المشكله والعنيد

البارت٣١

>>>>>>>>..............>>>>>>>>
رجع من صلاة الفجر ..وكان لسه النوم حالف ما يقرب ناحيه عيونه!!!!!.
انتبه ان في شخص بالجنينه..قرب منه وعرفه..كانت قاعده لوحدها والجو كان مايل للبروده شويه ..قرب منها اكتر بخطواته..
: هبه !!
هبه كانت ضامه رجولها وحاطه راسها بينهم ..وانصدمت من الصوت ورفعت راسها بشويش ..
: سامح !!
سامح بص جامد في وشها اه مش بتعيط بس حزينه جدا !!!!
سامح: ليه ما نمتيش ؟؟
هبه وقلبها دق..رجعت شعرها القصير عن وشها: ما قدرتش انام..
سامح عاوز يئعد بس متردد اول مره تقريبا يبقو لوحدهم في الوقت ده
هبه شافت عيونه المحتاره..وفهمت انه في حيره لانه بطبعه خجول ..ودي اكتر صفه دوبتها فيه وميزته عن غيره...خجول مع البنات بس قدام الرجاله مستحيل يكون فيه حد ممكن يكون برجولته وثقته ..
هبه كسرت الحيره: اقعد يا سامح ..ليه واقف .؟ ولا عاوز تنام !!
سامح ابتسم: لا مش جايلي نوم..."وئعد "
هبه حاولت تبعد عينها عن ابتسامته ..روعه قليله في حقه..
سامح افتكر حكايتها وحس انها الفرصه المناسبه : الا يا هبه نسيت اقولك حاجه مهمه ..
هبه بصتلوه: خير ان شاء الله..
سامح: لا خير..دلوقتي تقدري تنامي مرتاحه...حليت موضوعك..
هبه لسه بتستوعب : موضوع اياد !! حليته ؟؟
سامح اتنرفز: ماتقوليش اسمه قدامي الحقير..ايوه انتهى للابد..
هبه اتحمست: اازي ؟؟ يعني دلوقتي الصور معاك ؟؟وبعدين انا ماليش علاقه بالموضوع ده
سامح: ازاي مالكيش علاقه ..والصور ايوه معايا...
هبه نزلت عينها بأنكسار..بس تخيلت ان سامح شاف صورها معاه..
وبتردد: شفتها !!
سامح فهم قصدها: لا ..
هبه حست انها ارتاحت: احرقهم..
سامح: ليه ما تحرقيهم انتي ..
هبه وقفت ومدت ليه ايدها : تعال نحرقهم مع بعض..
سامح بص لايدها وهو متنح..وحس وشه مولع نار.ازاي يمسك ايدها !
هبه انتبهت لحركتها..وسحبت ايدها بطريقه حلوه وكأنها بتعدل شعرها ..
هبه: يالا بسرعه تعال نحرقهم..
وفعلا جاب سامح الصور من الملحق ... وراحو للمطبخ من البوابه الخارجيه..
هبه جابت طبق صاج ..وفتحت الظرف وطلعت الصور واحده واحده وهي متأكده انها مقلوبه وولعت فيهم..
سامح كان واقف جنبها ..ما كانش فيه نور الا نور النار ..وشوي من الشمس اللي بدئت تشرق..
بص لـ عيونها وانعكاس النار مرسوم فيهم ..وضحت الراحه فيهم ..وكانت كأنها بتستمتع وهي شيفاها تتحرق وكأنها حرقت اياد وحرقت ذكرياته معاها..
هبه حاسه بنظرات سامح بس ما حاولتش ترفع عينها مش عاوزاه يبعد عنها ..
وطلعت اخر صوره..
وكلمت نفسها بصوت مسموع: دي اخر صوره..واكون اتخصلت من اخر ذنب في حياتي ان شا ءالله " وبصتلو مبتسمه"
سامح ابتسم لابتسامتها : هاتي اولعها ..
هبه فرحت بمبادرته : اه ...اكيد اتفضل ..
وولعها سامح..وكأنه ارتاح معاها..حس بشعور الواحد لما يحس انه أتخلص من ماضيه اللي دايما يلاحقه ..واستمتعوا مع بعض وهما شايفين النار تلتهم اخر جزء من الاحزان ونهاية المأساة والمعانات اللي عاشتها هبه واتعذبت فيها.
واتحولت رماد..
