لا مفر امامي سوي عشقك❤

الفصل الثاني والأربعين"

الفصل الثاني والأربعين"

صباح الخير 💙
ادعولي عندي امتحانات 🙆💔
عاوزه اعرف ابطالكوا المفضلين ♥
I love you, I miss you 😻

كان يتوسط قاعه الاجتماعات وهو يشير نحو اللوحه المعلقه ليردف بجمود : انا كده فهمتكوا كل حاجه وكل الي عاوزه يتنفذ الفتره دي وبسرعه .. محتاج شغل بجد وقتنا قليل ومش عاوز استهتار..

اومآ له الحميع بطاعه ليآمرهم  بالانصراف ..

مسح وجهه بعنف وهو يزفر باختناق وكآن هناك من يضغط عنقه بشده بينما كان مازن يراقبه بتفحص والجميع يتحرك من حوله للخروج امتعضت ملامحه باستغراب وهو ينظر لملامحه المرهقه والمتعبه بشحوب وهو يتحرك ليجلس بآلم ينحر صدره ليفك رابطه عنقه بحركات عنيفه غاضبه..

ليتحدث مازن اخيراً بهدوء : ممكن افهم ف ايه؟!

نظر له حسام بنهيج بسبب سرعه تنفسه وغضبه ليقول بجمود : النهارده رايح اخطب هند هتيجي ولا ؟

رفع مازن حاجبيه باستهزاء وهو يردف بسخريه : لا هاجي معاك مش هضيع فرصه اني اشوفك بتهد حياتك بايدك

اغمض حسام جفونه بغضب وهو يضرب ع الطالوله الزجاجيه الكبيره بعصبيه ويصيح به : مااااازن بلاش اسلوبك المستفز ده انا مش متحمل

: خلاص نتكلم بعقل.. هااا فهمني بتعمل ايه ؟!
بقالك اكتر من أسبوع ومن يوم ما حنين اختفت وانت حالك متشقلب لا انت ولا نسمه بتتكلموا ولما بتتقبلوا بتعاملها ع انها غريبه وحالتك كل يوم بتسوء اكتر والنهارده جاي تقولي هتخطب هند.. ايه الي بيحصل بالظبط ! لا انت راضي تتكلم ولا هي راضيه تتكلم ليه كل ده ؟

ابتلع ريقه والاختناق يزداد وهو ينفي برآسه بضياع ليردف باستسلام : تعبت..  انا بعافر معاها بقالي اكثر من 7 سنين تعبت.. هي مش قادره تتخطي الي حصل مع اهلها بس انا عملت كل حاجه كان ممكن تتعمل وزياده ومفيش فايده مش عارف اشوفها بعيده عني اكتر من كده ولا عارف ابطل امنع الشعور الي جوايا والي كل يوم بيكبر انها تبقي مراتي عاوز قلبي يرتاح وهي نايمه ف حضني طول ما انا سايبها تعمل الي هي عاوزاه وتلعب بقلبي براحتها بتآذينا احنا الاتنين كل ما اقرب منها اكتر احس اني بعيييد بعيد قوي ...

تنهد بارهاق وهو يهتف بسخريه: عارف اوقات بتمني اني مكنتش عرفتها يارتني ما غلط ف العنوان بتاع جاسمين او ياريت بعتنا واحد من الشركه هو الي يروح وانا مشوفتهاش...
عارف لما فتحتلي الباب حسيت عينها سحبت روحي سرقتني غرقت ف بحرها ومن ساعتها مش عارف اطلع ولا عاوز اطلع..
حسيت نفسي اتقطع وانا فاكرها جاسمين وبقول لنفسي مستحيل احب حبيبه صاحب عمري بس انا حبيتها من اول همسه لما عرفت ان العنوان غلط وانها مش جاسمين كنت عاوز ادخل اطلب ايديها واجوزها من غير ما افكر كنت مسحور بيها وكآنها ربطتني لتعويذه حبها للابد
ومكنتش اعرف ان كل ده هيجرالي ع ايديها وانها هتفضل تفاحتي المحرمه دائما وهتوجع قلبي بالشكل ده مكنتش عارف ان جنتها نار ونارها جنه ومكنتش عارف ان عنيها جلادي ..
بس خلاص هي الي اختارت زي ما دائما بتختار والمره دي هتتحمل نتيجه اختيارها.. مش هي عاوزانا اصحاب هنشوف اخر لعبتها إيه ؟!