معاناة الصقر بقلم أمل الهواري

الثامن

#رواية_معاناة_الصقر

#بقلمي_أمل_الهواري

الفصل الثامن
¤¤¤¤¤¤

بمنزل عمر صديق سامر بعد عودتهم من مراسم العزاء

صُعق مما أخبره به والده عن تحاليل سامر

عمر بذهول :- مستحيل سامر عمره ما كان ليه في سكة المخدرات ، عاش طول عمره بيخاف ربنا والحمد لله مات علي الشهاده ، هو بس الفتره الأخيره كان بيشتكي من الصداع

الدكتور وليد وقد بدي الأسي علي وجهه :- الأشعه اللي عملناه ليه علي أكدت إنه كان عنده ورم في المخ

جلس عمر علي المقعد بإهمال :- الله يرحمك ياسامر ربنا إختارك مكنش كاتب إنك تتعذب

بس موضوع المخدرات دا أنا شاكك فيه ، سامر صديق عمري وأنا لا يمكن أصدق عليه حاجه زي دي

جلس عمر يفكر فيما يجب فعله ظل شارداً بعض الوقت ثم قام توضأ وقرأ علي روح صديقه الفاتحه وجزأً من القرآن الكريم ...... 

♧♧♧♧♧♧

  بمنزل وعد

ظلت بحالة صدمه شديده منذ عودتها من المشفي فموت سامر جعلها بحاله يرثي لها....

لاحظت جدتها انها علي غير عادتها ليست وعد المرحه التي إعتادت عليها

دلفت فاطمه إليها دون أن تطرق الباب كعادتها وجدت وعد تجلس علي الارض تبكي بشده

هرولت بخوف تجاهها ثم جثت بجانبها ومسدت علي شعرها وبحنان أم أردفت :-  مالك يا حبيبتي بتعيطي ليه إنتي من أول ما دخلتي الشقه وأنا حاسه إنك مخبيه عني حاجه

رفعت رأسه من علي ركبتيها ونظرت إلي جدتها بأعين حمراء متورمه:- سامر مات ياتيته مات مات

إحتضنتها جدتها بشده وتحدثت بأسي :- الله يرحمه ربنا يصبر أهله ويجعل مأواه الجنه

هنا لعب الشيطان دوره بأفكارها فأردفت :- أنا السبب أنا اللي وشي شؤم عليه ياريته ما عرفني كان زمانه عايش ومتهني بشبابه أنا نحس ..

فاطمه بحزن :- إستغفرالله العظيم ليه كدا ياوعد هتعترضي علي أمر ربنا لكل أجلٍ كتاب يابنتي ، وكل واحد فينا ليه وقته وسامر الله يرحمه جه وقته ومسبش من عمره دقيقه ، مهما كان سبب وفاته هو دا عمره يابنتي

وعد ببكاء وهي تتشبث بأحضان جدتها:- ليه الدنيا إستكترت عليا إني أعيش مع إنسان بيحبني وهيعوضني عن كل اللي شوفته بحياتي

فاطمه وهي تمسد علي رأسها :- ليه الكلام دا يابنتي إستغفري ربنا وإدعيله بالرحمه ، وكل ما تفتكريه إقرأِ  قرآن والفاتحه علي روحه

وعد بتنهيده طويله :- ااااااه الله يرحمك ياسامر صورته مش قادره تروح من دماغي وصوته بتردد في وداني بأخر كلام ليه قبل الشهاده