قلبي تولع بحبك يا بعد عيني

البارت الثامن عشر

‏اللهُم اجعلنا من عبادك الذين يسعى نُورهم بين أيديهم ولا خوفٌ عليهم ولا هُم يحزنون💙.

......

ترى القصايد مابرت جــرح مغليك
وماهو فخر لا قالو الناس شـــــاعر

اكبر فخـــر لا جيت محتــاج وابيك
ضميتني بإحسـاس وحب ومشاعر

......

لما رجعوا البيت تفاجوا من الزينه والاحتفال اللي صاير ف البيت

محمد بفرح : وااو هذي المفاجاه لي ؟

ميهاف وهي تقرصه على خده : ومنو غيرك ... الحمدلله على السلامه

ندى راحت وشالته وباسته على خدوده : شنو رايك بالمفاجاه

محمد بفرح : عجبتني كثييير

ملاك راحت وباست راس حصه ولمياء : شلونك يمه ... شلونك خالتي

حصه : احنا طيبين يا بنتي

لمياء : شلونك انتي

ملاك وهي متفاجاه : الحمدلله بخير ... ليش كذا تعبوون انفسكم ماله داعي لهذا الشي يكفي وجودكم قدام عيوني وانتوا بخير ( ونزلن دموعها )

ميهاف راحت وحضنتها : لا تبكين يا قلبي ... احنا الحين اهلك وبعدين هذي حفله بسيطه لحموودي

ندى : يكفي دراما ... والحين تعالوا نقطع الجاتوو

راحت ملاك وجلست جنب محمد ومسكت ايده وقطعوا الكيكه والباقي يصفقوون والابتسامه ما فارقتهم ... ملاك وزعت الكيكه على الجميع ... شافت الكل منشغل وتذكرت خالد اللي جالس ف غرفة الضيوف اخذت قطعه من الكيكه وعصير وراحت عند خالد وضربت الباب لما سمعت صوته دخلت وهي منحرجه من الموقف اللي صار قبل شوي ف السياره ... قربت وخلت الكيكه والعصير على الطاوله اللي قدامه ... خالد لما شافها ابتسم

ملاك : هذا لك

خالد : مشكوره

ملاك : لا انت اللي مشكور ... ما ادري كيف ارد لكم الجميل انت واهلك ... الصراحه اللي سويتوه ما يسوه اهلي

خالد وهو منزل راسه : اهلي هم اهلك ... واحنا ما سوينا شي ... ولو سمحتي ما اريد اسمع هالكلام مره ثانيه

ملاك ابتسمت : طيب ... بالعافيه ( وكانت تبي تروح لكن وقفت لما سمعت صوت خالد يناديها )

خالد : ملاك

ملاك : نعم

خالد : الله ينعم عليك ... لاهنتي ناديلي هيام

ملاك باستغراب : هيام ؟!!!!

خالد : ايه ناديها

ملاك : بس هيام مو موجوده

خالد رفع انظاره : نعم

ملاك : ايه مو هنا

خالد وهو يخفي عصبيته : طيب ناديلي ميهاف