قلبي تولع بحبك يا بعد عيني

البارت العاشر

في ودائع الله قلبي،روحي،حلمي، في ودائع الله كل الاشياء التي احبها وتحبني

.......

‏جيتك وانا فيني من الشوق بركان
جيتك وانا بعض الغلا مقدر احكيه

جيتك وكاني صغير محتاج لحضان
يفداك قلبي يا اغلى من سكن فيـــه

......

الكل كان ياكل وسوالف وضحك بالمختصر جلستهم كانت وناسه ... ملاك نست همومها بمجرد جلست معهم

حصه : يا بنت خلاص

ندى : اخر نكته اسمعوا ...
سعودي محكوم عليه بالاعدام شنقاً وهم شانقينه شافوه يأشر بيده
نزلوه وقالوا له وش تريد ؟

قال : الله ياخذكم بغيت اموت

_^ القاضي توفى من الصدمه !
😂😂😂😂😂😂😂🤦‍♀

الكل : هههههههههههههههههه

عند الرجال

فيصل وهو يسمع الحريم ضحكتهم : الصراحه الحريم فله ... يبه عادي اروح معاهم

علي : قبل لا تروح معاهم احمل الصحون وغسلهم

فيصل انصدم : انا

علي : مو انت تقول تبي تروح عند الحريم

فيصل فهم عليه : خلاص هونت

خالد انفجر من الضحك لما فهم على عمه : ههههههه ضبطتها يا عمي

علي : ههههه ... ( والتفت لمحمد ) ليش ما تاكل يا محمد

محمد وهو يناظره : ابي امي

الكل انصدم من طلبه ... خالد وهو يحاوط كتفه : ادعي لها يا محمد قول الله يرحمها

محمد : ابيها تكفى ... لك اللي تبيه بس عطني امي

الكل حزن عليه ... فيصل بمرح : شرايك بكرا نركب الدراجات

محمد بفرح : جد

فيصل ابتسم : ايه جد

محمد وهو يوقف :اجل بروح اعطي خبر لملاك يمكن ما توافق

علي : رووح حبيبي

راح محمد وهو يناقز من الفرحه ... راح جنب ملاك وهو يهمس باذنها

ملاك : ايه موافقه بس لازم احد يكون معاك

محمد وقف بفرح : بيكون معاي عمي فيصل او عمي خالد

ملاك ابتسمت لفرحه :/خلاص اجل غسل ايدك وروح نام

محمد : اوك ( وراح )

كملوا سوالفهم بحماس .... بعد العشا الكل صلى العشاء والبنات كانوا نعسانين لانهم ما ناموا غير شوي ... الكل دخل ينام بخيمته

خيمة البنات

روان : بنات شرايكم بكرا نركب الدبابات

ندى : الصراحه انتي ام الافكار