[ Unicode ]
🖤 ၁၃နှစ်ခန့်ကြာသော် 🖤
American နိုင်ငံ New York Cityရဲ့ လှပမှုက တော်တန်ယုံမဟုတ် ။
နေရာတိုင်းအလိုလို ကင်မရာတစ်လုံးဖြင့် ဓာတ်ပုံရိုက်မှတ်တမ်းတင်နေရင်း မြင်ကွင်းထဲဝင်လာသည့် ရန်ပွဲတစ်ခု ။
ရန်ပွဲဆိုသော်ငြား ဟိုဘက်ဒီဘက် အကြိတ်အနယ် ထိုးသတ်နေသည့်ပွဲတော့မဟုတ် ။
လူငါးယောက်ကို တစ်ယောက်တည်း ခုခံကာ ထိုးကြိတ်နေသည့် မမျှတသည့် ပွဲတစ်ခုသာ ။
မှောင်ရီဝိုးတဝါးအချိန်မို့ လူသွားလူလာ အနည်းငယ်ကြဲပါးနေသည့် ထိုနေရာမှာ သူ့ကိုကယ်တင်နိုင်တာဆိုလို့ ကျနော့်အပြင် အခြားမရှိ ။
အနီးအနားမျက်လုံးကစားလိုက်ပြီး နီးစပ်ရာ လက်နက်တစ်ခုကို ကျနော်ရှာဖွေကြည့်မိသည် ။
ဟောတွေ့ပါပြီ ။
လမ်းစောင်းဘေးထိုးစိုက်ထားသည့် သံတုတ်တွေ ။
အားအနည်းငယ်သုံးကာ သံတုတ်တစ်ချောင်းကို ဆွဲယူနုတ်လိုက်ပြီး နီးရာ လူတစ်ယောက်၏ နောက်စေ့အား ပြေးရိုက်ပစ်လိုက်တာမို့ ထိုလူ့ဒေါသတွေက ကျနော့်ဆီ ဦးတည်လှည့်လာသည် ။
ကူညီချင်စိတ်နှင့်သာ စော်ထည့်လိုက်ပေမဲ့ တကယ်တမ်းတော့ ကျနော်ဟာ သွေးရှိတဲ့သူ မဟုတ် ။
တုန်ရီနေတဲ့လက်ချောင်းများနှင့် တုတ်ကိုတင်းတင်းကိုင်ပြီး တံတွေးတို့အား မြိုချပစ်နေရတာ အခါခါ ။
ဒီလူကျနော့်ကို ဘာမှမလုပ်လောက်ဘူး မဟုတ်လား ။
🖤 ခင်ဗျားနော် အနားကပ်မလာနဲ့နော် 🖤
တစ်လှမ်းချင်းတိုးလာတဲ့ ထိုလူအား ကြောက်ရွံ့စွာ နောက်ဆုတ်ရင်း လမ်းကျဉ်းလေး၏ နံရံနဲ့ကျနော့်ကျောက ကပ်ချေပြီ ။
ထပ်တိုးစရာလည်းမရှိတော့တာမို့ နောက်ကိုတစ်ချက်လှည့်ကြည့်လိုက်ပြီး သံတုတ်အား တောင်တောင်မြောက်မြောက် ဝေ့ယမ်းပစ်လိုက်သည် ။
🖤 ငါမင်းကိုမကြောက်ဘူးများ ထင်နေလား 🖤
အထစ်ထစ်အငေါ့ငေါ့ စကားတို့အား ဆိုနေရင်း ကျနော်အတော်လေး သွေးပျက်နေမိပြီ ။
YOU ARE READING
♥🆁︎🅴︎🅵︎🅻︎🅴︎🅲︎🆃︎🅸🅾︎🅽︎♥
Fanfiction[ Uicode ] ♥လုပ်ရက်တိုင်းမှာ တန်ပြန်သက်ရောက်မှုဆိုတာရှိတယ် လုဟန်။ ခင်ဗျားလုပ်ခဲ့တဲ့ လုပ်ရက်အတွက် ခင်ဗျားသားပေးဆပ်နေရတာလည်း ရောင်ပြန်သဘောတရားပဲလေ။ တရားပါတယ်♥ ♥အိုဆယ်ဟွန်း♥ ♥မင်းရင်ထဲမှာအမုန်းတရားတွေက သိပ်ကိုများနေပြီ...
