ارواح عارية

بارت ١

البارت ١
اروح عارية..
بقلمي zainab عطر الورد

سجاد ..جالس بمكتبة جكارة بيده صافن ع أوراق الابيده وهو يذكر ذاك اليوم اي انقلبت بيه كل حياته

سجاد..حبيبتي سارة شو بعدج ما محظرة نفسج يلا كلها راحت للعرس عيب اتأخر كلها تخابرني هسة ..
سارة .. حبيبي ما اكدر اروح وياك احس روحي تعبانة ومالي خلك ...
سجاد وهو يباوع لسارة باستغراب لان صبح مابيها شي ..
اجة تقرب يمها وهو يباوعلها بقلق...
بهمس حبيبتي شنو اليوجعج..تعالي اخذج لدكتور..
سارة ..لا حياتي مابيه شي بس دايخة لان تعرف عندي فقر دم ...
سجاد ..ما اكدر اتركج وحدج بلبيت ومحد موجود

سارة وهي تباوعله بحب لمست خدة اتقربت يمه
وطبعت بوسه...
وهو يباوعلها بحب وشوق يعشق كل شي بيها ..
هي مو بس مرته حبيبته وطفلته وام بناته ..
حظنها حيل وهو يهمس الها بكلمات الغزل ...

سارة ..حبيبي لاتخاف علية هسة اخابر سلار وتجي يمي هم مشتاقتلها ونكعد اني وياها نخلص وقت..

سجاد..اني هم ما اتأخر عليج ...يعمري بالج ع نفسج..

وهو يلف بلشماغ ويباوع عليها ما يكدر يوم واحد من دونها هي كلشي بنسبة اله حارب الكل علمود ياخذها اجت بنته الجبيرة العمرها ٥ سنوات ..

ريان..بابا اريد الوح وياك..
سجاد ..وهو شايلها بيده يلوح وعمر بابا ابقي يم ماما مريضة..
ريان ..ما اريد الوح..
سجاد وهو يباوع لسارة ..حبيبي اخذ ريان وياي لاتخافين عليها عماتها هناك موجودات وامي..

سارة بارتباك..لا سجاد عفية كلبي يبقى وراها لاتاخذها..
ريان وهي مدمعة..ما الوح وي بابا ..
سارة..حبيبي لولو ابقي هنا العبي وي دادا وهسة تجي خالتو جايبتلج العاب وحلويات..

سجاد ..خليها تبقى انتي يوم هم مو احس بيج شي ..
سارة ..لا حبي كلشي مابيه يلا اتأخرت..
سجاد..باوع ع ساعة شاف وقت ب٣ ..
أوف اتأخرت هواي ...
رش العطر لبس مناظر موبايله بيده اخذ سويج سيارة طلع قبل لا يوصل لباب وقفته سارة بصوتها وهي اكوله..

حبيبي راح اشتاقلك..
ابتسم وهو يتقرب منها حظنها وضل يشم بيها ...
قابل وين رايح بليل واني يمج...
سارة وهي تباوع لعيون سجاد ابتعدت عنه ...
يلا حبي روح ...

سجاد وهو يطبع بوسة ع خدها راح ...
شغل سيارته ...يحس كلبة مقبوض ما يعرف ليش ..

وصل للعرس هناك كلها موجودة سلم ع الكل ...
راح دخل ع بيت عمه وعماته كلهن يسلمن عليه ويشاقن وياه ...

مياسين ...دخل واني عيني عليه هو ما شافني مر من يمي غمضت عيني حتى أشم عطره اباوع ع كل تفصيل بيه كل شي بيه احبه جان لابس دشداشة
بيضة ولاف الشماغ حزام بيه مسدس ساعته الذهبيه
طول مالته والهيبة كلشي بيه يجبرني احبه ع رغم
اعرف بيه مو اليه ولا بيوم يصير إليه بس كل هذا واني بعدني احبه ...