راحت هبه و طلعت كيس ورمته فيهم ..وحطت الطبق.
وابتسمت: وخلصنا ...
سامح: الحمد لله..
هبه قربت منه : بجد مش عارفه اشكرك يا سامح ..والله بحس ان كل الكلام طار من على لساني..بس صدقني محدش غيرني ولا خلاني اعيش بالسعاده والراحه اللي انا فيها بعد ربنا الا انت ..سامح انت جددت حياتي ..علمتني ازاي اعيش وازاي احب الحياة وبطريقه صح..انت مش متخيل انك رسمت لي هدف للحياة ...وانا اللي كنت بحس انها مجرد لعبه وتنتهي .. عمري ما هقدر انسي فضلك عليا ...وربنا يقدرني ارد لو جزء بسيط من جميلك..
سامح اتحرج من كلمات المدح : لا جميل ايه؟؟؟.انتي واحده من اخواتي ..وانا فالخدمه...
هبه ما عجبتهاش كلمة أخواتي ..بس حاولت تمشيها : بس انت عملت اكتر من الي ممكن يعمله الاخ ..
سامح حس انه بيطلع نار ولا قادر يتحمل الحراره اللي هو فيها وخصوصا عيون هبه مركزه عليه..
سامح: خلينا يله نمشي..
هبه كتمت ضحكتها..واضح عليه انه عمره ما كلم بنات ...
وطلعت معاه ..وتحت الشمس الدافيه..
سامح: يالا بقي روحي نامي وارتاحي..
هبه ببتسامه: تصبح على خير ..
سامح رد الابتسامه : وانتي من اهله " وراح من طريق ..وهي من طريق "
دخلت هبه وهي ميته من الفرح.. قلبها بيرقص ..وانها طايره فووووووق ...والدنيا مش سيعاها
وبنفسها" سامح والله وقدرت تاخد قلبي وروحي وعقلي وكياني وانا كلي فداك.."
اما سامح وعيونه على السقف وايديه تحت راسه ..حس ان مشاعره مختلطه ومش قادر يحددها ..هو ايه شعوره بالظبط اتجاه هبه..هو حب ..رحمه..اعجاب ..فتره وتعدي ولا بجد اتعلق بيها.
سامح ضحك: هنام دلوقت.. وبكره أفكر بقي " واتغطى ونام"
......
يوم جديد
وعلى الفطار..
نزل اخر واحد ولاحظ ان اجوائهم متوتره..بس هو عادي عنده ..وايه همه وجودها وعدمها واحد..
وابتسم لما شاف فتون قاعده وتاكل بكل هدوء ..وخطر على باله شكلها امبارح في الفرح..
: صباح الخير..
رد الكل باصوات متفاوته الا ريهام اللي ردت الصباح بس من غير ما حتي تبصلو...
كرم وقف شوي يبصلهم..وفجأه غير طريقه وراح للجهه اللي عند فتون..
كرم: ابتهال بدلي مكانك بمكاني ..ومن النهارده ده مكاني...!!
ابتهال وقفت وفيها الضحكه: امرك يا بن عمي وجوز اختي...
وقعد جنب فتون..
سَيار ما كانش له نفس ياكل ...بس حس انه نفسه يضحك على ابنه عايش حياته ولا همه حد..
نسمه وريهام وهبه مصدومين منه..بجد ده ما عندهوش احساس لدرجه ولا أتأثر بغياب امه !!
فتون ووشها اللوان الطيف ...كرم جرئ بشكل جنوني ومشكلته مش بيتحرج من حد..
كرم: الا يافتون ..ليه لمه شعرك..ما فيش حد غريب فكيه !!
فتون وقف الاكل بحلقها ..ولا قدرت تبلعه الا لما شربت شويه ميه.
سَيار: بشويش على البنت ..مالك انت كدا مسروع ..
كرم ابتسم: يابابا قلت خانقه نفسها ...ومافيش حد غريب...!!!
فتون عارفه انه بيستخف بيها بكلامه: انا مرتاحه كدا...
كرم بدء ياكل : لا ...افرديه..
فتون بصتله وهي رافعه حاجب ده من دلوقت بيتحكم فيها : قلت مرتاحه..
كرم قطع قطعه من العيش,,وغمسها في جبنه ومدها قريب من بؤها..وكان متنرفز ويخفي عصبيته ..حتى انه ولا منتبه لتصرفاته
: قلت لك..اريح لك افرديه...وبدون نقاش ..
