أنتَِ نورى (تم التعديل)

الفصل الثالث والثلاثون

حاول يقاوم بصعوبه إنه يخرج من قبضتهم معرفش ، وفى نفس الوقت صراخ رقيه إللى بتحاول تتفادى الشخص إللى بيحاول يغتصبها بيكسره أكتر...

رقيه بصراخ مع دموع:"لااا."

غضبه زاد بشده ، حرك رجله الشمال بقوه إللى كانت قريبه من رجل الحارس كعبله ووقعه على الأرض ، وبسرعه ضرب الحارس التانى إللى ماسكه ، أخد من الحارس مسدسه وقتل بيه كل الحراس إللى حوالين هادى ، .. راح للى كان بيحاول يغتصبها وبدأ يضرب فيه بكل غضب ، هادى إنتهز الفرصه بإنه يهرب وسيف مشغول ، كان متخيل شكلها وهى مازالت بتصرخ والحارس إللى بيضربه بيحاول يقرب منها ، أخد السكينه إللى كان دبح بيها واحد من الحراس ودبحه بيها هو كمان ، دور على هادى بعينيه إللى كلها شهر ملقاهوش وبعدها جات على رقيه إللى بتعيط إتحولت ملامحه كلها للحزن الشديد...قرب منها بخوف وقلق ، قلع الجاكت إللى كان لابسه ولبسهولها وقفل الزراير بتاعته وده لإن كل هدومها كانت مقطعه ماعدا الملابس الداخليه ، حمد ربنا إن الحارس مالحقش يلمسها وفى نفس الوقت نزلت دمعه من عينيه بسبب بكائها إللى قطع قلبه وكسره مليون حته...

سيف:"إهدى ياحبيبتى ، أنا آسف حقك عليا ، صدقينى ماحدش هيقدر يقرب منك طول مانا عايش ، مستحيل أسيب حد يقرب منك."

حضنها بقوه وهى حضنته بقوه ، وفى نفس الوقت بتبكى بشهقات عاليه ، بعد عنها ومسح دموعها...

سيف وهو بيبص فى عينيها:"أنا هقتل أى حد يفكر يقرب منك."

فى نفس الوقت سمعت صوت طلقات ناريه حوالين المكان ، إتنفضت فى مكانها وهو بدأ يهديها...

سيف:"ماتقلقيش ياحبيبتى ، دول البوليس بيقوموا بشغلهم ، أنا آسف يارقيه ، أنا آسف إنى خليتك تعيشى كل ده."

رقيه فى وسط دموعها:"أنا إللى آسفه مكنش ينفع أخرج من القصر."

سيف كان بيحاول يهديها فقرر يشغلها عن اللي بيحصل بره .. باسها من راسها بعمق وبعدها بدأ يتكلم
سيف وهو بيبص في عينيها بحب:"بحبك...وهنتجوز ... وهتبقى أم لمليكه.... وهنخلف أولاد وبنات كتير ...هنبنى عيله كبيره...أنا وإنتى هنبقى أحلى زوجين...هنبقى أحلى أب وأم ...موافقه على كده؟"

هزت راسها بالموافقه وهى تحت تأثير الصدمة من إللي بيحصل حواليها متناسية كل إللى بيحصل فى حياتها...إبتسم بحب ليها وشالها بين إيديه وخرج من الأوضه ، لما خرجوا من المكان المهجور لقى البوليس بيكلبشوا هادى بالكلابشات ، نزلها على الأرض ...

سيف:"ثوانى وراجعلك."

راح لهادى ولكمه بكل قوته...

؟؟:"سيف بيه ، لو حضرتك إتماديت أكتر من كده هنضطر نقبض عليك."

سيف وهو بيمسك هادى من اللياقه بتاعته متجاهلا كلام الظابط:"عرض حلو صح؟"

إداله بالروصيه فى دماغه ولكمه بكل قوه من تانى ، ونزل ضرب فيه ، كل الظباط حاولوا يبعدوه عنه بس معرفوش.....