قلبي تولع بحبك يا بعد عيني

البارت السادس والعشرون

‏وإن رأيتني أبكي يا الله أحضن قلبي بأمانك، وإن رأيتني أخوض بين ألمي؛ صبّرني وذكّرني أن الصّبر جميل"💛".

....

خذيت من مر الزمن ما كفاني

وعطيت غيري كثر ما كنت محتاج

بغيت لي حاجه وحظي عصاني

من عقبها صديت منعـآ للاحـراج

.......

عند ندى وروان

بعد ما خلصوا خلطتهم ( الماي والصابون ههههه ) صاروا يناظروا بعض وبعدها انفجروا ضحك وهم بتخيلون البنات ينزلقون .... جلسوا يفكرون بالكلام اللي بيقولونه للبنات

روان : شرايك نقول الحقوا ندى طاحت من الطابق الثاني

ندى وهي تشاهق وتضربها على كتفها : مجنونه انتي ... بسم الله علي ... لا كذا بيخافون زياده

روان وهي تفكر : اجل شنو

ندى بابتسامه : عندي ... اسمعي نروح انا وانتي ونخبرهم سيارة الايسكريم برا ... يووه ايام زمان اخر مره جات لما كان عمري ١٢

روان وهي تتذكر : هههه ايه اذكر ولما ضربتك خالتو لمياء لانك كثرتي من الايسكريم

ندى وهي تناظرها باحتقار : انتي شلون ما تنسين هذي الاشياء

روان بغرور : احمم واذا تبين معاي ذكريات اكثر لما ضربـ...

ندى وهي تخلي ايديها على فمها : بالله تسكتين ... امشي ( وهي تتذكر ) ايه صح وين الكاميرا

روان وهي تاشر على الكاميرا : هذي ... لا تخافين مكانها حلوو مافي احد يشوفها

ندى بحماس : اجل امشي

روان راحت وشغلت الكاميرا وراحت ورا ندى عشان ينفذون الخطه

....

عند خالد وفيصل

خالد وهو يسوق السياره : اسمع انا الحين كلمت ميهاف وخذيت لك طريق

فيصل وهو يلتفت يناظره : ليش انت وين بتروح

خالد : معاي شغله ضروريه بس لما ارجع ابي اسولف معاك عشان ملاك

فيصل : طيب

.....

ندى وروان وهم يدخلون بدفاشه : الحقوا

رتاج وحلا وميهاف وهم يناظرون بخوف : بسم الله ايش صار

ندى كانت تبي تضحك على اشكالهن المخترعه : سيارة الايسكريم برا

البنات بفرح : جد

روان : ايه اخلصوا الحين بتروح

رتاج وحلا وميهاف وهم يركضون يلبسون العبايا ويتلثمون

ندى وروان راحوا يلبسون العبايا ويتلثمون عشان لا يشكون بالسالفه 

طبعا رتاج وحلا وميهاف كانوا يركضون للباب الرئيسي عشان يطلعون ... لكن كل وحده زلقت من جهه وهم يصارخون ... رتاج كانت تبي تقوم لكن زلقت مره ثانيه