الجواز ده
زينه :انا همشي انا حاسه اني عايزه انام
كوثر :ماشي يا حبيبتي خدي بالك من نفسك
انصرفت زينه
كوثر :ايه يا مجدي اللي في دماغك
مجدي :تفتكري يا كوثر انا عرفت اخلص من سراج وشهاب ومن حازم وبدر ومش هعرف اخلص من محمد
كوثر :يعني ايه
مجدي :محمد هو اللي غدر بينا لما سجل لنا ولما مضا زينه على ورقه جواز عرفي من غير ما تعرف
يبقى هو اللي جني على نفسه
كوثر :بس لازم قبل ما تخلص منه ناخد التسجيلات وكل الادله اللي معاه
مجدي :اطمني انا في دماغي خطه تخلينا نخلص منه ونورثه كمان
كوثر :ازاي
مجدي :مش هو عايز يتجوز زينه وياخد ٢٠ مليون دولار
كوثر :اه
مجدي :احنا هنديله الفلوس ونكتب كتابه على زينه زي ما هو عايز في مقابل انه هيخلص على حازم وهنأجل الفرح لحين الحكم على بدر وبعد ما القضيه تتقفل نخلص من محمد وزينه بنتنا تورثه لأنها مراته شفتي بقى الموضوع سهل ازاي
كوثر :وانت هتخلص منه ازاي هتجيب حد تاني يقتله ويهددنا ونبقى تحت رحمته
مجدي :مين قال اني هجيب حد انا هخلص عليه بنفسي وده هيبقى من دواعي سروري اني اخلص عليه بأيدي
كوثر :وانت هتقنع زينه انها توافق تتجوزه
مجدي :احنا هنفهمها انه كتب كتاب بس وبعد ما ناخد منه اللي احنا عايزينه هنخليه يطلقها او تخلعه
كوثر :وهي هتقتنع بكده
مجدي :خلي الموضوع ده عليا ما تقلقيش
كوثر :نفسي اغمض عيني وافتحها الاقي الدنيا مفيهاش محمد ولا حازم ولا بدر
مجدي :قريب اوي
عند حازم
كان حازم يرقد في غيبوبه لا يشعر بشئ كانت إحدى الممرضات تقوم برعايته حتى شعرت بأنه يحرك يده
الممرضه :هو المريض حرك ايده ولا انا بتخيل
ظلت الممرضه تنظر ليده فتره ولكنها كانت ساكنه
الممرضه :انا بتخيل
ولكن قام حازم بتحريك يده مره اخرى ولكن هذه المره فتح عيونه أيضا ولكنه اغمضها مره اخرى
فزعت الممرضه :لا انا مش بتخيل المريض فتح عيونه
قام حازم بفتح عيونه مره اخرى
الممرضه :حضرتك سامعني او شايفني
حرك حازم رأسه بمعنى نعم
الممرضه :انا ثواني هنادي للدكتور وارجع لك
خرجت الممرضه تركض الي الخارج وقامت بإحضار الطبيب
الممرضه :دكتور
الطبيب :خير
الممرضه :المريض اللي في العنايه اللي اسمه حازم
الطبيب :ماله قلبه وقف تاني
الممرضه :لا يا دكتور المريض فاق وفتح عيون
الطبيب :انت متأكده
الممرضه :ايوه يا دكتور تعالي حضرتك اتأكد بنفسك
توجه الطبيب الي غرفه حازم ودلف إليها وجد كلام الممرضه صحيح
الطبيب :حمد الله على السلامة يا استاذ حازم
حازم بصوت ضعيف :الله يسلمك هو ايه اللي حصل
الطبيب :انت مش فاكر حاجه
حازم :لا مش قادر افتكر
الطبيب :انت الحمد لله انكتب لك عمر جديد انت جيت هنا من حوالي اسبوعين مضروب بسكينه
حازم :اسبوعين سكينه محمد
الطبيب :بتقول حاجه
حازم :هه لا انا بس بحاول افتكر اللي حصل
الطبيب :حاول تفتكر لان في واحد متهم بمحاوله قتلك وشهادتك هي اللي هتثبت عليه التهمه او تطلعه براءه
حازم :مين ده المتهم محمد
الطبيب :لا بدر
حازم :بدر
الطبيب :اه بدر هو اللي لقوه جنبك وقت ما البوليس جه
حازم :وحضرتك متأكد من المعلومات دي
الطبيب :ايوه لأن بدر يبقى ابن عم دكتور ساهر زميلنا هنا واحنا عارفين الموضوع كله
حازم :انا هطلع من هنا امتى
الطبيب :لازم الأول نطمن عليك وهننقلك اوضه عاديه ولو حالتك بقت تسمح للتحقيق لازم النيابه تاخد أقوالك
حازم :ممكن استخدم التليفون
الطبيب :انا اسف تعليمات النيابه ان حضرتك ما تكلمش حد ولا تقابل حد قبل ما ياخدوا أقوالك
حازم :تمام
