Journey to Forever

14 love of my life

VINCE’S POV

“What? Are you serious pare? Rules for dating? Kinagat ba naman ni April?” natatawa ako.

“Well pumayag naman siya. Alam mo pare, mga tulad ni April, hindi dapat pinapakawalan.”

“Hindi na yun makakawala. Binabakuran mo na eh. Daig mo pa yung mga guwardiya sibil sa Intramuros.”

Grabe ma-in love itong si Pareng Jayden. Kay April lang yan nabaliw. Dun sa mga naging ex niya, medyo possessive din siya pero hindi ganito katindi. Mukhang hawak niya si April. Nakakatawa. Dati si Jayden yung sumusunod. Ngayon si April naman yung sumusunod sa kanya.

Ako nga pala si Vicente Villena Jr. Vince sa mga friends ko. I am an Architect. My Dad owns an architectural firm at doon ako nagtratrabaho bilang Junior Architect. Best friend ako ni Jayden at parte ng isang malaking barkada. Madalas naman kami magkita pero minsan lang makumpleto. Kung ako yung tahimik lang at sports-minded, itong si Jayden ang numero-unong chick magnet. Dalawa sila ni Patrick na ganyan. Pero mas matindi ang charms nitong si Castro.

“Bilib na talga ako sa’yo pare. Ang tindi mo manligaw.” Tinapik ko si Jayden sa balikat.

“Pare, matagal ko nang gusto si April di ba? Kaya gagawin ko ang lahat para mahalin niya rin ako. Kaya dapat ikaw din. Nasaan na yung ‘da moves’ ng isang Vicente Villena?”

“Ano bang ‘da moves’ ang sinasabi mo? Siyempre on the process pa.”

Buti pa itong is Jayden, mukhang nagkakalinaw na ang love life, yung sa akin malabo pa rin. Ikaw kaya ang ma-in love sa isang Belinda Soberano?

May pagka-boyish kasi si Billie. Maganda siya actually, pang beauty queen yung height at pang-bikini open naman yung stats niya. Kaso yung mga trip niya, napaka-out of this world. Hindi yung mga tipo niyang babae yung mahihilig sa mga panlalaking laro or hobby pero ganun siya.

Mabait naman siya sa akin. Yun nga lang, medyo mahirap siya ligawan. Hindi lang pala “medyo” kundi mahirap talaga siyang ligawan. Ayaw niya ng bulaklak. Mas gusto niya na manood kami ng basketball games sa Araneta or MOA Arena. Pag dumadalaw ako sa kanya, pizza or burger lang ang dinadala ko. Yun lang naman kasi ang gusto niya. Madalas kaming maglaro ng PSP / Xbox. Minsan naglalaro din kami ng basketball sa garden nila. Naiisip ko nga, hindi kaya gusto lang ako ni Billie dahil captain ball ako ng varsity team ng school dati? Pakiramdam ko nga sarili ko yung nililigawan ko.

Kapag tinetext ko siya, madalas one-liner lang reply niya. Minsan hindi pa mag-rereply. Sinubukan ko siyang yayain mag-mall, tumanggi siya. We end up strolling sa mini-park ng village.

Minsan gusto ko nang mag-give-up. Kaso pag naiisip at nakikita ko yung mga ngiti niya, bigla na lang nawawala lahat yung alinlangan ko. Mas lalo ko siyang nagugustuhan at minamahal.

Kasama ko ngayon itong si Jayden mag-basketball, member din siya noon ng varsity team. Masaya ako dahil naka-recover na siya. Nakabuti din yung presence ni April dahil nakalimutan na ni Jayden si Gail.

Nag-pra-practice shooting si Jayden nung mag-ring ang phone ko. Nagulat ako nung mabasa ko yung message. Si Billie.

Fr: Billie

Hi Vince. Hang-out naman tayo sa bahay. Di ka na dumadalaw ah.

Hahaha. Mukhang effective yung plano ni Patrick. Sinabi ko kasi sa kanya na parang alanganin pa rin ako kay Billie. Sabi niya, i-try ko daw magpa-miss. Yun nga yung ginawa ko.  Ilang araw na akong hindi nagpapakita sa kanya. Tiniis kong huwag siyang puntahan. Ang sabi pa ni Patrick, hahabulin daw ako ni Billie. Parang gusto ko tuloy halikan si Patrick sa sobrang tuwa ko.

Nireplyan ko si Billie.

To: Billie

Sorry di ako pwede ngayon. May kailangan kasi akong i-meet sa Makati.

Sorry for the white lie pero gusto ko lang i-test yung sinasabi ni Patrick. Wala pang 1 minute nag-reply agad si Billie

Fr: Billie

Babae ba yan?

Hahaha. Nagseselos si Billie ko. Sinungaling na kung sinungaling. Ngayon lang naman po ito Lord.

To: Billie

Yes. New Client.

Ambilis niya magreply.

Fr: Billie

Pwede ba ako sumama?

To: Billie

Sorry. Out of the way na kung dadaanan pa kita. Male-late ako.

Kulang na lang talaga, maluha ako sa kakatawa. Mukhang hinahanap-hanap ni Billie yung pangungulit ko. Daig ko pa yung nanalo sa lotto eh. Ansaya ko!