فتون ولعت من القهر وبعند بعدت ايده عنها ووقفت ..
: انا مش عبده عندك وعلى كيفك تمشيني .." ومشت بعصبيه"
كرم غمض عيونه ثواني واخد نفس عميق..رجع  قطعة العيش في الطبق..فتح عينه وهو مقهور لحد امتى وهو واقف محلك سر ولا عارف يتصرف ..وكل ما يحاول يكحلها يعميها ..ولامتي فتون تحب تعانده في كل حاجه!!!!!!!
سَيار نفس انقهر:انت مابراحه على البنت ..انت لسه ما اتجوزتهاش..
كرم وقف ....وراح وراها..
الكل مصدوم ويقول في نفسه " ما هذا ؟؟؟"
طلع برى وشافها ماشيه رايحه جايه في الجنينه بخطوات سريعه ..
لحقها
لحد ما وقف وراها بشوي
ورفع صوته : فتون ...استني..
فتون وقفت بس مش عشانه..عشان نفسها تتفاهم معاه..لانها تعبت من اسلوبه
كرم وقف وراها بالظبط: انا كام مره قلت لك بلاش تعانديني..
فتون لفت عليه: وانا كام مره قلت لك ..انا مش على كيفك ..
كرم: بس انا ما عملتش حاجه غلط..
فتون: وانا حره في نفسي اعمل اللي يريحني ..وحبيت افكرك ..حركاتك اللي بتحاول تظهر فيها حنين او رومنسي ما تناسبكش وانت كلك مش عجبني ولا بتعجبني وانت اكتر واحد عارف ليه انا اخدتك..افتكر انه مش حب ولا اعجاب بيك..انا اخدتك غصب عني..
كرم ضغط على ايده بقووووه ..خايف بس يمدها عليها
جز سنانه : فتون اعدلي اسلوووووبك ..
فتون خافت ورجعت شوي بس ولا همها: اه افتكرت ..وما تحاولش تقرب مني مره تانيه الا بعد الجواز ولفت ومشت
كرم صرخ من القهر اللي فيه : وانتي متفكريش اني ميت عليك ..انا اخدتك الا لاني عاوز احطم دماغك فاهمه..
فتون ما ردتش عليه وكملت مشي وكل جسمها يرجف والدموع تتجمع بعيونها ..
كرم رجع شعره لورى وشد عليه : الله يلعنك يا شيطان...الله يلعنك..
" وطلع ركب عربيته على طول"
منه محمد بردح: وبعدين معاكم في ايامكم السوده دي مش هتتلمو
فتون: وانت مالك انتي خليك في حالك
كرم زعق: انا ولا بهمها ولا يهمها بفكر بأيه انا مبهمهاش اصلا دي مش بتبتسم حتي في وشي
منه: وانت حد رماك
كرم بسخريه واستهزاء: مش بيقوله لما يتكلم القلب يخرس العقل
منه: والنبي انت ما فيك ريحه العقل .وانتي يابنتي افردي وشك في خلقته شويه حبا في الله قبل ما البنات يشقطوه منك
فتون: بجد من السخافه انه مستني منك اكتر من كدا اساسا
كرم: يامنه افضحيها وعرفي الناس هي اد ايه قاسيه عليا ولا اجي اكسر دماغك انتي التانيه نسوان غم
منه: وانا مالي يا كرم داهيه تهد حيلك وطلعت اجري قبل ما يسويني بالاسفلت
ايها المتابعين اطلب منكم الفاتحه ع روح منه محمد من كرم سَيار 😂😂😂
فتون دخلت الغرفه وقفلت الباب بقوه ..مع ان سامح لسه نايم ..
وكلمت نفسها : اذا كنت مش عاوزني ليه تاخدني ...ليه !!
وئعدت على الكنبه بتحاول تمسك نفسها لا تبكي ..تعبت دموعها على شخص ما يستاهلهاش.
شوي وجات ريهام..وهي مشعارفه تقولها ايه ..
: فتون ..بلاش تزعلي نفسك ..
فتون: ده كدا اولها ياريهام..لسه في البدايه..حتى الجواز لسه ما تم..
ريهام: انا من امبارح حاسه ان كرم مش على بعضه ..فيه هم في قلبه وهو مش عارف يعبر عنه..
