بعد نص ساعه..
الكل بالمزرعه حاطط ايده على خده وساكت...اتغير الجو...وانقلب الحال..
سَيار لما عرف قلق كتير ولام البنات على انهم ولا سألوا عنها..وليه كل واحد يمشي بالمزرعه مع نفسه.
ريماس: والله الحلوه قدرت تبوظ علينا الرحله وطول الوقت بأحضان كرم..
هبه: مصدقه المسرحيه دي...قلت لكم شحطه محدش صدقني...
تامر يبكي: فتون جايه امتي؟؟
ابتهال تهديه: شوي حبيبي..
تمارا: طولت؟؟
ابتهال: هتيجي اصبروا شوي عشان تيجي بسرعه..
...
فالمستشفى...
الدكتور: شوية سخونيه وهتنخفض ان شاء الله..
كرم: شكرا يا دكتور..
الدكتور: بس يخلص المحلول تقدر تاخدها..
كرم: ان شاء الله..
وقعد كرم ع كرسي جنبها..
وسمعها بتقول كلام مش مفهوم...بس منها..سامح وامها وابوها وساعات تبكي وتبعد شخص عنها..
وكرم متأكد مليون بالميه انه هو المقصود..لانه بالنسبهة لها كابوس عمرها دلوقتي و مستحيل تتقبله..
بعد النص الساعه الباقيه..صحت فتون..شافت كرم قاعد على الكرسي قريب منها شوي وحاطط راسه بين ايديه..
حاولت تفتكر هي ليه هنا ..وكأن فجأه عدت عليها الصور المرعبه بسرعه...غمضت عيونها عاشت الخوف كله في اللحظه دي لوحدها ..والسبب( كرم)
بصوت مجهد: عاوزه ارجع..
كرم رفع راسه فجأه بص في وشها: حاضر هرجعك بس لما يخلص السيروم .
فتون: فين اخواتي.؟
كرم: فالمزرعه..
فتون: رجعني ليهم..
كرم: يخلص المحلول حاضر .
فتون فكت المحلول منها ورمته لدرجه انها جرحت نفسها: قلت لك رجعني ليهم..
كرم طلع برا شوي ..ورجع ومعاه نيرس..معاها ابره مهدئه عطتها غصب بمساعدة ممرضتين ..وماهي الا دقايق وهدت..
فتون الي برضه اتكلمت بتعب: كرم...انت حقير..
كرم اتنهد: قلت لك لما يخلص السيروم...
ونامت..
كرم اللي ما عمره ما حد اتجرء عليه ....جات فتون و شبعته بسيل كلام جارح على قلبه...عطاها قلبه اللي الكل بنت بتحلم تاخد جزء منه بس هي كل يوم والتاني تدوس عليه اكتر واكتر..حاول يوضح لها يبين لها صدته عاملها بكل الاساليب...ولحد الان ما نفعش معاها حاجه ....والحل الاخير القوه...
وفي باله قرار واحد"ماشي يا فتون هتحبيني حتي لو غصب عنك ولا يهمني "
...............................
طبعا رجعوا من المزرعه...والكل طلعو ع بيت سَيار لحد ما ترجع فتون...ويتطمنو عليها..
فتون رجعت بس كانت دايخه..ودخلت الملحق لوحدها وبدون مساعدة كرم...اللي ما عرضش عليها اصلا بس اكتفي انه يبصلها من بعيد..لحد ما دخلت غرفتها..
دخل عليهم داخل القصر..
كرم : السلام عليكم
الكل بصله ووشه الشاحب..وردوا السلام..
ابتهال: فين اختي؟
كرم: في الملحق...انا طالع انام تصبحو على خير..
ريماس:عمى بعينها شوفي ازاي هلكته..
هبه اللي شكت ان كرم بيحبها..مش للدرجه يتعب عشانها..
طلع الكل ما عادا سالي وريماس وهبه.
سالي بحقد: يا ريتها كانت ماتت..
هبه: يا ريت..بس زي القط بسبع ارواح..
....................
ابتهال أأعدت جنبها على السرير: فتون انتي بخير..
فتون هزت راسها: ايوه..
مياده: يا قلب عمتك انتي ما تشوفي شر..
فتون: تسلمي يا عمتي..
نسمه تمسح دموعها: والله خضتينا عليك..
الهام: يا قلبي عليك حمد لله على سلامتك..
ميسره: سلامتك يا روحي..
احلام: سلامتك يا بنتي..
