قلبي تولع بحبك يا بعد عيني

البارت التاسع عشر

‏وأسألك برحمتِك، أن تُمطر روحي كلما جفّت، وأن تجعلني أشعر بالحَياة وهي تسري بداخلي بخفّة الطير، وأن تغمر قلبي بالرّضا والطمأنينة💙.

......

‏الله عليـك شـلون فيني تكــوّنـت
‏سوّيت فيني شي ما كان فينـي

‏ولخاطرك ما أشوف بالناس إلا أنت
‏يا إحساس يكبر كل لحظه بعـيني

......

لما رجعوا البيت شافوا الكل متجمع والابتسامه ما فارقتهم ... طبعا هيام كانت تنتظر هاللحظه من زمان اللي خالد يكون جنبها ويدلعها قدام الكل ... الكل استغرب وش فيهم ساكتين والابتسامه على شفاهتهم

خالد : السلام عليكم

الكل وهم يحتقرون هيام اللي ما سلمت : وعليكم السلام

هيام بدلع : خالد خبرهم

خالد وهو يناظر الكل والابتسامه ما فارقته : بصير ابو ان شاء الله

العايله كلها انصدمت ... بس بعدين ناظروا خالد اللي كان مستانس فحبوا يكونوا معه قام الكل وهناه وهم يتصنعوا الابتسامه عشان خالد ... هيام استغربت من ابتسامتهم اللي تدل على ان الخبر فرحهم

خالد : الله يبارك فيكم

ميهاف : وااي واخيرا بصير عمه

ندى : واخيرا بيبي صغير بيكون ف بيتنا

حصه كانت تبي حفيد لكن مو من هيام : الله يبلغنا شوفته

الكل : امين

هيام بدلع : حبيبي انا مررره تعبانه بروح للغرفه

ميهاف بصوت منخفض ما تسمعه الا ندى : الله يصبرنا بس

خالد : ايه حبيبتي روحي ارتاحي انا عندي مشوار

هيام بغرور : لا تتاخر يا قلبي مقدر على فرقاك

خالد وهو مستحي قدام اهله : خلاص هيام روحي للغرفه

هيام وهي تبوسه على خده : تييب حبيبي ( وراحت )

خالد ابتسم وهو منحرج : انا بعد استاذنكم

لمياء : اذنك معاك

حصه : انتبه ف الطريق ولا تسرع يا ولدي

خالد وهو ياشر على عيونه : من عيوني ... مع السلامه ( وراح )

ميهاف : تصدقون حريم انا بس فرحت عشان خالد

حصه : يا حبيبي شفتوا شلون فرحان

ندى : كان ودنا بيبي بس مو من هيام

لمياء : اهم شي لا تبينوا انكم منزعجين .... والبيبي ان شاء الله ما ياخذ من اطباع امه

حصه : وهذا اللي بيصير

قامت ندى وهي تقلد هيام وهي تمشي وايدها ورا ظهرها : وااي حبيبي انا بروح ارتاح