فتون بعصبيه: واناايه ذنبي..ايه دخلني فيه ..نفسي يشلني من نفوخه بس ويعاملني بأحترام..
ريهام: بصراحه يا فتون ..انتي كمان حاولي معاه..جاريه شوي ..اكسبي قلبه..
فتون بأستهزاء: واخوكي ده عنده قلب !! انا من بعد موقفه امبارح مع امه اتأكدت وقلت هالك قبل كدا وبكررها تاني اخوك اناني..
ريهام حزت الكلمه في نفسها مهما كان يبقى اخوها: لا يا فتون كرم مش كدا ..ولا سيئ بس هو فيه حاجه ..حاولي تعرفيها انتي مراته ..
فتون كلمة مراته رشقت في قلبها زي السهم..هي لحد اللحظه ما حسته انسان ينتمي لها حتى كا ابن عم ...اشحال كا زوج !!
وشوي ودخلت ابتهال : فتون ..ليه عملتي كدا ؟؟
فتون انصدمت:متقوليش ان انا الغلطانه..
ابتهال: كرم ماقالش حاجه غلط..هو اكيد قصده نفسه يشوف شعرك زي امبارح مفرود
فتون:لا يحلم الا بعد الجواز.
ريهام اتنهدت: اذا بتعاندو بعض كدا طول العمر مستحيل تعيشو ..
فتون دخلت وسابتهم : احسن انشا الله ما عشنا ..
ابتهال: وجلاله الله ليطلقو من اول اسبوع..
ريهام بقله حيله: ربنا يهديهم ..
>>>>>>>>>>..............>>>>>>>>>>>
في بيت محمد .
سالي قعدت من الصبح فالصاله..وحاسه بضيقه بصدرها..ده مش مكانها ولا جوها ولا حياتها..هنا حياتهم تختلف كتير ...ما عندهمش نظام ولا في أي حاجه
سالي بزهق: الساعه تسعه ولسه محدش صحي .."ونادت الخدامه" روحي صحي محمد بيه
الخدامه راحت منصاعه للاوامر.
طلعت فوق ودقت الباب..
طلعت لها احلام: خير فيه ايه عندك !!
الخدامه: مدام سالي ..قلت لي صحي مستر محمد..
احلام نفخت: يا اهلا صباح الخير..ده من اول يوم تصدر اوامرها ..خلاص انتي روحي وجهزي الفطار ..
دخلت احلام لغرفتها ..
: محمد...اختك عاوزاك
محمد اتقلب للناحيه التانيه: عاوزه ايه !!
احلام كشرت: معرفش...قوم لها ..
دقايق ونزل محمد وعيونه كلها نوم..
: صباح الخير..
سالي : صباح النور..بدري ماكنتوش صحيتوا ..
محمد شاف ساعته: وليه نصحى والنهارده الجمعه ولا فيه شغل..!!
سالي : حتى لو مفيش شغل ..ضروري تصحو الصبح بدري
محمد قعد بتعب: بنحاول حاضر.
وشوي اتجمع الكل على الفطار..
سالي: والله حالتكم صعبه..في حد يفطر على الساعه 11 !!
احلام نفخت: والله ده نظامنا ياسالي ومتعودين عليه..
سالي: بس انا مش متعوده من بكره الكل يصحى بدري..ونفطر مع بعض بعدها اللي يحب يرجع ينام يرجع..
احلام برقت عيونها:انتي قاعده تقولي ايه يا سالي الله يهديك..انتي عارفه اني انا ما عنديش شغل ولا حاجه اصحي ليه بدري
سالي : حتى انا ما عنديش حاجه ...بس صحيت وفاضل وقت كافي بين الفطار والغدا ..ولا دي معلومه جديده عليكي..
احلام بصت لجوزها وهي نفسها تولع فيها
محمد حاول ينقذ الموقف: كلام اختي مظبوط..نغير نظامنا يا احلام..
ميسره نفسها تضحك ..عمتها عرفت ازاي تمشي كلامها عليهم..
.....
الكل اتجمع بالصاله الا من كرم اللي طلع من الصبح وما رجعش..و سامح اللي راح لصحبه سامر..
ريهام بتردد: بابا ..عاوزين نكلمك في موضوع..
سَيار عارف موضوعهم: اتفضلوا ..