فتون: الله يسلمكم.."ما قدرتش تميز احلام وبنتها بس ما فيهاش حيل تسأل مين دول وغمضت عيونها ونامت من تاني"
مياده: يالا خلونا نطلع ونسيبها ترتاح..ابتهال طمنيني عنها ماشي..
ابتهال: حاضر يا عمتي..
جانيت: انا اجي بكره من بدري اوك..
ابتهال: اوك..
وودعها الكل وخرج
....................................
كرم اللي طلع لغرفته واتفاجأ بوجود ابوه..
سَيار: اخبارها.؟
كرم: بخير..
سَيار: حصلها حاجه؟
كرم قعد على السرير: لا ...بس شكلها سمعت صوت الكلاب وصرخت..
سَيار: لا حول الله ولا قوه الا بالله؟؟؟ليه ما انتبهتوا لها بس
كرم بتعب: وهي دي بتخلي حد ياخد باله منها ع طول ماشاء الله متسبش مجال ولا فرصه..
سَيار: يعني انت زعلتها..
كرم اللي كان يقلع الشوز وقف شوي: لا...ليه؟
سَيار: لاني سالت البنات..كنتوا لوحدكم...وماترجعش لوحدها الا اكيد زعلانه..
كرم رمى الشوز بأهمال وبدء في التاني: لا ..ما زعلتهاش..!!!
سَيار بخبث: بنت عمك وعرضك..عاوزها اتجوزها..
كرم بص لـ ابوه:ايوه عاوز اتجوزها..
سَيار: استني اخوها ...او أتأكد من موافقتها..
كرم اصللا معندوش صبر للحل الاول...والتاني مستحيل..
ورد: اهو بحاول اجيب موافقتها..
سَيار وقف: اذا كدا ماشي...بس يا كرم مفيش حاجه بتيجي قفش ولا غصب.
كرم:عارف..
وطلع سَيار
كرم لنفسه بصوت واطي.... بس للاسف مش هينفع مع بنت اخوك الا كدا !!
.............
سحبت لها كرسي أأعدت قصاد اختها...تسأل نفسها ليه حصل لاختها كدا...هي سابتها سمنه على عسل معاه..ليه النهايه تكون بالشكل المفجع ده.!!
: ربنا يهديك يا فتونه..معرفش ايه هتكون نتيجه نهايه عنادك وغرور كرم..
وحطت راسها على طرف السرير وراحت في غفوه من التعب..
بعد كام ساعه..طلعت شمس تعلن عن بدايه ليوم الجديد..
فتحت عيونها بشويش وحاسه بألم فظيع..وزعت عيونها يمين وشافت اخواتها على سرير ابتهال نايمين..وعلى شمالها ابتهال اللي شكلها سهرانه طول الليل..
نغزتها: ابتهال...ابتهال.
ابتهال فزت بسرعه: ايوه...فتون صحيتي..؟
فتون : ايوه يا قلبي..روحي نامي وارتاحي..
ابتهال مسكت رقبتها الي بتوجعها: واخبارك دلوقتي؟
فتون: تمام.."واتحركت من سريرها عاوزه تروح الحمام "..ايه الي حصل امبارح؟
ابتهال مستغربه سؤالها: ايه الي حصل امبارح!! انتي المفروض تقولي لي ايه الي حصل امبارح.
فتون: انا شفت الموت بعيوني..بس انتوا ايه الي جري معاكم..
ابتهال: روحي للتواليت ولما تخلصي احكيلك كل حاجه.. شويه وخرجت
فتون: وعمي ما سألش عني...
ابتهال تحاول تفتكر: هو اهتم واتعصب وقال ليه سبتوها لوحدها بس تقريبا بعد ما رجعتي
فتون: اها..
ابتهال: الا انتي ليه سبتي كرم ؟؟؟..
فتون واحساس الخوف رجع لها من جديد وكأنها عايشه الموقف حاليا: لانه شخص لا يطاق..
ابتهال: والله حرام عليك..خفي عليه..انا مش شايفه سبب واحد لكرهك له..
فتون بغل: لانه بيعاملك انتي غيري..وبيعاملني انا باسلوب تاني انتي ملاحظه عاوز يجبرني على كل حاجه..ولو قلت لا يقوم الدنيا ويقعدها انا بقي مش ع كيفه ولا بمشي بمزاجه لما يقولي كلمه اقوله سمعا وطاعه..لا يا قلبي انا حرة في نفسي واعمل اللي يعجبني ابوي الي هو ابوي عمره ما اتسلط كدا ولا جبرني ع حاجه وده بيجبرني ع كل حاجه حقير اوف بجد انسان فظيع
ابتهال بصتلها ولنفسها"اسم الله ابوك كان اصلا بيعبرك ..والله شكل مفيش امل تجتمعو مع بعض في يوم من الايام"
..................................
