قلبي تولع بحبك يا بعد عيني

البارت الرابع

إن الله يُنبت من بين شروخ الارض زهراً لاتيأسِي.

........

لا شفت طلتــــك ياصاف الجبين
فقدت عقلــــي وجريت اللحـــون

يجينــــي اللـي يجــــي المطفلين
لاشافــــوا الكاميــــره والمكرفون

..........

الجامعه

مثل العاده كل البنات منجنات عليه .... ملاك كانت تكتب كل شي ف الدفتر .... رفع انظاره وتصوبت عليها ... كان يريد يعرف اذا هي نفس البنت اللي امس .... قال بصوت عالي

خالد : لو سمحتي

الكل انتبه ورفعوا انظارهم ... توترت ملاك لما شافت انظاره عليه : نعم

خالد عرف انها هي نفس البنت اللي امس : ابيك تعملين تقرير على هذا الموضوع

ملاك استغربت ... لكن فرحت عشان ترفع درجاتها اكثر ... ابتسمت وقالت : طيب

خالد : ابيه بكرا

ملاك : تيب

خالد : انتهت المحاضرة... اتمنى الكل ينتبه ... الاختبارات على الابواب ... اي سؤال ما فهمتوا اتمنى تخبروني .... وان شاء الله درجات حلوه للجميع

الكل : امييين

خرج خالد من الكلاس ... ملاك كانت تشيل اغراضها عشان تخرج ... لما رفعت عيونها انصدمت لما شافت شلة نجود

نجود : والله وتطورنا

ملاك عقدت حواجبها وباستغراب : ايش فيه ؟!

منى من الشله : ليش بالذات طلب منك الدكتور خالد تعملي التقرير

نجود وهي تمسك كتف ملاك وتهزها : احذرك انك تبعدين عن الدكتور خالد

ملاك وهي تدفها : لو سمحتي عن الغلط

نجود وهي تعطيها ظهرها : انا حذرتك والباقي عليك
( وطلعوا )

ملاك وهي تحمد الله : الحمدلله والشكر ... ما اقول غير الله يهديكن ( حملت اغراضها وطلعت )

.......

العصر

ندى : يمه بروح عند صديقاتي

لمياء : انتي ابد ما تجلسين ف البيت ... يا حبك للطلعه

ندى : يمه تكفين

لمياء : طيب بس مو تطولين

ندى قامت وباست امها فخدها بقوه : احبك

لمياء وهي تدف ندى : وجعع خنقتيني ... لو ادري كذا بيصير ما وافقت

ندى : بااي بروح اجهز قبل لا تغيرين رايك

.......

ملاك كانت تعمل التقرير باجتهاد ... دخلت امها وهي حامله كاس العصير