ريهام: انا عاوزه اعرف بس ... ناوي تعمل ايه مع أمي ؟؟
سَيار: عاوز اللي في راسها يقع الاول..
ريهام: طيب يقدر كرم يطلع من البيت ..وفتون ما عندهاش مانع..
سَيار بحده: انا قلت ابني عندي ..واظن وجود كرم ما بيضايقهاش.
ريهام: واذا كل واحد اتمسك برايه ولا اتنازل ايه هيحصل ؟؟
عيون نسمه وهبه كانت تراقب وهي ترتجي ان الوضع يتصلح بأسرع وقت ..لان وجود امهم مهما كان ضروري حتى لو كانت شديد او حازم او حتى في حياتهم مالهاش دور كبير ..غير اصدار الاوامر والاهتمام بالامور اللي ممكن تأثر على برستيجها ومكانتها ..
سَيار بحزم:اللي يحصل .. هي تئعد عند اخوها ..وانا قاعد في بيتي مع ابني ..
ريهام سكتت بيأس ولفت على اخواتها ..عاوزاهم يتدخلو ..
نسمه: دادي والله احنا ما نقدرش نعيش من غير مامي.
سَيار: انا ما غلطتش في امك ولا قلت لها طلب تعجيزي ..خلي عنادها يخف شوي..
هبه فقدت الامل ..واكيد الاتنين مفيش حد فيهم هيتنازل ..
فتون وابتهال اشفقو عليهم..اه دلوقتي مرتاحين من سالي ولسانها ..بس هي امهم وهما بناتها ...ومالهمش غنى عن بعض مهما كانت قاسيه..
دخل كرم ..وواضح انه ماهدي  لحد اللحظه..
: السلام..
الكل رد السلام.
فتون اتخضت لما دخل ..وفكرته مش راجع لانها حاطه في بالها تحاول تصد عنه في اغلب الاوقات وما تتقابلش معاه..
قعد جنب ابوه وبدون مايبص لحد: بابا...انا روحت للفندق وحجزت الاسبوع الجاي..
سَيار لف عليه بصدمه :فندق ايه ؟؟
كرم وراسه كلها عناد وتحدي: فندق فرحي
سَيار والبنات بعدم تصديق..!!!!!
فتون بصتله بقوه وكأن جبل اطربق على راسها ..الخميس الجاي دخلتها ؟؟؟؟
كرم : بس باقي الكروت بطبعها النهارده ونوزعها ..
سَيار: انت فايق !! ليه مستعجل واحنا بالظروف دي..
كرم وقف: بابا جوازي عاوزه يتم بسرعه ..والتأخير مالوش داعي..
ريهام لحد هنا وخلاص بتنفجر : وليه تعمل كل حاجه بدون ما تاخد راي حد... كرم مش ملاحظ انك بتفكر في نفسك وبس..
كرم انصدم من ردها بس اتجاهله: طيب قدامك اسبوع اظن كفايه ..ومش مطلوب من حد يتعب نفسه انا كلمت مؤسس تنسق القاعه من كله ..وتهتم بالفرح كله يعني مش حتعب حد معاي ..
ريهام: انا مش بقصد التعب بس الحياة مشاركه ..مثلا اخدت راي فتون !!
فتون اختفى الدم من وشها لما وجهت نظرات كرم ليها ..
رد: رايي من راي فتون ..وليه تخالفني ..
ريهام قفلت معاها: كرم معليش بجد النقاش معاك ضايع..
كرم اتنرفز ورفع صوته : فتون احترمي نفسك..
ريهام بأستهزاء: حتى الضعيفه بتدخلها بالحكايه ..انا اسمي ريهام..
كرم اتلجلج ومشعارف يرد يقول ايه .
سَيار وقف :كرم تعال معاي عاوزك
كرم لحق ابوه ..
فتون خلاص بجد خلاص نفسها تصوت تعيط حتي تلطم ...هي امبارح لسه بتستوعب كتب كتابها ينط بفرحها
ريهام ..شكت ان اخوها فيه حاجه ..تصرفاته بجد مش طبيعيه...
هبه ونسمه زاد همهم اضعاف ..جواز اخوهم بدون امهم ازاي بيكون..
ابتهال حاولت تبرر تصرف كرم في اللحظه دي ..وتحط اللوم على حركة فتون معاه الصبح..!!!!
....