صحى من نومه...وطلع من غرفته بسرعه...وراح لغرفة نسمه دق الباب..
: نسمه...نسمه.
نسمه اللي مستغربه انه جاي لحد عندها وبسرعه فتحت الباب: اهلا كرم "وبصتله من فوق لتحت"...فيك ايه؟؟
كرم انحرج شوي من نفسه: لا..انا تمام قومي خلاص كفايه نوم..
نسمه حطت ايدها على راسه : يعني انت كويس!!! ومصحيني بدري والنهارده يوم خميس!!!
كرم: سيبك من الغلاسه قومي وانزلي بسرعه "ومشي"
نسمه: اوف ماله ده ليه مصحيني بدري...
نزل تحت وطلع للجنينه..بعد ما قال للخدامه تجهز له فنجان قهوه..مازالت بيجامة النوم عليه بس كالعاده النوم مالوش اثر على عيونه..
وصل له فنجان القهوه وبيشربه بهدوء وهو عيونه ع الملحق ..
: بونجور مستر كرم.
كرم لف لها ما اتوقعش انها تيجي ولا اصلن حس بيها: اهلا بونجور..
جانيت اللي كانت لا بسه تشيرت "قميص" اسود كات وعليه جاكيت ابيض وبنطلون اسود..شلحت الجاكيت وحطته على التربيزه مع الشنطه...وأأعدت.. قصص منه محمد
جانيت بدلال: كيفك؟؟
كرم من غير ما يبصلها: تمام..
جانيت انتبهت لعيونه: باين من عيونك مش نايم..سلامات مستر كرم ألئان من شي( قلقان)
كرم اللي بدء يمل..ميحبش أي شخص كان يحشر نفسه بحياته ويكتر عليه اسأله ..
رد: شوية ارهاق..
جانيت حست ان مالوش خلق ليها وقفت: اوك..سلامتك مستر كرم...انا رايحه عند البنات بالاذن..
كرم وقف بسرعه: جانيت!!
جانيت لفت له...
كرم قرب منها : ممكن خدمه..!
جانيت طارت من الفرحه: اكيد مستر كرم انت تأمور..
كرم: عاوزك تدخلي عند البنات تتطمني عليهم وتيجي هنا تطمنيني..
جانيت سكتت للحظه...دلوقت عرفت سبب الارق وسبب ئعدته هنا..
ردت: اوك مش مشكله...من عيوني..عن اذنك "وراحت"
............................
ابتهال اللي كانت شايفه كل حاجه من الشباك..وقفلت الستاره..بغل
: عمى بعينها جانيت دي..تلزق في كرم لزقه مش طبيعيه..
فتون: ليه كرم هنا!
ابتهال : ايوه.."بدءت تلمح لها"..يا قلبي عليه كرم البنات مدلوقين عليه بس هو ماشاء الله مبيديش حد فرصه..
فتون بتهكم : لانه مغرور متكبر..ومين الغبيه اللي ممكن تحبه..تصدقي يا ابتهال انا من دلوقت بترحم علي اللي بتاخده..ونفسي اروح و انصحه بعزوبيه ابديه..
ابتهال: حرام عليك يا فتون والله ده انسان ذوق..
وسمعوا خبط الباب..
ابتهال: وصلت ست الحسن والدلال..."وفتحت لها"
جانيت كان وشها متغير لونه من الكلام اللي سمعته قبل ما تدق الباب: بنجور..
ابتهال: بونجور.."واستنتها تدخل بس مادخلتش"...جانيت ادخلي.
جانيت: اوه سوري...هاي فتون..كيفك اليوم ان شا الله منيحه؟؟
فتون ابتسمت لها: الحمد لله منيحه..
جانيت: لا لا ما شاء الله باين انك تمام..
فتون ابتسمت مجامله: شكرا..
وسمعوا رنة موبايل فتون..وردت ابتهال: اهلا عمتي...يسعد صباحك..
مياده: ازيك يا ابتهال اخبارك...واخبار اختك صحت؟
ابتهال: لا الحمد لله بخير وصحت من بدري
مياده: الحمد لله هاتي فتون أكلمها..
ابتهال مدت الموبايل لفتون: عمتي على الخط..
فتون ردت: اهلا عمتي..ويسعدلي صباحك..
مياده: اخبارك ان شاء الله احسن..
