قلبي تولع بحبك يا بعد عيني

البارت الرابع والعشرون

اسفه 😢

الاختبارات اشغلتني عن الروايه
اتمنى تسامحوني 😪🥺

‏"اسْتَقْبِلُوا أقْدَاركم بنفسٍ راضية
‏فاللهُ يعلمُ وأنتم لا تعلمون" ❤

.....

أغار لو تنطق لغيري بالسلام
‏حتى سلامك، للمخاليق ....أملكه
‏
‏صوتك وحكيك والممازح والكلام
‏ملكي ومن حقي أصون المملكه

......

خالد بكذب : يمه انا تواصلت عند عمها وقال أخبارها تمام

حصه براحه : عسى الله يدووم الصحة والعافية عليها

خالد وهو يفكر شلون يدبر الفلوس : امين يالغاليه ( وقف وباس راسها ) بروح يمه الغرفه تبين شي

حصه بحب : ما ابي غير تعيش بسلامه انت وخواتك

خالد : بوجودك يالغاليه ( وراح )

دخل الغرفه وشاف الهدوء فيها ... كان يدورها فكل مكان لكن ما حصلها زادت عصبيته وعرف انها طلعت بدون اذنه  ... اتصل على البنك يشوف كم رصيده وكان مليون فقط ... الحين من وين ادبر الفلوس ... دق الجرس وعرف انه عمه علي وعياله جايين ... بدل ملابسه ولبس بنطلون جينز بيج مع بلوزه بيضا ... نزل وسلم على عمه وباس راسه ولعدها سلم على فيصل

خالد : تو ما نور المكان

علي : منور باهله يالغالي

فيصل : عاد تدري اني مشتاقلك

خالد ابتسم : اخلص شتبي

فيصل وهو يضربه على كتفه : يعني لما اشتاقلك اكون ابغى شي

خالد : عشرة عمر

فيصل وهو يخلي ايده على كتف خالد : ابي اركب الفرس

خالد بانفعال : فيصل لا تتهور وتركب

فيصل خاف من انفعاله : ليش

خالد : قوي وبعدين يبيله وقت عشان يتعود عليك

علي : فيصل اعقل واجهد

فيصل وهو يلوي بوزه : فهمت

علي : خالد لا هنت نبي نسلم على الحريم

خالد وهو يطلع جواله من جيب البنطلون : على امرك يا عم

ميهاف وهي ترد : هلا خالد

خالد : ميهاف عمي وفيصل يريدوا يسلموا عليكم

ميهاف ابتسمت بخجل لما سمعت صوت فيصل : تيب خلهم يدخلون

خالد : اوك ( وقفل الجوال )

فيصل من سمع اسمها ابتسم ( يوووه وش كثر مشتاقلك يا مجنونه )

خالد : تفضلوا حياكم

لما دخلوا سلموا على حصه : شخبارك ابو فيصل