في مكتب سَيار
بحده: انا سمحت لك يا كرم تمشي امور كتير..بس حاول تتحكم في نفسك ..شايف وضع البيت عامل ازاي ورايح تتجوز..
كرم اخد نفس : بابا ..انت اكتر شخص عارف سالي انا ايه بالنسبه لها ..ليه اتعب نفسي واضيع وقتي وانا اخر همها ...وبعدين وجودها ما يهمنيش ..
سَيار: بس يهم اخواتك..ويهم الناس..
كرم بثقه: هتحضر الفرح متخافش ..
سَيار: طيب انتبه لفتون ولمشاعرها..انا قلت لك حطها بعيونك وامنتك عليها ..وما شفتش حاجه واحده من الي قولته ابدا .
كرم ارتبك على سيرتها : بابا هي بعيوني والله..بس شايف عماله تعاندي بكل حاجه ..
سَيار رفع عينه عليه: لانك جابرها وانا متأكد..
كرم سكت..
سَيار: على العموم..هتتحمل نتيجة استعجالك لان فتون عنيده طالعه لك.. فا حاول انت اللي تخف عليها لان انت اللي داخل حياتها غلط..
كرم وقف : اطمن."وطلع"
فات على الصاله..
: ريهام تعالي عاوزك..
وطلعوا للجنينه
كرم: تروحي لامك في بيت اخوها وتقولي لها عن ميعاد فرحي..والي  توصليه ليها..ان الناس هتاكل وشنا لو ما حضرتش..
ريهام متعصبه وساكته..
كرم حاول يهديها : ريهام انا عارف ليه انتي متعصبه..
ريهام: مشعارفه هل اصدق كلام الناس عنك..ولا اصدق نفسي واقول ..لا ده اللي تتكلمو عنه مش اخويا!!!!!!!!.
كرم: ومين الناس اللي بتتكلم عني !!
ريهام بسخريه: لا بيهمك قوي من الناس..خليك في الاهم قالوا ايه عنك.. اكتر صفه واضحه عليك الانانيه..وانا بدئت اشوفها بعيني..
كرم عرف مين الناس : فتون صح !! ريهام انا اللي بعمله ما يضرش حد..ولا يأثر عليهم فحاجه..كل اللي عملته اني عاوز اعيش حياتي..
ريهام: وفتون معاك في نفس الحياة..
كرم: ريهام يمكن انتي ما تعرفيش فتون وهي معاي..واحده تانيه..انا شفت الفرق اذا كانت معاك او مع اختها او احتى اخوها..ما تصدقيش قد ايه بغير وانقهر..نفسي يوم تكلمني بهدوء او بحب ...او على الاقل بأحترام.. بحسها عاوزه تعاندني والسلام..
ريهام: البنت مفيش عليها ملامه.انت قدمت لها ايه من مشاعر !! ايه الواضح عليك اتجاهها ..هي متعرفش انك بتحبها زي ما انا ما قدرتش اتخيل واصدق..
كرم: الايام مسيرها تثبت لها..بس انتي ما تفهمينيش غلط ..صدقيني كل اللي بعمله حاليا يتغير بكره..
ريهام: بس بقولك حاجه..الحياة مش خطه تمشي عليها وتطبقها حرفيا..الحياة بتعيش فيها وتمشيها وتمشيك ..
كرم بص للفراغ : ربك يعين.." ونزل راسه" بس اقولك علي حاجه.
ريهام لفت له وبصت في عيونه ..اول مره تشوف النظره دي فيه..
كرم : نفسي باليوم اللي يجمعنا يكون اقرب من كدا .."وبصلها" مش عاوز افوت لحظه وانا مش جنبها "ومشي"
ريهام مش مستوعبه ..كرم يقول كلام زي ده !! او حتى يفضفضها  ..اول مره بتاريخ عمرها كرم يحكي لها عن الي في قلبه لحد وعن فتون ..اول مره لما اعترف لها بحبها..ودلوقتي ما يقدرش يعيش من غيرها.واكتشفت ان اخوها مجنون بفتون..
رجعت جوه عند البنات..تحاول تهون عليهم الوضع..
: يا حلوين..كرم ذكر لي اسبابه في تعجيل الجواز.. محدش يلومه
فتون: وايه كان عذره !!
ريهام: ما اقدرش اقولها...اكيد هو هيقوك عليها بعدين..
فتون سكتت كلمة بعدين معناها لما تكوني مراته ومعاه دايما..