فتون: لا الحمد لله احسن انتي اخبارك؟
مياده: والله قلقنا عليك امبارح...وقعتي قلوبنا..
فتون: هههه كنت عاوزه اشوف مكانتي عندك يا عمتي..
مياده بنبره صادقه: غاليه يا بنت الغالي مش محتاجه تشوفيها..بس متعمليش فينا كدا تاني..
فتون: حاضر و الله يسلمك..ويطول بعمرك..
مياده: ماشي يا قلبي مش حطول عليك وخدي بالك من نفسك..
فتون: حاضر .....مع السلامه..
جانيت وقفت متوتره: شوي بس بالاذن بنات.."وطلعت"
ابتهال: رايحه فين دي؟؟؟..."وراحت للشباك وشافتها رايحه لناحيه كرم كلمته كلمتين وهو وقف ودخل"...عاوزه منه ايه ؟؟
فتون: خير فيه ايه عندك؟
ابتهال قفلت الستاره: ولا حاجه.
ورجعت لهم جانيت..الملحق مره تانيه
...............................
نسمه وهي نازله..
: اهلا كرم صباحو..
كرم بتريقه: بدري جدا مكنتيش نزلتي.
نسمه: اعمل ايه خلصت كام حاجه ونزلت..كنت عاوز ايه؟؟
كرم: كنت عاوزك لكن دلوقتي ميرسي..
نسمه:طيب كان ايه الموضوع؟
كرم وهو ينتظر الاسانسير : خلاص شكرا اتصرفت من غيرك.
نسمه : ايه طيب برضه؟؟؟؟؟؟؟
كرم نفخ : ام الفضول ..."ودخل الاسانسير"
نسمه انقهرت: يعني مصحيني من نومي وفي الاخر ما يقوليش ايه ...اوووف "وطلعت للبنات
.........
فتون بتشرح وتحكلهم : وكنت اسمع اصواتها بس..وفجأه لمحت عيونهم قدامي..وانا في اللحظه دي انشليت وما قدرتش اعمل اي حاجه غير اني صرخت..ماهو صوتي الوحيد سلاحي!!!!!!!
ابتهال متاخده وبرقت عيونها: ايوه وبعدين...!!
نسمه حاطه ايدها على بؤها: ها وايه الي حصل؟
جانيت اللي بالها بعيد ومش معاهم..
فتون: سمعت طلق نار وعلى طول هما جريوا..وظهر بعدها كرم..
نسمه تصقف: واو...كانه اللي في المسلسلات يعني كرم البطل وانتي البطله..
فتون بقرف: بطل وبطلة مين؟؟؟...بقولك انا كنت بموت ودي بتحلم بالحب والهبل..
ابتهال: والله كرم ده رهيب ما شاء الله عليه..
نسمه باعجاب وهي تفتكر كل المواقف اللي مرت عليهم:اخوي كرم حاجه عظمه..وخصوصا في المواقف الصعبه..عشان كدا بابي دايما يعتمد عليه بعكس اخويا التاني..اللي واخد الدنيا لعب..
فتون: عندك اخ تاني؟؟؟؟؟؟؟
نسمه: ايوه بس طول حياته برى..نادر وجوده والصراحه احسن لينا وليكم انه مش موجود هنا..
ابتهال: ليه؟؟
نسمه: اخلاقه صفر..لا بيعرف يتكلم ولا يتصرف ولا يعرف اي حاجه بس يدوس ع الدنيا ويطلع..طبعا عدوه الاول والاخير اخويا كرم...
فتون: حصل بينهم مشكله يعني..؟؟
نسمه: معرفش ايه بالظبط.. بس من ساعه ما وعيت ع الدنيا وهما مشاكل في مشاكل ..
وفجأه اتفتح الباب بقوه..
: يعني لازم عزومه ؟؟
نسمه: عزومه لايه؟؟؟
هبه: على الفطار..يعني على ايه يعني!...بسرعه دادي مستني..وعلي فكره تعبت عشان حاجه ما تسوى خلصوني بقي.
نسمه: فتون..هطلب منهم يجيبو لك فطارك هنا اوك..يالا يا ابتهاك..
ابتهال وقفت ونفسها انسدت من اسلوب هبه..
جانيت: انا راح ظل هون مع فتون..
نسمه: اوك هخليهم يحسبو حسابك..عن اذنكم..
جانيت: اتفضلي..
فتون مددت على الكنبه شوي: اه ضهري بحسه انقسم نصين..
جانيت: فتون...!
فتون: نعم..