الطبيب :انا هبعت لك الممرضه تشوف طلباتك وانا شايف ان حالتك تسمح باخذ اقوللك
هز حازم راسه بمعنى الموافقه
عند آثار والده بدر كان يقف زين وصافيه وليالي وسهر
كان عز يجلس بجوار والدته :فوقي بقى يا ماما بدر عايز يشوفك اوعي تسيبيني انت كمان انا مش هقدر استحمل اني اخسرك انت وبدر
اقترب منه زين :ما تقولش كده يا عز ان شاء الله والدتك هتقوم بالسلامه وبدر هيطلع انا واثق ان ربنا مش هيظلمه
قطع حديثهم رنين هاتف ساهر
ساهر :ده الدكتور المتابع حاله حازم
عز :معقول يكون حازم مات
ساهر :مش عارف انا هرد واشوف
ساهر :ايوه بجد الحمد لله الحمد لله
ساهر :اه تمام ان شاء الله خير ربنا يبشرك بالخير طبعا هستني مكالمتك سلام
عز :ايه يا ساهر
ساهر :حازم فاق وحالته كويسه جدا ودلوقت النيابه عنده بتاخد أقواله وان شاء الله يقول الحقيقه وبدر يطلع براءة
زين :الحمد لله
وجدت ليالي نفسها تبتسم فرحه بهذا الخبر ثم سألت نفسها
ليالي :انت فرحانه كده عشان حازم فاق ولا عشان بدر
نفسها :طبعا عشان حازم هو ملوش ذنب في كل اللي حصل
ليالي :يمكن بس ماتنكريش ان ابتسامتك دي لما سمعتي ان بدر ممكن يطلع براءه
نفسها :انا كنت حاسه بالذنب لاكون ظلمته لما شهدت عليه في النيابه وشهادة حازم هي اللي هتقطع الشك باليقين
نفسها :هحاول اصدقك ونشوف آخره المشوار ايه
ليالي :آخرته ايه طبعا هطلق منه
نفسها :لما نشوف
فاقت ليالي من شرودها وحديثها مع نفسها على يد صافيه تهزها
صافيه :ليالي ليالي
ليالي :هه بتقولي حاجه يا ماما
صافيه :ايه يا حبيبتي روحتي فين
ليالي :معاكم
صافيه :طيب يلا نمشي ونبقى نيجي الصبح
ليالي :لا يا ماما انا هستني عشان اطمن على حازم
ساهر :حازم ممنوع من الزياره لحين اخد أقواله
ليالي :انا هستناه يخلص واروح اطمن عليه
زين :خلاص يا صافيه سبيها براحتها وروحي انت وسهر واحنا هنطمنكم
عند حازم
كان يجلس بجواره وكيل النيابه وبدأ بفتح التحقيق
وكيل النيابه :أستاذ حازم تقدر تحكي لنا اللي حصل
حازم :ايوه
وكيل النيابه :اتفضل
حازم :من حوالي ٥ شهور انا وليالي كنا مرتبطين ببعض انا كنت معيد عندها في الجامعه وكان فيه مشروع خطوبه بس في يوم جالي بدر وعرض عليا اني اسيب ليالي مقابل اني اسافر بعثه بره وكان للبعثه دي مقابل مادي كبير وكمان كنت هاخد الدكتوراه من هناك وفعلا وافقت وانا وليالي انفصلنا وسافرت بس بعد السفر بشهر جه واحد اسمه محمد وعرض عليا اني ارجع تاني واحاول افرق بين ليالي وبدر عشان هو عايز ينتقم من بدر
وكيل النيابه :عايز ينتقم منه ليه
حازم :قالي انه خسره في شغله وانا بصراحه ما اهتمتش بالتفاصيل بس هو عرض عليا اني ارجع مصر مقابل اني هاخد الفلوس اللي كنت هاخدها من سنين البعثه مره واحده وكمان هيفتح لي مكتب الديكور اللي كنت بحلم بيه وفوق كل ده ليالي هترجع لي طبعا انا وافقت وهو كان مراقب ليالي وبدر وعارف عنهم كل حاجه وحكي لي كل حاجه بدر عملها وفعلا رجعت مصر ويوم كتب كتاب ليالي قابلتها وحكيت لها عن بدر وكشفته ليها وكنت متوقع انها تلغي الجواز بس اتفاجات انها اتجوزته وسافرت معاه ومكنتش عارف هي سافرت معاه فين وكنت بحاول اوصل لها بس محمد قدر يوصل لها وقالي على مكانها في اليوم ده عرفت ان ليالي رجعت بيت عمها وانها طالبه الطلاق من بدر
حاولت اكلمها مكنتش بترد عليا وبعدين محمد طلب مني اني أقرب منها باي شكل عشان بدر يطلقها وفعلا قدرت اقابلها واقنعتها اننا نحسس بدر ان فيه علاقه بينا عشان هو يطلقها بس في يوم محمد جالي البيت وطلب مني طلب غريب