ابتهال : وناوي يعمل ايه ؟؟
هبه: واحنا حنلحق نعمل ولا نخلي.
نسمه:ومامي ؟؟؟
ريهام ابتسمت: الحكايه كلها عندي..متخافوش..دلوقتي نروح لامي ونقولها
هبه : مش هتزعل؟؟
ريهام: لا انا هتفاهم معاها..
نسمه: يالا بسرعه نروح لها..
وطلعوا الثلاثه يبدلو لبسهم..ويرحو لامهم اللي فقدوا وجودها..وان البيت بجد ما يسوى من غيرها..
فتون وابتهال طلعوا للملحق
جانيت مصدومه: شو !! زواجك الاسبوع الجاي !! ما راح تأدري تلحقي على شي..
فتون بملل وهم كبير: ربنا يعني..اذا كان عمي ولا اتكلم أجي انا اتكلم..
ابتهال: تصدقي احلى انه قريب عشان ما تشيليش همه..
فتون : المهم انا فين..بس ليه استعجل عاوزه افهم !!
ابتهال: ما قالت لك ريهام عذره معاه..
فتون مددت على الكنبه وتلعب برجولها: عذره بايخ انا متأكده..
ودخل سامح عليهم..
: السلام..
فتون : وعليكم السلام..سامح ابشرك فرح اختك الاسبوع الجاي..
سامح وقف يستوعب الخبر: اه وماله" وانتبه " ايه جواز مين ؟؟؟؟؟
ابتهال ماتت ضحك: فاهمه صدمتك يا اخويا ما كانتش تقل عن تعابير وشنا قبل شوي..
سامح: لا بجد..ازاي جوازك الاسبوع الجاي ؟؟
فتون: اسأل كرم افندي..جه علينا كدا وقال خبره العظيم بأنه قرر كرم افندي جوزنا الاسبوع الجاي..
سامح بتفكير: اكيد له اسبابه..ولا ازاي يتجوز وامه زعلانه ؟؟
فتون: ماشي سامح ممكن تسأله..
سامح: لالا ..ماليش دعوه ..خليه ياخدك ونخلص ونتوسع هنا ..
وضحكت ابتهال وفتون ضربته..
جات تمارا: فتون هتلبسي فستان ابيض زي امبارح ؟؟
تامر: انا عاوز بدله زي كرم
ابتهال: ههههههه اقسم بالله ماحد فاضي الا انتوا..
فتون اخدت تمارا بحضنها: ياقلبي ع الحلوين..ايوه هلبس فستان كبير..
وسامح شال تامر على كتفه: ليه عاوز تلبس بدله هتتجوز؟؟
تامر: اه..
سامح: بجد !! وهتاخد مين ؟
تامر: هاخد هبه ...ولا بسمه..لانهم حلوين..
ابتهال: هههه لا اسم الله عليه عرف يختار..
سامح نزله: لا ..اختار واحده بس
تامر يفكر: امممم عاوز نسمه..هبه شريره دايما تقرص خدي..
سامح ضحك بصوت عالي: ههههههههههههه بس حلوه صح ؟؟
فتون بصتله مستغربه حماسه..
ابتهال بخبث: اعصابك يا اخويا على احبالك الذهبيه .اعتقد هبه سمعت ضحكتك من الحماس..
سامح اتحرج وفاق لنفسه: ايه دخل هبه دلوقت..انا بضحك على تامر.
ابتهال: من سيره الحبايب بتموت من الضحك..
ابتهال كانت عاوزه تكشف مشاعره هي فعلا تميل لهبه ولا لا؟
سامح : بجد ما عندكيش حكايه..اما اروح اخد لي شور..ينعش
ابتهال : عاوزاك توديني عند مرام وشهد ..متجمعين..
سامح: ليه ما قلتيش من بدري..لسه جاي من عند سامر..
ابتهال: معليش يا اخي العزيز اشوف شهد كان مالها امبارح
سامح: اوكي ..بسرعه البسي
فتون: ليه مالها شهد..؟
ابتهال رفعت كتافها: ولا اعرف ..بس امبارح على اخر الحفله انقلب مزاجها.
فتون : غريبه..روحي شوفي مالها يمكن حد رمى عليها كلمه ولا حاجه..
ابتهال: ايوه هروح..لانها بجد امبارح شغلت لي بالي...