جانيت: انتي عايشه هون من زمان..؟
فتون: لا ...ليه؟
جانيت: لانك ما بتعرفي ابن عمك ..اخو كرم..
فتون: لا..انا من كام شهر بس عرفت ان عنده اخ.
جانيت: اها
..........................
العصر..
الكل كانو متجمعين بالصاله..سَيار وسالي والبنات كلهم وجانيت وحتى تامر وتمارا..
هبه ماسكه اللاب بتعها ونازله كتابه ومطنشه العالم..
فتون حاطه ايدها على خدها..نسمه وابتهال مقضينها كلام...وسالي مولعه على اللمه الاسريه دي..
نزل كرم اللي ماحضرش الفطار مستعجل...انصدم لما شاف فتون وابتهال موجودين..
قال: السلام عليكم..
الكل: وعليكم السلام..
كرم: انا رايح ع الشركه..تأمرني بأي حاجه يا بابا.
سَيار: لا سلامتك..
كرم خطف نظره سريعه على فتون اللي واضح انها كانت تصده: طيب سلام "وطلع للشركه"
سَيار وقف: فتون..
فتون اتخضت : نعم..
سَيار : تعالي معاي..
فتون وقفت: حاضر.."وبصت لـ ابتهال مستغربه"
ابتهال ردت لها نفس النظره..
نسمه بهمس: روحي مش هياكلك..
فتون بلعت ريقها ومشت وراه وكان رايح طريقه لمكتبه..
أأعد على الكرسي..
: ادخلي واقفلي الباب..
فتون نفذت اللي قال لها عليه..
سَيار: اقعدي..
قعدت فتون وهي متوتره..ده اول لقاء بينهم من اول ما وصلت..
اتكلم: انشاء الله صحتك تمام..
فتون: لا الحمد لله تمام..
سَيار: الحمد لله...وانتبهي لنفسك مره تانيه..
فتون: حاضر.
سَيار: اسمعي ..اظن جه الوقت اللي لازم نتكلم فيه عني وعنك واخوك و ابوك..وكل واحد يقول للتاني اللي في قلبه..وبكل صراحه...
فتون تتابع كلامه ومستنيه يخلصه للاخر..
سَيار: انا عارف اني غلطت..وغلط كبير..وعارف ماليش مبرر لو شرحت لك مبرري..واصلا مش بتقتنعي بأي كلام هقولهولك.. فا انا هجبلك من الاخر واصحح الغلط..فتون صدقيني انا معملتش الي عملته كره في ابوك بس اتأكدي ان القدر اللي ظلمني و اجبرني اعملو..ودلوقتي بما اني ناوي افتح صفحه جديده هدور علي اخوي واعتذر منه..الانسان ميعرفش امتى يومه..وانا مش عاوز يجي يومي وانا شايل مش ذنوب وبس...لا شايل جبال منها...كل سئ حصل في حياتكم بحس اني المسؤول عنه..من الاول للاخير....عاوز اعتذر منكم واحد واحد..وعاوزكم كلكم تسامحوني من كل قلبكم..وعندي استعداد اعتذر لحد اخر يوم في عمري لحد ما ترضو عني..
فتون دمعت عيونها: اللي عملته شئ مش سهل..
سَيار: انا عارف حجم اللي عملته وعارف عظمته..بس اذا ربنا يتوب علينا ويغفر ويقبل التوبه...ليه الناس ما ترحم..انا دلوقتي مش طالب منك تقولي سامحتك..بس على الاقل فكري بالموضوع ..فتحي اخوي اوعدك ادور عليه واجيبه يعيش معاي..ونعيد حياتنا من اول وجديد..ونمحي الصفحه السوده اللي كانت بحياتنا..
فتون حنت لابوها كتير..مشتاقه له حتى لو ما كان يوم ليهم..محتجاله بعيوبه لو كانت بحجم الجبال..ده ابوها عزوتها وتاج على راسها..
فتون: انت رجع لي ابويا زي ما كان قبل ما تخليه الصاحي المجنون..عاوزك ترجع ابوي وهو عاقل وواعي وعقله معانا..وانا مستعده اسامحك..
سَيار: ان شاء الله أقدر ارجعه ليكم ابوكم اللي اعرفه اخوي شقيقي..
فتون وقفت خلاص هتعيط ولا حابه يشوف دموعها: انا بستأذنك دلوقت "وطلعت"
سَيار سابها تطلع مع انه كان نفسه تتكلم معاه حتي لو هتشتكي كرهاها ليه المهم انها تتكلم وتحكي معاه
البارت23
Start from the beginning
