أخي الغيور

﮼البارت،الثلاثون

: حجه عزام وهو يحاول تكون نبرته طبيعية ، شبيك يول شكشفت

: جايبين سمچ تتغدون وانه اتغده مرگت شجر هاي مو جريمة

: رصاصة بگلبك تعال تغدة احد گاضبك

: ههههه همزين ما شبعت بالغدة

هزار : خل أگوم أجيبلك خبز

وليد : بله عزام شلون عرافت انه مشتهي سمچ هههه

: أكل ونهمد لاتضل تمسلت هههه

طلعت أم عزام من غرفتها ، ول يمه توكم يله تتغدون؟!

: اي والله يمه شتهينه سمچ ، تعاي تغدي ويانه

: لا يمه بالعافية ، انه راح اخلي القوري ع النار

خلصنه الغدة ولميت السفرة ، وحضرت الاكواب وأخذت الچاي للصالة

هديل وهي ع الدرج ، هزار يمكن هذا تليفونچ يدك

: هدوله نزلي وياچ

:سيف وهو ينشف وجهه بالخاولي ، هزوره صبيلي چاي وياچ

:هديل أنطت التليفون لهزار ، سما متصله عليچ مرتين

:سيف رفع رأسه من مر ذكرها ويحچي بداخلي ، شبي گلبي يفز كما يمر أسمها اوووف ، بهل أثناء دك تليفون
هزار

: هلو سما
وين يعني بالبيت بس تليفوني چان بالغرفة
شبيچ ، صوتچ ما عاجبني !
اي غير مثل ما گلتي
هههه شكو
ماشي براحتچ
باي حبيبتي

هزار وهي تصعد الدرج صاحتها هديل

: يول مو تنامين ترا ساعة و نروح لبيت أهلي

: لتفتت عليها هزار ، ههه وأني شكو بطلعتكم

: يول كلنه نروح جدي عازمنه حتى بيت عمي هارون هم يجون

: ضاجت هزار من سمعت بين عمها هارون حيحضرون هم ، وجهت نظرها لأخوانها وهي تقصد عزام ، أني مبيه حيل طلعه منو بيكم ميروح حتى يبقى وياي ،

: عزام يعرف تقصده بالسؤال ، ضحك بداخلة على غيرتها ،  صعد الدرج وهو يگول ،جدي من يعزم الكل يروح ، انه طالع للمكتب ومناك اجيكم

أم عزام : يمه روحي رتاحي،  بعد وگت  احنه نگعدچ

: ماشي خالة

: قبل ما تدخل غرفتها لتفتت على عزام وهو بطريقة لغرفته حچت من بين سنونها