Flash back
حازم :لا طبعا انا مش ممكن اعمل كده في ليالي
محمد :انت مش هتعمل فيها حاجه انت هتجبيها هنا وتشربها حاجه تنام وناخد لكم كام صوره حب حلوه كده في السرير وخلاص وانت مش هتبان اللي هيبان انها نايمه مع واحد وبس وفي مقابل ده هتاخد ٢مليون جنيه
حازم :انت ليه بتعمل كده انت متخيل بدر لو وصلت له الصور دي ممكن يعمل ايه
محمد :هيقتلها
حازم :وانت عايز بدر يقتل ليالي
محمد :اه عشان اخلص منه ومنها
حازم :بس انت كده مش بتنتقم منه عشان موضوع شغل لا ده في حاجه اكبر
محمد :ايوه في ناس يهمهم انهم يخلصوا من بدر والناس دي أكبر مني ومنك ولو مش هتنفذ مش هيحصل كويس
حازم :لا لحد هنا وانا ماليش دعوه انا وافقتك في الأول عشان بحب ليالي وندمت اني سبتها من الاول وقلت فرصه ارجعها ليا تاني بس انا مش هكون السبب في فضيحه ليها وكمان قتلها
محمد :انت حر يا حازم فكر ورد عليا بس لمصلحتك توافق ليالي كده كده هنلاقي اللي يصورها وبدر هنخلص منه فالاحسن انك تستفاد وما تضيعش الفرصه من ايدك هكلمك بكره الصبح وترد عليا سلام يا زومه
خرج محمد وجلس حازم يفكر :انا لازم احذر ليالي واخليها تاخد بالها
في الصباح استيقظ حازم على رنين هاتفه من محمد
حازم :الو
محمد :هه فكرت
حازم :لا مش موافق ومش هعمل اللي طلبته مني واللي انتم عايزين تعملوه اعملوه
محمد :خساره يا زومه كان نفسي تفضل معانا
حازم :لا مش خساره بعدي عنكم ده أكبر مكسب ليا
محمد :براحتك بقى يا زومه سلام
Back
حازم :وبالليل اتفقت انا وليالي نتقابل في ديسكو عشان يبقى فيه صوت موسيقى عالي ومحدش يسمعنا عشان انا كنت متأكد انهم ببراقبونا واتقابلت انا وليالي وكنت هحذرها من انها تكلم حد او تخرج من البيت الفتره دي بس فجأه لقينا بدر قدامنا وحصل بينا خناقه وبدر اخدها وركبها عربيتها وروحت اتصلت بيها بالليل بس تليفونها كان مقفول الصبح لقيت محمد بيخبط على الباب
حازم :خير يا محمد
محمد :خير انا جاي اقولك ان خلاص انسى الكلام اللي قلته لك وهنرجع للاتفاق القديم بتاعنا
حازم :يعني ايه
محمد :يعني خلاص هنشوف سكه تانيه لبدر بعيد عن ليالي وانت خليك في سكتك معاها وانت بتقول انك بتحبها خلاص انت بقى وشطارتك تخلي بدر يطلقها وحلال عليك
حازم :كويس اوي الكلام ده
محمد :طيب مش هتعزمني على فنجان قهوة ولا فطار انت بخيل ولا ايه
حازم :حاضر ثواني وهعملك فطار وقهوه كمان
دلف حازم الي المطبخ وقام بالاتصال باليالي واتفقوا على لقاءهم بعد الظهيره
خرج حازم الي خارج المطبخ
حازم :قهوتك ايه
اقترب منه محمد وقام بطعنه في صدره طعنه نافذه وسقط حازم على الأرض
محمد :مظبوطه اوي يا زومه
وتركه محمد سائح في دمائه وخرج من الشقه وترك الباب مفتوح
حاول حازم الوصول إلى هاتفه لطلب النجده ولكنه لم يستطيع
حازم :بس انا شفت بدر وهو داخل الشقه وقرب مني وحاول يساعدني بس بعد كده مش فاكر حاجه
وكيل النيابه :انت باقوالك دي بتنفي التهمه عن بدر
حازم :بدر برئ محمد هو اللي حاول يقتلني
وكيل النيابه :انت تعرف محمد ده مين واسمه ايه بالكامل
حازم :ايوه هو محمد كمال بيشتغل في الشركه المتحده والكارت بتاعه معايا
وكيل النيابه :قررنا إلقاء القبض على المدعو محمد كامل وإحضار ه الي سرايا النيابه واقفل المحضر في ساعته وتاريخه اتفضل امضي على أقوالك
في النيابه
عسكري :تمام يا فندم
وكيل النيابه :جبت المتهم
العسكري :المتهم لقيوه مقتول في شقته يا باشا