دخلت بسرعه على أوضتها وقفلت الباب وراها ... بدأت تاخد نفسها بإنتظام ، ومش مستوعبه إللى حصل...كانت حاسه إنها ضعيفه جدا وهى معاه، مكانتش قادره تفسر ليه بيحصل معاها كده إستغفرت ربنا كذا مرة، وبدأت تاخد كتبها عشان تنزل للكليه...بمرور الوقت نزلت من الأوضه وخرجت من القصر..لمحها وهى خارجه من القصر وهو بيبدأ سواقه..قرر إنه يناديها...
سيف بصوت مسموع:"رقيه."
عيونها جات عليه وقربت نحيته بتوتر...
رقيه:"نعم؟"
سيف:"تعالى إركبى معايا أنا هوصلك."
رقيه:"بس حضرتك متأخر."
سيف:"مش إنتى فى جامعة القاهره برده؟"
رقيه:"اه بس مش فى الجامعه نفسها ، أنا الكليه بتاعتى محدوفه فى البحوث عند المترو يعنى."
سيف بذهول:"إيه!! محدوفه!"
رقيه:"قصدى يعنى منفصله عن الجامعه."
سيف بإستيعاب:"اااه ، طب إركبى هى قريبه منى برده."
ركبت العربيه وهو بدأ يتحرك ووراه عربيات الحرس...
كانت قاعده بتبص للطريق وسرحانه فيه قطع تفكيرها رنة موبايلها...بلعت ريقها بتوتر لما شافت إسم "أحمد" قررت ترد...سيف كان متابعها بطرف عيونه...
رقيه:"ألو."
أحمد:"صباح الخير ياحبيبتى."
رقيه:"صباح النور."
أحمد:"أخبارك إيه؟"
رقيه وهى بتحاول تقفل معاه:"يعنى مشغوله شويتين رايحه الكليه."
أحمد:"كويس ربنا معاكى ، هانت."
عيونها جات فى عيون سيف للحظه...
رقيه بتوتر وهى بتبص فى عيونه:"طب سلام دلوقتى."
أحمد:"أ......."
قفلت المكالمه من غير ماتستنى رد منه...
سيف بإستفسار مع إنشغال:"خير فى حاجه ولا إيه؟"
رقيه بتوتر:"لا مافيش ، ده أخويا كان بيتطمن عليا."
سيف:"أها، هو أخوكى كده دايما بيتصل علطول؟"
رقيه بحزن لكذبها وهى بتبص للطريق:"أيوه."
سيف بإبتسامه خفيفه:"ربنا يخليكم لبعض."
قررت تغير الموضوع...
رقيه:"بس غريبه."
سيف بإستفسار:"غريبه إيه؟"
رقيه:"يعنى ، حضرتك حواليك حُراس كتير بس بتسوق العربيه بنفسك يعنى مافيش سواق."
سيف بشرود:"عادى بحب أنا إللى أسوق ، مش يمكن الموت ياخدنى فى يوم من الأيام؟"
أنت تقرأ
أنتَِ نورى (تم التعديل)
Romanceفتاة مسكينه مغتربه ، تبحث عن عمل وسكن لها ، وعندما وجدت الفرصه المناسبه ، ذهبت سريعا لها ... كذبت دون أن تشعر... كذبة غيرت مجرى حياتها.... عينيه سحبتها إلى دنيا الخيال... أحبته ، أحبها بشده...ولكن! إذا إكتشف كذبها ماذا سيحدث؟؟ وماذا سيحدث لها إن عل...
