ريماس اللي اتغيرت كتير..وشها مالوش لون وخصوصا انها مجبوره على انها تحضر كتب كتاب حبيبها من عدوتها..
قربت منها هبه: ريمو !
ريماس لفت لها وسلمت بدون نفس: اهلا..
هبه انصدمت منها ومن طريقة سلامها: اهلا بيك ...فينك مابقتش اشوفك..وليه اخدتي ملفك من المدرسه ؟؟
ريماس : والله قلت أغير مدرستي زهقت من دي..وانا لسه عايشه بس ماليش خلق اشوف حد..
هبه: اظن بتصل بيك ما ترديش !!
ريماس: كنت مشغوله..
هبه عقدت حواجبها: ريمو..انا بنت خالك..ماليش دخل في اخوي واختياره وجوازه كله..
ريماس: بس انا حاسه ان ليك علاقه..مش قادره اشوفك وافتكر كرم.
هبه : ريمو اللي انتي بتعمليه مش حب..ده اسمه جنون..
ريماس اتملت عينها دموع واخدت هبه بعيد عن الناس: ايوه جنان انما قلت لك بحب كرم بس ما فهمتينيش..انا ياهبه عاوزه انسى اخوك عملت كل حاجه ممكن تخليني انساه بس ما طلعش من بالي...
هبه سكتت مصدومه..وقفت عند كلمه واحده :تعمل أي حاجه...اي حاجه زي ايه؟؟
ريماس بصتلها بقوه: كل حاجه عملتها..بقيت اطلع مع اللي اعرفهم بشكل جنوني..بقيت اعمل امور ما كنتش بعملها قبل كدا..بس كلها من غير فايده..ع الفاضي
هبه رجعت كام خطوه ورى..مستحيل تصدق ان اللي قدامها بنت عمتها ريماس..اللي اتربوا سوى..ولهم نفس الافكار..وبتعجبهم نفس الاهداف..يمكن لو اياد ضغط عليها معقول تعمل زيها عشان تنسى او تلهي نفسها عن التفكير !!
دمعت عينها: ريمو...انا اتغيرت ..وبقت حياتي احلى..مبقتش احس بهم او غم ولا زهق او ملل..حسيت بالسعاده من ابسط شئ اعمله..
ريماس كشرت : سمعت انك اتغيرتي..ربنا يثبتك..
هبه: وليه ما تتغيريش زي!!
ريماس بحقد: انا ،لما اخلص الموال اللي في دماغي ...
هبه خافت منها ومن نظراتها: وايه الموال؟؟
ريماس: فين امك...ما سلمتش عليها.."وراحت عند سالي وسابت هبه بحيرتها وصدمتها"
ريماس: اهلا يا طنط سالي..
سالي: اهلا ياريمو..فينك مبقتش اشوفك؟؟
ريماس بخجل مصطنع: والله انشغلت شوي...اخبارك انتي ؟.؟
سالي اتنهدت: والله ماشي حالنا..
ريماس وهي بتشوف التجهيزات المصروف عليها واضح التكلفه فيها: شكلك تعبتي من الاستعداد لكتب كتاب كرم..!!
سالي بدون نفس: مش انا..ده كله من كرم..انا قلتله ولا همد ايدي ولا هدخل في اي حاجه تخصه!!!
ريماس انصدمت: كرم هو الي عامل كل ده!!..وعشان بنت معفنه؟؟
سالي بقهر: شفتي ازاي !!ابني انا ياخد بنت غلبانه مقشفه..
ريماس لمعت في راسها فكره : والله محدش يلومك يا طنط..لو انا..مستحيل كنت خليت المهزله دي تتم وعلى كيفهم..
سالي لفت ليها وهي فاهمه ريماس وحركاتها: ازاي امنعه..!!
ريماس: مش بتمنعي كتب الكتاب النهارده..بس فينا ما نخليهاش تتم لهم بكره..
سالي اتحمست: ازاي !؟
ريماس بمكر: انا اقولك يا طنط ده بس من باب المساعده ولا انا ماليش مصلحه في ده ابدا..
>>>>>>>>>>>........>>>>>>>>>>>>
متوتره جدا..وخايفه بنفس الوقت..ونزلت على قلبها غمامة حزن.. اتمنت امها معاها..زي أي بنت فالكون..الفرحه الي دايما تتشاف في عيون الامهات..لما تيجي وتسلم عليك وتبارك لك في اليوم اللي استنته سنين وتعبت عشان تشوف اللحظه دي,,وكمان اتمنت ابوها ..يبارك لها ويديها نصيحه ويدعي لها ويمسح على شعرها بحنان..واتمنت اخر امنيه ان جوزها مايكونش كرم..
دخلت عليها ريهام ومنار..
: ودي عروستنا الحلوه..
منار اول ما شافتها بدئت تسمي. بجد فتون اليوم اسطوره في الجمال..
وبعد ما باركت لها..
فتون بتوتر: فين البنات؟؟
ريهام: تحت عاوزاهم؟؟
فتون : لا ..بس اسأل..
ريهام حطت ايدها على ايد فتون وانصدمت لانها كانت بارده: خايفه !!
فتون ابتسمت بسمه باهته: شوي..
منار تطمنها: خوف طبيعي..بس بعدين تئعدي تفتكري و تضحكي وتقولي يا ريتها تتكرر..
فتون لنفسها " ما اظنش "
>>>>>>>>>>>>>>>>>>>>>>>>>>>>>>>>>>>>>
البارت ٣٠
ابدأ من البداية
